ជាតិ
នយោបាយជាតិ
×![]()
ដោយ: សារព័ត៌មានថ្មីៗ
ដូចការគ្រោងទុកគណបក្សសង្គ្រោះជាតិ បានរៀបចំពិធីបង្សុកុលគោរពវិញ្ញាណក្ខន្ធអ្នកស្លាប់បាត់បង់ជីវិតកាលពីថ្ងៃទី ៥-៦ កក្កដា ១៩៩៧ នៅទីស្នាក់ការគណបក្ស។ ប្រធានស្តីទីគណបក្សសង្គ្រោះជាតិឯកឧត្តម កឹម សុខា បានដឹកនាំរៀបចំពិធីបង្សុកុលនេះ ដោយមានការចូលរួមពីតំណាងរាស្ត្រ និងសមាជិក សមាជិកា សកម្មជនគណបក្សចូលរួមផងដែរ។
ថ្លែងនៅក្នុងពិធីបង្សុកុលនេះ ឯកឧត្តម កឹម សុខា បានបញ្ចេញសារនយោបាយយ៉ាងខ្លីថា ខ្មែរទាំងអស់ត្រូវរួមគ្នាបង្កើតសេចក្ដីសុខពិតប្រាកដ ចៀសវាងធ្វើបាបអ្នកដទៃ ហើយបង្កើតសេចក្ដីសម្រាប់តែខ្លួនឯងដែលជារឿងមិនត្រឹមត្រូវឡើយ។
ក្រៅពីគណបក្សសង្គ្រោះជាតិ ក៏មានគណបក្សខ្មែររួបរួមជាតិ ក៏រៀបចំពិធីបង្សុកុលឧទ្ទិសកុសលដល់អ្នកស្លាប់ នៅថ្ងៃ៥-៦ កក្កដា ១៩៩៧នេះដែរ។ បើតាមលោក ញឹក ប៊ុនឆៃ គណបក្សលោកនឹងរៀបចំពិធីគោរពវិញ្ញាណក្ខន្ធ និងបូជនីយកិច្ចដល់អ្នកស្លាប់នេះ នៅវត្តចំបកមាស ដោយមានការចូលរួមពីមន្ត្រី សមាជិក សមាជិកាបក្ស។
គួរបញ្ជាក់ថា កាលពីថ្ងៃទី ៥-៦ កក្កដា ឆ្នាំ ១៩៩៧ មានការផ្ទុះអាវុធបង្ហូរឈាមមួយ នៅកណ្តាលទីក្រុងភ្នំពេញ ដែលមជ្ឈដ្ឋានមួយចំនួនហៅថា ជាការធ្វើ«រដ្ឋប្រហារ» រវាងកងកម្លាំងដែលស្មោះត្រង់ និងលោកហ៊ុន សែន ដែលកាលនោះជានាយករដ្ឋមន្ត្រីទី ២ និងកងកម្លាំង ដែលស្មោះត្រង់នឹងព្រះអង្គម្ចាស់នរោត្តម រណឫទ្ធិ ដែលកាលនោះជានាយករដ្ឋមន្ត្រីទី ១ ។ ការផ្ទុះអាវុធ ដែលមានការបាញ់ផ្លោងកាំភ្លើងធំ និងប្រើកងរថក្រោះ នៅកណ្តាលទីក្រុងភ្នំពេញ ត្រូវបានគេដឹងថា មានកងកម្លាំង និងមន្ត្រីដែលស្មោះត្រង់ នឹងព្រះអង្គម្ចាស់នរោត្តម រណឫទ្ធិ យ៉ាងហោចណាស់ ជាង ១០០ នាក់ ត្រូវបានគេសម្លាប់ ទាំងនៅក្នុងព្រឹត្តិការណ៍ផ្ទះអាវុធនិងនៅក្រោយព្រឹត្តិការណ៍។
ជុំវិញព្រឹត្តិការណ៍ផ្ទុះអាវុធថ្ងៃទី ៥-៦ កក្កដា ១៩៩៧ នោះ ប្រធានគណបក្សសង្គ្រោះជាតិឯកឧត្តម សម រង្ស៊ី នៅតែចោទសម្ដេច ហ៊ុន សែន ធ្វើរដ្ឋប្រហារសម្ដេចក្រុមព្រះ។ ឯកឧត្តម សម រង្ស៊ី ដែលកំពុងគេចខ្លួននៅក្រៅប្រទេសនោះ បានបង្ហោះរូបនាយករដ្ឋមន្ត្រី ហ៊ុន សែន អមដោយសំណេរលើហ្វេសប៊ុកខ្លួនយ៉ាងខ្លីកាលពីម្សិលមិញយ៉ាងដូច្នេះថា៖«ថ្ងៃនេះនិងថ្ងៃស្អែក គឺជាខួបលើកទី១៩ នៃរដ្ឋប្រហារ ថ្ងៃទី៥-៦ កក្កដាឆ្នាំ១៩៩៧ នៅប្រទេសកម្ពុជា ដែលពេលនោះកងកម្លាំងគណបក្សប្រជាជនកម្ពុជាដឹកនាំដោយលោក ហ៊ុន សែន បានកម្ចាត់កងកម្លាំងប្រដាប់អាវុធគណបក្សហ្វ៊ុនស៊ិនប៉ិច ដឹកនាំដោយលោក ញឹក ប៊ុនឆៃ ។ ព្រះអង្គម្ចាស់នរោត្តម រណឫទ្ធិ នាយករដ្ឋមន្ត្រីស្របច្បាប់ ត្រូវបានគេទម្លាក់ពីតំណែង ក្នុងឱកាសរដ្ឋប្រហារនោះ»។
តែយ៉ាងណា អ្នកនាំពាក្យគណបក្សប្រជាជនកម្ពុជា លោក សុខ ឥសាន បានចាត់ទុកការលើករបស់ឯកឧត្តម សម រង្ស៊ី នេះគឺជាការបង្ខូចកេរ្តិ៍ឈ្មោះសម្ដេច ហ៊ុន សែន និងគណបក្សខ្លួនប៉ុណ្ណោះ។ បើតាមលោក សុខ ឥសាន ការផ្ទុះអាវុធថ្ងៃទី ៥-៦ កក្កដា នោះគឺជាការបង្ក្រាបកម្លាំងអនាធិបតេយ្យ។ ថ្លែងប្រាប់សារព័ត៌មានថ្មីៗ អ្នកនាំពាក្យរូបនេះ បានបញ្ជាក់ដូច្នេះថា៖«គាត់(ឯកឧត្តម សម រង្ស៊ី)និយាយខុសពីការពិត ពីព្រោះព្រឹត្តិការណ៍ ៥-៦ កក្កដា កម្លាំងគណបក្សប្រជាជនបោសសំអាតកម្លាំងអនាធិបតេយ្យ ដែលកម្លាំងហ្វ៊ុនស៊ិនប៉ិចចង់បះបោរនាំខ្មែរក្រហមចូលមកកម្ពុជា ដែលកាលនោះសម្ដេចក្រុមព្រះ បាននាំអាវុធរាប់តោនចូលមកតាមកំពង់ផែ ដើម្បីបះបោរ»។
កន្លងមកសម្ដេចនាយករដ្ឋមន្ត្រី ហ៊ុន សែន ធ្លាប់បដិសេធជាច្រើនលើកហើយថា ការផ្ទុះអាវុធថ្ងៃ ៥‑៦ កក្កដា១៩៩៧ មិនមែនជារដ្ឋប្រហារទេ ប៉ុន្តែវាជាការបង្ក្រាបលើកម្លាំងអនាធិបតេយ្យ៕
ថ្លែងនៅក្នុងពិធីបង្សុកុលនេះ ឯកឧត្តម កឹម សុខា បានបញ្ចេញសារនយោបាយយ៉ាងខ្លីថា ខ្មែរទាំងអស់ត្រូវរួមគ្នាបង្កើតសេចក្ដីសុខពិតប្រាកដ ចៀសវាងធ្វើបាបអ្នកដទៃ ហើយបង្កើតសេចក្ដីសម្រាប់តែខ្លួនឯងដែលជារឿងមិនត្រឹមត្រូវឡើយ។
ក្រៅពីគណបក្សសង្គ្រោះជាតិ ក៏មានគណបក្សខ្មែររួបរួមជាតិ ក៏រៀបចំពិធីបង្សុកុលឧទ្ទិសកុសលដល់អ្នកស្លាប់ នៅថ្ងៃ៥-៦ កក្កដា ១៩៩៧នេះដែរ។ បើតាមលោក ញឹក ប៊ុនឆៃ គណបក្សលោកនឹងរៀបចំពិធីគោរពវិញ្ញាណក្ខន្ធ និងបូជនីយកិច្ចដល់អ្នកស្លាប់នេះ នៅវត្តចំបកមាស ដោយមានការចូលរួមពីមន្ត្រី សមាជិក សមាជិកាបក្ស។
គួរបញ្ជាក់ថា កាលពីថ្ងៃទី ៥-៦ កក្កដា ឆ្នាំ ១៩៩៧ មានការផ្ទុះអាវុធបង្ហូរឈាមមួយ នៅកណ្តាលទីក្រុងភ្នំពេញ ដែលមជ្ឈដ្ឋានមួយចំនួនហៅថា ជាការធ្វើ«រដ្ឋប្រហារ» រវាងកងកម្លាំងដែលស្មោះត្រង់ និងលោកហ៊ុន សែន ដែលកាលនោះជានាយករដ្ឋមន្ត្រីទី ២ និងកងកម្លាំង ដែលស្មោះត្រង់នឹងព្រះអង្គម្ចាស់នរោត្តម រណឫទ្ធិ ដែលកាលនោះជានាយករដ្ឋមន្ត្រីទី ១ ។ ការផ្ទុះអាវុធ ដែលមានការបាញ់ផ្លោងកាំភ្លើងធំ និងប្រើកងរថក្រោះ នៅកណ្តាលទីក្រុងភ្នំពេញ ត្រូវបានគេដឹងថា មានកងកម្លាំង និងមន្ត្រីដែលស្មោះត្រង់ នឹងព្រះអង្គម្ចាស់នរោត្តម រណឫទ្ធិ យ៉ាងហោចណាស់ ជាង ១០០ នាក់ ត្រូវបានគេសម្លាប់ ទាំងនៅក្នុងព្រឹត្តិការណ៍ផ្ទះអាវុធនិងនៅក្រោយព្រឹត្តិការណ៍។
ជុំវិញព្រឹត្តិការណ៍ផ្ទុះអាវុធថ្ងៃទី ៥-៦ កក្កដា ១៩៩៧ នោះ ប្រធានគណបក្សសង្គ្រោះជាតិឯកឧត្តម សម រង្ស៊ី នៅតែចោទសម្ដេច ហ៊ុន សែន ធ្វើរដ្ឋប្រហារសម្ដេចក្រុមព្រះ។ ឯកឧត្តម សម រង្ស៊ី ដែលកំពុងគេចខ្លួននៅក្រៅប្រទេសនោះ បានបង្ហោះរូបនាយករដ្ឋមន្ត្រី ហ៊ុន សែន អមដោយសំណេរលើហ្វេសប៊ុកខ្លួនយ៉ាងខ្លីកាលពីម្សិលមិញយ៉ាងដូច្នេះថា៖«ថ្ងៃនេះនិងថ្ងៃស្អែក គឺជាខួបលើកទី១៩ នៃរដ្ឋប្រហារ ថ្ងៃទី៥-៦ កក្កដាឆ្នាំ១៩៩៧ នៅប្រទេសកម្ពុជា ដែលពេលនោះកងកម្លាំងគណបក្សប្រជាជនកម្ពុជាដឹកនាំដោយលោក ហ៊ុន សែន បានកម្ចាត់កងកម្លាំងប្រដាប់អាវុធគណបក្សហ្វ៊ុនស៊ិនប៉ិច ដឹកនាំដោយលោក ញឹក ប៊ុនឆៃ ។ ព្រះអង្គម្ចាស់នរោត្តម រណឫទ្ធិ នាយករដ្ឋមន្ត្រីស្របច្បាប់ ត្រូវបានគេទម្លាក់ពីតំណែង ក្នុងឱកាសរដ្ឋប្រហារនោះ»។
តែយ៉ាងណា អ្នកនាំពាក្យគណបក្សប្រជាជនកម្ពុជា លោក សុខ ឥសាន បានចាត់ទុកការលើករបស់ឯកឧត្តម សម រង្ស៊ី នេះគឺជាការបង្ខូចកេរ្តិ៍ឈ្មោះសម្ដេច ហ៊ុន សែន និងគណបក្សខ្លួនប៉ុណ្ណោះ។ បើតាមលោក សុខ ឥសាន ការផ្ទុះអាវុធថ្ងៃទី ៥-៦ កក្កដា នោះគឺជាការបង្ក្រាបកម្លាំងអនាធិបតេយ្យ។ ថ្លែងប្រាប់សារព័ត៌មានថ្មីៗ អ្នកនាំពាក្យរូបនេះ បានបញ្ជាក់ដូច្នេះថា៖«គាត់(ឯកឧត្តម សម រង្ស៊ី)និយាយខុសពីការពិត ពីព្រោះព្រឹត្តិការណ៍ ៥-៦ កក្កដា កម្លាំងគណបក្សប្រជាជនបោសសំអាតកម្លាំងអនាធិបតេយ្យ ដែលកម្លាំងហ្វ៊ុនស៊ិនប៉ិចចង់បះបោរនាំខ្មែរក្រហមចូលមកកម្ពុជា ដែលកាលនោះសម្ដេចក្រុមព្រះ បាននាំអាវុធរាប់តោនចូលមកតាមកំពង់ផែ ដើម្បីបះបោរ»។
កន្លងមកសម្ដេចនាយករដ្ឋមន្ត្រី ហ៊ុន សែន ធ្លាប់បដិសេធជាច្រើនលើកហើយថា ការផ្ទុះអាវុធថ្ងៃ ៥‑៦ កក្កដា១៩៩៧ មិនមែនជារដ្ឋប្រហារទេ ប៉ុន្តែវាជាការបង្ក្រាបលើកម្លាំងអនាធិបតេយ្យ៕
© រក្សាសិទ្ធិដោយ thmeythmey.com
