ពីនេះ ពីនោះ
សុភាសិតខ្មែរ៖ «ឃើញគេបានកុំឲ្យទៅ បើគេហៅកុំឲ្យខាន» អាចមានអត្ថន័យទាក់ទងវិស័យជំនួញ
×![]()
នៅក្នុងសង្គម ជាទូទៅគេពិបាកស្មានដល់ពីស្ថានភាពចំពោះមុខ ឬស្ថានភាពបែបណាមួយឡើយ។ ចំណែកនៅក្នុងបណ្ដាំសុភាសិតខ្មែរ លោកបានណែនាំនូវពាក្យមួយឃ្លាថា «ឃើញគេបានកុំឲ្យទៅ បើគេហៅកុំឲ្យខាន»។ លក្ខណៈពិសេសរបស់សុភាសិតនេះ អាចមានទំនាក់ទំនងសំខាន់ជាមួយវិស័យជំនួញ។ 
ចំពោះឃ្លាថា «ឃើញគេបានកុំឲ្យទៅ» គឺមានន័យផ្ដល់ការអប់រំថា ជាទូទៅគ្រប់បុគ្គលទាំងអស់មានជាប់សារជាតិមួយគឺ សេចក្ដីចង់បាន។ ហេតុនេះ នៅពេលឃើញអ្នកណាម្នាក់ឬមនុស្សដែលនៅជុំវិញខ្លួនបានអ្វីមួយ តែងតែកើតចិត្តចង់បានដូចគេដែរ។ ចំណុចនេះ ដូនតាលោកបានដាក់បម្រាមរួចជាស្រេចថា «ឃើញគេបានកុំឲ្យទៅ»។ មូលហេតុអ្វីបានជាលោកលើកឡើងបែបនេះ?
យ៉ាងហោចណាស់មានហេតុផលពីយ៉ាងសំខាន់ ដើម្បីស្រាយបំភ្លឺពីពាក្យមួយឃ្លានេះ។ អត្ថន័យទីមួយ គឺមានន័យថា ធ្វើអ្វីក៏ដោយ មិនអាចទទួលបានផលដូចគ្នានោះទេ។ ហេតុនេះ ការរំពឹងថា នឹងទទួលបានដូចអ្នកណាម្នាក់ នោះគឺជារឿងដែលមិនត្រឹមត្រូវឡើយ។ សម្រាប់ន័យទី២ នោះប្រហែលជាដូនតាខ្មែរលោកចង់មានន័យថា មនុស្សម្នាក់ៗមានជំនាញរៀងៗខ្លួន ហេតុនេះ ឃើញអ្នកនេះរកស៊ីផ្នែកនេះមានបាន សូមកុំទៅរកស៊ីតាមគេ ប៉ុន្តែត្រូវមើលថា ខ្លួនអាចមានជំនាញផ្នែកនោះដូចគេដែរឬក៏អត់។ ឧទាហរណ៍ជាក់ស្ដែង នៅក្នុងសង្គមបច្ចុប្បន្ននេះ ប្រជាជនខ្មែរលោកចូលចិត្តតែប្រកបរបរអាជីវកម្មតាមគ្នា។ នៅពេលឃើញ អ្នកជិតខាងខ្លួនរកស៊ីរបរនោះបាននាំគ្នាទៅប្រកបរបរនោះដែរ ទីបំផុតបរាជ័យ។
ចំណែកឃ្លាថា «បើគេហៅកុំឲ្យខាន» គឺជាឃ្លាមួយដែលធ្វើការឆ្លើយតបជាមួយ ឃ្លាថា «ឃើញគេបានកុំឲ្យទៅ»។ មូលហេតុ ដែលត្រូវនិយាយបែបនេះ ព្រោះដោយសារក្នុងអត្ថន័យឃ្លាទីមួយច្បាស់ណាស់ មិនមែនអនុញ្ញាតឲ្យបុគ្គលគ្រប់រូប សម្រេចចិត្តធ្វើអ្វីដោយភ្លាមៗ ដោយគ្មានការគិតពិចារណានោះឡើយ ប៉ុន្តែត្រូវថ្លឹងថ្លែងពីជំនាញរបស់ខ្លួនជាមុន។ ប៉ុន្តែចំពោះឃ្លាទីពីរនេះវិញ លោកគិតថា អ្វីក៏ដោយ ប្រសិនបើមានគេហៅ គេអញ្ជើញហើយ ធ្វើយ៉ាងណាកុំឲ្យអវត្តមាន។ ព្រោះថា ករណីនេះអាចមានហេតុផលថា ទីមួយ.ដើម្បីបង្ហាញពីការផ្ដល់តម្លៃចំពោះអ្នកហៅ ទីពីរ.បើគ្រាន់តែបង្ហាញវត្តមានគឺមិនមែនជាបញ្ហាធំនោះទេ ប៉ុន្តែវាជាឱកាសដើម្បីធ្វើការសិក្សាអង្គេត។
ជារួមមក សុភាសិតដែលលើឡើងថា«ឃើញគេបានកុំឲ្យទៅ បើគេហៅកុំឲ្យខាន» គឺចង់មានន័យដោយខ្លីថា ជាមនុស្សម្នាក់ៗត្រូវមានជំហរសម្រាប់ខ្លួនឯងមួយ ដែលមិនមែនចេះតែធ្វើការសម្រេចចិត្តដោយងាយនើឡើយ ជាពិសេសគឺនៅក្នុងវិស័យជំនួញ។
ចំពោះឃ្លាថា «ឃើញគេបានកុំឲ្យទៅ» គឺមានន័យផ្ដល់ការអប់រំថា ជាទូទៅគ្រប់បុគ្គលទាំងអស់មានជាប់សារជាតិមួយគឺ សេចក្ដីចង់បាន។ ហេតុនេះ នៅពេលឃើញអ្នកណាម្នាក់ឬមនុស្សដែលនៅជុំវិញខ្លួនបានអ្វីមួយ តែងតែកើតចិត្តចង់បានដូចគេដែរ។ ចំណុចនេះ ដូនតាលោកបានដាក់បម្រាមរួចជាស្រេចថា «ឃើញគេបានកុំឲ្យទៅ»។ មូលហេតុអ្វីបានជាលោកលើកឡើងបែបនេះ?
យ៉ាងហោចណាស់មានហេតុផលពីយ៉ាងសំខាន់ ដើម្បីស្រាយបំភ្លឺពីពាក្យមួយឃ្លានេះ។ អត្ថន័យទីមួយ គឺមានន័យថា ធ្វើអ្វីក៏ដោយ មិនអាចទទួលបានផលដូចគ្នានោះទេ។ ហេតុនេះ ការរំពឹងថា នឹងទទួលបានដូចអ្នកណាម្នាក់ នោះគឺជារឿងដែលមិនត្រឹមត្រូវឡើយ។ សម្រាប់ន័យទី២ នោះប្រហែលជាដូនតាខ្មែរលោកចង់មានន័យថា មនុស្សម្នាក់ៗមានជំនាញរៀងៗខ្លួន ហេតុនេះ ឃើញអ្នកនេះរកស៊ីផ្នែកនេះមានបាន សូមកុំទៅរកស៊ីតាមគេ ប៉ុន្តែត្រូវមើលថា ខ្លួនអាចមានជំនាញផ្នែកនោះដូចគេដែរឬក៏អត់។ ឧទាហរណ៍ជាក់ស្ដែង នៅក្នុងសង្គមបច្ចុប្បន្ននេះ ប្រជាជនខ្មែរលោកចូលចិត្តតែប្រកបរបរអាជីវកម្មតាមគ្នា។ នៅពេលឃើញ អ្នកជិតខាងខ្លួនរកស៊ីរបរនោះបាននាំគ្នាទៅប្រកបរបរនោះដែរ ទីបំផុតបរាជ័យ។
ចំណែកឃ្លាថា «បើគេហៅកុំឲ្យខាន» គឺជាឃ្លាមួយដែលធ្វើការឆ្លើយតបជាមួយ ឃ្លាថា «ឃើញគេបានកុំឲ្យទៅ»។ មូលហេតុ ដែលត្រូវនិយាយបែបនេះ ព្រោះដោយសារក្នុងអត្ថន័យឃ្លាទីមួយច្បាស់ណាស់ មិនមែនអនុញ្ញាតឲ្យបុគ្គលគ្រប់រូប សម្រេចចិត្តធ្វើអ្វីដោយភ្លាមៗ ដោយគ្មានការគិតពិចារណានោះឡើយ ប៉ុន្តែត្រូវថ្លឹងថ្លែងពីជំនាញរបស់ខ្លួនជាមុន។ ប៉ុន្តែចំពោះឃ្លាទីពីរនេះវិញ លោកគិតថា អ្វីក៏ដោយ ប្រសិនបើមានគេហៅ គេអញ្ជើញហើយ ធ្វើយ៉ាងណាកុំឲ្យអវត្តមាន។ ព្រោះថា ករណីនេះអាចមានហេតុផលថា ទីមួយ.ដើម្បីបង្ហាញពីការផ្ដល់តម្លៃចំពោះអ្នកហៅ ទីពីរ.បើគ្រាន់តែបង្ហាញវត្តមានគឺមិនមែនជាបញ្ហាធំនោះទេ ប៉ុន្តែវាជាឱកាសដើម្បីធ្វើការសិក្សាអង្គេត។
ជារួមមក សុភាសិតដែលលើឡើងថា«ឃើញគេបានកុំឲ្យទៅ បើគេហៅកុំឲ្យខាន» គឺចង់មានន័យដោយខ្លីថា ជាមនុស្សម្នាក់ៗត្រូវមានជំហរសម្រាប់ខ្លួនឯងមួយ ដែលមិនមែនចេះតែធ្វើការសម្រេចចិត្តដោយងាយនើឡើយ ជាពិសេសគឺនៅក្នុងវិស័យជំនួញ។
Tag:
សុភាសិតខ្មែរ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
1 សប្តាហ៍
