ជាតិ
សេដ្ឋកិច្ច
×![]()
ដោយ: ថ្មីៗ
វិនិយោគផ្ទាល់បរទេសត្រូវបានប៉ាន់ស្មាន ក្នុងទំហំទឹកប្រាក់ប្រមាណ ១៩,២៣ ពាន់លានដុល្លារអាមេរិក នៅចុងឆ្នាំ២០១៤ ។ នេះបើផ្អែកតាមលទ្ធផលនៃការធ្វើអង្កេតវិនិយោគផ្ទាល់បរទេសឆ្នាំ២០១៤ ។ ធនាគារជាតិនៃកម្ពុជា បានសហការជាមួយវិទ្យាស្ថានជាតិស្ថិតិ ធ្វើការអង្កេតនេះ ហើយបានផ្សព្វផ្សាយលទ្ធផល កាលពីថ្ងៃទី២៨ ខែកក្កដាកន្លងទៅ។
បើតាមលទ្ធផលនៃការអង្កេត តំបន់អាស៊ី ជាប្រភពធំជាងគេ ដែលមានទំហំវិនិយោគជិត ៩០ ភាគរយ នៃការវិនិយោគផ្ទាល់បរទេសសរុប ដែលវិនិយោគនៅកម្ពុជា ដែលក្នុងនោះរួមមានកម្មន្តសាល អចលនទ្រព្យ កសិកម្ម វិស័យហិរញ្ញវត្ថុ ថាមពល សេវាកម្មស្នាក់នៅ និងម្ហូបអាហារ ជាដើម។
លទ្ធផលអង្កេតដដែល បានឲ្យដឹងទៀតថា ប្រទេសចិន ដែលរួមមានចិនដីគោក តែវ៉ាន់ ហុងកុង និងម៉ាកាវ ជាប្រទេសមានការវិនិយោគធំជាងគេ ដែលមានសមាមាត្រប្រមាណ ៤៤ភាគរយ នៃការវិនិយោគផ្ទាល់បរទេសសរុបនៅចុងឆ្នាំ២០១៤ ខណៈប្រទេសប្រទេសជាសមាជិកអាស៊ាន ឈរនៅលំដាប់ទី២ ដែលមានសមាមាត្រប្រមាណ ២២ភាគរយ។
ប្រទេសវិនិយោគសំខាន់ៗ ក្នុងសមាគមន៍អាស៊ានរួមមាន ប្រទេសវៀតណាម ម៉ាឡេស៊ី ថៃ និងសិង្ហបុរី លើកលែងតែតែប្រទេសឡាវ និងមីយ៉ាន់ម៉ា ដែលគ្មានការវិនិយោគនៅប្រទេសកម្ពុជា ទន្ទឹមនឹងការការវិនិយោគផ្ទាល់ពីប្រទេសឥណ្ឌូណេស៊ី ហ្វីលីពីន និងព្រុយណេ មានចំនួនតិចតួចប៉ុណ្ណោះ។
ដោយឡែក ប្រទេសកូរ៉េខាងត្បូង និងជប៉ុន ជាប្រទេសវិនិយោគច្រើនជាងគេ ក្នុងចំណោមប្រទេសអាស៊ីផ្សេងៗទៀត។ ចំណែកឯប្រទេសនៅអឺរ៉ុបវិញ មានទំហំវិនិយោគប្រមាណ ៧ភាគរយ នៃការវិនិយោគផ្ទាល់បរទេសសរុប ក្នុងនោះមាន សហភាពអឺរ៉ុប មានសមាមាត្រ ៨៦ភាគរយ នៃទំហំទឹកប្រាក់វិនិយោគរបស់ប្រទេសអឺរ៉ុបទាំងមូល។
លោកស្រី នាវ ច័ន្ទថាណា ទេសាភិបាលរងធនាគារជាតិនៃកម្ពុជា បានមានប្រសាសន៍ថា លទ្ធផលអង្កេតនេះ ត្រូវបានប៉ាន់ស្មានបំពេញបន្ថែម ជាមួយទិន្នន័យរដ្ឋបាលពីក្រសួងស្ថាប័ននានា ទិន្នន័យពីប្រព័ន្ធរបាយការណ៍ប្រតិបត្តិការអន្តរជាតិ របាយការណ៍ហិរញ្ញវត្ថុរបស់សហគ្រាសមួយចំនួន ទិន្នន័យរបស់ប្រទេសដែគូ និងប្រព័ន្ធផ្សព្វផ្សាយនានា ដើម្បីប៉ាន់ស្មានពីកម្រិតនៃវិនិយោគផ្ទាល់បរទេសឆ្នាំ២០១៤ និងធ្វើការកែតម្រូវត្រឡប់ក្រោយ នូវទិន្នន័យចេញផ្សាយនាឆ្នាំ២០១០ ៕
ប្រភព៖ AKP
បើតាមលទ្ធផលនៃការអង្កេត តំបន់អាស៊ី ជាប្រភពធំជាងគេ ដែលមានទំហំវិនិយោគជិត ៩០ ភាគរយ នៃការវិនិយោគផ្ទាល់បរទេសសរុប ដែលវិនិយោគនៅកម្ពុជា ដែលក្នុងនោះរួមមានកម្មន្តសាល អចលនទ្រព្យ កសិកម្ម វិស័យហិរញ្ញវត្ថុ ថាមពល សេវាកម្មស្នាក់នៅ និងម្ហូបអាហារ ជាដើម។
លទ្ធផលអង្កេតដដែល បានឲ្យដឹងទៀតថា ប្រទេសចិន ដែលរួមមានចិនដីគោក តែវ៉ាន់ ហុងកុង និងម៉ាកាវ ជាប្រទេសមានការវិនិយោគធំជាងគេ ដែលមានសមាមាត្រប្រមាណ ៤៤ភាគរយ នៃការវិនិយោគផ្ទាល់បរទេសសរុបនៅចុងឆ្នាំ២០១៤ ខណៈប្រទេសប្រទេសជាសមាជិកអាស៊ាន ឈរនៅលំដាប់ទី២ ដែលមានសមាមាត្រប្រមាណ ២២ភាគរយ។
ប្រទេសវិនិយោគសំខាន់ៗ ក្នុងសមាគមន៍អាស៊ានរួមមាន ប្រទេសវៀតណាម ម៉ាឡេស៊ី ថៃ និងសិង្ហបុរី លើកលែងតែតែប្រទេសឡាវ និងមីយ៉ាន់ម៉ា ដែលគ្មានការវិនិយោគនៅប្រទេសកម្ពុជា ទន្ទឹមនឹងការការវិនិយោគផ្ទាល់ពីប្រទេសឥណ្ឌូណេស៊ី ហ្វីលីពីន និងព្រុយណេ មានចំនួនតិចតួចប៉ុណ្ណោះ។
ដោយឡែក ប្រទេសកូរ៉េខាងត្បូង និងជប៉ុន ជាប្រទេសវិនិយោគច្រើនជាងគេ ក្នុងចំណោមប្រទេសអាស៊ីផ្សេងៗទៀត។ ចំណែកឯប្រទេសនៅអឺរ៉ុបវិញ មានទំហំវិនិយោគប្រមាណ ៧ភាគរយ នៃការវិនិយោគផ្ទាល់បរទេសសរុប ក្នុងនោះមាន សហភាពអឺរ៉ុប មានសមាមាត្រ ៨៦ភាគរយ នៃទំហំទឹកប្រាក់វិនិយោគរបស់ប្រទេសអឺរ៉ុបទាំងមូល។
លោកស្រី នាវ ច័ន្ទថាណា ទេសាភិបាលរងធនាគារជាតិនៃកម្ពុជា បានមានប្រសាសន៍ថា លទ្ធផលអង្កេតនេះ ត្រូវបានប៉ាន់ស្មានបំពេញបន្ថែម ជាមួយទិន្នន័យរដ្ឋបាលពីក្រសួងស្ថាប័ននានា ទិន្នន័យពីប្រព័ន្ធរបាយការណ៍ប្រតិបត្តិការអន្តរជាតិ របាយការណ៍ហិរញ្ញវត្ថុរបស់សហគ្រាសមួយចំនួន ទិន្នន័យរបស់ប្រទេសដែគូ និងប្រព័ន្ធផ្សព្វផ្សាយនានា ដើម្បីប៉ាន់ស្មានពីកម្រិតនៃវិនិយោគផ្ទាល់បរទេសឆ្នាំ២០១៤ និងធ្វើការកែតម្រូវត្រឡប់ក្រោយ នូវទិន្នន័យចេញផ្សាយនាឆ្នាំ២០១០ ៕
ប្រភព៖ AKP
Tag:
វិនិយោគ
© រក្សាសិទ្ធិដោយ thmeythmey.com
