ពីនេះ ពីនោះ
តើពាក្យ«គុំគួន» និងពាក្យ«គុំកួន»ពាក្យណាដែលជាពាក្យត្រឹមត្រូវ?
× សាធារណជនមួយតែងតែនិយាយ និងសរសេរ «គុំគួន» និងពាក្យ«គុំកួន» ប៉ុន្តែនៅតែមានការភ័ន្តច្រឡំ ព្រោះនៅមិនទាន់ច្បាប់ថា ពាក្យមួយណាជាពាក្យត្រឹមត្រូវនោះទេ។ វចនានុក្រមខ្មែររបស់ សម្ដេចព្រះសង្ឃរាជ ជួន ណាត ពាក្យដែលត្រឹមត្រូវគឺពាក្យ «គុំកួន»។
ពាក្យ«គុំកួន» ជាពាក្យបន្ថែមចុងរបស់ពាក្យ«គុំ» ដែលមានថ្នាក់ពាក្យជាកិរិយាសព្ទ មានន័យថា ប៉ងដោយអាក្រក់, ប៉ងធ្វើការបៀតបៀនគេ, ចងចិត្តព្យាបាទគេ, ចងគំនុំៈ គុំវាយ, គុំបម្រុងនឹងសងសឹកវិញ។ ចំណែកពាក្យថា«គុំកួន» មានន័យថា គុំយ៉ាងខ្ជាប់ខ្ជួនមិនបណ្ដោយឲ្យភ្លេច។ ឧទាហរណ៍ វាគុំកួនយូរហើយ បម្រុងនឹងលបវាយមិត្តចាស់របស់វា។
ដកស្រង់ពីវចនានុក្រមសម្ដេចព្រះសង្ឃរាជ ជួន ណាត
© រក្សាសិទ្ធិដោយ thmeythmey.com