អន្តរជាតិ
×![]()
ដោយ: ធីតា
អ្នកនេសាទហ្វីលីពីនម្នាក់ បានរក្សាទុកគជ់ខ្យងដ៏ធំបំផុតលើពិភពលោក ទុកក្រោមគ្រែរបស់ខ្លួនអស់ជាង១០ឆ្នាំ ដោយសារគាត់មិនបានដឹងពីតម្លៃមហាសាលរបស់វា។ នេះបើតាមការផ្សាយរបស់ទីភ្នាក់ងារព័ត៌មាន AFP ។
កាលពីជាង១០ឆ្នាំមុន អ្នកនេសាទ បានរកឃើញគជ់ខ្យងយក្សដែលនៅក្បែរទូករបស់ខ្លួននៅកោះ Palawan ដែលជាកោះធំជាងគេនៅភាគខាងលិចប្រទេសហ្វីលីពីន។
អ្នកស្រី Cynthia Amurao អ្នកទទួលបន្ទុកផ្នែកទេសចរណ៍ប្រចាំក្រុង Puerto Princesa បានបញ្ជាក់ប្រាប់ទូរទស្សន៍ CNN ថា គជ់ខ្យងនោះ មានទម្ងន់រហូតដល់ទៅ ៣៤គីឡូក្រាម និងមានតម្លៃរាប់លានដុល្លារអាមេរិក។
អ្នកនេសាទ បានយកគជ់ដែលមានតម្លៃមហាសាល ទុកចោលក្រោមគ្រែរបស់ខ្លួន ដោយគ្រាន់តែចាត់ទុកថា វាជាវត្ថុត្រជាក់ត្រជុំប៉ុណ្ណោះ។ គាត់មិនបានដឹងពីតម្លៃដ៏មហាសាលរបស់វានោះឡើយ។
កាលពីខែកក្កដា កន្លងទៅ ក្មួយប្រុសរបស់អ្នកនេសាទ បានយកគជ់ទៅបង្ហាញម្តាយមីងម្នាក់ទៀតរបស់ខ្លួនគឺអ្នកស្រី Amurao។ អ្នកស្រី Amurao បានស្នើសុំអ្នកនេសាទដែលជាសាច់ញាតិរបស់ខ្លួនឲ្យយកគជ់ខ្យងបង្ហាញជាសាធារណៈ និងដើម្បីឲ្យបានដឹងពីតម្លៃពិតប្រាកដរបស់វា។
គជ់ខ្យងត្រូវបានវេចខ្ចប់ផ្ញើទៅសាលាក្រុង Puerto Princesa ដើម្បីរង់ចាំអ្នកជំនាញធ្វើការវាយតម្លៃ។ អ្នកនេសាទនៅតែម្ចាស់កម្មសិទ្ធិផ្តាច់មុខរបស់គជ់ខ្យងនោះ ពីព្រោះ គាត់មិនបានប្រកាសប្រគល់ឲ្យអាជ្ញាធរដែនដីនោះឡើយ។
ឈ្មោះអ្នកនេសាទ និងប្រភពច្បាស់លាស់នៃគជ់ខ្យងដ៏ធំនោះ មិនត្រូវបង្ហើបឲ្យដឹងនៅឡើយទេ។ បច្ចុប្បន្ន «គជ់ Allah» ឬ «គជ់ Lao Tzu» ដែលមានទម្ងន់១៤គីឡូក្រាម ជាប់ឈ្មោះជាគជ់ដែលមានទំហំធំជាងគេ។ គជ់នេះ ត្រូវបានរកឃើញកាលពីអំឡុងឆ្នាំ១៩៣០ នៅកោះ Palawan ដូចគ្នា៕
កាលពីជាង១០ឆ្នាំមុន អ្នកនេសាទ បានរកឃើញគជ់ខ្យងយក្សដែលនៅក្បែរទូករបស់ខ្លួននៅកោះ Palawan ដែលជាកោះធំជាងគេនៅភាគខាងលិចប្រទេសហ្វីលីពីន។
អ្នកស្រី Cynthia Amurao អ្នកទទួលបន្ទុកផ្នែកទេសចរណ៍ប្រចាំក្រុង Puerto Princesa បានបញ្ជាក់ប្រាប់ទូរទស្សន៍ CNN ថា គជ់ខ្យងនោះ មានទម្ងន់រហូតដល់ទៅ ៣៤គីឡូក្រាម និងមានតម្លៃរាប់លានដុល្លារអាមេរិក។
អ្នកនេសាទ បានយកគជ់ដែលមានតម្លៃមហាសាល ទុកចោលក្រោមគ្រែរបស់ខ្លួន ដោយគ្រាន់តែចាត់ទុកថា វាជាវត្ថុត្រជាក់ត្រជុំប៉ុណ្ណោះ។ គាត់មិនបានដឹងពីតម្លៃដ៏មហាសាលរបស់វានោះឡើយ។
កាលពីខែកក្កដា កន្លងទៅ ក្មួយប្រុសរបស់អ្នកនេសាទ បានយកគជ់ទៅបង្ហាញម្តាយមីងម្នាក់ទៀតរបស់ខ្លួនគឺអ្នកស្រី Amurao។ អ្នកស្រី Amurao បានស្នើសុំអ្នកនេសាទដែលជាសាច់ញាតិរបស់ខ្លួនឲ្យយកគជ់ខ្យងបង្ហាញជាសាធារណៈ និងដើម្បីឲ្យបានដឹងពីតម្លៃពិតប្រាកដរបស់វា។
គជ់ខ្យងត្រូវបានវេចខ្ចប់ផ្ញើទៅសាលាក្រុង Puerto Princesa ដើម្បីរង់ចាំអ្នកជំនាញធ្វើការវាយតម្លៃ។ អ្នកនេសាទនៅតែម្ចាស់កម្មសិទ្ធិផ្តាច់មុខរបស់គជ់ខ្យងនោះ ពីព្រោះ គាត់មិនបានប្រកាសប្រគល់ឲ្យអាជ្ញាធរដែនដីនោះឡើយ។
ឈ្មោះអ្នកនេសាទ និងប្រភពច្បាស់លាស់នៃគជ់ខ្យងដ៏ធំនោះ មិនត្រូវបង្ហើបឲ្យដឹងនៅឡើយទេ។ បច្ចុប្បន្ន «គជ់ Allah» ឬ «គជ់ Lao Tzu» ដែលមានទម្ងន់១៤គីឡូក្រាម ជាប់ឈ្មោះជាគជ់ដែលមានទំហំធំជាងគេ។ គជ់នេះ ត្រូវបានរកឃើញកាលពីអំឡុងឆ្នាំ១៩៣០ នៅកោះ Palawan ដូចគ្នា៕
© រក្សាសិទ្ធិដោយ thmeythmey.com
