ជាតិ
ស្ថានភាពទឹកហូរក្រោមស្ពានក្នុងក្រុងស្ទឹងសែនខេត្តកំពង់ធំ, រូបភាពក្រសួងធនធានទឹក
×![]()
ភ្នំពេញ៖ ក្រសួងធនធានទឹក និងឧតុនិយម បានជូនដំណឹងដល់ អាជ្ញាធរខេត្ត ស្រុក ក្រុង ឃុំ សង្កាត់ និងប្រជាពលរដ្ឋ ដែលរស់នៅតាមដងស្ទឹងសែនខេត្តកំពង់ធំ បង្កើនការយកចិត្តទុកដាក់ ប្រុងប្រយ័ត្ន ខណៈកម្ពស់ទឹកស្ទឹងសែនកើនឡើងដល់កម្ពស់១២,៨៩ម៉ែត្រនៅត្រឹមថ្ងៃទី២០ ខែកញ្ញានេះ។ 
គិតត្រឹមថ្ងៃទី២០ខែកញ្ញានេះ កម្ពស់ទឹកស្ទឹងសែន ខេត្តកំពង់ធំបានកើនឡើង ដល់១២.៨៩ម៉ែត្រ។ ស្ថានភាពនេះ អាចនឹងបន្តកើនឡើងបន្តទៀត ខណៈដែលប្រព័ន្ធសម្ពាធទាប បានចាប់ផ្ដើមមាន នេះបើតាមការជូនដំណឹងពីក្រសួងធនធានទឹក និងឧតុនិយម។
ប្រធានមន្ទីធនធានទឹក និងឧតុនិយមខេត្តកំពង់ធំ លោក យូ ឡា បានប្រាប់សារព័ត៌មានថ្មី នៅរសៀលថ្ងៃទី២០នេះថា ស្ថានភាពទឹកនៅក្រុងស្ទឹងសែន ស្ថិតក្នុងសភាពធម្មតានោះទេ។ ដោយឡែក បន្ទាប់ពីក្រសួងធនធានទឹក ជូនដំណឹងកាលពីថ្ងៃទី១៩ អំពីស្ថានភាពសម្ពាធទាប ដែលតម្រូវឲ្យខេត្តចំនួនប្រាំពីរត្រូវប្រុងប្រយ័ត្នមក ខេត្តកំពង់ធំ ក៏ចាប់ផ្ដើមមានភ្លៀងធ្លាក់ខ្លាំងផងដែរ។
ទោះជាយ៉ាងណា ស្ថានភាពទឹកក្នុងខេត្ត និងប្រព័ន្ធសម្ពាធទាប មិនគួរឲ្យបារម្ភខ្លាំងទេសម្រាប់ខេត្តកំពង់ធំ។ លោក យូ ឡា បញ្ជាក់ថា៖ «កម្ពស់ទឹកស្ទឹងសែន ប៉ុន្មានថ្ងៃនេះមានការកើនឡើង ជុំវិញ១០សង់ទីម៉ែត្រ ប៉ុន្តែវាមិនទាន់ធ្វើឲ្យយើងមានការព្រួយបារម្ភខ្លាំងទេ។ ប៉ុន្តែអ្វីដែលខ្ញុំបារម្ភ គឺទឹកដែលធ្លាក់មកពីខេត្តព្រះវិហារ, ប្រទេសឡាវ និង ប្រទេសថៃ ដែលនឹងត្រូវហូរកាត់តាមស្ទឹងសែន ទើបជាការបារម្ភរបស់ខ្ញុំ។ ពីព្រោះ ក្នុងតំបន់ខេត្តនេះយើងអាចគ្រប់គ្រងបាន ប៉ុន្តែប្រសិនបើទឹកធ្លាក់មកពីតំបន់ខាងលើ យើងមិនអាចដឹងមុនទេ។ ចំណុចនេះដែលខ្ញុំបារម្ភ ហើយប្រជាពលរដ្ឋត្រូវប្រុងប្រយ័ត្ន»។
ដ្បិតថា កម្ពស់ទឹកស្ទឹងសែន ឡើងដល់កម្ពស់ ១២.៨៩ម៉ែត្រក្ដី ប៉ុន្តែកម្ពស់ទឹកដែលត្រូវ ប្រកាសឲ្យប្រុងប្រយ័ត្ន គឺនៅ១៣.៥០ម៉ែត្រ គឺអាចនៅជាង០.៥០ម៉ែត្រទើបត្រូវប្រកាស។
បន្ថែមពីនេះប្រធានមន្ទីរូបនេះ បានបញ្ជាក់ថា ប្រសិនបើស្ថានភាពទឹក ឡើងដល់ប្រកាសឲ្យប្រុងប្រយ័ត្ន តំបន់ដែលប៉ះពាល់មុនគេ គឺនៅក្នុងក្រុងស្ទឹងសែនតែម្ដង ហើយនឹង បណ្ដាស្រុកផ្នែកខាងក្រោម ជាពិសេសស្រុកកំពង់ស្វាយ ដែលជាតំបន់ទំនាប។ ដោយឡែក បណ្ដាស្រុកផ្នែកខាងលើ ដូចជាស្រុកសន្ទុក ស្រុកបារាយណ៍ ស្រុកស្ទោង ស្រុកប្រាសាទសំបូរ ជាដើមប្រជាកសិករនៅត្រូវការទឹកដើម្បីផ្គត់ផ្គងដំណាំស្រូវនៅឡើយ។
ប៉ុន្តែទោះជាយ៉ាងណា លោក យូ ឡា ចាត់ទុកថានេះជាការជូនដំណឹងទុកជាមុន ដើម្បីប្រជាពលរដ្ឋក្នុងខេត្តកំពង់ធំ បង្កើនការប្រុងប្រយ័ត្ន ជាពិសេសប្រជាពលរដ្ឋនៅក្រុងស្ទឹងសែន៕
គិតត្រឹមថ្ងៃទី២០ខែកញ្ញានេះ កម្ពស់ទឹកស្ទឹងសែន ខេត្តកំពង់ធំបានកើនឡើង ដល់១២.៨៩ម៉ែត្រ។ ស្ថានភាពនេះ អាចនឹងបន្តកើនឡើងបន្តទៀត ខណៈដែលប្រព័ន្ធសម្ពាធទាប បានចាប់ផ្ដើមមាន នេះបើតាមការជូនដំណឹងពីក្រសួងធនធានទឹក និងឧតុនិយម។
ប្រធានមន្ទីធនធានទឹក និងឧតុនិយមខេត្តកំពង់ធំ លោក យូ ឡា បានប្រាប់សារព័ត៌មានថ្មី នៅរសៀលថ្ងៃទី២០នេះថា ស្ថានភាពទឹកនៅក្រុងស្ទឹងសែន ស្ថិតក្នុងសភាពធម្មតានោះទេ។ ដោយឡែក បន្ទាប់ពីក្រសួងធនធានទឹក ជូនដំណឹងកាលពីថ្ងៃទី១៩ អំពីស្ថានភាពសម្ពាធទាប ដែលតម្រូវឲ្យខេត្តចំនួនប្រាំពីរត្រូវប្រុងប្រយ័ត្នមក ខេត្តកំពង់ធំ ក៏ចាប់ផ្ដើមមានភ្លៀងធ្លាក់ខ្លាំងផងដែរ។
ទោះជាយ៉ាងណា ស្ថានភាពទឹកក្នុងខេត្ត និងប្រព័ន្ធសម្ពាធទាប មិនគួរឲ្យបារម្ភខ្លាំងទេសម្រាប់ខេត្តកំពង់ធំ។ លោក យូ ឡា បញ្ជាក់ថា៖ «កម្ពស់ទឹកស្ទឹងសែន ប៉ុន្មានថ្ងៃនេះមានការកើនឡើង ជុំវិញ១០សង់ទីម៉ែត្រ ប៉ុន្តែវាមិនទាន់ធ្វើឲ្យយើងមានការព្រួយបារម្ភខ្លាំងទេ។ ប៉ុន្តែអ្វីដែលខ្ញុំបារម្ភ គឺទឹកដែលធ្លាក់មកពីខេត្តព្រះវិហារ, ប្រទេសឡាវ និង ប្រទេសថៃ ដែលនឹងត្រូវហូរកាត់តាមស្ទឹងសែន ទើបជាការបារម្ភរបស់ខ្ញុំ។ ពីព្រោះ ក្នុងតំបន់ខេត្តនេះយើងអាចគ្រប់គ្រងបាន ប៉ុន្តែប្រសិនបើទឹកធ្លាក់មកពីតំបន់ខាងលើ យើងមិនអាចដឹងមុនទេ។ ចំណុចនេះដែលខ្ញុំបារម្ភ ហើយប្រជាពលរដ្ឋត្រូវប្រុងប្រយ័ត្ន»។
ដ្បិតថា កម្ពស់ទឹកស្ទឹងសែន ឡើងដល់កម្ពស់ ១២.៨៩ម៉ែត្រក្ដី ប៉ុន្តែកម្ពស់ទឹកដែលត្រូវ ប្រកាសឲ្យប្រុងប្រយ័ត្ន គឺនៅ១៣.៥០ម៉ែត្រ គឺអាចនៅជាង០.៥០ម៉ែត្រទើបត្រូវប្រកាស។
បន្ថែមពីនេះប្រធានមន្ទីរូបនេះ បានបញ្ជាក់ថា ប្រសិនបើស្ថានភាពទឹក ឡើងដល់ប្រកាសឲ្យប្រុងប្រយ័ត្ន តំបន់ដែលប៉ះពាល់មុនគេ គឺនៅក្នុងក្រុងស្ទឹងសែនតែម្ដង ហើយនឹង បណ្ដាស្រុកផ្នែកខាងក្រោម ជាពិសេសស្រុកកំពង់ស្វាយ ដែលជាតំបន់ទំនាប។ ដោយឡែក បណ្ដាស្រុកផ្នែកខាងលើ ដូចជាស្រុកសន្ទុក ស្រុកបារាយណ៍ ស្រុកស្ទោង ស្រុកប្រាសាទសំបូរ ជាដើមប្រជាកសិករនៅត្រូវការទឹកដើម្បីផ្គត់ផ្គងដំណាំស្រូវនៅឡើយ។
ប៉ុន្តែទោះជាយ៉ាងណា លោក យូ ឡា ចាត់ទុកថានេះជាការជូនដំណឹងទុកជាមុន ដើម្បីប្រជាពលរដ្ឋក្នុងខេត្តកំពង់ធំ បង្កើនការប្រុងប្រយ័ត្ន ជាពិសេសប្រជាពលរដ្ឋនៅក្រុងស្ទឹងសែន៕
Tag:
កំពង់ធំ
ស្ទឹងសែន
© រក្សាសិទ្ធិដោយ thmeythmey.com
«នាំអាត» និង«នាំអាទិ៍»មួយណាត្រឹមត្រូវ?
1 សប្តាហ៍
