អន្តរជាតិ
នយោបាយអន្តរជាតិ
លោកស្រីយីងឡាក់ប្រាប់លោកប្រាយុទ្ធឲ្យ«ស៊ើបអង្កេតប្អូនប្រុសលោកផង!»
អតីតនាយករដ្ឋមន្ត្រីថៃ យីងឡាក់ ស៊ីណាវ៉ត្រា (រូបភាពពីហ្វេសប៊ុក Yingluck Shinawatra)
×![]()
អតីតនាយករដ្ឋមន្ត្រីថៃ លោកស្រី យីងឡាក់ ស៊ីណាវ៉ាត្រា បានប្រាប់មេដឹកនាំរបបយោធាថៃ លោកឧត្តមសេនីយ៍ ប្រាយុទ្ធ ចន្ទអូចា ឲ្យបើកការស៊ើបអង្កេតលើករណីពុករលួយរបស់ប្អូនប្រុសលោក ពាក់ព័ន្ធនឹងការផ្ដល់កិច្ចសន្យាសាងសង់ខុសច្បាប់ និងការតែងតាំងឋានៈកូនប្រុស។ លោកស្រី យីងឡាក់ ស្នើឲ្យមេដឹកនាំយោធា អនុវត្តច្បាប់ឲ្យស្មើភាពដូចដែលរបបយោធាធ្វើដាក់លោកស្រីដូច្នោះដែរ។ 
លោកស្រី យីងឡាក់ ស៊ីណាវ៉ាត្រា បានផ្ញើសារទៅឲ្យនាយករដ្ឋមន្ត្រីបច្ចុប្បន្ន លោក ប្រាយុទ្ធ ចន្ទអូចា ដោយស្នើឲ្យលោកមិនត្រូវអនុវត្តស្តង់ដាពីរជាន់លើករណីពុករលួយរបស់ប្អូនប្រុសរបស់លោក គឺលេខាធិការអចិន្ត្រៃយ៍ក្រសួងការពារជាតិ លោក ព្រីឆា ចន្ទអូចា (Preecha Chan-ocha)។ លោកស្រី បានអំពាវនាវឲ្យលោក ប្រាយុទ្ធ ស៊ើបអង្កេតករណីនេះ ដូចដែលរបបយោធាស៊ើបអង្កេតករណីទិញស្រូវរបស់លោកស្រីដែរ។
អតីតនាយករដ្ឋមន្ត្រីថៃរូបនេះបានបង្ហោះសារដូចនេះលើទំព័រហ្វេសប៊ុក នៅថ្ងៃទី២៥ ខែកញ្ញា បន្ទាប់ពីនាយករដ្ឋមន្ត្រី ប្រាយុទ្ធ និយាយថា ការដែលរដ្ឋាភិបាលថៃ បញ្ជាឲ្យលោកស្រី យីងឡាក់ សងប្រាក់លើគម្រោងទិញស្រូវរបស់រដ្ឋាភិបាលលោកស្រី គឺគ្រាន់តែជាការអនុវត្តច្បាប់ មិនមែនជាការធ្វើទុក្ខបុកម្នេញលោកស្រីឡើយ។ ហើយលោក ប្រាយុទ្ធ អះអាងថា លោកស្រី មានកាត្វកិច្ចផ្លូវច្បាប់ក្នុងការសងលុយនេះ។
លោកស្រី យីងឡាក់ សរសេរដូច្នេះថា៖ «ដោយសារនាយករដ្ឋមន្ត្រីបញ្ជាក់ផ្ទាល់មាត់ហើយថា ចំណាត់ផ្លូវច្បាប់លើខ្ញុំ គឺផ្អែកលើច្បាប់ និងមិនមែនជាការធ្វើបាបទេនោះ ខ្ញុំចង់ឲ្យលោកនាយករដ្ឋមន្ត្រី អនុវត្តច្បាប់ដូចគ្នានេះ លើប្អូនប្រុសរបស់លោក និងមនុស្សទាំងឡាយដែលនៅខាងលោក។ ច្បាប់ទាំងអស់ ត្រូវតែអនុវត្តលើមនុស្សទាំងអស់ មិនមែនតែលើខ្ញុំឡើយ។»
សូមរម្លឹកថា ប្អូនប្រុសលោកនាយករដ្ឋមន្ត្រីថៃ ប្រាយុទ្ធ ចន្ទអូចា គឺលោកឧត្តមសេនីយ៍ ព្រីឆា ចោមរោមដោយការចោទប្រកាន់រឿងប្រកាន់បក្សពួកនិយម ជុំវិញរឿងកិច្ចសន្យាសាងសង់ដែលជាប់ពាក់ព័ន្ធជាមួយប្រពន្ធ និងកូនប្រុសរបស់លោកនោះ។ យ៉ាងណា លោកឧត្តមសេនីយ៍ ព្រីឆា បានបដិសេធរឿងនេះ និងស្វាគមន៍ឲ្យមានការស៊ើបអង្កេត ដើម្បីដឹងរឿងឲ្យច្បាស់លាស់។
សូមជម្រាបផងដែរ លោកស្រី យីងឡាក់ ស៊ីណាវ៉ាត្រា ត្រូវបានទម្លាក់ពីតំណែងជានាយករដ្ឋមន្ត្រី ដោយសាររដ្ឋប្រហារយោធានៅថ្ងៃទី២២ ខែឧសភា ឆ្នាំ២០១៤ ដែលដឹកនាំដោយលោកឧត្តមសេនីយ៍ ប្រាយុទ្ធ ដែលជានាយករដ្ឋមន្ត្រីថៃបច្ចុប្បន្ន។ ក្រោយអស់អំណាច លោកស្រី ត្រូវបានសភាថៃ ផ្អាកពីកិច្ចការនយោបាយរយៈពេលប្រាំឆ្នាំ និងកំពុងរងការចោទប្រកាន់ទាំងបទព្រហ្មទណ្ឌ និងរដ្ឋប្បវេណីពាក់ព័ន្ធការធ្វើឲ្យបាត់បង់ថវិកាជាតិរាប់លានដុល្លារក្នុងពេលលោកស្រីដឹកនាំប្រទេសផងដែរ៕
លោកស្រី យីងឡាក់ ស៊ីណាវ៉ាត្រា បានផ្ញើសារទៅឲ្យនាយករដ្ឋមន្ត្រីបច្ចុប្បន្ន លោក ប្រាយុទ្ធ ចន្ទអូចា ដោយស្នើឲ្យលោកមិនត្រូវអនុវត្តស្តង់ដាពីរជាន់លើករណីពុករលួយរបស់ប្អូនប្រុសរបស់លោក គឺលេខាធិការអចិន្ត្រៃយ៍ក្រសួងការពារជាតិ លោក ព្រីឆា ចន្ទអូចា (Preecha Chan-ocha)។ លោកស្រី បានអំពាវនាវឲ្យលោក ប្រាយុទ្ធ ស៊ើបអង្កេតករណីនេះ ដូចដែលរបបយោធាស៊ើបអង្កេតករណីទិញស្រូវរបស់លោកស្រីដែរ។
អតីតនាយករដ្ឋមន្ត្រីថៃរូបនេះបានបង្ហោះសារដូចនេះលើទំព័រហ្វេសប៊ុក នៅថ្ងៃទី២៥ ខែកញ្ញា បន្ទាប់ពីនាយករដ្ឋមន្ត្រី ប្រាយុទ្ធ និយាយថា ការដែលរដ្ឋាភិបាលថៃ បញ្ជាឲ្យលោកស្រី យីងឡាក់ សងប្រាក់លើគម្រោងទិញស្រូវរបស់រដ្ឋាភិបាលលោកស្រី គឺគ្រាន់តែជាការអនុវត្តច្បាប់ មិនមែនជាការធ្វើទុក្ខបុកម្នេញលោកស្រីឡើយ។ ហើយលោក ប្រាយុទ្ធ អះអាងថា លោកស្រី មានកាត្វកិច្ចផ្លូវច្បាប់ក្នុងការសងលុយនេះ។
លោកស្រី យីងឡាក់ សរសេរដូច្នេះថា៖ «ដោយសារនាយករដ្ឋមន្ត្រីបញ្ជាក់ផ្ទាល់មាត់ហើយថា ចំណាត់ផ្លូវច្បាប់លើខ្ញុំ គឺផ្អែកលើច្បាប់ និងមិនមែនជាការធ្វើបាបទេនោះ ខ្ញុំចង់ឲ្យលោកនាយករដ្ឋមន្ត្រី អនុវត្តច្បាប់ដូចគ្នានេះ លើប្អូនប្រុសរបស់លោក និងមនុស្សទាំងឡាយដែលនៅខាងលោក។ ច្បាប់ទាំងអស់ ត្រូវតែអនុវត្តលើមនុស្សទាំងអស់ មិនមែនតែលើខ្ញុំឡើយ។»
សូមរម្លឹកថា ប្អូនប្រុសលោកនាយករដ្ឋមន្ត្រីថៃ ប្រាយុទ្ធ ចន្ទអូចា គឺលោកឧត្តមសេនីយ៍ ព្រីឆា ចោមរោមដោយការចោទប្រកាន់រឿងប្រកាន់បក្សពួកនិយម ជុំវិញរឿងកិច្ចសន្យាសាងសង់ដែលជាប់ពាក់ព័ន្ធជាមួយប្រពន្ធ និងកូនប្រុសរបស់លោកនោះ។ យ៉ាងណា លោកឧត្តមសេនីយ៍ ព្រីឆា បានបដិសេធរឿងនេះ និងស្វាគមន៍ឲ្យមានការស៊ើបអង្កេត ដើម្បីដឹងរឿងឲ្យច្បាស់លាស់។
សូមជម្រាបផងដែរ លោកស្រី យីងឡាក់ ស៊ីណាវ៉ាត្រា ត្រូវបានទម្លាក់ពីតំណែងជានាយករដ្ឋមន្ត្រី ដោយសាររដ្ឋប្រហារយោធានៅថ្ងៃទី២២ ខែឧសភា ឆ្នាំ២០១៤ ដែលដឹកនាំដោយលោកឧត្តមសេនីយ៍ ប្រាយុទ្ធ ដែលជានាយករដ្ឋមន្ត្រីថៃបច្ចុប្បន្ន។ ក្រោយអស់អំណាច លោកស្រី ត្រូវបានសភាថៃ ផ្អាកពីកិច្ចការនយោបាយរយៈពេលប្រាំឆ្នាំ និងកំពុងរងការចោទប្រកាន់ទាំងបទព្រហ្មទណ្ឌ និងរដ្ឋប្បវេណីពាក់ព័ន្ធការធ្វើឲ្យបាត់បង់ថវិកាជាតិរាប់លានដុល្លារក្នុងពេលលោកស្រីដឹកនាំប្រទេសផងដែរ៕
Tag:
ថៃ
អាស៊ាន
© រក្សាសិទ្ធិដោយ thmeythmey.com
