អន្តរជាតិ
×![]()
ដោយ: តន ចាន់រិទ្ធារ៉ា
បារាំង បានក្លាយជាប្រទេសទីមួយលើពិភពលោក ដែលហាមឃាត់ការប្រើប្រាស់ចាន និងកែវធ្វើពីប្លាស្ទិច។ គោលដៅនៃការហាមឃាត់នេះ សំដៅកាត់បន្ថយផលប៉ះពាល់នៃបម្រែបម្រួលអាកាសធាតុ ដែលជាបញ្ហាប្រឈមធំបំផុតរបស់ពិភពលោកនាពេលបច្ចុប្បន្ន។ ប៉ុន្តែ ការហាមឃាត់នេះ ក៏រងការរិះគន់ផងដែរ ដ្បិតវាបានល្មើសនឹងបទបញ្ញត្តិរបស់សហភាពអឺរ៉ុប។
ប្រទេសបារាំង ទើបតែអនុម័តច្បាប់ថ្មីដែលតម្រូវឲ្យផលិតផលសម្រាប់បរិភោគអាហារមានចាន ស្លាបព្រា កែវ ជាដើមនោះ ត្រូវផលិតពីវត្ថុធាតុជីវៈ ចាប់ពី៥០ភាគរយឡើងទៅ និងអាចធ្វើជីបាននៅត្រឹមឆ្នាំ២០២០។ ហើយបរិមាណនេះ ត្រូវបង្កើនដល់៦០ភាគរយនៅខែមករាឆ្នាំ២០២៥។
នេះជាវិធានការថ្មីមួយទៀតបន្ថែមលើច្បាប់ស្ដីពីថាមពលសម្រាប់កំណើនបៃតង ដែលបានអនុម័តកាលពីឆ្នាំមុន ដើម្បីលុបបំបាត់ផលអវិជ្ជមាននៃការប្រែប្រួលអាកាសធាតុ។ នេះក៏ដោយសារតែបារាំង ចង់ក្លាយជាអ្នកនាំមុខគេលើការដោះស្រាយបញ្ហាបរិស្ថាន និងថាមពល ទៅតាមគោលការណ៍នៃសន្នសីទអន្តរជាតិក្រុងប៉ារីសស្ដីពីបម្រែបម្រួលអាកាសធាតុឆ្នាំ២០១៥។
យោងតាមសារព័ត៌មាន CNN សមាគមសុខភាពនិងបរិស្ថានបារាំងបញ្ជាក់ថា កែវដែលប្រើតែម្ដងចំនួន១៥០ ត្រូវបានបោះចោលក្នុងរាល់មួយវិនាទី ដែលស្មើនឹងចំនួន៤.៧៣ពាន់លានកែវក្នុងមួយឆ្នាំ។ យ៉ាងណាមិញ មានតែមួយភាគនៃចំនួនទាំងនោះប៉ុណ្ណោះ ត្រូវបានប្រើប្រាស់ឡើងវិញ ដ្បិតកែវទាំងនោះ ផលិតឡើងពីសារធាតុប៉ូលីប្រូពីឡែន (Polypropylene) និងប៉ូលីស្ទីរ៉ែន (Polystyrene)។
បើទោះជាវិធានការថ្មីនេះទទួលបានការស្វាគមន៍ក៏ដោយចុះ ក៏មានសមាគមខ្លះមិនពេញចិត្តនឹងចំណាត់ការថ្មីនេះដែរ។ សមាគម Pack2GoEurope ដែលតំណាងឲ្យក្រុមហ៊ុនវេចខ្ចប់នាំមុខគេនៅអឺរ៉ុប និយាយថា វិធានការថ្មីនេះ បំពានច្បាប់របស់សហភាពអឺរ៉ុបលើការចរាចរណ៍ទំនិញដោយសេរី។ បន្ថែមលើនេះ សមាគមនេះ ក៏ស្នើឲ្យគណៈកម្មាការអឺរ៉ុប រាំងខ្ទប់ច្បាប់ថ្មីរបស់បារាំង និងកំពុងពិភាក្សាជាមួយមេធាវី ដើម្បីប្ដឹងបារាំង។
អគ្គលេខាធិការនៃសមាគមននេះ លោក Eamonn Bates និយាយថា ការវេចខ្ចប់ដែលស្របតាមគោលការណ៍អនាម័យ និងអាចរំលាយបាននោះ ពិតជាមិនអាចឡើយ។ លោកបន្តថា សមាជិករបស់លោក មិនប្រឆាំងផលិតផលធ្វើពីសារធាតុជីវៈឡើយ ប៉ុន្តែពួកគេប្រឆាំងនឹងបទបញ្ញត្តិថ្មី ដែលតម្រូវឲ្យពួកគេធ្វើតាមនោះ ដ្បិតពួកគេមិនអាចធ្វើបានឡើយ៕
ប្រទេសបារាំង ទើបតែអនុម័តច្បាប់ថ្មីដែលតម្រូវឲ្យផលិតផលសម្រាប់បរិភោគអាហារមានចាន ស្លាបព្រា កែវ ជាដើមនោះ ត្រូវផលិតពីវត្ថុធាតុជីវៈ ចាប់ពី៥០ភាគរយឡើងទៅ និងអាចធ្វើជីបាននៅត្រឹមឆ្នាំ២០២០។ ហើយបរិមាណនេះ ត្រូវបង្កើនដល់៦០ភាគរយនៅខែមករាឆ្នាំ២០២៥។
នេះជាវិធានការថ្មីមួយទៀតបន្ថែមលើច្បាប់ស្ដីពីថាមពលសម្រាប់កំណើនបៃតង ដែលបានអនុម័តកាលពីឆ្នាំមុន ដើម្បីលុបបំបាត់ផលអវិជ្ជមាននៃការប្រែប្រួលអាកាសធាតុ។ នេះក៏ដោយសារតែបារាំង ចង់ក្លាយជាអ្នកនាំមុខគេលើការដោះស្រាយបញ្ហាបរិស្ថាន និងថាមពល ទៅតាមគោលការណ៍នៃសន្នសីទអន្តរជាតិក្រុងប៉ារីសស្ដីពីបម្រែបម្រួលអាកាសធាតុឆ្នាំ២០១៥។
យោងតាមសារព័ត៌មាន CNN សមាគមសុខភាពនិងបរិស្ថានបារាំងបញ្ជាក់ថា កែវដែលប្រើតែម្ដងចំនួន១៥០ ត្រូវបានបោះចោលក្នុងរាល់មួយវិនាទី ដែលស្មើនឹងចំនួន៤.៧៣ពាន់លានកែវក្នុងមួយឆ្នាំ។ យ៉ាងណាមិញ មានតែមួយភាគនៃចំនួនទាំងនោះប៉ុណ្ណោះ ត្រូវបានប្រើប្រាស់ឡើងវិញ ដ្បិតកែវទាំងនោះ ផលិតឡើងពីសារធាតុប៉ូលីប្រូពីឡែន (Polypropylene) និងប៉ូលីស្ទីរ៉ែន (Polystyrene)។
បើទោះជាវិធានការថ្មីនេះទទួលបានការស្វាគមន៍ក៏ដោយចុះ ក៏មានសមាគមខ្លះមិនពេញចិត្តនឹងចំណាត់ការថ្មីនេះដែរ។ សមាគម Pack2GoEurope ដែលតំណាងឲ្យក្រុមហ៊ុនវេចខ្ចប់នាំមុខគេនៅអឺរ៉ុប និយាយថា វិធានការថ្មីនេះ បំពានច្បាប់របស់សហភាពអឺរ៉ុបលើការចរាចរណ៍ទំនិញដោយសេរី។ បន្ថែមលើនេះ សមាគមនេះ ក៏ស្នើឲ្យគណៈកម្មាការអឺរ៉ុប រាំងខ្ទប់ច្បាប់ថ្មីរបស់បារាំង និងកំពុងពិភាក្សាជាមួយមេធាវី ដើម្បីប្ដឹងបារាំង។
អគ្គលេខាធិការនៃសមាគមននេះ លោក Eamonn Bates និយាយថា ការវេចខ្ចប់ដែលស្របតាមគោលការណ៍អនាម័យ និងអាចរំលាយបាននោះ ពិតជាមិនអាចឡើយ។ លោកបន្តថា សមាជិករបស់លោក មិនប្រឆាំងផលិតផលធ្វើពីសារធាតុជីវៈឡើយ ប៉ុន្តែពួកគេប្រឆាំងនឹងបទបញ្ញត្តិថ្មី ដែលតម្រូវឲ្យពួកគេធ្វើតាមនោះ ដ្បិតពួកគេមិនអាចធ្វើបានឡើយ៕
Tag:
បារាំង
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 7 ថ្ងៃ
