ជាតិ
បទយកការណ៍ / បទសម្ភាសន៍
×![]()
ភ្នំពេញ៖ និន្នាការបច្ចុប្បន្ន យុវវ័យជាអ្នកសម្រេចរើសគូអនាគតដោយខ្លួនឯង។ មិនមែនសម្រេចទៅលើឪពុកម្តាយ ឬអាណាព្យាបាលទៀតឡើយ។ ទន្ទឹមនឹងការសម្រេចជោគវាសនារើសគូស្រករដោយខ្លួនឯងនេះ មាន បុរសខ្លះអះអាងថា ចង់បានភរិយានៅជិត ឬជិតស្រុកកំណើត ខណៈអ្នកខ្លះយល់ថា យកភរិយាជិត ឬឆ្ងាយ មិនសំខាន់ទេ សំខាន់គឺ ស្រឡាញ់គ្នា និងឧបនិស្ស័យ។ 
«ខ្ញុំអត់ខ្វល់ថា យកប្រពន្ធជិត ឬឆ្ងាយនោះទេ សំខាន់ឲ្យយើងទាំងពីរស្រឡាញ់គ្នា»។ នេះការលើកឡើងរបស់យុវជន ហេង សុកទី ជាអ្នកខេត្តកំពង់ធំ។ លោក សុកទី បានបន្តរៀបរាប់ពីអត្តចរិតនារីដែលខ្លួនប្រាថ្នាជាគូអនាគតថា ជាមនុស្សស្រីស្លូតបូត និងមានចំណេះដឹង។ យុវជនសម្បុរសវ័យ២៣រូបនេះ ក៏បានលើកឡើងដែរថា មុននឹងសម្រេចចិត្តជ្រើសរើសនារីណាម្នាក់ លោកក៏ត្រូវគិតគូរ និងសិក្សាឲ្យបានច្បាស់លាស់ដែរ។
អ្នកខេត្តកំពង់ធំរូបនេះ បានរម្លឹកថា កាលពីពីរសប្តាហ៍កន្លងមក ឪពុកម្តាយរបស់ខ្លួន ធ្លាប់ណែនាំនារីនៅក្បែរផ្ទះ ដើម្បីឲ្យខ្លួនយកមកពិចារណាដែរ។ ពេលនោះ សុកទី មិនយល់ព្រមឡើយ ហើយឪពុកម្តាយគាត់ ក៏មិនបង្ខំគាត់ដែរ។ ទោះបីជាសុកទីអះអាងពេញៗមាត់ថា លោកមិនខ្វល់ពីការជ្រើសដៃគូជីវិតឆ្ងាយ ឬជិតក៏ដោយ តែសុកទី ក៏លើកពី ផលលំបាកខ្លះដែរ ក្នុងករណីនារីដែលគេស្រឡាញ់នៅឆ្ងាយនោះ។
«ពិបាកដែរ ព្រោះយកប្រពន្ធឆ្ងាយ យើងអត់ដឹងពីគេច្បាស់ អ៊ីចឹងទាល់តែសិក្សាពីគ្នាយូរ។ បើនៅជិត យើងស្គាល់គេយូរហើយ មិនពិបាកស្វែងយល់នោះទេ»។ នេះជាការបញ្ជាក់របស់សុកទី ដោយបន្ថែមទៀតថា ការយកប្រពន្ធឆ្ងាយ ក៏ធ្វើឲ្យលោកបារម្ភពីសុខភាពឪពុកម្តាយរបស់ខ្លួនដែលនៅស្រុកដែរ។
ស្រដៀងគ្នាដែរ លោក ប៊ុងរ៉ុង ក៏បានឲ្យតម្លៃខ្ពស់លើការស្រឡាញ់ និងឧបនិស្ស័យនេះដែរ។ បើទោះបីពេលនេះ លោក ប៊ុនរ៉ុង មិនទាន់បានគិតពីការជ្រើសរើសភរិយានៅឡើយ ក៏ដោយប៉ុន្តែយុវជនវ័យ២៤ឆ្នាំរូបនេះ បញ្ជាក់ថាបើលោកត្រូវយកប្រពន្ធវិញនោះ លោកនឹងជ្រើសរើសមនុស្សដែលខ្លួនស្រឡាញ់ និងទទួលស្គាល់ពីឪពុកម្តាយទាំងសងខាង។ យុវជនវ័យ២៤រូបនេះ និយាយរបៀបលេងផង មែនផងថា បើបានប្រពន្ធជិតក៏ល្អដែរ ព្រោះជួញជិត គ្រាន់ជាងជួញឆ្ងាយ។
ការយកប្រពន្ធឆ្ងាយ មិនមែនជាជម្រើសរបស់ លោក លុយ ស្រួច នោះទេ។ កំលោះវ័យ២៤ឆ្នាំ រូបនេះ មិនប្រាថ្នាប្រពន្ធឆ្ងាញពីផ្ទះនោះឡើយ។ បុរសមានស្រុកកំណើតនៅខេត្តកំពង់ឆ្នាំងរូបនេះ តែងតែស្រមៃចង់បានភរិយានៅកៀកផ្ទះបំផុត តាមលទ្ធភាពដែលអាចធ្វើទៅបាន។ លោកបញ្ជាក់យ៉ាងដូច្នេះថា ៖«ខ្ញុំនឹងយកប្រពន្ធនៅជិតផ្ទះ ព្រោះបាននៅជិតម៉ែឪទាំងសងខាង និងអាចជួយម៉ែឪ ពេលមានរវល់អ្វីមួយ។
មួយទៀត បើយកប្រពន្ធឆ្ងាយ យើងអត់ដឹងពីសាវតារបស់នារីដែលយើងស្រឡាញ់ និងគ្រួសាររបស់គេច្បាស់លាស់នោះទេ»។ ជាបុគ្គលិកផ្នែកទីផ្សារ ក្នុងក្រុមហ៊ុមភេសជ្ជៈមួយនៅភ្នំពេញ លោក លុយ ស្រួច រៀបរាប់បន្តថា ការយកប្រពន្ធឆ្ងាយ នឹងធ្វើឲ្យលោកពិបាកសម្រេចចិត្តនៅពេលភ្ជុំបិណ្ឌ ឬចូលឆ្នាំខ្មែរថា តើត្រូវទៅគ្រួសារខាងប្រពន្ធ ឬត្រូវធ្វើដំណើរទៅជួបជុំបងប្អូនឪពុកម្តាយរបស់ខ្លួន។ លោកបរិយាយបន្ថែមថា ពេលមានបុណ្យទានធំៗ មានប្តីប្រពន្ធមួយចំនួន ពួកគេតែងតែអន់ចិត្ត ឬខ្វែងគំនិតគ្នា ដោយម្នាក់ៗ ចង់ទៅលេងស្រុកកំណើតឪពុកម្តាយខ្លួនឯង។
លោក ឆាន់ ប៊ុនណុល ក៏ចង់បានយកប្រពន្ធនៅជិតផ្ទះដែរ។ «ខ្ញុំចង់បានប្រពន្ធជិត ព្រោះងាយស្រួលទៅមក»។ នេះការបញ្ជាក់របស់កំលោះប៊ុនណុល ដោយបន្តថា ការយកប្រពន្ធជិតផ្ទះ គឺមានឪពុកម្តាយទាំងសងខាងជាអ្នកសម្របសម្រួល នៅពេលមានជម្លោះ ឬរឿងរកាំរកូសក្នុងគ្រួសារ។
បុរសរាងស្គមស្តើង និងមានសក់ស្លូតរូបនេះ ក៏បានលើកឧទាហរណ៍អំពីបងប្រុសរបស់ខ្លួនដែលមានភរិយានៅឆ្ងាយពីស្រុកកំណើតយ៉ាងដូច្នេះថា៖«ខ្ញុំមានបងប្រុសម្នាក់ ដែលមានប្រពន្ធឆ្ងាយពីផ្ទះ គឺ១ឬ២ឆ្នាំ ទើបគាត់មកលេងផ្ទះម្តង។ មិនមែនគាត់អត់នឹកផ្ទះនោះទេ ប៉ុន្តែពេលមកផ្ទះម្តងៗ គឺគាត់ចំណាយអស់លុយច្រើន ហើយជីវភាពគាត់ក្រីក្រទៀត»៕
«ខ្ញុំអត់ខ្វល់ថា យកប្រពន្ធជិត ឬឆ្ងាយនោះទេ សំខាន់ឲ្យយើងទាំងពីរស្រឡាញ់គ្នា»។ នេះការលើកឡើងរបស់យុវជន ហេង សុកទី ជាអ្នកខេត្តកំពង់ធំ។ លោក សុកទី បានបន្តរៀបរាប់ពីអត្តចរិតនារីដែលខ្លួនប្រាថ្នាជាគូអនាគតថា ជាមនុស្សស្រីស្លូតបូត និងមានចំណេះដឹង។ យុវជនសម្បុរសវ័យ២៣រូបនេះ ក៏បានលើកឡើងដែរថា មុននឹងសម្រេចចិត្តជ្រើសរើសនារីណាម្នាក់ លោកក៏ត្រូវគិតគូរ និងសិក្សាឲ្យបានច្បាស់លាស់ដែរ។
អ្នកខេត្តកំពង់ធំរូបនេះ បានរម្លឹកថា កាលពីពីរសប្តាហ៍កន្លងមក ឪពុកម្តាយរបស់ខ្លួន ធ្លាប់ណែនាំនារីនៅក្បែរផ្ទះ ដើម្បីឲ្យខ្លួនយកមកពិចារណាដែរ។ ពេលនោះ សុកទី មិនយល់ព្រមឡើយ ហើយឪពុកម្តាយគាត់ ក៏មិនបង្ខំគាត់ដែរ។ ទោះបីជាសុកទីអះអាងពេញៗមាត់ថា លោកមិនខ្វល់ពីការជ្រើសដៃគូជីវិតឆ្ងាយ ឬជិតក៏ដោយ តែសុកទី ក៏លើកពី ផលលំបាកខ្លះដែរ ក្នុងករណីនារីដែលគេស្រឡាញ់នៅឆ្ងាយនោះ។
«ពិបាកដែរ ព្រោះយកប្រពន្ធឆ្ងាយ យើងអត់ដឹងពីគេច្បាស់ អ៊ីចឹងទាល់តែសិក្សាពីគ្នាយូរ។ បើនៅជិត យើងស្គាល់គេយូរហើយ មិនពិបាកស្វែងយល់នោះទេ»។ នេះជាការបញ្ជាក់របស់សុកទី ដោយបន្ថែមទៀតថា ការយកប្រពន្ធឆ្ងាយ ក៏ធ្វើឲ្យលោកបារម្ភពីសុខភាពឪពុកម្តាយរបស់ខ្លួនដែលនៅស្រុកដែរ។
ស្រដៀងគ្នាដែរ លោក ប៊ុងរ៉ុង ក៏បានឲ្យតម្លៃខ្ពស់លើការស្រឡាញ់ និងឧបនិស្ស័យនេះដែរ។ បើទោះបីពេលនេះ លោក ប៊ុនរ៉ុង មិនទាន់បានគិតពីការជ្រើសរើសភរិយានៅឡើយ ក៏ដោយប៉ុន្តែយុវជនវ័យ២៤ឆ្នាំរូបនេះ បញ្ជាក់ថាបើលោកត្រូវយកប្រពន្ធវិញនោះ លោកនឹងជ្រើសរើសមនុស្សដែលខ្លួនស្រឡាញ់ និងទទួលស្គាល់ពីឪពុកម្តាយទាំងសងខាង។ យុវជនវ័យ២៤រូបនេះ និយាយរបៀបលេងផង មែនផងថា បើបានប្រពន្ធជិតក៏ល្អដែរ ព្រោះជួញជិត គ្រាន់ជាងជួញឆ្ងាយ។
ការយកប្រពន្ធឆ្ងាយ មិនមែនជាជម្រើសរបស់ លោក លុយ ស្រួច នោះទេ។ កំលោះវ័យ២៤ឆ្នាំ រូបនេះ មិនប្រាថ្នាប្រពន្ធឆ្ងាញពីផ្ទះនោះឡើយ។ បុរសមានស្រុកកំណើតនៅខេត្តកំពង់ឆ្នាំងរូបនេះ តែងតែស្រមៃចង់បានភរិយានៅកៀកផ្ទះបំផុត តាមលទ្ធភាពដែលអាចធ្វើទៅបាន។ លោកបញ្ជាក់យ៉ាងដូច្នេះថា ៖«ខ្ញុំនឹងយកប្រពន្ធនៅជិតផ្ទះ ព្រោះបាននៅជិតម៉ែឪទាំងសងខាង និងអាចជួយម៉ែឪ ពេលមានរវល់អ្វីមួយ។
មួយទៀត បើយកប្រពន្ធឆ្ងាយ យើងអត់ដឹងពីសាវតារបស់នារីដែលយើងស្រឡាញ់ និងគ្រួសាររបស់គេច្បាស់លាស់នោះទេ»។ ជាបុគ្គលិកផ្នែកទីផ្សារ ក្នុងក្រុមហ៊ុមភេសជ្ជៈមួយនៅភ្នំពេញ លោក លុយ ស្រួច រៀបរាប់បន្តថា ការយកប្រពន្ធឆ្ងាយ នឹងធ្វើឲ្យលោកពិបាកសម្រេចចិត្តនៅពេលភ្ជុំបិណ្ឌ ឬចូលឆ្នាំខ្មែរថា តើត្រូវទៅគ្រួសារខាងប្រពន្ធ ឬត្រូវធ្វើដំណើរទៅជួបជុំបងប្អូនឪពុកម្តាយរបស់ខ្លួន។ លោកបរិយាយបន្ថែមថា ពេលមានបុណ្យទានធំៗ មានប្តីប្រពន្ធមួយចំនួន ពួកគេតែងតែអន់ចិត្ត ឬខ្វែងគំនិតគ្នា ដោយម្នាក់ៗ ចង់ទៅលេងស្រុកកំណើតឪពុកម្តាយខ្លួនឯង។
លោក ឆាន់ ប៊ុនណុល ក៏ចង់បានយកប្រពន្ធនៅជិតផ្ទះដែរ។ «ខ្ញុំចង់បានប្រពន្ធជិត ព្រោះងាយស្រួលទៅមក»។ នេះការបញ្ជាក់របស់កំលោះប៊ុនណុល ដោយបន្តថា ការយកប្រពន្ធជិតផ្ទះ គឺមានឪពុកម្តាយទាំងសងខាងជាអ្នកសម្របសម្រួល នៅពេលមានជម្លោះ ឬរឿងរកាំរកូសក្នុងគ្រួសារ។
បុរសរាងស្គមស្តើង និងមានសក់ស្លូតរូបនេះ ក៏បានលើកឧទាហរណ៍អំពីបងប្រុសរបស់ខ្លួនដែលមានភរិយានៅឆ្ងាយពីស្រុកកំណើតយ៉ាងដូច្នេះថា៖«ខ្ញុំមានបងប្រុសម្នាក់ ដែលមានប្រពន្ធឆ្ងាយពីផ្ទះ គឺ១ឬ២ឆ្នាំ ទើបគាត់មកលេងផ្ទះម្តង។ មិនមែនគាត់អត់នឹកផ្ទះនោះទេ ប៉ុន្តែពេលមកផ្ទះម្តងៗ គឺគាត់ចំណាយអស់លុយច្រើន ហើយជីវភាពគាត់ក្រីក្រទៀត»៕
Tag:
ស្នេហា
យុវជន
© រក្សាសិទ្ធិដោយ thmeythmey.com
