ជាតិ
អគ្គនាយកដ្ឋានពន្ធដារ ប្រកាសពន្យារពេលបង់ពន្ធអចលនទ្រព្យដល់ថ្ងៃទី៣១ តុលា
×![]()
ដោយ: ថ្មីៗ
ម្ចាស់អចលនទ្រព្យនៅទូទាំងប្រទេសកម្ពុជា នឹងអាចបន្តទៅប្រកាសបង់ពន្ធ រហូតដល់ថ្ងៃទី៣១ ខែតុលា ខាងមុខនេះ។ នេះបើយោងតាមសេចក្ដីជូនដំណឹង របស់អគ្គនាយកដ្ឋានពន្ធដារ ដែលបានចុះកាលថ្ងៃទី២៨ ខែកញ្ញា។
ការប្រកាសបង់ពន្ធលើអចលនទ្រព្យសម្រាប់ឆ្នាំ២០១៦ រហូតមកដល់ពេលនេះ មានម្ចាស់អចលនទ្រព្យមួយចំនួនបានប្រកាសរួចហើយ ប៉ុន្តែនៅមានម្ចាស់អចលនទ្រព្យមួយចំនួន មិនទាន់បានប្រកាសបង់ពន្ធនៅឡើយទេ។
ទាក់ទងនិងភាពយឺតយ៉ាវរបស់ម្ចាស់អចលនទ្រព្យមួយចំនួននេះ អគ្គនាយកដ្ឋានពន្ធដារ បានសម្រេច ពន្យារពេលរហូតដល់ថ្ងៃទី៣១ ខែតុលា ដើម្បីផ្ដល់លទ្ធភាពដល់ម្ចាស់អចលនទ្រព្យទាំងនោះ អាចបំពេញកាតព្វកិច្ចជូនរដ្ឋបាន។ ការពន្យារពេលនេះ អគ្គនាយកដ្ឋានពន្ធដារ សង្ឃឹមថា ម្ចាស់អចលនទ្រព្យទាំងអស់នឹងបំពេញកាតព្វកិច្ចក្នុងការប្រកាសពន្ធ ឲ្យទាន់ពេលវេលា ដែលអគ្គនាយកដ្ឋានពន្ធដារបានកំណត់។
បន្ថែមពីនេះ អគ្គនាយកដ្ឋានពន្ធដារ បានក្រើនរំឭកដល់ម្ចាស់អចលនទ្រព្យទាំងឡាយណាដែលមិនបានទៅប្រកាសបង់ពន្ធក្នុងកំឡុងពេលដែលបានពន្យារនេះ នឹងត្រូវប្រឈមនឹងការដាក់ទោសទណ្ឌ ស្របតាមច្បាប់ស្ដីពីសារពើពន្ធ ដែលបានប្រកាស់ជាធរមាន។
Tag:
ពន្ធដារ
© រក្សាសិទ្ធិដោយ thmeythmey.com
