អន្តរជាតិ
ព្រះអង្គ Maha Vajiralongkorn នឹងគ្រងរាជ្យបន្តពីព្រះរាជបិតា Bhumibol Adulyadej ព្រះអង្គ Maha Vajiralongkorn គ្រងរាជបន្តព្រះរាជបិតា Bhumibol Adulyadej។ រូបថត Reuters
× ព្រះអង្គម្ចាស់ Maha Vajiralongkorn នឹងក្លាយជាព្រះមហាក្សត្រថ្មីរបស់ថៃ បន្តពីព្រះរាជបិតា ស្តេច Bhumibol Adulyadej ដែលព្រះរាជវាំងបានប្រកាសពីការសោយទិវង្គតរបស់ព្រះអង្គ នាថ្ងៃទី១៣ ខែតុលា នេះ ដោយសារព្រះរោគជាច្រើនមុខ។
នាយករដ្ឋមន្ត្រីថៃ លោក ប្រាយុទ្ធ ចន្ទអូចា បានប្រកាសថា ព្រះរាជទាយាទ Maha Vajiralongkorn នឹងឡើងគ្រងរាជ្យសម្បត្តិពីព្រះរាជបិតា ព្រះចៅ ភូមិបុល អាប់ឌុលយ៉ាដេត ដែលបានសោយទិវង្គតក្នុងព្រះជន្មាយុ៨៩ព្រះវស្សានាថ្ងៃទី១៣ ខែតុលា ឆ្នាំ២០១៦នេះ។ លោកប្រាយុទ្ធបានអះអាងថា ការឡើងគ្រងរាជ្យរបស់រាជទាយាទគឺស្របទៅតាមរដ្ឋធម្មនុញ្ញរបស់ថៃ។
ព្រះអង្គម្ចាស់ Maha Vajiralongkorn ព្រះជន្ម៦៤ព្រះវស្សា គឺជាព្រះរាជបុត្រទី២របស់ព្រះចៅ ភូមិបុល អាប់ឌុលយ៉ាដេត និងជាព្រះរាជបុត្រាតែ១អង្គគត់ក្នុងចំណោមបុត្រទាំង៤របស់ព្រះអង្គ។
លោកប្រាយទ្ធ បានបន្តថា ព្រះអង្គ Maha Vajiralongkorn ត្រូវបានតែងតាំងជារាជទាយាទ កាលពីថ្ងៃទី២៨ ខែធ្នូ ឆ្នាំ១៩៧២ ដោយមានព្រះបរមនាម «រាមាទី១០»៕
© រក្សាសិទ្ធិដោយ thmeythmey.com