អន្តរជាតិ
×![]()
ក្រុងប៉េកាំងបានបង្ហាញយន្តហោះដ្រូន ម៉ូដែលថ្មី CH-5 នៅក្នុងកម្មវិធីពិព័រណ៌អាកាសចរណ៍ដែលរៀបចំឡើងនៅទីក្រុង Zhuhai។ ចិនក៏អួតផងដែរថា យន្តហោះដ្រូនស៊េរីទំនើបនេះមានសមត្ថភាពខ្ពស់និងត្រូវបានបំពាក់ដោយបច្ចេកវិទ្យាទំនើបបំផុត ដែលវាប្រសើរជាងយន្តហោះដ្រូនរបស់អាមេរិកថែមទៀត។
ក្រោយរង់ចាំអស់រយៈពេលជាយូរ គេបានឃើញរូបរាងយន្តហោះដ្រូន ម៉ូដែលថ្មី CH-5 របស់ចិនជាផ្លូវការហើយនៅក្នុងពិព័រណ៌អាកាសចរណ៍អន្តរជាតិនៅទីក្រុង Zhuhai ប្រទេសចិន។ យន្តហោះដ្រូនរបស់ចិនថ្មីនេះ ត្រូវបានគេអះអាងថា មានសមត្ថភាពខ្ពស់ជាងយន្តហោះដ្រូនអាមេរិកក្នុងការហោះហើរ និងបំពេញប្រតិបត្តិការ។ ហើយចិនក៏ប្រកាសលក់យន្តហោះផលិតក្នុងស្រុកនេះជាផ្លូវការ ហើយបន្ថែមពីនេះ ប្រទេសដែលចង់ផលិតអាចសុំទិញសិទ្ធិសម្រាប់ផលិតផងដែរ។
យោងតាមសារព័ត៌មានរុស្ស៊ី RT នាយកផ្នែករចនាយន្តហោះដ្រូនប្រចាំនៅបណ្ឌិតសភាចិនទទួលបន្ទុកស្រាវជ្រាវលំហរអាកាសលោក Shi Wen បានអះអាងថា៖« យន្តហោះដ្រូន CH-5 អាចចូលរួមគ្រប់ប្រតិបត្តិការដែល យន្តហោះ MQ-9 Reaper អាចធ្វើបាន។ ហើយវាមានសមត្ថភាពខ្ពស់ជាងយន្តហោះដ្រូនអាមេរិក នៅពេលដែលយើងនិយាយដល់រយៈពេលនៃការហោះហើយ និង ប្រសិទ្ធភាពប្រតិបត្តិការ»។
លោក Shi Wen បានបន្តថា យន្តហោះដ្រូនថ្មីនេះនឹងមានសមត្ថភាពអាចចូលរួមក្នុងរាល់ប្រតិបត្តិការប្រឆាំងភេរវកម្មទូទាំងតំបន់មជ្ឈិមបូព៌ាផងដែរ។ ក្រៅពីនេះចិននឹងក្លាយជាប្រទេសដែលផ្គត់ផ្គង់យន្តហោះដ្រូនដែលមានតម្លៃទាប និងមានបច្ចេកវិទ្យាទំនើបទៅឲ្យប្រទេសកំពុងអភិវឌ្ឍផងដែរ។
តាមពិតទៅ យន្តហោះដ្រូនចិន CH-5 មានស្លាបប្រវែង២១ម៉ែត្រ ដែលវាវែងជាងស្លាបយន្តហោះដ្រូនប្រភេទផ្សេងទៀតដែលចិនផលិតកន្លងមក។ លក្ខណៈពិសេសរបស់យន្តហោះដ្រូនថ្មីនេះ គឺវាអាចហោះហើរបានក្នុងរយៈពេល ៦ម៉ោង ហើយវាអាចហោះក្នុងឆ្ងាយរហូតដល់ ៦៥០០គីឡូម៉ែត្រ។ ក្រៅពីនេះ វាក៏អាចដឹកជញ្ជូនសម្ភារៈបានទម្ងន់ ១០០០គីឡូគ្រាម និងបំពាក់មីស៊ីលបានចំនួន ២៤ដើមឯណោះ។
ទាក់ទងរយៈពេលហោះហើរ និងចម្ងាយដែលយន្តហោះ CH-5 នេះហោះហើរបាននោះ លោក Shi Wen បានបញ្ជាក់ថា ក្រុមការងារលោកនឹងចាប់ផ្តើមកែសម្រួលយន្តហោះនេះដោយបង្កើនកម្រិតរយៈពេលហោះហើរឲ្យដល់ ១២០ម៉ោង និងបង្កើនរយៈចម្ងាយរហូតដល់ ១ ០០០០ គីឡូម៉ែត្រផងដែរ។
បើប្រៀបធៀបគ្នាជាមួយយន្តហោះដ្រូនរបស់ចិនខាងលើ យន្តហោះដ្រូន អាមេរិក MQ-9 Reaper ចេញបង្ហាញខ្លួនជាផ្លូវការតាំងពីឆ្នាំ ២០០៧ មកម្ល៉េះ។ វាមានស្លាបប្រវែង ២០ម៉ែត្រ តែវាហោះបានត្រឹមរយៈពេល ២៧ម៉ោងប៉ុណ្ណោះ។ ប៉ុន្តែបច្ចុប្បន្នអាមេរិកកំពុងបន្តស្រាវជ្រាវនិងសាកល្បងយន្តហោះដ្រូនដែលមានសមត្ថភាពខ្ពស់ជាងនិងអាចហោះហើយបានរយៈពេលយូរជាងនេះផងដែរ៕
ក្រោយរង់ចាំអស់រយៈពេលជាយូរ គេបានឃើញរូបរាងយន្តហោះដ្រូន ម៉ូដែលថ្មី CH-5 របស់ចិនជាផ្លូវការហើយនៅក្នុងពិព័រណ៌អាកាសចរណ៍អន្តរជាតិនៅទីក្រុង Zhuhai ប្រទេសចិន។ យន្តហោះដ្រូនរបស់ចិនថ្មីនេះ ត្រូវបានគេអះអាងថា មានសមត្ថភាពខ្ពស់ជាងយន្តហោះដ្រូនអាមេរិកក្នុងការហោះហើរ និងបំពេញប្រតិបត្តិការ។ ហើយចិនក៏ប្រកាសលក់យន្តហោះផលិតក្នុងស្រុកនេះជាផ្លូវការ ហើយបន្ថែមពីនេះ ប្រទេសដែលចង់ផលិតអាចសុំទិញសិទ្ធិសម្រាប់ផលិតផងដែរ។
យោងតាមសារព័ត៌មានរុស្ស៊ី RT នាយកផ្នែករចនាយន្តហោះដ្រូនប្រចាំនៅបណ្ឌិតសភាចិនទទួលបន្ទុកស្រាវជ្រាវលំហរអាកាសលោក Shi Wen បានអះអាងថា៖« យន្តហោះដ្រូន CH-5 អាចចូលរួមគ្រប់ប្រតិបត្តិការដែល យន្តហោះ MQ-9 Reaper អាចធ្វើបាន។ ហើយវាមានសមត្ថភាពខ្ពស់ជាងយន្តហោះដ្រូនអាមេរិក នៅពេលដែលយើងនិយាយដល់រយៈពេលនៃការហោះហើយ និង ប្រសិទ្ធភាពប្រតិបត្តិការ»។
លោក Shi Wen បានបន្តថា យន្តហោះដ្រូនថ្មីនេះនឹងមានសមត្ថភាពអាចចូលរួមក្នុងរាល់ប្រតិបត្តិការប្រឆាំងភេរវកម្មទូទាំងតំបន់មជ្ឈិមបូព៌ាផងដែរ។ ក្រៅពីនេះចិននឹងក្លាយជាប្រទេសដែលផ្គត់ផ្គង់យន្តហោះដ្រូនដែលមានតម្លៃទាប និងមានបច្ចេកវិទ្យាទំនើបទៅឲ្យប្រទេសកំពុងអភិវឌ្ឍផងដែរ។
តាមពិតទៅ យន្តហោះដ្រូនចិន CH-5 មានស្លាបប្រវែង២១ម៉ែត្រ ដែលវាវែងជាងស្លាបយន្តហោះដ្រូនប្រភេទផ្សេងទៀតដែលចិនផលិតកន្លងមក។ លក្ខណៈពិសេសរបស់យន្តហោះដ្រូនថ្មីនេះ គឺវាអាចហោះហើរបានក្នុងរយៈពេល ៦ម៉ោង ហើយវាអាចហោះក្នុងឆ្ងាយរហូតដល់ ៦៥០០គីឡូម៉ែត្រ។ ក្រៅពីនេះ វាក៏អាចដឹកជញ្ជូនសម្ភារៈបានទម្ងន់ ១០០០គីឡូគ្រាម និងបំពាក់មីស៊ីលបានចំនួន ២៤ដើមឯណោះ។
ទាក់ទងរយៈពេលហោះហើរ និងចម្ងាយដែលយន្តហោះ CH-5 នេះហោះហើរបាននោះ លោក Shi Wen បានបញ្ជាក់ថា ក្រុមការងារលោកនឹងចាប់ផ្តើមកែសម្រួលយន្តហោះនេះដោយបង្កើនកម្រិតរយៈពេលហោះហើរឲ្យដល់ ១២០ម៉ោង និងបង្កើនរយៈចម្ងាយរហូតដល់ ១ ០០០០ គីឡូម៉ែត្រផងដែរ។
បើប្រៀបធៀបគ្នាជាមួយយន្តហោះដ្រូនរបស់ចិនខាងលើ យន្តហោះដ្រូន អាមេរិក MQ-9 Reaper ចេញបង្ហាញខ្លួនជាផ្លូវការតាំងពីឆ្នាំ ២០០៧ មកម្ល៉េះ។ វាមានស្លាបប្រវែង ២០ម៉ែត្រ តែវាហោះបានត្រឹមរយៈពេល ២៧ម៉ោងប៉ុណ្ណោះ។ ប៉ុន្តែបច្ចុប្បន្នអាមេរិកកំពុងបន្តស្រាវជ្រាវនិងសាកល្បងយន្តហោះដ្រូនដែលមានសមត្ថភាពខ្ពស់ជាងនិងអាចហោះហើយបានរយៈពេលយូរជាងនេះផងដែរ៕
Tag:
CH-5
យន្តហោះដ្រូន
© រក្សាសិទ្ធិដោយ thmeythmey.com
