ជាតិ
អុំទូក៖សម្ដេច ហ៊ុន សែន បញ្ជាឲ្យសមត្ថកិច្ចយកចិត្តទុកដាក់រក្សាសន្តិសុខជូនពលរដ្ឋ
× ភ្នំពេញ៖ សម្តេចនាយករដ្ឋមន្ត្រី ហ៊ុន សែន បញ្ជាឲ្យអាជ្ញាធរ និងសមត្ថកិច្ចគ្រប់ជាន់ថ្នាក់ត្រូវយកចិត្តទុកដាក់ថែរក្សាសន្តិសុខសណ្តាប់ធ្នាប់ឲ្យបានល្អ សម្រាប់ប្រជាពលរដ្ឋ និងភ្ញៀវទេសចរណ៍បរទេសដែលកម្សាន្តសប្បាយនៅក្នុងពិធីបុណ្យអុំទូកនេះ ទាំងនៅក្នុងរាជធានីភ្នំពេញ និងនៅតាមបណ្តាខេត្ត។
ជាមួយគ្នាសម្ដេច ហ៊ុន សែន បានសរសេរលើហ្វេសប៊ុកស្នើឲ្យពលរដ្ឋ និងក្រុមហ៊ុនរថយន្តក្រុង និងតាក់ស៊ីបើកបរគោរពច្បាប់ចរាចរណ៍ ដើម្បីសុវត្ថិភាពផ្ទាល់ខ្លួនពួកគេផងដែរ។
កន្លងមកអគ្គស្នងការរងនគរបាលជាតិលោក ទូច ណារ៉ុថ អះអាងថា កម្លាំងចម្រុះសរុបជាង ១ម៉ឺននាក់ នឹងដាក់ពង្រាយការពារសន្តិសុខបុណ្យអុំទូក។ កម្លាំងទាំងនោះ មាន នគរបាលជាតិចំនួន ៥.០២៨នាក់ អង្គរក្សចំនួន ២.១២៧នាក់ កងរាជអាវុធហត្ថចំនួន១.១៨០នាក់ កងទ័ពជើងទឹក៣៥០នាក់ នាយកដ្ឋានពិសេសនៃ គ.ជ.ប.ភ ចំនួន១២៨នាក់ ក្រុមបច្ចេកទេសរុករកជាតិផ្ទុះកែច្នៃចំនួន ៣៦នាក់ យោធាចំនួន ១០០នាក់ និងក្រសួងសុខាភិបាលចំនួន ៣៨៣នាក់។
ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ប្រព្រឹត្តទៅថ្ងៃទី១៣ ដល់ថ្ងៃទី១៥ ខែវិច្ឆិកា ឆ្នាំ២០១៦ នេះ៕
Tag:
ហ៊ុន សែន
បុណ្យអុំទូក
© រក្សាសិទ្ធិដោយ thmeythmey.com