ពីនេះ ពីនោះ
×![]()
ដោយ: ថ្មីៗ
ភ្នំពេញ៖ សង្គមបច្ចុប្បន្ន មានយុវជនមួយចំនួន ចេះប្រើប្រាស់ជីវិតរបស់ពួកគេឲ្យមានប្រយោជន៍ មានតម្លៃសម្រាប់សង្គមជាតិ។ ប៉ុន្តែក៏មានយុវជនមួយចំនួន បែរជាមិនព្រមគិតគូររៀបចំខ្លួនទៅវិញ។ ខាងក្រោមនេះគឺជាកំហុសដែលយុវជនតែងតែប្រព្រឹត្តិប្រចាំថ្ងៃ ហើយកំហុសទាំងនោះ បានទាញពួកគេឲ្យកាន់តែឃ្លាតឆ្ងាយពីពាក្យថា តម្លៃយុវជន និងមិនមានការរីកចម្រើន៖ 
១/. ជាមនុស្សឆាប់ប្រតិកម្ម និងឆ្លើយតបភ្លាមៗលើរឿងរ៉ាវអ្វីមួយ៖ យុវជនមួយចំនួនបច្ចុប្បន្នចូលចិត្តធ្វើអ្វីមួយ សម្រេចចិត្តលើអ្វីមួយ និងដោះស្រាយអ្វីមួយលឿន ហើយធ្វើ ទៅតាមអារម្មណ៍ខ្លួនឯង។ ប្រតិកម្មរហ័សទាំងនេះ វាគឺជាទម្លាប់អវិជ្ជមានមួយរបស់យុវវ័យសម័យថ្មីនេះ ដែលតែងតែបង្កឲ្យមានបញ្ហាពីតូចទៅជាធំ។
២/. មិនទម្លាប់ប្រើប្រាស់ការពិចារណា មុននិងធ្វើកិច្ចការអ្វីមួយ៖ កត្តានេះ មានយុវវ័យមួយចំនួនមិនមានផែនការជីវិតត្រឹមត្រូវ មិនព្រមកំណត់គោលដៅជីវិត ផែនការសកម្មភាពប្រចាំថ្ងៃឲ្យបានច្បាស់ ហើយក៏មិនដែលខ្វល់ខ្វាយថាតើនៅថ្ងៃស្អែក ខ្លួនត្រូវធ្វើអ្វីដើម្បីឲ្យជីវិតរបស់ខ្លួនរីកចម្រើន ទទួលបានអ្វីដែលថ្មី ជាចំណេះដឹង ការបង្កើតថ្មីអ្វីមួយឡើយ។ ពួកគេមិនសូវមានទម្លាប់ប្រើប្រាស់ការគិតទុកជាមុនឡើយ ប៉ុន្តែចូលចិត្តធ្វើអ្វីមួយដោយខ្វះការពិចារណាជាមូលដ្ឋាន ហើយធ្វើអ្វីមួយភ្លាមៗ បន្ទាប់មកបង្កឲ្យមានជាកំហុស។
៣/. មើលរំលងកិច្ចការសំខាន់ តែសប្បាយក្នុងការធ្វើរឿងដែលមិនសូវមានប្រយោជន៍៖ រឿងសំខាន់ក្នុងជីវិតផ្ទាល់ខ្លួន គ្រួសារ និងសង្គម ជាតម្លៃដែលសង្គមគេចង់បាន មានយុវវ័យមួយចំនួនធំគេបានយល់ ហើយបានធ្វើជាប្រយោជន៍។ ប៉ុន្តែនៅមានយុវវ័យមួយចំនួន មិនព្រមគិតខ្វល់ ថែមទាំងមើលរំលង ហើយរវល់ប្រើជីវិតរបស់ពួកគេសប្បាយជាមួយរៀងដែលគ្មានប្រយោជន៍។
៤/. គិតថាខ្លួនឯងជាមនុស្សអស្ចារ្យជាងគេជានិច្ច៖ ចំណែកយុវវ័យមួយចំនួន មានចំណេះដឹងបន្តិចបន្តួច លើកតម្កើងខ្លួនឯងខ្ពស់ស្មើមេឃ ហើយចាត់ទុកអ្នកនៅជុំវិញខ្លួនអន់ជាងខ្លួន មិនស្មើខ្លួនជានិច្ច។
៥/. ចង់ឲ្យអ្នកដទៃស្ដាប់ខ្លួន តែមិនព្រមស្ដាប់អ្នកដទៃ៖ ដោយឡែកមានយុវវ័យចំនួនផ្សេងទៀត តែងតែគិតថា គំនិត ទស្សនៈ ការយល់ឃើញ របស់ខ្លួនត្រឹមត្រូវ ហើយគិតថាអ្វីដែលខ្លួននិយាយចេញទៅគឺសុទ្ធតែជារឿងត្រឹមត្រូវ។ ប៉ុន្តែមិនព្រមស្ដាប់អ្នកដទៃ ដែលមានគំនិត យោបល់ផ្ទុយពីខ្លួនឡើយ ព្រោះយល់ថាមិនដូចអ្វីដែលខ្លួនគិត នោះគឺមិនត្រឹមត្រូវ។
៦/. ខ្វះនូវស្មារតីសហការ ចូលចិត្តធ្វើអ្វីដោយអត្តនោម័តិតែខ្លួនឯង៖ ទម្លាប់ធ្វើកិច្ចការម្នាក់ឯង គ្មានការសហការគ្នា គឺមិនងាយទទួលបានជោគជ័យនោះឡើយ។ ប៉ុន្តែយុវវ័យមួយចំនួនបច្ចុប្បន្ន មិនចូលចិត្តឡើយការធ្វើកិច្ចការជាក្រុម។
៧/. បង្កើតទម្លាប់ធ្វើឲ្យខ្លួនឯងទន់ជ្រាយ៖ បច្ចុប្បន្ន អាចមានយុវវ័យច្រើនចូលចិត្តបង្ហាញពីចំណុចខ្សោយខ្លួនឯងតាមបណ្ដាញសង្គមស្ទើររាល់ថ្ងៃ ហើយចាប់ផ្ដើមផ្ដេកផ្ដួលទៅអារម្មណ៍ដែលមើលទៅឃើញថា ជាយុវជនទន់ជ្រាយ។ ចំណែកយុវជនមួយចំនួនផ្សេងទៀតមិនគិតគូររៀបចំខ្លួន ប្រឹងប្រែងអភិវឌ្ឍន៍ខ្លួន ទាំងចំណេះដឹង ទាំងបទពិសោធន៍ជីវិត បទពិសោធន៍ការងារទេ ប៉ុន្តែចូលចិត្តបណ្ដោយឲ្យខ្លួនឯងក្លាយជាមនុស្សឥតបានការទៅវិញ។
កំហុសទាំងឡាយខាងលើនេះ គឺជាទម្លាប់អាក្រក់របស់យុវជនខ្មែរមួយចំនួន ដែលតែងតែប្រព្រឹត្តិប្រចាំថ្ងៃ។ កត្តាទាំងនេះហើយដែលនាំឲ្យមានការវិនិច្ឆ័យក្នុងផ្លូវអវិជ្ជមាន ទៅលើតម្លៃយុវជនកម្ពុជា។ ផ្ដើមពីកំហុសទាំងនេះហើយ ដែលនាំឲ្យសង្គម អ្នកដឹកនាំសង្គម គេពិបាកក្នុងការផ្ដល់សេចក្ដីទុកចិត្តទៅលើយុវជនទាំងស្រុងថា ជាអ្នកបន្តវេនលើកស្ទួយជាតិ។ តែទោះជាយ៉ាងណាមានយុវជនល្អជាច្រើន ដែលពួកគេបានយល់ដឹង អាចសង្ឃឹម និងទុកចិត្តបានថាអាចបន្តលើកស្ទួយជាតិ អភិវឌ្ឍនសង្គម៕
១/. ជាមនុស្សឆាប់ប្រតិកម្ម និងឆ្លើយតបភ្លាមៗលើរឿងរ៉ាវអ្វីមួយ៖ យុវជនមួយចំនួនបច្ចុប្បន្នចូលចិត្តធ្វើអ្វីមួយ សម្រេចចិត្តលើអ្វីមួយ និងដោះស្រាយអ្វីមួយលឿន ហើយធ្វើ ទៅតាមអារម្មណ៍ខ្លួនឯង។ ប្រតិកម្មរហ័សទាំងនេះ វាគឺជាទម្លាប់អវិជ្ជមានមួយរបស់យុវវ័យសម័យថ្មីនេះ ដែលតែងតែបង្កឲ្យមានបញ្ហាពីតូចទៅជាធំ។
២/. មិនទម្លាប់ប្រើប្រាស់ការពិចារណា មុននិងធ្វើកិច្ចការអ្វីមួយ៖ កត្តានេះ មានយុវវ័យមួយចំនួនមិនមានផែនការជីវិតត្រឹមត្រូវ មិនព្រមកំណត់គោលដៅជីវិត ផែនការសកម្មភាពប្រចាំថ្ងៃឲ្យបានច្បាស់ ហើយក៏មិនដែលខ្វល់ខ្វាយថាតើនៅថ្ងៃស្អែក ខ្លួនត្រូវធ្វើអ្វីដើម្បីឲ្យជីវិតរបស់ខ្លួនរីកចម្រើន ទទួលបានអ្វីដែលថ្មី ជាចំណេះដឹង ការបង្កើតថ្មីអ្វីមួយឡើយ។ ពួកគេមិនសូវមានទម្លាប់ប្រើប្រាស់ការគិតទុកជាមុនឡើយ ប៉ុន្តែចូលចិត្តធ្វើអ្វីមួយដោយខ្វះការពិចារណាជាមូលដ្ឋាន ហើយធ្វើអ្វីមួយភ្លាមៗ បន្ទាប់មកបង្កឲ្យមានជាកំហុស។
៣/. មើលរំលងកិច្ចការសំខាន់ តែសប្បាយក្នុងការធ្វើរឿងដែលមិនសូវមានប្រយោជន៍៖ រឿងសំខាន់ក្នុងជីវិតផ្ទាល់ខ្លួន គ្រួសារ និងសង្គម ជាតម្លៃដែលសង្គមគេចង់បាន មានយុវវ័យមួយចំនួនធំគេបានយល់ ហើយបានធ្វើជាប្រយោជន៍។ ប៉ុន្តែនៅមានយុវវ័យមួយចំនួន មិនព្រមគិតខ្វល់ ថែមទាំងមើលរំលង ហើយរវល់ប្រើជីវិតរបស់ពួកគេសប្បាយជាមួយរៀងដែលគ្មានប្រយោជន៍។
៤/. គិតថាខ្លួនឯងជាមនុស្សអស្ចារ្យជាងគេជានិច្ច៖ ចំណែកយុវវ័យមួយចំនួន មានចំណេះដឹងបន្តិចបន្តួច លើកតម្កើងខ្លួនឯងខ្ពស់ស្មើមេឃ ហើយចាត់ទុកអ្នកនៅជុំវិញខ្លួនអន់ជាងខ្លួន មិនស្មើខ្លួនជានិច្ច។
៥/. ចង់ឲ្យអ្នកដទៃស្ដាប់ខ្លួន តែមិនព្រមស្ដាប់អ្នកដទៃ៖ ដោយឡែកមានយុវវ័យចំនួនផ្សេងទៀត តែងតែគិតថា គំនិត ទស្សនៈ ការយល់ឃើញ របស់ខ្លួនត្រឹមត្រូវ ហើយគិតថាអ្វីដែលខ្លួននិយាយចេញទៅគឺសុទ្ធតែជារឿងត្រឹមត្រូវ។ ប៉ុន្តែមិនព្រមស្ដាប់អ្នកដទៃ ដែលមានគំនិត យោបល់ផ្ទុយពីខ្លួនឡើយ ព្រោះយល់ថាមិនដូចអ្វីដែលខ្លួនគិត នោះគឺមិនត្រឹមត្រូវ។
៦/. ខ្វះនូវស្មារតីសហការ ចូលចិត្តធ្វើអ្វីដោយអត្តនោម័តិតែខ្លួនឯង៖ ទម្លាប់ធ្វើកិច្ចការម្នាក់ឯង គ្មានការសហការគ្នា គឺមិនងាយទទួលបានជោគជ័យនោះឡើយ។ ប៉ុន្តែយុវវ័យមួយចំនួនបច្ចុប្បន្ន មិនចូលចិត្តឡើយការធ្វើកិច្ចការជាក្រុម។
៧/. បង្កើតទម្លាប់ធ្វើឲ្យខ្លួនឯងទន់ជ្រាយ៖ បច្ចុប្បន្ន អាចមានយុវវ័យច្រើនចូលចិត្តបង្ហាញពីចំណុចខ្សោយខ្លួនឯងតាមបណ្ដាញសង្គមស្ទើររាល់ថ្ងៃ ហើយចាប់ផ្ដើមផ្ដេកផ្ដួលទៅអារម្មណ៍ដែលមើលទៅឃើញថា ជាយុវជនទន់ជ្រាយ។ ចំណែកយុវជនមួយចំនួនផ្សេងទៀតមិនគិតគូររៀបចំខ្លួន ប្រឹងប្រែងអភិវឌ្ឍន៍ខ្លួន ទាំងចំណេះដឹង ទាំងបទពិសោធន៍ជីវិត បទពិសោធន៍ការងារទេ ប៉ុន្តែចូលចិត្តបណ្ដោយឲ្យខ្លួនឯងក្លាយជាមនុស្សឥតបានការទៅវិញ។
កំហុសទាំងឡាយខាងលើនេះ គឺជាទម្លាប់អាក្រក់របស់យុវជនខ្មែរមួយចំនួន ដែលតែងតែប្រព្រឹត្តិប្រចាំថ្ងៃ។ កត្តាទាំងនេះហើយដែលនាំឲ្យមានការវិនិច្ឆ័យក្នុងផ្លូវអវិជ្ជមាន ទៅលើតម្លៃយុវជនកម្ពុជា។ ផ្ដើមពីកំហុសទាំងនេះហើយ ដែលនាំឲ្យសង្គម អ្នកដឹកនាំសង្គម គេពិបាកក្នុងការផ្ដល់សេចក្ដីទុកចិត្តទៅលើយុវជនទាំងស្រុងថា ជាអ្នកបន្តវេនលើកស្ទួយជាតិ។ តែទោះជាយ៉ាងណាមានយុវជនល្អជាច្រើន ដែលពួកគេបានយល់ដឹង អាចសង្ឃឹម និងទុកចិត្តបានថាអាចបន្តលើកស្ទួយជាតិ អភិវឌ្ឍនសង្គម៕
© រក្សាសិទ្ធិដោយ thmeythmey.com
