ជាតិ
នយោបាយជាតិ
×![]()
ដោយ: ម៉ៅ សុផា
ភ្នំពេញ៖ គណបក្សសង្គ្រោះជាតិ សរសើរថ្នាក់ដឹកនាំនិងមន្ត្រីនៃគណៈកម្មាធិការជាតិរៀបចំការបោះឆ្នោត (គ.ជ.ប) ដែលខិតខំបំពេញកិច្ចការរបស់ខ្លួនកន្លងមក។ តែបក្សប្រឆាំងដ៏ធំមួយនេះ នៅតែព្រួយបារម្ភពីស្ថានការណ៍នយោបាយ ដែលអាចប៉ះពាល់ដល់ការបោះឆ្នោតនាពេលខាងមុខ។
លោក យឹម សុវណ្ណ អ្នកនាំពាក្យរបស់គណបក្សសង្គ្រោះជាតិ បានលើកឡើងពីគុណសម្បត្តិរបស់ គ.ជ.ប ថ្មី ដែលមានលទ្ធភាពគ្រប់គ្រាន់ក្នុងការរៀបចំការចុះឈ្មោះបោះឆ្នោត ឲ្យដំណើរការទៅដោយរលូន។ លោក យឹម សុវណ្ណ ហាក់ដូចជាជឿជាក់ថា គ.ជ.ប នឹងអាចរៀបចំការបោះឆ្នោត ឲ្យប្រព្រឹត្តទៅដោយសេរីនិងយុត្តិធម៌ ប្រសិនបើស្ថានការណ៍នយោបាយ ចាប់ផ្តើមមានភាពល្អប្រសើរចាប់ពីពេលនេះតទៅ។
ទោះយ៉ាងណា អ្នកនាំពាក្យបក្សប្រឆាំងរូបនេះ នៅតែបង្ហាញពីក្តីកង្វល់ថា បរិយាកាសអាប់អួរខាងនយោបាយ នឹងអាចបង្កផលប៉ះពាល់ដល់ដំណើរការនៃការបោះឆ្នោត ក្នុងឆ្នាំ២០១៧ និងឆ្នាំ២០១៨។ បើតាមលោក យឹម សុវណ្ណ ចំណាត់ការរបស់តុលាការ ទៅលើថ្នាក់ដឹកនាំ និងមន្ត្រី រួមទាំងសកម្មជនរបស់គណបក្សសង្គ្រោះជាតិ គឺជាបញ្ហាដ៏ធំមួយ ដែលធ្វើឲ្យស្ថានការណ៍នយោបាយនៅកម្ពុជា មិនអាចវិលទៅរកប្រក្រតីភាពឡើងវិញ។
លោក យឹម សុវណ្ណ អះអាងទៀតថា ដោយសារតែចំណាត់ការរបស់តុលាការ ឯកឧត្តម សម រង្ស៊ី ត្រូវនិរទេសខ្លួន ហើយឯកឧត្តម កឹម សុខា ក៏នៅតែបន្តរស់នៅក្នុងទីស្នាក់ការ។ ក្រៅពីថ្នាក់ដឹកនាំទាំង២ខាងលើ មន្ត្រីជាន់ខ្ពស់ និងសកម្មជនបក្សប្រឆាំងមួយចំនួន ក៏កំពុងតែជាប់ពន្ធនាគារថែមទៀត។
លោកបានរៀបរាប់ដូច្នេះថា៖«បរិយាកាសនយោបាយ នៅតែធ្ងន់ធ្ងរ នៅតែមានមន្ទិលសង្ស័យ ចំពោះការឈានទៅរកការបោះឆ្នោត ដោយសារលោកប្រធាន សម រង្ស៊ី និងលោកប្រធានស្តីទី កឹម សុខា (កំពុងមានរឿងក្តីនៅតុលាការ) ហើយសកម្មជនកំពុងជាប់ពន្ធនាគារ ដោយមិនទាន់មានការដោះស្រាយបញ្ហានេះ។ អ៊ីចឹង វា នៅមានមន្ទិលសង្ស័យចំណុចនេះមួយ។ បើបានដោះស្រាយបញ្ហាហ្នឹង ឲ្យវិលទៅរកប្រក្រតីភាពឡើយវិញ យើងមានសង្ឃឹងច្រើនថា ការបោះឆ្នោត ក្នុងឆ្នាំ២០១៧ និងឆ្នាំ២០១៨ អាចវិវត្តទៅរកសេរីភាពនិងយុត្តិធម៌ ដែលយើងមិនដែលបានឃើញក្នុងរយៈពេល២០ឆ្នាំចុងក្រោយនេះ»។
ការថ្លែងរបស់លោក យឹម សុវណ្ណ ខាងលើ ធ្វើឡើងក្រោយពីបញ្ចប់កិច្ចប្រជុំជាមួយនឹងថ្នាក់ដឹកនាំរបស់គ.ជ.ប នៅថ្ងៃទី២៥ ខែវិច្ឆិកា ឆ្នាំ២០១៦នេះ។ គណសង្គ្រោះជាតិ បានស្នើឲ្យគ.ជ.ប ដោះស្រាយបញ្ហាមួយចំនួន ដែលទាក់ទងនឹងការចុះឈ្មោះបោះឆ្នោត។ សំណើដ៏សំខាន់មួយ ដែលគណបក្សសង្គ្រោះជាតិ ស្នើទៅកាន់គ.ជ.ប នោះ គឺការបន្ថែមចំនួន៣ថ្ងៃបន្តទៀត សម្រាប់ការចុះឈ្មោះបោះឆ្នោត។ ការស្នើបែបនេះ គឺដោយសារតែ គណបក្សសង្គ្រោះជាតិ សង្កេតឃើញថា ប្រជាពលរដ្ឋជាង២លាននាក់ទៀត មិនទាន់ទៅចុះឈ្មោះបោះឆ្នោតនៅឡើយទេ ខណៈការចុះឈ្មោះបោះឆ្នោត នឹងបិទបញ្ចប់នៅថ្ងៃទី២៩ ខែវិច្ឆិកា ឆ្នាំ២០១៦។
លោក ហង្ស ពុទ្ធា អ្នកនាំពាក្យរបស់គ.ជ.ប បានលើកឡើងថា គ.ជ.ប សម្រេចយកសំណើរបស់គណបក្សសង្គ្រោះជាតិខាងលើ ទៅពិចារណា។ លោក សង្កត់ធ្ងន់ថា ការបន្ថែមចំនួនថ្ងៃសម្រាប់ការចុះឈ្មោះបោះឆ្នោត គឺជាបញ្ហាធំ ដែលពាក់ព័ន្ធនឹងពេលវេលា រួមទាំងថវិកា ដូច្នេះ គ.ជ.ប ត្រូវតែគិតគូរឲ្យច្បាស់លាស់ មុននឹងសម្រេចថាបន្ថែមថ្ងៃសម្រាប់ការចុះឈ្មោះបោះឆ្នោត ឬមិនបន្ថែម។
លោកប្រាប់ក្រុមអ្នកសារព័ត៌មានបែបនេះថា៖«គ.ជ.ប ទទួលនិងពិចារណារាល់អនុសាសន៍ទាំងឡាយ ដែលពុំទាន់បានដោះស្រាយ។ ការចុះឈ្មោះនៅសល់តែ៤ថ្ងៃទៀតទេ អ៊ីចឹងយើងនឹងធ្វើការភ្លាមៗ ដើម្បីដោះស្រាយនូវរាល់បញ្ហាទាំងឡាយ ដែលពាក់ព័ន្ធនឹងអនុសាសន៍នេះ»៕
លោក យឹម សុវណ្ណ អ្នកនាំពាក្យរបស់គណបក្សសង្គ្រោះជាតិ បានលើកឡើងពីគុណសម្បត្តិរបស់ គ.ជ.ប ថ្មី ដែលមានលទ្ធភាពគ្រប់គ្រាន់ក្នុងការរៀបចំការចុះឈ្មោះបោះឆ្នោត ឲ្យដំណើរការទៅដោយរលូន។ លោក យឹម សុវណ្ណ ហាក់ដូចជាជឿជាក់ថា គ.ជ.ប នឹងអាចរៀបចំការបោះឆ្នោត ឲ្យប្រព្រឹត្តទៅដោយសេរីនិងយុត្តិធម៌ ប្រសិនបើស្ថានការណ៍នយោបាយ ចាប់ផ្តើមមានភាពល្អប្រសើរចាប់ពីពេលនេះតទៅ។
ទោះយ៉ាងណា អ្នកនាំពាក្យបក្សប្រឆាំងរូបនេះ នៅតែបង្ហាញពីក្តីកង្វល់ថា បរិយាកាសអាប់អួរខាងនយោបាយ នឹងអាចបង្កផលប៉ះពាល់ដល់ដំណើរការនៃការបោះឆ្នោត ក្នុងឆ្នាំ២០១៧ និងឆ្នាំ២០១៨។ បើតាមលោក យឹម សុវណ្ណ ចំណាត់ការរបស់តុលាការ ទៅលើថ្នាក់ដឹកនាំ និងមន្ត្រី រួមទាំងសកម្មជនរបស់គណបក្សសង្គ្រោះជាតិ គឺជាបញ្ហាដ៏ធំមួយ ដែលធ្វើឲ្យស្ថានការណ៍នយោបាយនៅកម្ពុជា មិនអាចវិលទៅរកប្រក្រតីភាពឡើងវិញ។
លោក យឹម សុវណ្ណ អះអាងទៀតថា ដោយសារតែចំណាត់ការរបស់តុលាការ ឯកឧត្តម សម រង្ស៊ី ត្រូវនិរទេសខ្លួន ហើយឯកឧត្តម កឹម សុខា ក៏នៅតែបន្តរស់នៅក្នុងទីស្នាក់ការ។ ក្រៅពីថ្នាក់ដឹកនាំទាំង២ខាងលើ មន្ត្រីជាន់ខ្ពស់ និងសកម្មជនបក្សប្រឆាំងមួយចំនួន ក៏កំពុងតែជាប់ពន្ធនាគារថែមទៀត។
លោកបានរៀបរាប់ដូច្នេះថា៖«បរិយាកាសនយោបាយ នៅតែធ្ងន់ធ្ងរ នៅតែមានមន្ទិលសង្ស័យ ចំពោះការឈានទៅរកការបោះឆ្នោត ដោយសារលោកប្រធាន សម រង្ស៊ី និងលោកប្រធានស្តីទី កឹម សុខា (កំពុងមានរឿងក្តីនៅតុលាការ) ហើយសកម្មជនកំពុងជាប់ពន្ធនាគារ ដោយមិនទាន់មានការដោះស្រាយបញ្ហានេះ។ អ៊ីចឹង វា នៅមានមន្ទិលសង្ស័យចំណុចនេះមួយ។ បើបានដោះស្រាយបញ្ហាហ្នឹង ឲ្យវិលទៅរកប្រក្រតីភាពឡើយវិញ យើងមានសង្ឃឹងច្រើនថា ការបោះឆ្នោត ក្នុងឆ្នាំ២០១៧ និងឆ្នាំ២០១៨ អាចវិវត្តទៅរកសេរីភាពនិងយុត្តិធម៌ ដែលយើងមិនដែលបានឃើញក្នុងរយៈពេល២០ឆ្នាំចុងក្រោយនេះ»។
ការថ្លែងរបស់លោក យឹម សុវណ្ណ ខាងលើ ធ្វើឡើងក្រោយពីបញ្ចប់កិច្ចប្រជុំជាមួយនឹងថ្នាក់ដឹកនាំរបស់គ.ជ.ប នៅថ្ងៃទី២៥ ខែវិច្ឆិកា ឆ្នាំ២០១៦នេះ។ គណសង្គ្រោះជាតិ បានស្នើឲ្យគ.ជ.ប ដោះស្រាយបញ្ហាមួយចំនួន ដែលទាក់ទងនឹងការចុះឈ្មោះបោះឆ្នោត។ សំណើដ៏សំខាន់មួយ ដែលគណបក្សសង្គ្រោះជាតិ ស្នើទៅកាន់គ.ជ.ប នោះ គឺការបន្ថែមចំនួន៣ថ្ងៃបន្តទៀត សម្រាប់ការចុះឈ្មោះបោះឆ្នោត។ ការស្នើបែបនេះ គឺដោយសារតែ គណបក្សសង្គ្រោះជាតិ សង្កេតឃើញថា ប្រជាពលរដ្ឋជាង២លាននាក់ទៀត មិនទាន់ទៅចុះឈ្មោះបោះឆ្នោតនៅឡើយទេ ខណៈការចុះឈ្មោះបោះឆ្នោត នឹងបិទបញ្ចប់នៅថ្ងៃទី២៩ ខែវិច្ឆិកា ឆ្នាំ២០១៦។
លោក ហង្ស ពុទ្ធា អ្នកនាំពាក្យរបស់គ.ជ.ប បានលើកឡើងថា គ.ជ.ប សម្រេចយកសំណើរបស់គណបក្សសង្គ្រោះជាតិខាងលើ ទៅពិចារណា។ លោក សង្កត់ធ្ងន់ថា ការបន្ថែមចំនួនថ្ងៃសម្រាប់ការចុះឈ្មោះបោះឆ្នោត គឺជាបញ្ហាធំ ដែលពាក់ព័ន្ធនឹងពេលវេលា រួមទាំងថវិកា ដូច្នេះ គ.ជ.ប ត្រូវតែគិតគូរឲ្យច្បាស់លាស់ មុននឹងសម្រេចថាបន្ថែមថ្ងៃសម្រាប់ការចុះឈ្មោះបោះឆ្នោត ឬមិនបន្ថែម។
លោកប្រាប់ក្រុមអ្នកសារព័ត៌មានបែបនេះថា៖«គ.ជ.ប ទទួលនិងពិចារណារាល់អនុសាសន៍ទាំងឡាយ ដែលពុំទាន់បានដោះស្រាយ។ ការចុះឈ្មោះនៅសល់តែ៤ថ្ងៃទៀតទេ អ៊ីចឹងយើងនឹងធ្វើការភ្លាមៗ ដើម្បីដោះស្រាយនូវរាល់បញ្ហាទាំងឡាយ ដែលពាក់ព័ន្ធនឹងអនុសាសន៍នេះ»៕
Tag:
CNRP
គជប
© រក្សាសិទ្ធិដោយ thmeythmey.com
