ជាតិ
មហោស្រពខ្លែងខ្មែរ៖ខ្លែងឯកលេខ១បានទៅខេត្តកំពង់ឆ្នាំង,លេខ២ រតនគិរី,លេខ៣ ត្បូងឃ្មុំ
×![]()
ភ្នំពេញ៖ ខ្លែងឯកមកពីមន្ទីរវប្បធម៌ និងវិចិត្រសិល្បៈខេត្តកំពង់ឆ្នាំង មានឈ្មោះថា ខ្លែងឯកក្រាំងលាវ បានទទួលជ័យលាភីលេខ១ ក្នុងចំណោម១៧ រាជធានី-ខេត្ត។ រីឯជ័យលាភីបេក្ខជន-បេក្ខនារី ស្វៃរិន លេខ១ បានទៅលើខ្លែងរាងកង់ របស់កញ្ញា រ័ត្ន បូរី ដែលបានចូលរួមមហោស្រពបង្ហើរខ្លែងខ្មែរ លើកទី២០ រៀបចំដោយក្រសួងវប្បធម៍ និងវិចិត្រសិល្បៈ។ មហោស្រពនេះ រៀបចំធ្វើឡើងនៅបរិវេណមជ្ឈមណ្ឌលសន្និបាតនិងពិព័រណ៍កោះពេជ្រ នាព្រឹកថ្ងៃទី១៤ ធ្នូ។
ខ្លែងឯកមកពីមន្ទីរវប្បធម៌ និងវិចិត្រសិល្បៈខេត្តកំពង់ឆ្នាំង ឈ្មោះខ្លែងឯកក្រាំងលាវ ដែលមានរូបឆ្នាំងដី បានទទួលជ័យលាភីលេខ១ និងជ័យលាភីលេខ២ បានទៅលើខ្លែងឯកមកពីខេត្តរតនគិរីឈ្មោះខ្លែងឯករតនៈមានជ័យ មានរូបជនជាតិដើមភាគតិច។ សម្រាប់ជ័យលាភីលេខ៣ បានទៅលើខ្លែងឯកមកពីខេត្តត្បូងឃ្មុំ ឈ្មោះខ្លែងឯកមហិទ្ធិឫទ្ធិសែនជ័យបារមីត្បូងឃ្មុំ មានរូបពាន និងទេសភាពចម្ការកៅស៊ូ និងចម្ការម្រេច ដែលជាបេក្ខជនជាប់ជ័យលាភីក្នុងចំណោមបេក្ខជន១៧ រាជធានី-ខេត្តទូទៅប្រទេស។ ការប្រកួតខ្លែងនេះ ជាកម្មវិធីមហោស្រពបង្ហើរខ្លែងខ្មែរ លើកទី២០ ដែលរៀបចំដោយក្រសួងវប្បធម៌ និងវិចិត្រសិល្បៈ។
ជាមួយគ្នានេះ ក្រៅពីការប្រកួតប្រជែងបង្ហោះខ្លែងឯក ក៏មានបេក្ខជន បេក្ខនារី ស្វៃរិន ចូលរួមមហោស្រពបង្ហើរខ្លែងនេះផងដែរ។ បេក្ខជន-បេក្ខនារី ស្វៃរិន ចូលរួមមហោស្រពបង្ហើរខ្លែង ដែលទទួលបានជ័យលាភីលេខ ១ បានទៅលើខ្លែងកង់ របស់កញ្ញា រ័ត្ន បូរី ជាសិស្សវិទ្យាល័យជ័យវរ្ម័នទី៧ ក្នុងខេត្តកណ្តាល និងជ័យលាភីលេខ២ បានទៅលើខ្លែងក្អែប របស់លោក សួន ស៊ីធាន មកពីខេត្តកណ្តាល។ រីឯជ័យលាភីលេខ៣ បានទៅលើខ្លែងហនុមានរំដោះនាងសីតា របស់លោក ឈឹម សារិ មកពីខេត្តសៀមរាប។
លក្ខខណ្ឌនៃការផ្ដល់ពិន្ទុនៅក្នុងមហោស្រពបង្ហើរខ្លែងខ្មែរនេះ មាន៣ ចំណុចសំខាន់ៗគឺ៖ បច្ចេកទេសក្នុងការធ្វើ (ខ្លែងអាចមានលំនឹងល្អ) សោភ័ណភាពខ្លែង (ស្លាប ដងខ្លួន និងកន្ទុយ) និងសម្លេងឯក។
បើតាមសេចក្តីប្រកាសព័ត៌មានរបស់ក្រសួងវប្បធម៌ ការប្រារព្ធបើកមហោស្រពបង្ហើរខ្លែងខ្មែរមានគោលបំណងឲ្យមានប្រពៃណីនៃការបង្ហោះខ្លែង ដែលជាផ្នែកមួយយ៉ាងសំខាន់នៃវប្បធម៌ជាតិ ឲ្យបានឋិតនៅជាប់ជានិច្ចក្នុងចិត្តប្រជាជន គ្រប់ស្រទាប់ ជាពិសេស ចូលរួមពង្រីក និងផ្សព្វផ្សាយវប្បធម៌ លើវិស័យខ្លែងខ្មែរឲ្យកាន់តែផុសផុល។
គួររម្លឹកថា ជារៀងរាល់ឆ្នាំ ក្រសួងវប្បធម៌ និងវិចិត្រសិល្បៈ តែងតែប្រារព្ធពិធីបើកមហោស្រពបង្ហើរខ្លែងខ្មែរ ដែលមានការចូលរួមពីបណ្ដារាជធានី-ខេត្ត នៅទូទៅប្រទេស។ មហោស្រពលើកនេះ មានការចួលរួមពីបណ្ដារាជធានី-ខេត្ត ចំនួន ១៧ខេត្ត និងបេក្ខជនស្វៃរិន សរុប ៦៨នាក់ និងមានខ្លែងចូលរួមចំនួន ៥១ខ្លែង។ ចំណែកឯកាលពីឆ្នាំ២០១៥កន្លងទៅ មាន១៩ រាជធានី-ខេត្ត សរុបបេក្ខជនទាំងអស់ ៦៨នាក់ នឹង៤៩ ខ្លែង៕
ខ្លែងឯកមកពីមន្ទីរវប្បធម៌ និងវិចិត្រសិល្បៈខេត្តកំពង់ឆ្នាំង ឈ្មោះខ្លែងឯកក្រាំងលាវ ដែលមានរូបឆ្នាំងដី បានទទួលជ័យលាភីលេខ១ និងជ័យលាភីលេខ២ បានទៅលើខ្លែងឯកមកពីខេត្តរតនគិរីឈ្មោះខ្លែងឯករតនៈមានជ័យ មានរូបជនជាតិដើមភាគតិច។ សម្រាប់ជ័យលាភីលេខ៣ បានទៅលើខ្លែងឯកមកពីខេត្តត្បូងឃ្មុំ ឈ្មោះខ្លែងឯកមហិទ្ធិឫទ្ធិសែនជ័យបារមីត្បូងឃ្មុំ មានរូបពាន និងទេសភាពចម្ការកៅស៊ូ និងចម្ការម្រេច ដែលជាបេក្ខជនជាប់ជ័យលាភីក្នុងចំណោមបេក្ខជន១៧ រាជធានី-ខេត្តទូទៅប្រទេស។ ការប្រកួតខ្លែងនេះ ជាកម្មវិធីមហោស្រពបង្ហើរខ្លែងខ្មែរ លើកទី២០ ដែលរៀបចំដោយក្រសួងវប្បធម៌ និងវិចិត្រសិល្បៈ។
ជាមួយគ្នានេះ ក្រៅពីការប្រកួតប្រជែងបង្ហោះខ្លែងឯក ក៏មានបេក្ខជន បេក្ខនារី ស្វៃរិន ចូលរួមមហោស្រពបង្ហើរខ្លែងនេះផងដែរ។ បេក្ខជន-បេក្ខនារី ស្វៃរិន ចូលរួមមហោស្រពបង្ហើរខ្លែង ដែលទទួលបានជ័យលាភីលេខ ១ បានទៅលើខ្លែងកង់ របស់កញ្ញា រ័ត្ន បូរី ជាសិស្សវិទ្យាល័យជ័យវរ្ម័នទី៧ ក្នុងខេត្តកណ្តាល និងជ័យលាភីលេខ២ បានទៅលើខ្លែងក្អែប របស់លោក សួន ស៊ីធាន មកពីខេត្តកណ្តាល។ រីឯជ័យលាភីលេខ៣ បានទៅលើខ្លែងហនុមានរំដោះនាងសីតា របស់លោក ឈឹម សារិ មកពីខេត្តសៀមរាប។
លក្ខខណ្ឌនៃការផ្ដល់ពិន្ទុនៅក្នុងមហោស្រពបង្ហើរខ្លែងខ្មែរនេះ មាន៣ ចំណុចសំខាន់ៗគឺ៖ បច្ចេកទេសក្នុងការធ្វើ (ខ្លែងអាចមានលំនឹងល្អ) សោភ័ណភាពខ្លែង (ស្លាប ដងខ្លួន និងកន្ទុយ) និងសម្លេងឯក។
បើតាមសេចក្តីប្រកាសព័ត៌មានរបស់ក្រសួងវប្បធម៌ ការប្រារព្ធបើកមហោស្រពបង្ហើរខ្លែងខ្មែរមានគោលបំណងឲ្យមានប្រពៃណីនៃការបង្ហោះខ្លែង ដែលជាផ្នែកមួយយ៉ាងសំខាន់នៃវប្បធម៌ជាតិ ឲ្យបានឋិតនៅជាប់ជានិច្ចក្នុងចិត្តប្រជាជន គ្រប់ស្រទាប់ ជាពិសេស ចូលរួមពង្រីក និងផ្សព្វផ្សាយវប្បធម៌ លើវិស័យខ្លែងខ្មែរឲ្យកាន់តែផុសផុល។
គួររម្លឹកថា ជារៀងរាល់ឆ្នាំ ក្រសួងវប្បធម៌ និងវិចិត្រសិល្បៈ តែងតែប្រារព្ធពិធីបើកមហោស្រពបង្ហើរខ្លែងខ្មែរ ដែលមានការចូលរួមពីបណ្ដារាជធានី-ខេត្ត នៅទូទៅប្រទេស។ មហោស្រពលើកនេះ មានការចួលរួមពីបណ្ដារាជធានី-ខេត្ត ចំនួន ១៧ខេត្ត និងបេក្ខជនស្វៃរិន សរុប ៦៨នាក់ និងមានខ្លែងចូលរួមចំនួន ៥១ខ្លែង។ ចំណែកឯកាលពីឆ្នាំ២០១៥កន្លងទៅ មាន១៩ រាជធានី-ខេត្ត សរុបបេក្ខជនទាំងអស់ ៦៨នាក់ នឹង៤៩ ខ្លែង៕
Tag:
មហោស្រពខ្លែង
ខ្លែងឯក
© រក្សាសិទ្ធិដោយ thmeythmey.com
