អន្តរជាតិ
×![]()
ដោយ: តន ចាន់រិទ្ធារ៉ា
ពីវេទិកាមួយ ទៅវេទិកាមួយ ប្រធានាធិបតីហ្វីលីនពីន Rodrigo Duterte តែងឆ្លៀតពេលវាយប្រហារ និងបង្ហាញការមិនពេញចិត្តចំពោះអាមេរិក។ ការកាត់ជំនួយ៤០០លានដុល្លារពីសំណាក់ស្ថាប័នផ្ដល់ជំនួយរបស់អាមេរិកនាពេលថ្មីៗនេះ រឹតតែធ្វើឲ្យលោកខឹងសម្បារយ៉ាងខ្លាំង។ ដោយសាររឿងនេះ លោក Duterte ថែមទាំងហ៊ានរិះគន់ក្រុងវ៉ាស៊ីនតោន នៅចំពោះមុខអគ្គរដ្ឋទូតអាមេរិកទៀតផង។
ប្រធានាធិបតីហ្វីលីពីន Rodrigo Duterte និងអគ្គរដ្ឋទូតអាមេរិកថ្មីប្រចាំហ្វីលីពីន Sung Kim បានចូលរួមកម្មវិធីមួយនៅវិមានប្រធានាធិបតីនៅថ្ងៃទី១៩ ខែធ្នូ។ ដូចសព្វដងនោះ ប្រធានាធិបតី Duterte បានវាយប្រហារអាមេរិកយ៉ាងខ្លាំង ដោយមិនក្រែងចិត្តអគ្គរដ្ឋទូតអាមេរិកដែលអង្គុយនៅក្នុងកម្មវិធីជាមួយលោកឡើយ។ នៅចំពោះមុខអគ្គរដ្ឋទូតអាមេរិក លោក Duterte រិះគន់អាមេរិក ដែលថ្មីៗនេះ មិនព្រមផ្ដល់ជំនួយឲ្យហ្វីលីពីន។
អាមេរិកបានសម្រេចផ្អាកការផ្ដល់ជំនួយ៤០០លានដុល្លារនេះ ដ្បិតព្រួយបារម្ភការរំលោភសិទ្ធិមនុស្សក្នុងយុទ្ធនាការបង្ក្រាបគ្រឿងញៀន។ ដោយសំដៅលើការផ្ដាច់ជំនួយនេះ ប្រធានាធិបតីមានអត់គម្របរូបនេះបញ្ជាក់របៀបឌឺដងថា៖ «៤០០លានដុល្លារ? ចិននឹងឲ្យខ្ញុំ១៥ពាន់លានដុល្លារឯណោះ។ ទៅផ្ទះវិញទៅ។ ខ្ញុំមិនត្រូវការជំនួយរបស់អ្នកឡើយ»។ នេះបើយោងតាមការផ្សាយរបស់សារព័ត៌មាន Rappler ។
ប្រភពព័ត៌មានដដែលនេះបន្តថា លោក Sung Kim ដែលជាអគ្គរដ្ឋទូតសញ្ជាតិកូរ៉េខាងត្បូង បានត្រឹមអង្គុយនៅស្ងៀមនិងធ្វើមុខស្មើចែសប៉ុណ្ណោះ។ ដោយទំនងដឹងថា អគ្គរដ្ឋទូតអាមេរិកចូលរួមកម្មវិធីនេះដែរ លោក Duterte បានបន្ទន់សម្ដីបន្តិចថា នៅពេលអាមេរិក ព្យាយាមដោះស្រាយបញ្ហាជាមួយប្រទេសអាស៊ាន អាមេរិកត្រូវប្រយ័ត្នសម្ដីរបស់ខ្លួន។ អាមេរិកមិនអាចប្រើអាកប្បកិរិយាបែបនេះដាក់ជប៉ុន ឬកូរ៉េខាងត្បូងឡើយ។
ដោយសារតែរឿងផ្ដាច់ជំនួយនេះដែរ ប្រធានាធិបតីហ្វីលីពីន Rodrigo Duterte បានគំរាមបណ្ដេញទាហានអាមេរិកចេញពីទឹកដីរបស់ខ្លួន ដោយលោកបានព្រមានលុបចោលកិច្ចព្រមព្រៀង ដែលអនុញ្ញាតឲ្យកងកម្លាំងអាមេរិកស្នាក់នៅលើទឹកដីហ្វីលីពីនមិនអចិន្ត្រៃយ៍។ លោក បានប្រាប់អាមេរិកត្រូវតែបង់ថ្លៃចំណាយឲ្យហ្វីលីពីន បើអាមេរិកចង់ឲ្យទាហានរបស់ខ្លួនស្នាក់នៅបន្ត ឬក៏ចង់ដាក់មូលដ្ឋាននោះ។
រឿងរ៉ាវនៃការផ្ដាច់ជំនួយ និងការឆ្លើយឆ្លងរវាងអាមេរិក និងហ្វីលីពីន កើតឡើងក្រោយរដ្ឋបាលប្រធានាធិបតី Duterte បើកយុទ្ធនាការបង្ក្រាបគ្រឿងញៀន ដែលបានសម្លាប់មនុស្សជាច្រើនពាន់នាក់មកហើយ។ អាមេរិកបង្ហាញការព្រួយបារម្ភរបស់ខ្លួនចំពោះស្ថានភាពសិទ្ធិមនុស្សនៅហ្វីលីពីន តែត្រូវបានប្រធានាធិបតី Duterte រិះគន់ខ្លាំងវិញដែរ។ រឿងនេះក៏រាលដាលដល់ទំនាក់ទំនងយោធារវាងប្រទេសទាំងពីរ ដល់ថ្នាក់លោក Duterte បញ្ជាឲ្យលុបចោលសមយុទ្ធរួមគ្នាជាច្រើន និងចង់បណ្ដេញទាហានអាមេរិកចេញទៀតផង៕
ប្រធានាធិបតីហ្វីលីពីន Rodrigo Duterte និងអគ្គរដ្ឋទូតអាមេរិកថ្មីប្រចាំហ្វីលីពីន Sung Kim បានចូលរួមកម្មវិធីមួយនៅវិមានប្រធានាធិបតីនៅថ្ងៃទី១៩ ខែធ្នូ។ ដូចសព្វដងនោះ ប្រធានាធិបតី Duterte បានវាយប្រហារអាមេរិកយ៉ាងខ្លាំង ដោយមិនក្រែងចិត្តអគ្គរដ្ឋទូតអាមេរិកដែលអង្គុយនៅក្នុងកម្មវិធីជាមួយលោកឡើយ។ នៅចំពោះមុខអគ្គរដ្ឋទូតអាមេរិក លោក Duterte រិះគន់អាមេរិក ដែលថ្មីៗនេះ មិនព្រមផ្ដល់ជំនួយឲ្យហ្វីលីពីន។
អាមេរិកបានសម្រេចផ្អាកការផ្ដល់ជំនួយ៤០០លានដុល្លារនេះ ដ្បិតព្រួយបារម្ភការរំលោភសិទ្ធិមនុស្សក្នុងយុទ្ធនាការបង្ក្រាបគ្រឿងញៀន។ ដោយសំដៅលើការផ្ដាច់ជំនួយនេះ ប្រធានាធិបតីមានអត់គម្របរូបនេះបញ្ជាក់របៀបឌឺដងថា៖ «៤០០លានដុល្លារ? ចិននឹងឲ្យខ្ញុំ១៥ពាន់លានដុល្លារឯណោះ។ ទៅផ្ទះវិញទៅ។ ខ្ញុំមិនត្រូវការជំនួយរបស់អ្នកឡើយ»។ នេះបើយោងតាមការផ្សាយរបស់សារព័ត៌មាន Rappler ។
ប្រភពព័ត៌មានដដែលនេះបន្តថា លោក Sung Kim ដែលជាអគ្គរដ្ឋទូតសញ្ជាតិកូរ៉េខាងត្បូង បានត្រឹមអង្គុយនៅស្ងៀមនិងធ្វើមុខស្មើចែសប៉ុណ្ណោះ។ ដោយទំនងដឹងថា អគ្គរដ្ឋទូតអាមេរិកចូលរួមកម្មវិធីនេះដែរ លោក Duterte បានបន្ទន់សម្ដីបន្តិចថា នៅពេលអាមេរិក ព្យាយាមដោះស្រាយបញ្ហាជាមួយប្រទេសអាស៊ាន អាមេរិកត្រូវប្រយ័ត្នសម្ដីរបស់ខ្លួន។ អាមេរិកមិនអាចប្រើអាកប្បកិរិយាបែបនេះដាក់ជប៉ុន ឬកូរ៉េខាងត្បូងឡើយ។
ដោយសារតែរឿងផ្ដាច់ជំនួយនេះដែរ ប្រធានាធិបតីហ្វីលីពីន Rodrigo Duterte បានគំរាមបណ្ដេញទាហានអាមេរិកចេញពីទឹកដីរបស់ខ្លួន ដោយលោកបានព្រមានលុបចោលកិច្ចព្រមព្រៀង ដែលអនុញ្ញាតឲ្យកងកម្លាំងអាមេរិកស្នាក់នៅលើទឹកដីហ្វីលីពីនមិនអចិន្ត្រៃយ៍។ លោក បានប្រាប់អាមេរិកត្រូវតែបង់ថ្លៃចំណាយឲ្យហ្វីលីពីន បើអាមេរិកចង់ឲ្យទាហានរបស់ខ្លួនស្នាក់នៅបន្ត ឬក៏ចង់ដាក់មូលដ្ឋាននោះ។
រឿងរ៉ាវនៃការផ្ដាច់ជំនួយ និងការឆ្លើយឆ្លងរវាងអាមេរិក និងហ្វីលីពីន កើតឡើងក្រោយរដ្ឋបាលប្រធានាធិបតី Duterte បើកយុទ្ធនាការបង្ក្រាបគ្រឿងញៀន ដែលបានសម្លាប់មនុស្សជាច្រើនពាន់នាក់មកហើយ។ អាមេរិកបង្ហាញការព្រួយបារម្ភរបស់ខ្លួនចំពោះស្ថានភាពសិទ្ធិមនុស្សនៅហ្វីលីពីន តែត្រូវបានប្រធានាធិបតី Duterte រិះគន់ខ្លាំងវិញដែរ។ រឿងនេះក៏រាលដាលដល់ទំនាក់ទំនងយោធារវាងប្រទេសទាំងពីរ ដល់ថ្នាក់លោក Duterte បញ្ជាឲ្យលុបចោលសមយុទ្ធរួមគ្នាជាច្រើន និងចង់បណ្ដេញទាហានអាមេរិកចេញទៀតផង៕
Tag:
ហ្វីលីពីន
អាមេរិក
Rodrigo Duterte
© រក្សាសិទ្ធិដោយ thmeythmey.com
