ជាតិ
«ថ្ងៃចន្ទពណ៌ខ្មៅ» ចាប់ផ្តើមងើបឡើងវិញ ក្រោយដំណឹងនៃការដោះលែងមន្ត្រីសិទ្ធិមនុស្សស្ងប់ស្ងាត់
រូបភាពីហ្វេសប៊ុក លោកស្រី ប៉ូវ សោភា
×![]()
ដោយ: ថ្មីៗ
ភ្នំពេញ៖ សកម្មជនបឹងកក់ នៅតែបន្តធ្វើយុទ្ធនាការ «ថ្ងៃចន្ទពណ៌ខ្មៅ» ដើម្បីសុំឲ្យដោះលែងមន្ត្រីអាដហុក និងមន្ត្រីគ.ជ.ប រួមទាំងលោកស្រី ទេព វន្នី ដែលកំពុងជាប់ពន្ធនាគារ។ ពួកគេ សង្ឃឹមថា ការតវ៉ានេះ នឹងអាចទទួលបានលទ្ធផលជាវិជ្ជមាន នៅថ្ងៃណាមួយ ជាមិនខាន។
នៅព្រឹកថ្ងៃទី៩ មករា នេះ ក្រុមសកម្មជនបឹងកក់ប្រហែលជា២០នាក់ បាននាំគ្នាធ្វើយុទ្ធនាការថ្ងៃចន្ទពណ៌ខ្មៅសាជាថ្មី បន្ទាប់ពីផ្អាកអស់រយៈពេល២សប្តាហ៍ជាប់គ្នា ក្រោយមានការលើកលែងទោសដល់ឯកឧត្តម កឹម សុខា ប្រធានស្តីទីគណបក្សសង្គ្រោះជាតិ ដែលនាំឲ្យមានក្តីសង្ឃឹមថា វា នឹងនាំដល់ការដោះលែងសកម្មជនសិទ្ធិមនុស្សនិងមន្ត្រីគ.ជ.ប ម្នាក់ផងដែរ។
លោកស្រី ប៉ូវ សោភា សកម្មជនបឹងកក់ម្នាក់ដែលធ្លាប់ជាប់ពន្ធនាគារកន្លងមកនោះ និយាយថា ថា៖«ពួកខ្ញុំនៅតែតវ៉ា បើមិនដោះលែងពួកគាត់។ យើង មិនបញ្ឈប់ទេ»។
សកម្មភាពនៃការចូលរួមយុទ្ធនាការក្នុងថ្ងៃចន្ទនេះ ប្រព្រឹត្តទៅដោយគ្មានការប៉ះទង្គិចជាមួយនឹងអាជ្ញាធរឡើយ។ រហូតមកដល់ពេលនេះ សកម្មជនបឹងកក់ រួមទាំងប្រជាពលរដ្ឋផ្សេងទៀត បានចូលរួមក្នុងយុទ្ធនាការនេះ ប្រហែលជា៣០លើកហើយ។
លោកស្រី ប៉ូវ សោភា និយាយថា ការបន្តធ្វើយុទ្ធនាការថ្ងៃចន្ទពណ៌ខ្មៅនេះ គ្មានបំណងអ្វីផ្សេង ក្រៅពីស្នើឲ្យដោះលែងមន្ត្រីអាដហុក និងមន្ត្រីគ.ជ.ប រួមទាំងលោកស្រី ទេព វន្នី ដែលកំពុងជាប់ពន្ធនាគារ នោះទេ។ លោកស្រី ប៉ូវ សោភា បន្តទៀតថា បើទោះបីជា មិនទាន់ទទួលបានលទ្ធផលជាវិជ្ជមានក៏ដោយ ក៏លោកស្រី រួមទាំងសកម្មជនផ្សេងទៀត មិនអស់សង្ឃឹម ហើយបញ្ឍប់ការតវ៉ាដែរ។
លោកស្រី ប៉ូវ សោភា និយាយទៀតថា សកម្មជនបឹងកក់ បានសម្រេចផ្អាកធ្វើយុទ្ធនាការចំនួន ២សប្តាហ៍ជាប់គ្នា ក្រោយបក្សកាន់អំណាច និងបក្សប្រឆាំង ប្រកាសថា នឹងជួបគ្នា ដើម្បីដោះស្រាយបញ្ហា ទាក់ទងនឹងមន្ត្រីអាដហុក និងគ.ជ.ប រួមទាំង អ្នកដទៃទៀត ដែលកំពុងជាប់ពន្ធនាគារ។ លោកស្រី បន្តថា ដោយសារតែការប្រកាសខាងលើ ស្ងប់ស្ងាត់ទៅវិញ ទើបសកម្មជនបឹងកក់ នាំគ្នាតវ៉ាសាជាថ្មី នៅថ្ងៃចន្ទនេះ។
លោកស្រី ប៉ូវ សោភា សង្ឃឹមថា ការដោះលែងមន្ត្រីអាដហុក នឹងមន្ត្រីគ.ជ.ប នឹងអាចកើតឡើង ប្រសិនបើបក្សធំៗទាំង២ សម្រេចថា នឹងជួបចរចាគ្នាមែននោះ។ លោកស្រី ទទូចឲ្យថ្នាក់ដឹកនាំជាន់ខ្ពស់នៃគណបក្សមានអាសនៈក្នុងរដ្ឋសភា ជួបគ្នាឲ្យបានឆាប់ៗ។
កាលពីប៉ុន្មានថ្ងៃមុន សញ្ញាវិជ្ជមានបានលេចឡើងម្តងទៀត ដោយសម្តេច ស ខេង អនុប្រធានគណបក្សប្រជាជនកម្ពុជា ក្នុងនាមជាប្រធានមតិភាគច្រើនក្នុងរដ្ឋសភា សម្រេចថា អាចនឹងជួបចរចា ជាមួយនឹងឯកឧត្តម កឹម សុខា អនុប្រធានគណបក្សសង្គ្រោះជាតិ និងជាប្រធានមតិភាគតិចក្នុងរដ្ឋសភា នៅក្រោយថ្ងៃទី១១ ខែមករា។ ទោះបីជាបក្សទាំង២ មិនទាន់បញ្ជាក់ពីគោលបំណងក៏ពិតមែន តែគម្រោងនៃការចរចានេះ ទំនងជាទាក់ទងនឹងការដោះលែង មន្ត្រីអាដហុក មន្ត្រីគ.ជ.ប សកម្មជនដីធ្លី រួមទាំងសកម្មជនបក្សប្រឆាំងផ្សេងៗទៀត។
បច្ចុប្បន្ននេះ សំណុំរឿងរបស់មន្ត្រីអាដហុកទាំង៤រូប គឺ លោក នី សុខា លោក យី សុខសាន្ត លោក ណៃ វង់ដា និងលោកស្រី លឹម មុន្នី រួមទាំងលោក នី ចរិយា អគ្គលេខាធិការរងរបស់គ.ជ.ប កំពុងតែស្ថិតក្នុងដៃចៅក្រមស៊ើបសួរ នៃសាលាដំបូងរាជធានីភ្នំពេញ។ តាមផ្លូវច្បាប់ ចៅក្រមស៊ើបសួរ អាចនឹងលើកលែងការចោទប្រកាន់ ហើយដោះលែងអ្នកទាំង៥ខាងលើ ឲ្យមានសេរីភាពឡើងវិញ ឬក៏សម្រេចបញ្ជូនសំណុំរឿងរបស់ពួកគេ ទៅជំនុំជម្រះ។
លោក សំ សុគង់ ដែលជាមេធាវី១រូប ក្នុងចំណោមមេធាវីទាំង៥រូប ដែលរួមគ្នាការពារក្តីឲ្យអ្នកទាំង៥ខាងលើ សង្ឃឹមថា កូនក្តីរបស់លោក អាចនឹងរួចផុតពីការចោទប្រកាន់ ហើយមានឱកាសបាននៅក្រៅឃុំ ប្រសិនបើអ្នកនយោបាយ ពិតជាមានឆន្ទៈក្នុងការគិតគូរពីបញ្ហានេះមែន។ បើតាមការអះអាងរបស់មេធាវីរូបនេះកន្លងមក មន្ត្រីអាដហុក និងមន្ត្រីគ.ជ.ប មិនមានទោសកំហុស ដូចការចោទប្រកាន់របស់តុលាការនោះទេ៕
នៅព្រឹកថ្ងៃទី៩ មករា នេះ ក្រុមសកម្មជនបឹងកក់ប្រហែលជា២០នាក់ បាននាំគ្នាធ្វើយុទ្ធនាការថ្ងៃចន្ទពណ៌ខ្មៅសាជាថ្មី បន្ទាប់ពីផ្អាកអស់រយៈពេល២សប្តាហ៍ជាប់គ្នា ក្រោយមានការលើកលែងទោសដល់ឯកឧត្តម កឹម សុខា ប្រធានស្តីទីគណបក្សសង្គ្រោះជាតិ ដែលនាំឲ្យមានក្តីសង្ឃឹមថា វា នឹងនាំដល់ការដោះលែងសកម្មជនសិទ្ធិមនុស្សនិងមន្ត្រីគ.ជ.ប ម្នាក់ផងដែរ។
លោកស្រី ប៉ូវ សោភា សកម្មជនបឹងកក់ម្នាក់ដែលធ្លាប់ជាប់ពន្ធនាគារកន្លងមកនោះ និយាយថា ថា៖«ពួកខ្ញុំនៅតែតវ៉ា បើមិនដោះលែងពួកគាត់។ យើង មិនបញ្ឈប់ទេ»។
សកម្មភាពនៃការចូលរួមយុទ្ធនាការក្នុងថ្ងៃចន្ទនេះ ប្រព្រឹត្តទៅដោយគ្មានការប៉ះទង្គិចជាមួយនឹងអាជ្ញាធរឡើយ។ រហូតមកដល់ពេលនេះ សកម្មជនបឹងកក់ រួមទាំងប្រជាពលរដ្ឋផ្សេងទៀត បានចូលរួមក្នុងយុទ្ធនាការនេះ ប្រហែលជា៣០លើកហើយ។
លោកស្រី ប៉ូវ សោភា និយាយថា ការបន្តធ្វើយុទ្ធនាការថ្ងៃចន្ទពណ៌ខ្មៅនេះ គ្មានបំណងអ្វីផ្សេង ក្រៅពីស្នើឲ្យដោះលែងមន្ត្រីអាដហុក និងមន្ត្រីគ.ជ.ប រួមទាំងលោកស្រី ទេព វន្នី ដែលកំពុងជាប់ពន្ធនាគារ នោះទេ។ លោកស្រី ប៉ូវ សោភា បន្តទៀតថា បើទោះបីជា មិនទាន់ទទួលបានលទ្ធផលជាវិជ្ជមានក៏ដោយ ក៏លោកស្រី រួមទាំងសកម្មជនផ្សេងទៀត មិនអស់សង្ឃឹម ហើយបញ្ឍប់ការតវ៉ាដែរ។
លោកស្រី ប៉ូវ សោភា និយាយទៀតថា សកម្មជនបឹងកក់ បានសម្រេចផ្អាកធ្វើយុទ្ធនាការចំនួន ២សប្តាហ៍ជាប់គ្នា ក្រោយបក្សកាន់អំណាច និងបក្សប្រឆាំង ប្រកាសថា នឹងជួបគ្នា ដើម្បីដោះស្រាយបញ្ហា ទាក់ទងនឹងមន្ត្រីអាដហុក និងគ.ជ.ប រួមទាំង អ្នកដទៃទៀត ដែលកំពុងជាប់ពន្ធនាគារ។ លោកស្រី បន្តថា ដោយសារតែការប្រកាសខាងលើ ស្ងប់ស្ងាត់ទៅវិញ ទើបសកម្មជនបឹងកក់ នាំគ្នាតវ៉ាសាជាថ្មី នៅថ្ងៃចន្ទនេះ។
លោកស្រី ប៉ូវ សោភា សង្ឃឹមថា ការដោះលែងមន្ត្រីអាដហុក នឹងមន្ត្រីគ.ជ.ប នឹងអាចកើតឡើង ប្រសិនបើបក្សធំៗទាំង២ សម្រេចថា នឹងជួបចរចាគ្នាមែននោះ។ លោកស្រី ទទូចឲ្យថ្នាក់ដឹកនាំជាន់ខ្ពស់នៃគណបក្សមានអាសនៈក្នុងរដ្ឋសភា ជួបគ្នាឲ្យបានឆាប់ៗ។
កាលពីប៉ុន្មានថ្ងៃមុន សញ្ញាវិជ្ជមានបានលេចឡើងម្តងទៀត ដោយសម្តេច ស ខេង អនុប្រធានគណបក្សប្រជាជនកម្ពុជា ក្នុងនាមជាប្រធានមតិភាគច្រើនក្នុងរដ្ឋសភា សម្រេចថា អាចនឹងជួបចរចា ជាមួយនឹងឯកឧត្តម កឹម សុខា អនុប្រធានគណបក្សសង្គ្រោះជាតិ និងជាប្រធានមតិភាគតិចក្នុងរដ្ឋសភា នៅក្រោយថ្ងៃទី១១ ខែមករា។ ទោះបីជាបក្សទាំង២ មិនទាន់បញ្ជាក់ពីគោលបំណងក៏ពិតមែន តែគម្រោងនៃការចរចានេះ ទំនងជាទាក់ទងនឹងការដោះលែង មន្ត្រីអាដហុក មន្ត្រីគ.ជ.ប សកម្មជនដីធ្លី រួមទាំងសកម្មជនបក្សប្រឆាំងផ្សេងៗទៀត។
បច្ចុប្បន្ននេះ សំណុំរឿងរបស់មន្ត្រីអាដហុកទាំង៤រូប គឺ លោក នី សុខា លោក យី សុខសាន្ត លោក ណៃ វង់ដា និងលោកស្រី លឹម មុន្នី រួមទាំងលោក នី ចរិយា អគ្គលេខាធិការរងរបស់គ.ជ.ប កំពុងតែស្ថិតក្នុងដៃចៅក្រមស៊ើបសួរ នៃសាលាដំបូងរាជធានីភ្នំពេញ។ តាមផ្លូវច្បាប់ ចៅក្រមស៊ើបសួរ អាចនឹងលើកលែងការចោទប្រកាន់ ហើយដោះលែងអ្នកទាំង៥ខាងលើ ឲ្យមានសេរីភាពឡើងវិញ ឬក៏សម្រេចបញ្ជូនសំណុំរឿងរបស់ពួកគេ ទៅជំនុំជម្រះ។
លោក សំ សុគង់ ដែលជាមេធាវី១រូប ក្នុងចំណោមមេធាវីទាំង៥រូប ដែលរួមគ្នាការពារក្តីឲ្យអ្នកទាំង៥ខាងលើ សង្ឃឹមថា កូនក្តីរបស់លោក អាចនឹងរួចផុតពីការចោទប្រកាន់ ហើយមានឱកាសបាននៅក្រៅឃុំ ប្រសិនបើអ្នកនយោបាយ ពិតជាមានឆន្ទៈក្នុងការគិតគូរពីបញ្ហានេះមែន។ បើតាមការអះអាងរបស់មេធាវីរូបនេះកន្លងមក មន្ត្រីអាដហុក និងមន្ត្រីគ.ជ.ប មិនមានទោសកំហុស ដូចការចោទប្រកាន់របស់តុលាការនោះទេ៕
Tag:
ADHOC
NEC
ថ្ងៃចន្ទពណ៌ខ្មៅ
© រក្សាសិទ្ធិដោយ thmeythmey.com
