អន្តរជាតិ
ប្រមុខ UN សរសើរអាហ្វ្រិកដែលស្វាគមន៍ជនភៀសខ្លួន និងរិះគន់ប្រទេសអ្នកមានដែលបិទព្រំដែន
អគ្គលេខាធិការអង្គការសហប្រជាជាតិ Antonio Guterres (រូបថត UN)
×![]()
ដោយ: តន ចាន់រិទ្ធារ៉ា
អគ្គលេខាធិការអង្គការសហប្រជាជាតិ លោក Antonio Guterres នៅថ្ងៃទី៣០ ខែមករា បានរិះគន់ដោយមិនចំឈ្មោះប្រធានាធិបតី ដូណាល់ ត្រាំ ជុំវិញការចេញបញ្ជាហាមឃាត់ការធ្វើដំណើររបស់ជនបរទេសចូលទឹកដីអាមេរិក។ លោក Antonio Guterres រិះគន់ដូចនេះ ខណៈលោកចូលរួមកិច្ចប្រជុំកំពូលមេដឹកនាំអាហ្វ្រិកនៅអេត្យូពី ជាទីដែលលោកបានលើកសរសើរទ្វីបក្រីក្រមួយនេះ ចំពោះការទទួលយកជនភៀសខ្លួនមកពីជុំវិញពិភពលោក។
«អាហ្វ្រិក ជាទីទទួលយកជនភៀសខ្លួនធំជាងគេ ហើយក៏ចិត្តល្អជាងគេក្នុងការទទួលយកជនភៀសខ្លួន ព្រោះព្រំដែនរបស់ទ្វីបអាហ្វ្រិក នៅតែបើកចំហសម្រាប់អ្នកដែលត្រូវការការពារ នៅពេលដែលព្រំដែនជាច្រើនត្រូវបានបិទ សូម្បីតែនៅប្រទេសអភិវឌ្ឍក៏ដោយ។»នេះជាសម្ដីលើកសរសើររបស់ប្រមុខអង្គការសហប្រជាជាតិ Antonio Guterres ទៅកាន់មេដឹកនាំអាហ្វ្រិកចំពោះសមានចិត្តក្នុងការទទួលយកជនភៀសខ្លួន។
លោក Guterres និយាយសរសើរអាហ្វ្រិក និងបង្អាប់ប្រទេសអ្នកមានខ្លះលើការទទួលយកជនភៀសខ្លួនដូចនេះ នៅពេលលោកចូលរួមក្នុងពិធីបើកជំនួបកំពូលអាហ្វ្រិកលើកទី២៨ នៅទីស្នាក់ការកណ្ដាលក្នុងទីក្រុងអាឌីសអាបេបា រដ្ឋធានីអេត្យូពី។ អគ្គលេខាធិការទើបចូលកាន់តំណែងរូបនេះ បានប្រាប់បណ្ដាមេដឹកនាំអាហ្វ្រិកទៀតថា លោកមកទីនេះដើម្បីស្ដាប់យោបល់, រៀនសូត្រ និងធ្វើការជាមួយពួកគេ ដើម្បីប្រជាជនអាហ្វ្រិក និងពិភពលោកទាំងមូល។
ប្រមុខថ្មីរបស់អង្គការពិភពលោក និយាយរិះគន់គោលនយោបាយបិទព្រំដែនបែបនេះ បន្ទាប់ពីប្រធានាធិបតី ដូណាល់ ត្រាំ ចេញបញ្ជាហាមឃាត់ជនអន្តោប្រវេសន៍មកពី៧ប្រទេសចូលទឹកដីអាមេរិក ដែលក្នុងនោះក៏មានប្រទេសបីជាសមាជិកសហភាពអាហ្វ្រិកផងដែរ គឺលីប៊ី, ស៊ូដង់ និងសូម៉ាលី។ ការដាក់ចេញបទបញ្ជានេះបានធ្វើឲ្យមានការខឹងសម្បារ និងមានប្រតិកម្មខ្លាំងពីសហគមន៍អន្តរជាតិ និងអ្នកគាំទ្រសិទ្ធិមនុស្សជាដើម ដោយគេអះអាងថា វាជាការបំពារបំពានសិទ្ធិនិងរើសអើងសាសនា។
ទីភ្នាក់ងារព័ត៌មាន AFP ផ្សាយថា ក្រៅពីលោក Guterres ប្រធានគណៈកម្មការសហភាអាហ្វ្រិក Nkosazana Dlamini-Zuma ដែលចប់អាណត្តិ ក៏បានរិះគន់វិធានការរបស់លោក ត្រាំ លើការរឹតត្បិតលំហូរជនអន្តោប្រវេសន៍ដែរ។ លោកស្រី Nkosazana និយាយថា វាច្បាស់ណាស់ថា ពិភពលោក បានមកដល់ដំណាក់កាលចលាចល។ ជាឧទាហរណ៍ ប្រទេសដែលធ្លាប់ចាប់អ្នកដទៃធ្វើជាទាសករ បែរជាសម្រេចចិត្តហាមឃាត់ការធ្វើដំណើរនៃជនភៀសខ្លួនទៅវិញ។
ជាការពិត គោលនយោបាយរឹតត្បិតលំហូរជនអន្តោប្រវេសន៍ចូលទឹកដីរបស់លោក ត្រាំ រងការរិះគន់យ៉ាងខ្លាំងពីប្រទេសជាច្រើនជុំវិញពិភពលោក បើទោះជាលោក ត្រាំ អះអាងថានេះជាវិធានការការពារអាមេរិកក៏ដោយ។ ប្រទេសជាច្រើន ក៏មានចំណាត់ការឆ្លើយតបនឹងសកម្មភាពនេះ ដូចជាអ៊ីរ៉ង់ជាដើម ដែលបានសម្រេចចិត្តហាមឃាត់ជនជាតិអាមេរិកចូលទឹកដីរបស់ខ្លួនដូចគ្នា។ ចំណែកអ៊ីរ៉ាក់វិញក៏កំពុងពិចារណាហាមឃាត់ដូចគ្នាដែរ៕
«អាហ្វ្រិក ជាទីទទួលយកជនភៀសខ្លួនធំជាងគេ ហើយក៏ចិត្តល្អជាងគេក្នុងការទទួលយកជនភៀសខ្លួន ព្រោះព្រំដែនរបស់ទ្វីបអាហ្វ្រិក នៅតែបើកចំហសម្រាប់អ្នកដែលត្រូវការការពារ នៅពេលដែលព្រំដែនជាច្រើនត្រូវបានបិទ សូម្បីតែនៅប្រទេសអភិវឌ្ឍក៏ដោយ។»នេះជាសម្ដីលើកសរសើររបស់ប្រមុខអង្គការសហប្រជាជាតិ Antonio Guterres ទៅកាន់មេដឹកនាំអាហ្វ្រិកចំពោះសមានចិត្តក្នុងការទទួលយកជនភៀសខ្លួន។
លោក Guterres និយាយសរសើរអាហ្វ្រិក និងបង្អាប់ប្រទេសអ្នកមានខ្លះលើការទទួលយកជនភៀសខ្លួនដូចនេះ នៅពេលលោកចូលរួមក្នុងពិធីបើកជំនួបកំពូលអាហ្វ្រិកលើកទី២៨ នៅទីស្នាក់ការកណ្ដាលក្នុងទីក្រុងអាឌីសអាបេបា រដ្ឋធានីអេត្យូពី។ អគ្គលេខាធិការទើបចូលកាន់តំណែងរូបនេះ បានប្រាប់បណ្ដាមេដឹកនាំអាហ្វ្រិកទៀតថា លោកមកទីនេះដើម្បីស្ដាប់យោបល់, រៀនសូត្រ និងធ្វើការជាមួយពួកគេ ដើម្បីប្រជាជនអាហ្វ្រិក និងពិភពលោកទាំងមូល។
ប្រមុខថ្មីរបស់អង្គការពិភពលោក និយាយរិះគន់គោលនយោបាយបិទព្រំដែនបែបនេះ បន្ទាប់ពីប្រធានាធិបតី ដូណាល់ ត្រាំ ចេញបញ្ជាហាមឃាត់ជនអន្តោប្រវេសន៍មកពី៧ប្រទេសចូលទឹកដីអាមេរិក ដែលក្នុងនោះក៏មានប្រទេសបីជាសមាជិកសហភាពអាហ្វ្រិកផងដែរ គឺលីប៊ី, ស៊ូដង់ និងសូម៉ាលី។ ការដាក់ចេញបទបញ្ជានេះបានធ្វើឲ្យមានការខឹងសម្បារ និងមានប្រតិកម្មខ្លាំងពីសហគមន៍អន្តរជាតិ និងអ្នកគាំទ្រសិទ្ធិមនុស្សជាដើម ដោយគេអះអាងថា វាជាការបំពារបំពានសិទ្ធិនិងរើសអើងសាសនា។
ទីភ្នាក់ងារព័ត៌មាន AFP ផ្សាយថា ក្រៅពីលោក Guterres ប្រធានគណៈកម្មការសហភាអាហ្វ្រិក Nkosazana Dlamini-Zuma ដែលចប់អាណត្តិ ក៏បានរិះគន់វិធានការរបស់លោក ត្រាំ លើការរឹតត្បិតលំហូរជនអន្តោប្រវេសន៍ដែរ។ លោកស្រី Nkosazana និយាយថា វាច្បាស់ណាស់ថា ពិភពលោក បានមកដល់ដំណាក់កាលចលាចល។ ជាឧទាហរណ៍ ប្រទេសដែលធ្លាប់ចាប់អ្នកដទៃធ្វើជាទាសករ បែរជាសម្រេចចិត្តហាមឃាត់ការធ្វើដំណើរនៃជនភៀសខ្លួនទៅវិញ។
ជាការពិត គោលនយោបាយរឹតត្បិតលំហូរជនអន្តោប្រវេសន៍ចូលទឹកដីរបស់លោក ត្រាំ រងការរិះគន់យ៉ាងខ្លាំងពីប្រទេសជាច្រើនជុំវិញពិភពលោក បើទោះជាលោក ត្រាំ អះអាងថានេះជាវិធានការការពារអាមេរិកក៏ដោយ។ ប្រទេសជាច្រើន ក៏មានចំណាត់ការឆ្លើយតបនឹងសកម្មភាពនេះ ដូចជាអ៊ីរ៉ង់ជាដើម ដែលបានសម្រេចចិត្តហាមឃាត់ជនជាតិអាមេរិកចូលទឹកដីរបស់ខ្លួនដូចគ្នា។ ចំណែកអ៊ីរ៉ាក់វិញក៏កំពុងពិចារណាហាមឃាត់ដូចគ្នាដែរ៕
Tag:
UN
Antonio Guterres
អាហ្វ្រិក
ជនភៀសខ្លួន
ដូណាល់ ត្រាំ
© រក្សាសិទ្ធិដោយ thmeythmey.com
«នាំអាត» និង«នាំអាទិ៍»មួយណាត្រឹមត្រូវ?
1 សប្តាហ៍
