អន្តរជាតិ
នយោបាយអន្តរជាតិ
អតីតប្រធានាធិបតីហ្វីលីពីន ប្រាប់ Duterte ថា «កុំហាមាត់ឡើងនិយាយតែរឿងស្លាប់ពេក»
អតីតប្រធានាធិបតី Fidel Ramos និងប្រធានាធិបតី Rodrigo Duterte (រូបថត GMA Network)
×![]()
ដោយ: តន ចាន់រិទ្ធារ៉ា
អតីតប្រធានាធិបតីហ្វីលីពីន Fidel Ramos បានស្នើឲ្យប្រធានាធិបតី Rodrigo Duterte ឈប់និយាយថា «ខ្ញុំជិតស្លាប់ហើយ» ទៀតទៅ តែត្រូវខិតខំបម្រើប្រទេសជាតិ ព្រោះប្រជាជនហ្វីលីពីន បោះឆ្នោតឲ្យកាន់តំណែងរយៈពេល៦ឆ្នាំឯណោះ។ លោកអតីតប្រធានាធិបតីហ្វីលីពីន ស្នើដូចនេះ ទំនងជាលោកតឹងចិត្តនឹងប្រធានាធិបតី Duterte ដែលតែងតែប្រើពាក្យបែបនេះ នៅពេលលោកខឹងសម្បារ ឬមិនពេញចិត្តថ្នាក់ក្រោមរបស់លោក។
«អត់ទោសឲ្យខ្ញុំផង លោកប្រធានាធិបតី Duterte! តែលោកត្រូវតែសេចក្ដីស្ងប់ដាក់ខ្លួន និងឈប់និយាយពីការស្លាប់ ឬក៏ត្រូវគេសម្លាប់ ឬក៏ខ្ញុំមិនខ្វល់ពីជីវិតទៀតទៅ។ លោកត្រូវថែរក្សាជីវិតរបស់លោកផ្ទាល់»។ នេះជាសម្ដីផ្ដែផ្ដាំរបស់អតីតប្រធានាធិបតី Fidel Ramos ទៅកាន់ប្រមុខប្រតិបត្តិកំពូល Rodrigo Duterte ដែលចូលចិត្តនិយាយពាក្យបែបនេះជារឿយៗ ពេលលោកមានឱកាសថ្លែងសុន្ទកថាម្ដងៗ។
ក្នុងកិច្ចសម្ភាសជាមួយសារព័ត៌មាន Rappler អតីតប្រធានាធិបតីរូបនេះ និយាយទៀតថា លោក Duterte មានកិច្ចការជាច្រើនដែលត្រូវធ្វើ ហើយប្រជាជនហ្វីលីពីន គឺគាំទ្រលោកជានិច្ច។ លោកបន្តថា យើងមិនចង់ឃើញប្រធានាធិបតីនិយាយស្ដីបែបនេះឡើយ ព្រោះលោកត្រូវបានប្រជាជនបោះឆ្នោតឲ្យកាន់តំណែង៦ឆ្នាំ ហើយលោក Duterte ត្រូវបានបំពេញកិច្ចនេះឲ្យបាន។ យ៉ាងណាក្ដី លោក Ramos និយាយដែរថា ចាត់ទុកដំបូន្មានលោកនៅពេលនេះ ប្រហែលមិនត្រូវបានទទួលយកទេ។
ទាក់ទងនឹងនិយាយស្ដីរបស់លោក Duterte លោក Ramos ដែលជាប្រធានាធិបតីហ្វីលីពីនចាប់ពីឆ្នាំ១៩៩២ ដល់ឆ្នាំ១៩៩៨ បានហេតុផលថា ការភ័យខ្លាចរបស់លោកប្រធានាធិបតី Duterte កើតចេញពីអារម្មណ៍មិនស្ងប់របស់លោក ហើយវាអាចកើតចេញពីបរិស្ថានដែលលោក Duterte ផ្ទាល់ ធ្លាប់រស់នៅ។ លោក Ramos បានហៅលោក Duterte ជាមនុស្សមិនមានសេចក្ដីស្ងប់ ព្រោះលោកតែងកើតមានអារម្មណ៍ភ័យខ្លាច។
អ្វីជាការកត់សម្គាល់នោះ ចាប់តាំងពីឈ្នះឆ្នោតក្លាយជាប្រធានាធិបតីក្នុងឆ្នាំ២០១៦ មកនោះ លោក Duterte តែងតែលើកឡើងពីគម្រោងសម្លាប់រូបលោក ឬក៏បណ្ដេញលោកចេញពីតំណែង។ លោកបានទម្លាក់ការចោទប្រកាន់នេះទៅទីភ្នាក់ងារចារកម្មកណ្ដាលអាមេរិក (CIA) ប៉ុន្តែ CIA ក៏បានទាត់ចោលជាបន្តបន្ទាប់ដែរ។ ម្យ៉ាងទៀត លោកក៏ធ្លាប់ចោទប្រកាន់បក្សសេរីនិយមថា ចង់ទម្លាក់លោកពីតំណែងទៀតផង។
សូមរម្លឹកថា កាលពីថ្ងៃទី៣១ ខែមករា លោកប្រធានាធិបតី Duterte ក៏បានហាមាត់និយាយរឿងស្លាប់នេះដែរ ប៉ុន្តែនេះក៏មិនមែនជាលើកទី១ ដែលលោកនិយាយរឿងស្លាប់នេះដែរ។ នៅចំពោះមុខមន្ត្រីយោធាច្រើនរូប លោក Duterte ដែលចង់ប្រើយោធាឲ្យចាប់ខ្លួនប៉ូលិសពុករលួយនិយាយថា៖ «ប្រសិនបើលោកមិនឲ្យកងទ័ពចូលមកពាក់ព័ន្ធរឿងនេះទេ លោកនឹងស្លាប់ ព្រោះគ្មាននរណាត្រួតពិនិត្យប៉ូលិសខិលខូចបានឡើយ»៕
«អត់ទោសឲ្យខ្ញុំផង លោកប្រធានាធិបតី Duterte! តែលោកត្រូវតែសេចក្ដីស្ងប់ដាក់ខ្លួន និងឈប់និយាយពីការស្លាប់ ឬក៏ត្រូវគេសម្លាប់ ឬក៏ខ្ញុំមិនខ្វល់ពីជីវិតទៀតទៅ។ លោកត្រូវថែរក្សាជីវិតរបស់លោកផ្ទាល់»។ នេះជាសម្ដីផ្ដែផ្ដាំរបស់អតីតប្រធានាធិបតី Fidel Ramos ទៅកាន់ប្រមុខប្រតិបត្តិកំពូល Rodrigo Duterte ដែលចូលចិត្តនិយាយពាក្យបែបនេះជារឿយៗ ពេលលោកមានឱកាសថ្លែងសុន្ទកថាម្ដងៗ។
ក្នុងកិច្ចសម្ភាសជាមួយសារព័ត៌មាន Rappler អតីតប្រធានាធិបតីរូបនេះ និយាយទៀតថា លោក Duterte មានកិច្ចការជាច្រើនដែលត្រូវធ្វើ ហើយប្រជាជនហ្វីលីពីន គឺគាំទ្រលោកជានិច្ច។ លោកបន្តថា យើងមិនចង់ឃើញប្រធានាធិបតីនិយាយស្ដីបែបនេះឡើយ ព្រោះលោកត្រូវបានប្រជាជនបោះឆ្នោតឲ្យកាន់តំណែង៦ឆ្នាំ ហើយលោក Duterte ត្រូវបានបំពេញកិច្ចនេះឲ្យបាន។ យ៉ាងណាក្ដី លោក Ramos និយាយដែរថា ចាត់ទុកដំបូន្មានលោកនៅពេលនេះ ប្រហែលមិនត្រូវបានទទួលយកទេ។
ទាក់ទងនឹងនិយាយស្ដីរបស់លោក Duterte លោក Ramos ដែលជាប្រធានាធិបតីហ្វីលីពីនចាប់ពីឆ្នាំ១៩៩២ ដល់ឆ្នាំ១៩៩៨ បានហេតុផលថា ការភ័យខ្លាចរបស់លោកប្រធានាធិបតី Duterte កើតចេញពីអារម្មណ៍មិនស្ងប់របស់លោក ហើយវាអាចកើតចេញពីបរិស្ថានដែលលោក Duterte ផ្ទាល់ ធ្លាប់រស់នៅ។ លោក Ramos បានហៅលោក Duterte ជាមនុស្សមិនមានសេចក្ដីស្ងប់ ព្រោះលោកតែងកើតមានអារម្មណ៍ភ័យខ្លាច។
អ្វីជាការកត់សម្គាល់នោះ ចាប់តាំងពីឈ្នះឆ្នោតក្លាយជាប្រធានាធិបតីក្នុងឆ្នាំ២០១៦ មកនោះ លោក Duterte តែងតែលើកឡើងពីគម្រោងសម្លាប់រូបលោក ឬក៏បណ្ដេញលោកចេញពីតំណែង។ លោកបានទម្លាក់ការចោទប្រកាន់នេះទៅទីភ្នាក់ងារចារកម្មកណ្ដាលអាមេរិក (CIA) ប៉ុន្តែ CIA ក៏បានទាត់ចោលជាបន្តបន្ទាប់ដែរ។ ម្យ៉ាងទៀត លោកក៏ធ្លាប់ចោទប្រកាន់បក្សសេរីនិយមថា ចង់ទម្លាក់លោកពីតំណែងទៀតផង។
សូមរម្លឹកថា កាលពីថ្ងៃទី៣១ ខែមករា លោកប្រធានាធិបតី Duterte ក៏បានហាមាត់និយាយរឿងស្លាប់នេះដែរ ប៉ុន្តែនេះក៏មិនមែនជាលើកទី១ ដែលលោកនិយាយរឿងស្លាប់នេះដែរ។ នៅចំពោះមុខមន្ត្រីយោធាច្រើនរូប លោក Duterte ដែលចង់ប្រើយោធាឲ្យចាប់ខ្លួនប៉ូលិសពុករលួយនិយាយថា៖ «ប្រសិនបើលោកមិនឲ្យកងទ័ពចូលមកពាក់ព័ន្ធរឿងនេះទេ លោកនឹងស្លាប់ ព្រោះគ្មាននរណាត្រួតពិនិត្យប៉ូលិសខិលខូចបានឡើយ»៕
Tag:
ហ្វីលីពីន
Fidel Ramos
Rodrigo Duterte
© រក្សាសិទ្ធិដោយ thmeythmey.com
