សម្ដេច ហ៊ុន សែន សម្រេចប្ដឹងលោក គឹម សុខ មួយករណីទៀត នៅថ្ងៃទី១៦កុម្ភៈ

ជាតិ

នយោបាយជាតិ

សម្ដេច ហ៊ុន សែន សម្រេចប្ដឹងលោក គឹម សុខ មួយករណីទៀត នៅថ្ងៃទី១៦កុម្ភៈ

15, Feb 2017 , 8:06 pm

រូបភាព

ដោយ: ថ្មីៗ

ភ្នំពេញ៖ លោក គី តិច មេធាវីការពារក្តីសម្ដេច ហ៊ុន សែន នឹងដាក់ពាក្យប្ដឹងលោក គឹម សុខ អ្នកឃ្លាំមើលបញ្ហាសង្គម និងនយោបាយ មួយករណីថែមទៀត ទាក់ទងនឹងការលើកឡើងក្នុងបទសម្ភាសជាមួយវិទ្យុអាស៊ីសេរីកាលពីថ្ងៃទី១៣ កុម្ភៈថា ប្រព័ន្ធមួយក្រោមការគ្រប់គ្រងនៃរដ្ឋាភិបាលបច្ចុប្បន្ន ដែលមានការសម្លាប់មនុស្សហើយ រួចហើយរកមុខឃាតកមិនឃើញ។ លោក គី តិច នឹងដាក់ពាក្យបណ្ដឹងទៅសាលាដំបូងរាជធានីភ្នំពេញនៅថ្ងៃទី១៦ កុមុៈ្ភ។ នេះបើតាមការចុះផ្សាយរបស់សារព័ត៌មាន Fresh News។

កាលពីថ្ងៃទី១៣ កុម្ភៈ មេធាវីការពារក្តីឲ្យសម្ដេច ហ៊ុន សែន រូបនេះ ក៏បានដាក់ពាក្យប្ដឹង លោក គឹម សុខ ក្រោមហេតុផលថា មួលបង្កាច់និង ទម្លាក់ កំហុសទៅលើគណបក្សប្រជាជនកម្ពុជាថា ជាអ្នកសម្លាប់លោក កែម ឡី។ ចំពោះបណ្ដឹងនេះតុលាការកោះហៅលោក គឹម សុខ អ្នកឃ្លាំមើលបញ្ហាសង្គម និងនយោបាយ ដើម្បីចូលមកសាកសួរអំពីដំណើររឿង នៅថ្ងៃទី១៧ កម្ភៈ៕