កីឡាជាតិ
ជាតិ
ជំនួបបឹងកេត ជាមួយ ទ័ព ត្រូវលើកពេល ក្រោយបឹងកេតជាប់កាតព្វកិច្ចនៅ AFC Cup
បឹងកេតអង្គរប្រកួតជាមួយក្រសួងការពារជាតិក្នុងពានរង្វាន់សប្បុរសធម៌ CNCC Charity Cup 2017 នៅពហុកីឡដ្ឋានជាតិ។ (2)
×![]()
ការប្រកួតបាល់ទាត់ដណ្តើមពានរង្វាន់ក្របខណ្ឌមិត្តហ្វូនខេមបូឌានលីកប្រចាំឆ្នាំ២០១៧ នឹងចាប់ផ្ដើមប្រកួតវគ្គសន្សំពិន្ទុជើងទី១នាថ្ងៃទី១៨ ខែកុម្ភៈ ចុងសប្ដាហ៍នេះ ដោយមានការប្រកួតចំនួន៣គូ។ ប៉ុន្តែដោយសារបឹងកេតអង្គរជាប់កាតព្វកិច្ចក្នុងវគ្គចែកពូលពានរង្វាន់ AFC Cup 2017 នៅប្រទេសម៉ាឡេស៊ី សប្តាហ៍នេះ ជំនួបដ៏ជក់ចិត្តរវាងបឹងកេតអង្គរជាមួយក្រសួងការពារជាតិ(ទ័ព)ត្រូវបានលើកពេល។
ការប្រកួតរវាងក្រុមការពារតំណែងជើងឯកបឹងកេតអង្គរ ជាមួយក្រុមជើងឯករងក្រសួងការពារជាតិ(ទ័ព)ដែលគេគិតថា ជាជំនួបមួយដ៏ជក់ចិត្តក្នុងចំណោមបីគូនៅថ្ងៃបើកឆាកពានរង្វាន់ក្របខណ្ឌលីកកំពូលកម្ពុជាឆ្នាំ២០១៧ នាថ្ងៃទី១៨ កុម្ភៈ ត្រូវបានលើកពេលទៅប្រកួតនៅថ្ងៃទី១ ខែមីនា។
ការលើកពេលរហូតដល់បំណាច់ខែកុម្ភៈ នេះ ដោយសារក្រុមបឹងកេតអង្គរត្រូវបំពេញកាតព្វកិច្ចដ៏ធំក្នុងវគ្គចែកពូល(Group Stage)ពានរង្វាន់ AFC Cup 2017 នៅប្រទេសម៉ាឡេស៊ី ក្រោយយកឈ្នះក្រុម Lao Toyota របស់ឡាវ ២-១ វគ្គជម្រុះ Play off Stage កាលពីខែកុម្ភៈ កន្លងទៅ។
ក្រុមបឹងកេតអង្គរដែលឈរក្នុងពូល F ត្រូវតទល់ជាមួយក្រុមម្ចាស់ផ្ទះ JOHOR DARUL TA'ZIM ក្នុងថ្ងៃបើកឆាកនាថ្ងៃទី២១ កុម្ភៈ នៅកីឡដ្ឋាន Tan Sri Dato' Haji Yunos Stadium។ មុនធ្វើជាម្ចាស់ផ្ទះស្វាគមន៍ក្រុមភ្ញៀវហ្វីលីពីន GLOBAL FC និងក្រុម MAGWE FC របស់មីយ៉ាន់ម៉ា នៅថ្ងៃទី៧ និងថ្ងៃទី១៤ ខែមីនា នៅពហុកីឡដ្ឋានជាតិ។
នៅថ្ងៃទី៥ ខែមេសា ក្រុមជើងឯកលីកកំពូលកម្ពុជាមួយនេះនឹងធ្វើដំណើរទៅជួបក្រុមម្ចាស់ផ្ទះ MAGWE FC របស់មីយ៉ាន់ម៉ា នៅកីឡដ្ឋាន Youth Training Centre មុនស្វាគមន៍ក្រុម JOHOR DARUL TA'ZIM របស់ម៉ាឡេស៊ី នាថ្ងៃទី១៩ ខែមេសា នៅពហុកីឡដ្ឋានជាតិ។ ក្រោយមកក្រុមតំណាងកម្ពុជាមួយនេះ នឹងធ្វើដំណើរទៅជួបក្រុមហ្វីលីពីន GLOBAL FC នៅកីឡដ្ឋាន Rizal Memorial Football Stadium នៅថ្ងៃទី៣ ខែឧសភា។
ដោយឡែក សម្រាប់ការប្រកួតពានរង្វាន់ក្របខណ្ឌមិត្តហ្វូនខេមបូឌានលីកប្រចាំឆ្នាំ២០១៧ ដែលធ្វើនៅពហុកីឡដ្ឋានជាតិនាថ្ងៃទី១៨ កុម្ភៈ ចុងសប្តាហ៍នេះ ក្រុមខេមបូឌានថាយហ្គឺរ ជួបប្រកួតជាមួយក្រុមស៊ីម៉ាក់ នៅកីឡដ្ឋានខេត្តសៀមរាប ខណៈក្រុមអគ្គិសនីកម្ពុជា តទល់ជាមួយក្រុមណាហ្គាវើល នៅកីឡដ្ឋានខេត្តស្វាយរៀង៕
ការប្រកួតរវាងក្រុមការពារតំណែងជើងឯកបឹងកេតអង្គរ ជាមួយក្រុមជើងឯករងក្រសួងការពារជាតិ(ទ័ព)ដែលគេគិតថា ជាជំនួបមួយដ៏ជក់ចិត្តក្នុងចំណោមបីគូនៅថ្ងៃបើកឆាកពានរង្វាន់ក្របខណ្ឌលីកកំពូលកម្ពុជាឆ្នាំ២០១៧ នាថ្ងៃទី១៨ កុម្ភៈ ត្រូវបានលើកពេលទៅប្រកួតនៅថ្ងៃទី១ ខែមីនា។
ការលើកពេលរហូតដល់បំណាច់ខែកុម្ភៈ នេះ ដោយសារក្រុមបឹងកេតអង្គរត្រូវបំពេញកាតព្វកិច្ចដ៏ធំក្នុងវគ្គចែកពូល(Group Stage)ពានរង្វាន់ AFC Cup 2017 នៅប្រទេសម៉ាឡេស៊ី ក្រោយយកឈ្នះក្រុម Lao Toyota របស់ឡាវ ២-១ វគ្គជម្រុះ Play off Stage កាលពីខែកុម្ភៈ កន្លងទៅ។
ក្រុមបឹងកេតអង្គរដែលឈរក្នុងពូល F ត្រូវតទល់ជាមួយក្រុមម្ចាស់ផ្ទះ JOHOR DARUL TA'ZIM ក្នុងថ្ងៃបើកឆាកនាថ្ងៃទី២១ កុម្ភៈ នៅកីឡដ្ឋាន Tan Sri Dato' Haji Yunos Stadium។ មុនធ្វើជាម្ចាស់ផ្ទះស្វាគមន៍ក្រុមភ្ញៀវហ្វីលីពីន GLOBAL FC និងក្រុម MAGWE FC របស់មីយ៉ាន់ម៉ា នៅថ្ងៃទី៧ និងថ្ងៃទី១៤ ខែមីនា នៅពហុកីឡដ្ឋានជាតិ។
នៅថ្ងៃទី៥ ខែមេសា ក្រុមជើងឯកលីកកំពូលកម្ពុជាមួយនេះនឹងធ្វើដំណើរទៅជួបក្រុមម្ចាស់ផ្ទះ MAGWE FC របស់មីយ៉ាន់ម៉ា នៅកីឡដ្ឋាន Youth Training Centre មុនស្វាគមន៍ក្រុម JOHOR DARUL TA'ZIM របស់ម៉ាឡេស៊ី នាថ្ងៃទី១៩ ខែមេសា នៅពហុកីឡដ្ឋានជាតិ។ ក្រោយមកក្រុមតំណាងកម្ពុជាមួយនេះ នឹងធ្វើដំណើរទៅជួបក្រុមហ្វីលីពីន GLOBAL FC នៅកីឡដ្ឋាន Rizal Memorial Football Stadium នៅថ្ងៃទី៣ ខែឧសភា។
ដោយឡែក សម្រាប់ការប្រកួតពានរង្វាន់ក្របខណ្ឌមិត្តហ្វូនខេមបូឌានលីកប្រចាំឆ្នាំ២០១៧ ដែលធ្វើនៅពហុកីឡដ្ឋានជាតិនាថ្ងៃទី១៨ កុម្ភៈ ចុងសប្តាហ៍នេះ ក្រុមខេមបូឌានថាយហ្គឺរ ជួបប្រកួតជាមួយក្រុមស៊ីម៉ាក់ នៅកីឡដ្ឋានខេត្តសៀមរាប ខណៈក្រុមអគ្គិសនីកម្ពុជា តទល់ជាមួយក្រុមណាហ្គាវើល នៅកីឡដ្ឋានខេត្តស្វាយរៀង៕
Tag:
បាល់ទាត់
បឹងកេតអង្គរ
AFC Cup 2017
Cambodian League 2017
© រក្សាសិទ្ធិដោយ thmeythmey.com
