អន្តរជាតិ
ដូណាល់ ត្រាំ បន្តវាយប្រហារសេរីភាពសារព័ត៌មាន ស្រដៀងមេដឹកនាំផ្តាច់ការ?
×![]()
សមាជិកសភាបក្សសាធារណរដ្ឋលោក John McCain រិះគន់ប្រធានាធិបតី ដូណាល់ ត្រាំ មិនសំចៃមាត់ ដោយលើកឡើងថា ការសង្កត់សង្កិនលើប្រព័ន្ធផ្សព្វផ្សាយជាការចាប់ផ្តើមនៃមេដឹកនាំផ្តាច់ការ។ ការលើកឡើងនេះ កើតក្រោយប្រធានាធិបតីអាមេរិកបន្តវាយប្រហារលើប្រព័ន្ធផ្សព្វផ្សាយនិងហៅ«ប្រព័ន្ធផ្សព្វផ្សាយថាជាសត្រូវរបស់ប្រជាជនអាមេរិក»ថែមទៀត។ បង្ហាញឲ្យឃើញពីការកើនឡើងនៃភាពល្អក់ករកនៃទំនាក់ទំនងរវាងសេតវិមាននិងក្រុមសារព័ត៌មាន ហើយមិនត្រឹមតែប៉ុណ្ណោះវាក៏ឆ្លុះបញ្ចាំងឲ្យឃើញពីការបំពានអំណាច «សារព័ត៌មាន» ដែលជាមូលដ្ឋានគ្រឹះនៃប្រជាធិបតេយ្យអាមេរិក។
សូមស្តាប់ការបកស្រាយរបស់លោកសៅ ផលនិស្ស័យ៖
រយៈពេលជាច្រើនសប្តាហ៍មកនេះ ប្រធានាធិបតីអាមេរិក ដូណាល់ ត្រាំ បានបន្តវាយប្រហារលើប្រព័ន្ធផ្សព្វផ្សាយអាមេរិកជាច្រើនមានដូចជា CNN, NBC, New York Times, ABC, CBSជាដើមដោយយកលេស ថាស្ថាប័នទាំងនេះចែកចាយតែព័ត៌មានក្លែងក្លាយ។ មេដឹកនាំអាមេរិករូបនេះបានសរសេរបង្ហោះតាមគណនី Twitter របស់ខ្លួន ដោយហៅប្រព័ន្ធផ្សព្វផ្សាយខាងលើទាំងនោះថាជាប្រភពនៃព័ត៌មានមិនពិត និងជាសត្រូវធំរបស់ប្រជាជនអាមេរិកថែមទៀតផង។
ជារួម ការចាត់ទុកប្រព័ន្ធផ្សព្វផ្សាយជាសត្រូវ និងទិតៀនអ្នកសារព័ត៌មានឥតមានលោះថ្ងៃជាបញ្ហាមួយនិងជារឿងចម្រូងចម្រាសបំផុតក្នុងសង្គមអាមេរិក។ អ្នកណាក៏ដឹងថា សេរីភាពសារព័ត៌មានជាអំណាចទី ៤ នៅអាមេរិក ហើយសារព័ត៌មានក៏ដើរតួនាទីសំខាន់ក្នុងការលើកស្ទួយប្រជាធិបតេយ្យនិងនីតិរដ្ឋនៅអាមេរិកដូចគ្នា។ ដូច្នេះ វាមានន័យថា អ្វីដែលប្រធានាធិបតីនៃមហាអំណាចប្រជាធិបតេយ្យ ដូណាល់ ត្រាំ កំពុងធ្វើដាក់អ្នកសារព័ត៌មាន ជាការបំពារបំពានលើអំណាចនិងសេរីភាពសារព័ត៌មានដែលមានតួនាទីស្នូលក្នុងសង្គមអាមេរិករាប់ទសវត្សរ៍មកហើយនោះ។ គេក៏កំពុងរង់ចាំមើលសង្គ្រាមរវាងប្រធានាធិបតី និងប្រព័ន្ធផ្សព្វផ្សាយនឹងបន្តដល់ពេលណា ហើយវាអាចនឹងមានអ្វីធ្ងន់ធ្ងរកើតឡើងអត់នោះ។
១. សម្តីកុហករបស់ប្រធានាធិបតីជា«គ្រោះថ្នាក់»ជាងព័ត៌មានក្លែងក្លាយ?
អ្នកសរសេរព័ត៌មានផ្តល់ឲ្យសារព័ត៌មាន CNN និងជាអ្នកឈ្នះពានរង្វាន់អ្នកសារព័ត៌មានឆ្នើម Pulitzer Prize ដោយទម្លាយ និងផ្សព្វផ្សាយរឿងអាស្រូវ Watergate (ដែលជាសំណុំរឿងដែលបង្ខំឲ្យប្រធានាធិបតី Richard Nixon ចុះចេញពីតំណែង) លោក Carl Bernstein បានទិតៀនលោក ដូណាល់ ត្រាំ ខ្លាំងៗ។ លោកបញ្ជាក់ថា ការសរសេរបង្ហោះតាម Twitter របស់ត្រាំ ដែលបង្កប់អត្ថន័យវាយប្រហារខ្លាំងៗលើប្រព័ន្ធផ្សព្វផ្សាយនិងសេរីភាពសារព័ត៌មានមិនខុសគ្នាពី អ្វីដែលអតីតប្រធានាធិបតី Richard Nixon និងបណ្តាមេដឹកនាំផ្តាច់ការផ្សេងទៀតធ្វើឡើយ។ ហើយលោកសង្កត់ធ្ងន់ថា សត្រូវធំរបស់ប្រជាជនអាមេរិកមិនមែនសារព័ត៌មានទេ តែជាសម្តីភូតភររបស់ប្រធានាធិបតីទៅវិញ។
សូមរម្លឹកបន្តិចថា លោក Bernstein បានភ្ជាប់សម្តីរបស់លោក ត្រាំ ទៅនឹងសំណុំរឿងរបស់ Nixon ដោយសារលោក Nixon បានព្យាយាមវាយប្រហារលើប្រព័ន្ធផ្សព្វផ្សាយដែរ នៅពេលដែលមានការទម្លាយរឿងអាស្រូវរបស់ខ្លួន។លោកបានហៅសារព័ត៌មានជាសត្រូវ ហើយសូម្បីតែសាស្ត្រាចារ្យសាកលវិទ្យាល័យក៏លោកចាត់ទុកជាសត្រូវរបស់លោកដែរ។
២.ការសង្កត់សង្កិនសេរីភាពសារព័ត៌មានជាការចាប់ផ្តើមនៃមេដឹកនាំផ្តាច់ការ
ចំណែកអ្នកនយោបាយដែលតែងតែរិះគន់លោក ដូណាល់ ត្រាំ ឥតសំចៃមាត់តាំងពីមុនលោកចូលកាន់តំណែង លោក John McCain ឯណោះវិញបានព្រលយពាក្យថា ប្រវត្តិសាស្ត្របង្ហាញច្បាស់ហើយថា ការសង្កត់សង្កិនលើសេរីភាពសារព័ត៌មានគឺជាចំណុចចាប់ផ្តើមនៃមេដឹកនាំផ្តាច់ការ។ ក្នុងបទសម្ភាសន៍ជាមួយសារព័ត៌មាន NBC កាលចុងសប្តាហ៍នេះ លោក McCain មិនបានសំដៅចំចំពោះលោក ដូណាល់ ត្រាំ ថាជាមេដឹកនាំផ្តាច់ការឡើយ គ្រាន់តែលោកពន្យល់ថា វាជារឿងដែលធ្លាប់កើតមានឡើងហើយ ហើយវាក៏ជារឿងសត្យានុម័តដែលមេដឹកនាំផ្តាច់ការរំលោភសេរីភាពសារព័ត៌មាន។
មកដល់បច្ចុប្បន្ននេះ វាហាក់ដូចជាគ្មានសញ្ញាណាមួយដែលបញ្ជាក់ថា លោក ដូណាល់ ត្រាំ និងប្រព័ន្ធផ្សព្វផ្សាយអាចធ្វើការជាមួយគ្នាបានឡើយ។ លោក ត្រាំ មិនលះបង់គោលជំហរចាត់ទុកប្រព័ន្ធផ្សព្វផ្សាយមួយចំនួនជាសត្រូវរបស់ខ្លួនឡើយ ខណៈដែលប្រព័ន្ធផ្សព្វផ្សាយទាំងនោះក៏មិនបោះបង់មហិច្ឆតាតស៊ូមតិប្រឆាំងរដ្ឋបាលលោក ត្រាំដែរ៕
សូមស្តាប់ការបកស្រាយរបស់លោកសៅ ផលនិស្ស័យ៖
រយៈពេលជាច្រើនសប្តាហ៍មកនេះ ប្រធានាធិបតីអាមេរិក ដូណាល់ ត្រាំ បានបន្តវាយប្រហារលើប្រព័ន្ធផ្សព្វផ្សាយអាមេរិកជាច្រើនមានដូចជា CNN, NBC, New York Times, ABC, CBSជាដើមដោយយកលេស ថាស្ថាប័នទាំងនេះចែកចាយតែព័ត៌មានក្លែងក្លាយ។ មេដឹកនាំអាមេរិករូបនេះបានសរសេរបង្ហោះតាមគណនី Twitter របស់ខ្លួន ដោយហៅប្រព័ន្ធផ្សព្វផ្សាយខាងលើទាំងនោះថាជាប្រភពនៃព័ត៌មានមិនពិត និងជាសត្រូវធំរបស់ប្រជាជនអាមេរិកថែមទៀតផង។
The FAKE NEWS media (failing @nytimes, @NBCNews, @ABC, @CBS, @CNN) is not my enemy, it is the enemy of the American People! — Donald J. Trump (@realDonaldTrump) February 17, 2017ការលើកឡើងរបស់ប្រធានាធិបតីអាមេរិករូបនេះបានបង្កឲ្យមានការខឹងសម្បារខ្លាំងក្នុងចំណោមអ្នកនយោបាយទាំងក្នុងនិងក្រៅបក្សផង និងក្រុមអ្នកសារព័ត៌មានផង។ អ្នកនយោបាយខ្លះចាត់ទុកថា សកម្មភាពលោក ត្រាំ ជាការបំពារបំពានសង្កត់សង្កិនលើសេរីភាពសារព័ត៌មាននិងប្រព័ន្ធផ្សព្វផ្សាយ ដែលវាជាការចាប់ផ្តើមនៃរបបផ្តាច់ការ។ ហើយខ្លះទៀតហៅកាយវិការរបស់ដូណាល់ ត្រាំ ចំពោះអ្នកសារព័ត៌មានថា ជាគ្រោះថ្នាក់បំផុតសម្រាប់អាមេរិកផង។
ជារួម ការចាត់ទុកប្រព័ន្ធផ្សព្វផ្សាយជាសត្រូវ និងទិតៀនអ្នកសារព័ត៌មានឥតមានលោះថ្ងៃជាបញ្ហាមួយនិងជារឿងចម្រូងចម្រាសបំផុតក្នុងសង្គមអាមេរិក។ អ្នកណាក៏ដឹងថា សេរីភាពសារព័ត៌មានជាអំណាចទី ៤ នៅអាមេរិក ហើយសារព័ត៌មានក៏ដើរតួនាទីសំខាន់ក្នុងការលើកស្ទួយប្រជាធិបតេយ្យនិងនីតិរដ្ឋនៅអាមេរិកដូចគ្នា។ ដូច្នេះ វាមានន័យថា អ្វីដែលប្រធានាធិបតីនៃមហាអំណាចប្រជាធិបតេយ្យ ដូណាល់ ត្រាំ កំពុងធ្វើដាក់អ្នកសារព័ត៌មាន ជាការបំពារបំពានលើអំណាចនិងសេរីភាពសារព័ត៌មានដែលមានតួនាទីស្នូលក្នុងសង្គមអាមេរិករាប់ទសវត្សរ៍មកហើយនោះ។ គេក៏កំពុងរង់ចាំមើលសង្គ្រាមរវាងប្រធានាធិបតី និងប្រព័ន្ធផ្សព្វផ្សាយនឹងបន្តដល់ពេលណា ហើយវាអាចនឹងមានអ្វីធ្ងន់ធ្ងរកើតឡើងអត់នោះ។
១. សម្តីកុហករបស់ប្រធានាធិបតីជា«គ្រោះថ្នាក់»ជាងព័ត៌មានក្លែងក្លាយ?
អ្នកសរសេរព័ត៌មានផ្តល់ឲ្យសារព័ត៌មាន CNN និងជាអ្នកឈ្នះពានរង្វាន់អ្នកសារព័ត៌មានឆ្នើម Pulitzer Prize ដោយទម្លាយ និងផ្សព្វផ្សាយរឿងអាស្រូវ Watergate (ដែលជាសំណុំរឿងដែលបង្ខំឲ្យប្រធានាធិបតី Richard Nixon ចុះចេញពីតំណែង) លោក Carl Bernstein បានទិតៀនលោក ដូណាល់ ត្រាំ ខ្លាំងៗ។ លោកបញ្ជាក់ថា ការសរសេរបង្ហោះតាម Twitter របស់ត្រាំ ដែលបង្កប់អត្ថន័យវាយប្រហារខ្លាំងៗលើប្រព័ន្ធផ្សព្វផ្សាយនិងសេរីភាពសារព័ត៌មានមិនខុសគ្នាពី អ្វីដែលអតីតប្រធានាធិបតី Richard Nixon និងបណ្តាមេដឹកនាំផ្តាច់ការផ្សេងទៀតធ្វើឡើយ។ ហើយលោកសង្កត់ធ្ងន់ថា សត្រូវធំរបស់ប្រជាជនអាមេរិកមិនមែនសារព័ត៌មានទេ តែជាសម្តីភូតភររបស់ប្រធានាធិបតីទៅវិញ។
The most dangerous 'enemy of the people' is presidential lying--always. Attacks on press by @realDonaldTrump more treacherous than Nixon's. — Carl Bernstein (@carlbernstein) February 18, 2017«គ្រោះថ្នាក់ធំបំផុតសម្រាប់ប្រជាជនអាមេរិកជាសម្តីកុហករបស់ប្រធានាធិបតី។ ការវាយប្រហារលើសារព័ត៌មានរបស់ប្រធានាធិបតី ដូណាល់ ត្រាំ គ្រោះថ្នាក់ខ្លាំងជាងអ្វីដែលលោក Nixon ធ្វើទៅទៀត»។ នេះជាការបញ្ជាក់របស់លោក Bernstein។
សូមរម្លឹកបន្តិចថា លោក Bernstein បានភ្ជាប់សម្តីរបស់លោក ត្រាំ ទៅនឹងសំណុំរឿងរបស់ Nixon ដោយសារលោក Nixon បានព្យាយាមវាយប្រហារលើប្រព័ន្ធផ្សព្វផ្សាយដែរ នៅពេលដែលមានការទម្លាយរឿងអាស្រូវរបស់ខ្លួន។លោកបានហៅសារព័ត៌មានជាសត្រូវ ហើយសូម្បីតែសាស្ត្រាចារ្យសាកលវិទ្យាល័យក៏លោកចាត់ទុកជាសត្រូវរបស់លោកដែរ។
២.ការសង្កត់សង្កិនសេរីភាពសារព័ត៌មានជាការចាប់ផ្តើមនៃមេដឹកនាំផ្តាច់ការ
ចំណែកអ្នកនយោបាយដែលតែងតែរិះគន់លោក ដូណាល់ ត្រាំ ឥតសំចៃមាត់តាំងពីមុនលោកចូលកាន់តំណែង លោក John McCain ឯណោះវិញបានព្រលយពាក្យថា ប្រវត្តិសាស្ត្របង្ហាញច្បាស់ហើយថា ការសង្កត់សង្កិនលើសេរីភាពសារព័ត៌មានគឺជាចំណុចចាប់ផ្តើមនៃមេដឹកនាំផ្តាច់ការ។ ក្នុងបទសម្ភាសន៍ជាមួយសារព័ត៌មាន NBC កាលចុងសប្តាហ៍នេះ លោក McCain មិនបានសំដៅចំចំពោះលោក ដូណាល់ ត្រាំ ថាជាមេដឹកនាំផ្តាច់ការឡើយ គ្រាន់តែលោកពន្យល់ថា វាជារឿងដែលធ្លាប់កើតមានឡើងហើយ ហើយវាក៏ជារឿងសត្យានុម័តដែលមេដឹកនាំផ្តាច់ការរំលោភសេរីភាពសារព័ត៌មាន។
I joined @chucktodd @MeetThePress from #Munich to defend the post-WWII world order, including the need for a free press - watch below pic.twitter.com/lVtsofztTo — John McCain (@SenJohnMcCain) February 19, 2017លោក McCain បានបញ្ជាក់ដូច្នេះថា៖« ខ្ញុំស្អប់សារព័ត៌មាន, ខ្ញុំស្អប់អ្នកជាពិសេស ប៉ុន្តែយើងត្រូវការអ្នក, យើងត្រួវការសេរីភាពសារព័ត៌មាន។ ប្រសិនបើអ្នកចង់រក្សាតម្លៃប្រជាធិបតេយ្យ យើងត្រូវមានសេរីភាពសារព័ត៌មាន និងសារព័ត៌មានប្រឆាំង។ បើមិនមានវាទេ ខ្ញុំខ្លាចថា យើងនឹងបាត់បង់សិទ្ធិសេរីភាពក្នុងនាមជាបុគ្គលម្នាក់។ នេះជារបៀបនៃការចាប់កំណើតឡើងនៃមេដឹកនាំផ្តាច់ការ»។
មកដល់បច្ចុប្បន្ននេះ វាហាក់ដូចជាគ្មានសញ្ញាណាមួយដែលបញ្ជាក់ថា លោក ដូណាល់ ត្រាំ និងប្រព័ន្ធផ្សព្វផ្សាយអាចធ្វើការជាមួយគ្នាបានឡើយ។ លោក ត្រាំ មិនលះបង់គោលជំហរចាត់ទុកប្រព័ន្ធផ្សព្វផ្សាយមួយចំនួនជាសត្រូវរបស់ខ្លួនឡើយ ខណៈដែលប្រព័ន្ធផ្សព្វផ្សាយទាំងនោះក៏មិនបោះបង់មហិច្ឆតាតស៊ូមតិប្រឆាំងរដ្ឋបាលលោក ត្រាំដែរ៕
Tag:
John McCain
ដូណាល់ ត្រាំ
សេរីភាពសារព័ត៌មាន
© រក្សាសិទ្ធិដោយ thmeythmey.com
