អន្តរជាតិ
កូរ៉េខាងជើង ស្នើម៉ាឡេស៊ីដោះលែងជនសង្ស័យ៣នាក់ពាក់ព័ន្ធឃាតកម្ម គីម ជុងណាំ
×![]()
ដោយ: តន ចាន់រិទ្ធារ៉ា
ខណៈដែលការស៊ើបអង្កេតករណីឃាតកម្មលើលោក គីម ជុងណាំ កំពុងបន្ត កូរ៉េខាងជើងឯណោះ បែរជាស្នើឲ្យអាជ្ញាធរម៉ាឡេស៊ីដោះលែងជនសង្ស័យ៣នាក់ ដែលត្រូវបានចាប់ខ្លួនដោយប៉ូលិសទៅវិញ។ នៅពេលនេះ ប៉ូលិសម៉ាឡេស៊ី កំពុងតាមចាប់ជនសង្ស័យមួយចំនួនទៀតរួមទាំងមន្ត្រីជាន់ខ្ពស់ស្ថានទូតកូរ៉េខាងជើង និងបុគ្គលិកក្រុមហ៊ុនអាកាសចរណ៍កូរ៉េខាងជើង ដើម្បីសួរចម្លើយក្នុងសំណុំរឿងក្ដៅគគុកនេះ។
ស្ថានទូតកូរ៉េខាងជើងប្រចាំងក្រុងកូឡាឡាំពួរ បានស្នើឲ្យម៉ាឡេស៊ីដោះលែងជនសង្ស័យជាស្ត្រី២នាក់ និងបុរសម្នាក់ ដែលជាប់ទាក់ទងករណីឃាតកម្មលោក គីម ជុងណាំ បងប្រុសម្ដាយទីទៃរបស់មេដឹកនាំកូរ៉េខាងជើង គីម ជុងអ៊ុន ។ ការស្នើនេះធ្វើឡើង ស្របពេលដែលការស៊ើបអង្កេតកំពុងតែធ្វើឡើងយ៉ាងសស្រាក់សស្រាំដើម្បីវែកមុខជនដៃដល់ ដែលគេសង្ស័យថាបានទទួលបញ្ជាពីក្រុងព្យុងយ៉ាងដើម្បីសម្លាប់បងប្រុសប្រមុខកូរ៉េខាងជើង។
ក្នុងសេចក្ដីប្រកាសនៅថ្ងៃទី២២ ខែកុម្ភៈ ស្ថានទូតកូរ៉េខាងជើងបញ្ជាក់ថា ស្ត្រីវៀតណាមម្នាក់, ជនជាតិឥណ្ឌូណេស៊ីម្នាក់ និងបុរសជនជាតិកូរ៉េខាងជើងម្នាក់ទៀត គួរត្រូវបានដោះលែងជាបន្ទាន់។ បើតាមទីភ្នាក់ងារព័ត៌មាន Reuters ស្ថានទូតកូរ៉េខាងជើងបន្តថា ជនសង្ស័យទាំង៣ ត្រូវបានចាប់ខ្លួនដោយមិនមានហេតុផលឡើយ។ ស្ត្រីវៀតណាម និងឥណ្ឌូណេស៊ី ត្រូវបានចាប់ខ្លួនមិនយូរប៉ុន្មានក្រោយឃាតកម្ម គីម ជុងណាំ នៅព្រលានយន្តហោះកូឡាឡាំពួរ កាលពីថ្ងៃទី១៣ ខែកុម្ភៈ។
នៅថ្ងៃទី២២ ខែកុម្ភៈដដែល ប៉ូលិសម៉ាឡេស៊ី ក៏បានស្នើទៅកាន់ស្ថានទូតកូរ៉េខាងជើង ដើម្បីសាកសួរលេខាទី២ ស្ថានទូតឈ្មោះ Hyon Kwang Song និងបុគ្គលិកអាកាសចរណ៍កូរ៉េខាងជើង Kim Uk Il ជុំវិញករណីឃាតកម្មនេះ។ ស្នងការប៉ូលិសជាតិម៉ាឡេស៊ី Khalid Abu Bakar បានប្រាប់អ្នកសារព័ត៌មានថា ប៉ូលិសសង្ឃឹមស្ថានទូតនឹងសហការជាមួយខ្លួន និងអនុញ្ញាតឲ្យប៉ូលិសសួរនាំជនទាំងពីរនាក់នេះ។
លើសពីនេះ ស្នងការប៉ូលិសជាតិម៉ាឡេស៊ី ក៏បានទាត់ចោលព័ត៌មាននៃការមកដល់របស់សមាជិកគ្រួសារលោក គីម ជុងណាំ ដើម្បីធ្វើតេស្ត DNA បញ្ជាក់អត្តសញ្ញាណសាកសព។ លោក Khalid Abu Bakar និយាយថា ព័ត៌មានទាំងនោះ គ្រាន់តែជាពាក្យចចាមអារ៉ាមប៉ុណ្ណោះ តែបើពួកគេមកមែន ប៉ូលិសនឹងផ្ដល់ការការពារសម្រាប់ពួកគេ។ ហើយប៉ូលិសក៏មិនបញ្ជូនសាកសពទៅណាដែរ បើគ្មានសមាជិកគ្រួសារមកបញ្ជាក់អត្តសញ្ញាណនោះ។
ករណីឃាតកម្មរបស់លោក គីម ជុងណាំ ធ្វើឲ្យទំនាក់ទំនងរវាងកូរ៉េខាងជើង និងម៉ាឡេស៊ី ធ្លាក់ចុះខ្លាំង។ អគ្គរដ្ឋទូតកូរ៉េខាងជើង បានរិះគន់ការស៊ើបអង្កេតរបស់អាជ្ញាធរម៉ាឡេស៊ី និងប្រកាសថា ការស៊ើបអង្កេតនេះមិនអាចទុកចិត្តបានទេ ហើយថែមទាំងចោទម៉ាឡេស៊ីថា ធ្វើការជាមួយសត្រូវខ្លួនទៀត។ សម្ដីរបស់អគ្គរដ្ឋទូតកូរ៉េខាងជើង ធ្វើឲ្យនាយករដ្ឋមន្ត្រីម៉ាឡេស៊ីខឹងយ៉ាងខ្លាំង និងបានប្រាប់កូរ៉េខាងជើងឲ្យគោរពច្បាប់ខ្លួនផងដែរ៕
ស្ថានទូតកូរ៉េខាងជើងប្រចាំងក្រុងកូឡាឡាំពួរ បានស្នើឲ្យម៉ាឡេស៊ីដោះលែងជនសង្ស័យជាស្ត្រី២នាក់ និងបុរសម្នាក់ ដែលជាប់ទាក់ទងករណីឃាតកម្មលោក គីម ជុងណាំ បងប្រុសម្ដាយទីទៃរបស់មេដឹកនាំកូរ៉េខាងជើង គីម ជុងអ៊ុន ។ ការស្នើនេះធ្វើឡើង ស្របពេលដែលការស៊ើបអង្កេតកំពុងតែធ្វើឡើងយ៉ាងសស្រាក់សស្រាំដើម្បីវែកមុខជនដៃដល់ ដែលគេសង្ស័យថាបានទទួលបញ្ជាពីក្រុងព្យុងយ៉ាងដើម្បីសម្លាប់បងប្រុសប្រមុខកូរ៉េខាងជើង។
ក្នុងសេចក្ដីប្រកាសនៅថ្ងៃទី២២ ខែកុម្ភៈ ស្ថានទូតកូរ៉េខាងជើងបញ្ជាក់ថា ស្ត្រីវៀតណាមម្នាក់, ជនជាតិឥណ្ឌូណេស៊ីម្នាក់ និងបុរសជនជាតិកូរ៉េខាងជើងម្នាក់ទៀត គួរត្រូវបានដោះលែងជាបន្ទាន់។ បើតាមទីភ្នាក់ងារព័ត៌មាន Reuters ស្ថានទូតកូរ៉េខាងជើងបន្តថា ជនសង្ស័យទាំង៣ ត្រូវបានចាប់ខ្លួនដោយមិនមានហេតុផលឡើយ។ ស្ត្រីវៀតណាម និងឥណ្ឌូណេស៊ី ត្រូវបានចាប់ខ្លួនមិនយូរប៉ុន្មានក្រោយឃាតកម្ម គីម ជុងណាំ នៅព្រលានយន្តហោះកូឡាឡាំពួរ កាលពីថ្ងៃទី១៣ ខែកុម្ភៈ។
នៅថ្ងៃទី២២ ខែកុម្ភៈដដែល ប៉ូលិសម៉ាឡេស៊ី ក៏បានស្នើទៅកាន់ស្ថានទូតកូរ៉េខាងជើង ដើម្បីសាកសួរលេខាទី២ ស្ថានទូតឈ្មោះ Hyon Kwang Song និងបុគ្គលិកអាកាសចរណ៍កូរ៉េខាងជើង Kim Uk Il ជុំវិញករណីឃាតកម្មនេះ។ ស្នងការប៉ូលិសជាតិម៉ាឡេស៊ី Khalid Abu Bakar បានប្រាប់អ្នកសារព័ត៌មានថា ប៉ូលិសសង្ឃឹមស្ថានទូតនឹងសហការជាមួយខ្លួន និងអនុញ្ញាតឲ្យប៉ូលិសសួរនាំជនទាំងពីរនាក់នេះ។
លើសពីនេះ ស្នងការប៉ូលិសជាតិម៉ាឡេស៊ី ក៏បានទាត់ចោលព័ត៌មាននៃការមកដល់របស់សមាជិកគ្រួសារលោក គីម ជុងណាំ ដើម្បីធ្វើតេស្ត DNA បញ្ជាក់អត្តសញ្ញាណសាកសព។ លោក Khalid Abu Bakar និយាយថា ព័ត៌មានទាំងនោះ គ្រាន់តែជាពាក្យចចាមអារ៉ាមប៉ុណ្ណោះ តែបើពួកគេមកមែន ប៉ូលិសនឹងផ្ដល់ការការពារសម្រាប់ពួកគេ។ ហើយប៉ូលិសក៏មិនបញ្ជូនសាកសពទៅណាដែរ បើគ្មានសមាជិកគ្រួសារមកបញ្ជាក់អត្តសញ្ញាណនោះ។
ករណីឃាតកម្មរបស់លោក គីម ជុងណាំ ធ្វើឲ្យទំនាក់ទំនងរវាងកូរ៉េខាងជើង និងម៉ាឡេស៊ី ធ្លាក់ចុះខ្លាំង។ អគ្គរដ្ឋទូតកូរ៉េខាងជើង បានរិះគន់ការស៊ើបអង្កេតរបស់អាជ្ញាធរម៉ាឡេស៊ី និងប្រកាសថា ការស៊ើបអង្កេតនេះមិនអាចទុកចិត្តបានទេ ហើយថែមទាំងចោទម៉ាឡេស៊ីថា ធ្វើការជាមួយសត្រូវខ្លួនទៀត។ សម្ដីរបស់អគ្គរដ្ឋទូតកូរ៉េខាងជើង ធ្វើឲ្យនាយករដ្ឋមន្ត្រីម៉ាឡេស៊ីខឹងយ៉ាងខ្លាំង និងបានប្រាប់កូរ៉េខាងជើងឲ្យគោរពច្បាប់ខ្លួនផងដែរ៕
Tag:
កូរ៉េខាងជើង
ម៉ាឡេស៊ី
គីម ជុងណាំ
© រក្សាសិទ្ធិដោយ thmeythmey.com
