ជាតិ
សេដ្ឋកិច្ច
អាជីវករខ្មែរ នាំគ្នាបិទផ្លូវច្រកព្រំដែន មិនឲ្យអាជីវករថៃ នាំទំនិញចូលមកកម្ពុជា
×![]()
ដោយ: ធឿន បញ្ញាឬទិ្ធ
ភ្នំពេញ៖ ក្រោយពីមានករណីផ្ទុះការតវ៉ាប្រឆាំងភាគីថៃ ដែលបានដំឡើងថ្លៃពន្ធត្រីនោះ នៅព្រឹកថ្ងៃទី២៤ កុម្ភៈនេះ ក្រុមអាជីវករខ្មែរជាច្រើននាក់ បាននាំគ្នាយករទេះដឹកត្រី មកបិទផ្លូវស្ពានមិត្តភាពកម្ពុជា-ថៃ ច្រកអន្តរជាតិប៉ោយប៉ែត ដើម្បីរារាំងមិនឲ្យភាគីថៃ នាំទំនិញចូលមកកម្ពុជាឡើយ។ នេះបើតាមការចុះផ្សាយរបស់អគ្គស្នងការដ្ឋាននគរបាលជាតិ។
អាជីវករខ្មែរទាំងនោះ បានយករទេះ និងឡាន បិទផ្លូវកណ្ដាលស្ពានមិត្តភាពកម្ពុជា-ថៃនេះ ក្រោមហេតុផលថា ពួកគេទាមទារឲ្យអាជ្ញាធរថៃ ដោះស្រាយបញ្ហាដំឡើងថ្លៃពន្ធត្រី ឲ្យមកនៅត្រឹមតម្លៃដើមវិញ។ បើគ្មានដំណោះស្រាយទេ ពួកគេនឹងនៅតវ៉ាបិទផ្លូវច្រកអន្តរជាតិជាតិ រាំងខ្ទប់មិនឲ្យភាគីថៃ នាំទំនិញចូលមកកម្ពុជាដូចគ្នា។
ក្រុមអាជីវករខ្មែរ បន្តការបិទផ្លូវតវ៉ានេះ គឺស្របពេលដែលអភិបាលរងខេត្តបន្ទាយមានជ័យ លោក អ៊ុំ រាត្រី កំពុងដឹកនាំក្រុមការងារជួបពិភាក្សាជាមួយភាគីថៃ ដើម្បីរកដំណោះស្រាយឲ្យបានត្រឹមត្រូវ សម្រាប់អាជីករខ្មែរ លក់ត្រីនៅក្នុងទឹកដីថៃនេះ។
កាលពីថ្ងៃទី២៣ កុម្ភៈ អាជ្ញាធរថៃ បានបង្គាប់ឲ្យអាជីវករខ្មែរ ដែលនាំចូលត្រីទៅលក់ក្នុងប្រទេសថៃមានច្បាប់ត្រឹមត្រូវនោះ ត្រូវមានកាតព្វកិច្ចបង់ពន្ធក្នុងតម្លៃ ១២បាត (១៣០០រៀល) ក្នុងមួយគីឡូក្រាម ។ ត្រីចាប់ពី១០០ទៅ២០០ គីឡូក្រាមនោះ អាជីវករខ្មែរត្រូវបង់ពន្ធពី១៥០០បាត ទៅ២០០០បាត (១៧ម៉ឺនទៅជាង២២ម៉ឺន) ដែលនឹងត្រូវចាប់ផ្ដើមអនុវត្តគោលនយោបាយនេះ ពីថ្ងៃទីសុក្រទី២៤ កុម្ភៈនេះ។
ចំពោះការដំឡើងថ្លៃពន្ធត្រីនេះ ក្រុមអាជីវករខ្មែររាប់រយនាក់ មិនពេញចិត្តឡើយ ព្រោះវាជាតម្លៃពន្ធខ្ពស់ ដែលមិនអាចទទួលយកបាននោះទេ។ ក្រុមអាជីវករក៏បានចាក់ត្រីជិត៣០០គីឡូក្រាម នៅលើស្ពានមិត្តភាពកម្ពុជា-ថៃ ច្រកទ្វារអន្តរជាតិប៉ោយប៉ែត ខេត្តបន្ទាយមានជ័យ កាលពីថ្ងៃទី២៣ កុម្ភៈ ដើម្បីតវ៉ាប្រឆាំងនឹងគោលនយោបាយដំឡើងពន្ធថ្មីរបស់អាជ្ញាធរថៃនេះ។
ក្រោយអាជីវករលក់ត្រីនាំគ្នាតវ៉ា អាជ្ញាធរពាក់ព័ន្ធថៃ បានចេញមកសម្របសម្រួលជាមួយអាជីវករលក់ត្រីកម្ពុជាដែរ ។ ដោយមន្ត្រីគយថៃ បានបញ្ចុះអត្រាបង់ពន្ធឲ្យអាជីវករខ្មែរបង់ពន្ធត្រី មកត្រឹមតម្លៃ៩៥០បាតវិញ ក្នុងមួយគីឡូក្រាម បើទោះជាអាជីករខ្មែរ ទាមទារឲ្យអាជ្ញាធរថៃ អនុវត្តពន្ធចាស់ក្តី។
គួរបញ្ជាក់ថា អត្រាពន្ធចាស់ដែលអាជ្ញាធរថៃ បានកំណត់ទារពីអាជីវករខ្មែរកន្លងមកនោះ គឺក្នុងអត្រាពន្ធពី៣០០បាត ទៅ៥០០បាត ប៉ុណ្ណោះ ចាប់ពីទំហំត្រី១០០គីឡូក្រាមឡើងទៅ៕
អាជីវករខ្មែរទាំងនោះ បានយករទេះ និងឡាន បិទផ្លូវកណ្ដាលស្ពានមិត្តភាពកម្ពុជា-ថៃនេះ ក្រោមហេតុផលថា ពួកគេទាមទារឲ្យអាជ្ញាធរថៃ ដោះស្រាយបញ្ហាដំឡើងថ្លៃពន្ធត្រី ឲ្យមកនៅត្រឹមតម្លៃដើមវិញ។ បើគ្មានដំណោះស្រាយទេ ពួកគេនឹងនៅតវ៉ាបិទផ្លូវច្រកអន្តរជាតិជាតិ រាំងខ្ទប់មិនឲ្យភាគីថៃ នាំទំនិញចូលមកកម្ពុជាដូចគ្នា។
ក្រុមអាជីវករខ្មែរ បន្តការបិទផ្លូវតវ៉ានេះ គឺស្របពេលដែលអភិបាលរងខេត្តបន្ទាយមានជ័យ លោក អ៊ុំ រាត្រី កំពុងដឹកនាំក្រុមការងារជួបពិភាក្សាជាមួយភាគីថៃ ដើម្បីរកដំណោះស្រាយឲ្យបានត្រឹមត្រូវ សម្រាប់អាជីករខ្មែរ លក់ត្រីនៅក្នុងទឹកដីថៃនេះ។
កាលពីថ្ងៃទី២៣ កុម្ភៈ អាជ្ញាធរថៃ បានបង្គាប់ឲ្យអាជីវករខ្មែរ ដែលនាំចូលត្រីទៅលក់ក្នុងប្រទេសថៃមានច្បាប់ត្រឹមត្រូវនោះ ត្រូវមានកាតព្វកិច្ចបង់ពន្ធក្នុងតម្លៃ ១២បាត (១៣០០រៀល) ក្នុងមួយគីឡូក្រាម ។ ត្រីចាប់ពី១០០ទៅ២០០ គីឡូក្រាមនោះ អាជីវករខ្មែរត្រូវបង់ពន្ធពី១៥០០បាត ទៅ២០០០បាត (១៧ម៉ឺនទៅជាង២២ម៉ឺន) ដែលនឹងត្រូវចាប់ផ្ដើមអនុវត្តគោលនយោបាយនេះ ពីថ្ងៃទីសុក្រទី២៤ កុម្ភៈនេះ។
ចំពោះការដំឡើងថ្លៃពន្ធត្រីនេះ ក្រុមអាជីវករខ្មែររាប់រយនាក់ មិនពេញចិត្តឡើយ ព្រោះវាជាតម្លៃពន្ធខ្ពស់ ដែលមិនអាចទទួលយកបាននោះទេ។ ក្រុមអាជីវករក៏បានចាក់ត្រីជិត៣០០គីឡូក្រាម នៅលើស្ពានមិត្តភាពកម្ពុជា-ថៃ ច្រកទ្វារអន្តរជាតិប៉ោយប៉ែត ខេត្តបន្ទាយមានជ័យ កាលពីថ្ងៃទី២៣ កុម្ភៈ ដើម្បីតវ៉ាប្រឆាំងនឹងគោលនយោបាយដំឡើងពន្ធថ្មីរបស់អាជ្ញាធរថៃនេះ។
ក្រោយអាជីវករលក់ត្រីនាំគ្នាតវ៉ា អាជ្ញាធរពាក់ព័ន្ធថៃ បានចេញមកសម្របសម្រួលជាមួយអាជីវករលក់ត្រីកម្ពុជាដែរ ។ ដោយមន្ត្រីគយថៃ បានបញ្ចុះអត្រាបង់ពន្ធឲ្យអាជីវករខ្មែរបង់ពន្ធត្រី មកត្រឹមតម្លៃ៩៥០បាតវិញ ក្នុងមួយគីឡូក្រាម បើទោះជាអាជីករខ្មែរ ទាមទារឲ្យអាជ្ញាធរថៃ អនុវត្តពន្ធចាស់ក្តី។
គួរបញ្ជាក់ថា អត្រាពន្ធចាស់ដែលអាជ្ញាធរថៃ បានកំណត់ទារពីអាជីវករខ្មែរកន្លងមកនោះ គឺក្នុងអត្រាពន្ធពី៣០០បាត ទៅ៥០០បាត ប៉ុណ្ណោះ ចាប់ពីទំហំត្រី១០០គីឡូក្រាមឡើងទៅ៕
Tag:
កម្ពុជា
ថៃ
ត្រី
© រក្សាសិទ្ធិដោយ thmeythmey.com
