ជាតិ
សម្ដេច ហ៊ុន សែន ព្រមានទម្លាយសារឆ្លើយឆ្លងគ្នាជាមួយមេដឹកនាំបក្សប្រឆាំងបន្ថែមទៀត
× ភ្នំពេញ៖ ពីពិធីបើកដា្ឋនសាងសង់ផ្លូវក្រវ៉ាត់ក្រុងខ្សែទី២ កំណាត់ទី២ និងសម្ពោធដាក់ឲ្យប្រើប្រាស់ផ្លូវក្រុងខ្សែទី កំណាត់ទី១ នៅព្រឹកថ្ងៃទី០៦ មីនានេះ សម្ដេចនាយករដ្ឋមន្ត្រី ហ៊ុន សែន បានប្រកាសទទួលស្គាល់សំឡេងបែកធ្លាយសន្ទនាគ្នាជាមួយឯកឧត្តម កឹម សុខា ។ សម្ដេច ហ៊ុន សែន អះអាងថា សំឡេងសន្ទនាគ្នានោះជាសំឡេងពិត ដោយគ្មានការកាត់តអ្វីឡើយ។
ជាមួយគ្នានេះនាយករដ្ឋមន្ត្រី ហ៊ុន សែន ក៏បានព្រមានទម្លាយសារឆ្លើយឆ្លងគ្នាជាមួយមេដឹកនាំគណបក្សសង្គ្រោះជាតិបន្ថែមទៀតផងដែរ បើសិនជាមិនព្រមទទួលស្គាល់សំឡេងនោះ។
សូមស្ដាប់សំឡេង៖
សូមបញ្ជាក់ថា សំឡេងសន្ទនាតាមខ្សែទូរសព្ទរវាងលោកនាយករដ្ឋមន្ត្រី ហ៊ុន សែន និងឯកឧត្តម កឹម សុខា ដែលត្រូវបានទម្លាយនៅលើបណ្ដាញហ្វេសប៊ុកមួយ ដោយមានរយៈពេលជាង២០នាទី ដែលបានរៀបរាប់ពីសេនារីយ៉ូ ក្នុងការឆ្ពោះទៅក្តោបក្តាប់គណបក្សសង្គ្រោះជាតិរបស់លោក កឹម សុខា និងការច្រានលោក សម រង្ស៊ី ចេញពីគណបក្សសង្គ្រោះជាតិ។ តែយ៉ាងណាគណបក្សសង្គ្រោះជាតិ អះអាងថា ខ្លួនមិនយកចិត្តទុកដាក់ចំពោះការបែកធ្លាយខ្សែអាត់សំឡេងរវាងសម្ដេច ហ៊ុន សែន និងឯកឧត្តម កឹម សុខា នោះទេ ព្រោះគណបក្សកំពុងគិតពីរឿងការបោះឆ្នោតនាពេលខាងមុខនេះ។
Tag:
ហ៊ុន សែន
កឹម សុខា
សម រង្ស៊ី
CNRP
© រក្សាសិទ្ធិដោយ thmeythmey.com