កញ្ញា សឹង សុផារី៖ ការបង្កើនចំនួនស្ត្រីដែលអសមត្ថភាពទៅក្នុងស្ថាប័ន គឺជាចំណុចខ្សោយ

ជាតិ

បទយកការណ៍ / បទសម្ភាសន៍

កញ្ញា សឹង សុផារី៖ ការបង្កើនចំនួនស្ត្រីដែលអសមត្ថភាពទៅក្នុងស្ថាប័ន គឺជាចំណុចខ្សោយ

07, Mar 2017 , 2:37 pm

រូបភាព

ដោយ: ខន ចំប៉ា

កញ្ញា សឹង សុផារី គឺជាអ្នកនាំពាក្យ និងជាអនុប្រធាននាយកដ្ឋានអាស៊ីប៉ាស៊ីហ្វិក នៃក្រសួងពាណិជ្ជកម្មកម្ពុជា។ ក្នុងនាមស្ត្រីវ័យក្មេងម្នាក់ ក្នុងចំណោមអ្នកបន្តវេនជំនាន់ក្រោយរបស់កម្ពុជា ដែលកំពុងតែលេខធ្លោក្នុងសកម្មភាពការងាររបស់ខ្លួន កញ្ញា សុផារី មិនគាំទ្រសោះឡើយ ចំពោះការបង្កើនចំនួនស្ត្រីនៅក្នុងស្ថាប័នឲ្យឃើញថាមានចំនួនច្រើន ប៉ុន្តែស្ត្រីទាំងនោះ មិនមានសមត្ថភាពពេញលេញក្នុងការបំពេញការងារ។

នៅក្នុងបទសម្ភាសន៍ជាមួយសារព័ត៌មានថ្មីៗ កញ្ញា សឹង សុផារី បញ្ជាក់ដូច្នេះថា ក្នុងសង្គមការងារ សមត្ថភាពគឺជារឿសំខាន់។ កញ្ញា សុផារី ដែលបម្រើការងារនៅក្រសួងពាណិជ្ជកម្មជិត១០ឆ្នាំមកហើយនោះ យល់ថាការបង្កើនចំនួនស្ត្រីនៅក្នុងស្ថាប័នមួយ ដើម្បីបង្ហាញថាក្នុងស្ថាប័ននោះមានចំនួនស្ត្រីច្រើន ប៉ុន្តែពួកគេគ្មានសមត្ថភាពពិតប្រាកដ គឺគ្មានប្រយោជន៍ឡើយ។ ផ្ទុយទៅវិញ ទង្វើនេះគឺបង្ហាញពីចំណុចខ្សោយរបស់ស្ថានប័នទៅវិញ។ មិនតែប៉ុណ្ណោះ ការធ្វើបែបនេះ ក៏អាចធ្វើឲ្យប៉ះពាល់ដល់ប្រសិទ្ធភាពការងារនៅក្នុងស្ថាប័នផងដែរ។

អ្នកនាំពាក្យរូបនេះ បញ្ជាក់ដូច្នេះ៖«ការដែលគ្រាន់តែដាក់ស្ត្រី គ្រាន់តែបង្ហាញថាមានចំនួនស្ត្រី អត់មានប្រយោជន៍ទេ។ វាគ្រាន់តែជាចំណុចខ្សោយ។ បើសិនជាតំណែងណាមួយ ស្ត្រីមានសមត្ថភាពដូចបុរស អ៊ីចឹង ស្រីគួរតែជាអាទិភាព។ តែបើគាត់អត់សមត្ថភាព គាត់ក៏មិនគួរទទួលដែរ»។

ជាបន្តសូមអញ្ជើញស្តាប់បទសម្ភាសន៍រវាង កញ្ញា ខន ចំប៉ា និងកញ្ញា សឹង សុផារី អ្នកនាំពាក្យ និងជាអនុប្រធាននាយកដ្ឋានអាស៊ីប៉ាស៊ីហ្វិក នៃក្រសួងពាណិជ្ជកម្ម ដូចតទៅ៖