អន្តរជាតិ
កូរ៉េខាងត្បូង៖«មកពីចិនអត់យល់អី ទើបជំទាស់ការពង្រាយខែលការពារ THAAD ទាំងទទឹងទិស»
ប្រព័ន្ធការពារ THAAD ដែលដឹកទៅដល់ទឹកដីកូរ៉េខាងត្បូង (រូបភាព Xinhua)
×![]()
ដោយ: តន ចាន់រិទ្ធារ៉ា
អនុរដ្ឋមន្ត្រីការបរទេសកូរ៉េខាងត្បូង Lim Sung-nam បានប្រាប់សភាថា ការណ៍ដែលចិនខឹងដាច់ក្បាលដាច់កន្ទុយពេលអាមេរិកពង្រាយប្រព័ន្ធការពារមីស៊ីល THAAD គឺមកពីចិនផ្ទាល់មិនយល់គោលដៅពិតនៃវត្តមានប្រព័ន្ធការពារនេះ។ កូរ៉េខាងត្បូង តែងប្រាប់ចិនជាញឹកញាប់ថា ការពង្រាយប្រព័ន្ធការពារនេះ មានគោលដៅការពារការវាយប្រហារណាមួយពីសំណាក់កូរ៉េខាងជើង។ ប៉ុន្តែ ចិនហាក់មិនយល់ស្របលើការបកស្រាយនេះឡើយ និងបានប្រាប់កូរ៉េខាងត្បូងឲ្យបញ្ឈប់គម្រោងពង្រាយនេះវិញ។
គម្រោងពង្រាយប្រព័ន្ធការពារមីស៊ីល THAAD របស់អាមេរិកលើទឹកដីកូរ៉េខាងត្បូង បានឈានមួយជំហានទៅមុខ ក្រោយផ្នែកខ្លះនៃប្រព័ន្ធការពារនេះបានទៅដល់ឧបទ្វីបកូរ៉េហើយនោះ។ បើទោះជាយ៉ាងណា ចិននៅតែជំទាស់ដាច់ខាតការពង្រាយប្រព័ន្ធការពារនេះ ដោយលើកហេតុផលថា វាអាចប៉ះពាល់សន្តិសុខខ្លួន ក៏ដូចជាអាចបង្កអស្ថិរភាពតំបន់ទៀតផង ខណៈដែលកូរ៉េខាងត្បូងពន្យល់ម្ដងហើយម្ដងទៀតថា ប្រព័ន្ធការពារនេះ ជាវិធានការការពារសុទ្ធសាធក្ដី។
អនុរដ្ឋមន្ត្រីការបរទេសកូរ៉េខាងត្បូង Lim Sung-nam បានប្រាប់សមាជិកសភាថា រដ្ឋាភិបាលបានបកស្រាយឲ្យចិនយល់ថា វាជាវិធានការការពារខ្លួនពីការគំរាមកំហែងរបស់កូរ៉េខាងជើងប៉ុណ្ណោះ។ ប៉ុន្តែចិន ហាក់ដូចជាមិនយល់ពីចំណុចនេះសោះ។ ចំណែករដ្ឋមន្ត្រីការពារជាតិ Han Min-koo និយាយដែរថា ការព្រួយបារម្ភរបស់ចិនជុំវិញការពង្រាយប្រព័ន្ធការពារ THAAD ជារឿងគ្មានមូលដ្ឋានទាល់តែសោះ។
«ប្រព័ន្ធការពារមីស៊ីល THAAD ជាចំណាត់ការការពារខ្លួនអប្បរមា ដែលប្រឆាំងការគំរាមកំហែងដែលបង្កដោយការបាញ់មីស៊ីលនុយក្លេអ៊ែររបស់កូរ៉េខាងជើង។ ចិន បែរជាវាយតម្លៃជ្រុលពេកលើប្រព័ន្ធការពារនេះ ហើយប្រឆាំងដោយងងឹតងងល់នឹងការពង្រាយប្រព័ន្ធ THAAD ។» នេះជាការបញ្ជាក់របស់រដ្ឋមន្ត្រីការពារជាតិកូរ៉េខាងត្បូង ដែលចេញផ្សាយដោយទីភ្នាក់ងារព័ត៌មាន Reuters ។
តាំងពីដើមមកនោះ ក្រុងប៉េកាំង ប្រឆាំងដាច់ខាតចំពោះការពង្រាយប្រព័ន្ធការពារនេះ។ ក្រុងប៉េកាំង ក៏បានដាក់សម្ពាធខ្លាំងលើក្រុមហ៊ុនកូរ៉េខាងត្បូង LOTTE ដែលសុខចិត្តប្រគល់ទីតាំងឲ្យរដ្ឋាភិបាលកូរ៉េខាងត្បូងយកទៅដំឡើងប្រព័ន្ធការពារ THAAD ។ ហាងជាច្រើនរបស់ LOTTE នៅលើទឹកដីចិន ត្រូវបានបិទ ហើយការហោះហើរ និងភ្ញៀវទេសចរកូរ៉េខាងត្បូង ក៏រងការរើសអើងខ្លាំងពីសំណាក់ចិន ដោយសាររឿងនេះដែរ។
តាមពិតទៅ ការពង្រាយប្រព័ន្ធការពារ THAAD ធ្វើឡើងក្រោយការគំរាមកំហែងមកពីកូរ៉េខាងជើងកើនឡើងខ្លាំង ព្រោះរបបនេះ បានសាកល្បង និងបាញ់មីស៊ីលជាបន្តបន្ទាប់ មិនរអាចិត្តអ្នកណាឡើយ។ គ្រាន់តែចូលដល់ខែមីនា កូរ៉េខាងជើង បាញ់មីស៊ីលព្រមគ្នាម្ដង៤គ្រាប់ទៅហើយ ដែលរឿងនេះធ្វើឲ្យកូរ៉េខាងត្បូង និងជប៉ុន បារម្ភខ្លាំង ហើយអាមេរិក ក៏បង្កើនល្បឿនពង្រាយប្រព័ន្ធការពារ THAAD ដោយមិនស្ដាប់អ្នកណាទាំងអស់៕
គម្រោងពង្រាយប្រព័ន្ធការពារមីស៊ីល THAAD របស់អាមេរិកលើទឹកដីកូរ៉េខាងត្បូង បានឈានមួយជំហានទៅមុខ ក្រោយផ្នែកខ្លះនៃប្រព័ន្ធការពារនេះបានទៅដល់ឧបទ្វីបកូរ៉េហើយនោះ។ បើទោះជាយ៉ាងណា ចិននៅតែជំទាស់ដាច់ខាតការពង្រាយប្រព័ន្ធការពារនេះ ដោយលើកហេតុផលថា វាអាចប៉ះពាល់សន្តិសុខខ្លួន ក៏ដូចជាអាចបង្កអស្ថិរភាពតំបន់ទៀតផង ខណៈដែលកូរ៉េខាងត្បូងពន្យល់ម្ដងហើយម្ដងទៀតថា ប្រព័ន្ធការពារនេះ ជាវិធានការការពារសុទ្ធសាធក្ដី។
អនុរដ្ឋមន្ត្រីការបរទេសកូរ៉េខាងត្បូង Lim Sung-nam បានប្រាប់សមាជិកសភាថា រដ្ឋាភិបាលបានបកស្រាយឲ្យចិនយល់ថា វាជាវិធានការការពារខ្លួនពីការគំរាមកំហែងរបស់កូរ៉េខាងជើងប៉ុណ្ណោះ។ ប៉ុន្តែចិន ហាក់ដូចជាមិនយល់ពីចំណុចនេះសោះ។ ចំណែករដ្ឋមន្ត្រីការពារជាតិ Han Min-koo និយាយដែរថា ការព្រួយបារម្ភរបស់ចិនជុំវិញការពង្រាយប្រព័ន្ធការពារ THAAD ជារឿងគ្មានមូលដ្ឋានទាល់តែសោះ។
«ប្រព័ន្ធការពារមីស៊ីល THAAD ជាចំណាត់ការការពារខ្លួនអប្បរមា ដែលប្រឆាំងការគំរាមកំហែងដែលបង្កដោយការបាញ់មីស៊ីលនុយក្លេអ៊ែររបស់កូរ៉េខាងជើង។ ចិន បែរជាវាយតម្លៃជ្រុលពេកលើប្រព័ន្ធការពារនេះ ហើយប្រឆាំងដោយងងឹតងងល់នឹងការពង្រាយប្រព័ន្ធ THAAD ។» នេះជាការបញ្ជាក់របស់រដ្ឋមន្ត្រីការពារជាតិកូរ៉េខាងត្បូង ដែលចេញផ្សាយដោយទីភ្នាក់ងារព័ត៌មាន Reuters ។
តាំងពីដើមមកនោះ ក្រុងប៉េកាំង ប្រឆាំងដាច់ខាតចំពោះការពង្រាយប្រព័ន្ធការពារនេះ។ ក្រុងប៉េកាំង ក៏បានដាក់សម្ពាធខ្លាំងលើក្រុមហ៊ុនកូរ៉េខាងត្បូង LOTTE ដែលសុខចិត្តប្រគល់ទីតាំងឲ្យរដ្ឋាភិបាលកូរ៉េខាងត្បូងយកទៅដំឡើងប្រព័ន្ធការពារ THAAD ។ ហាងជាច្រើនរបស់ LOTTE នៅលើទឹកដីចិន ត្រូវបានបិទ ហើយការហោះហើរ និងភ្ញៀវទេសចរកូរ៉េខាងត្បូង ក៏រងការរើសអើងខ្លាំងពីសំណាក់ចិន ដោយសាររឿងនេះដែរ។
តាមពិតទៅ ការពង្រាយប្រព័ន្ធការពារ THAAD ធ្វើឡើងក្រោយការគំរាមកំហែងមកពីកូរ៉េខាងជើងកើនឡើងខ្លាំង ព្រោះរបបនេះ បានសាកល្បង និងបាញ់មីស៊ីលជាបន្តបន្ទាប់ មិនរអាចិត្តអ្នកណាឡើយ។ គ្រាន់តែចូលដល់ខែមីនា កូរ៉េខាងជើង បាញ់មីស៊ីលព្រមគ្នាម្ដង៤គ្រាប់ទៅហើយ ដែលរឿងនេះធ្វើឲ្យកូរ៉េខាងត្បូង និងជប៉ុន បារម្ភខ្លាំង ហើយអាមេរិក ក៏បង្កើនល្បឿនពង្រាយប្រព័ន្ធការពារ THAAD ដោយមិនស្ដាប់អ្នកណាទាំងអស់៕
Tag:
កូរ៉េខាងត្បូង
ចិន
THAAD
© រក្សាសិទ្ធិដោយ thmeythmey.com
«នាំអាត» និង«នាំអាទិ៍»មួយណាត្រឹមត្រូវ?
1 សប្តាហ៍
