ជាតិ
អត្ថបទពាណិជ្ជកម្ម
កម្មវិធីទេពកោសល្យដើម្បីជំនួយឧបត្ថម្ភ លើកទី៧ របស់មូលនិធិ ម៉េងលី ជេ. គួច
×![]()
ដោយ: ជី ដាណា
មូលនិធិ ម៉េងលី ជេ. គួច ជាមូលនិធិសប្បុរសធម៌មួយដែលមនុស្សជាច្រើនសង្កេតឃើញថា តែងបានធ្វើសកម្មភាពសប្បុរសធម៌ក្នុងសង្គមយ៉ាងសស្រាក់សស្រាំ និងទូលំទូលាយបំផុតដោយមិនប្រកាន់និន្នាការអ្វីទាំង អស់។ ជាក់ស្ដែងកាលពីចុងសប្ដាហ៍កន្លងទៅនេះ មូលនិធិសប្បុរសធម៌មួយនេះបានរៀបចំកម្មវិធីទេពកោសល្យដើម្បីជំនួយឧបត្ថម្ភ លើកទី៧ របស់ខ្លួននៅសាលសហសិក្សានៃវិទ្យាស្ថានបច្ចេកវិទ្យាកម្ពុជា ក្រោមយុទ្ធនាការ “កង់១ ជីវិត១ ចូលរួមលើកស្ទួយការអប់រំកុមារកម្ពុជា” ។
សូមជម្រាបជូនថា កម្មវិធីទេពកោសល្យដើម្បីជំនួយឧបត្ថម្ភ លើកទី៧ នេះ គឺមានលក្ខណៈខុសប្លែកពីពេលកន្លងទៅដែលតែងតែធ្វើសកម្មភាពឡើងក្នុងគោលដៅរៃអង្គាសថវិកាយកទៅជួយកុមារកំព្រា ចាស់ជរា ជនគ្មានទីពឹង និងពលរដ្ឋក្រីក្រនៅតាមសហគមន៍នានាស្ទើរគ្រប់២៥រាជធានីខេត្តក្រុង។ ក៏ប៉ុន្តែការរៀបចំឱ្យមានកម្មវិធីទេពកោសល្យដើម្បីជំនួយឧបត្ថម្ភលើកនេះ គឺធ្វើឡើងដើម្បីកៀរគរថវិកាពីសប្បុរសជននានា ក្នុងគោលបំណងយកទៅទិញកង់ចែកជូនដល់កុមារក្រីក្រកម្ពុជា នៅតាមតំបន់សហគមន៍មួយចំនួនដែលពួកគេចង់រៀនសូត្រ តែខ្វះមធ្យោបាយធ្វើដំណើរទៅសាលារៀន។ នេះបើតាមការឱ្យដឹងពីលោក ខឹម ប៊ុណ្ណាវឌ្ឍន៍ ប្រធានកម្មវិធីនៃមូលនិធិ ម៉េងលី ជេ. គួច។
ប្រធានកម្មវិធីមូលនិធិរូបនោះ បានអះអាងប្រាប់អ្នកសារព័ត៌មានយើងថា វត្តមានអ្នកចូលរួមក្នុងកម្មវិធីនោះគឺមកពីគ្រប់មជ្ឈដ្ឋានមានចំនួនប្រមាណ១,៣០០នាក់ ហើយថវិកាដែលប្រមូលបានប្រមាណ១០,៤០០ដុល្លារ។ ដោយឡែកចំពោះការចំណាយដើម្បីដំណើរការរៀបចំកម្មវិធីនោះ គឺមូលនិធិចំណាយអស់ប្រមាណ ៤,៥០០ដុល្លារ។ លោកបន្ដថា ចំពោះថវិកាដែលនៅសល់ គឺមូលនិធិ ម៉េងលី ជេ. គួច នឹងយកទៅទិញកង់ដើម្បីបរិច្ចាគដល់សិស្សានុសិស្ស ជាក់ស្ដែងនៅថ្ងៃទី២៧ ខែមីនា ខាងមុខនេះ មូលនិធិសប្បុរសធម៌មួយនេះនឹងបរិច្ចាគកង់ចំនួន៧០ ទៅដល់សិស្សសាលាបឋមសិក្សា គួច ម៉េងលី ទួលបេង ខេត្តកំពង់ចាម និងសម្ពោធអគារសិក្សាមួយខ្នងមាន៤បន្ទប់ ព្រមទាំងហេដ្ឋារចនាសម្ព័ន្ធក្នុងសាលាទាំងមូល ដែលជាជំនួយដោយផ្ទាល់ពីមូលនិធិ ម៉េងលី ជេ. គួច សរុបទឹកប្រាក់ប្រមាណជាង១១ម៉ឺនដុល្លារ។ ជំហានបន្ទាប់ មូលនិធិនេះនឹងបរិច្ចាគកង់ដល់កុមារនៅសហគមន៍វាលស្បូវ រាជធានីភ្នំពេញ, សិស្សសាលាបឋមសិក្សា ថ្មកង្កែប គួចប៉េងសាំង-ងិនហួយ ខេត្តកំពង់ឆ្នាំង និងអង្គការបណ្ដុះបណ្ដាល និងថែរក្សាកុមារកំព្រា ខេត្តកំពង់ស្ពឺ ផងដែរ។ នេះជាការបញ្ជាក់បន្ថែមរបស់លោក ខឹម ប៊ុណ្ណាវឌ្ឍន៍។
គួរបញ្ជាក់ថា កម្មវិធីដ៏វិសេសនោះក៏មានដែរការអញ្ជើញចូលរួមសម្តែងទេពកោសល្យដោយស្ម័គ្រចិត្តពីសិស្សនិស្សិតមកពីក្លឹបនានា។ ពិសេសវត្តមានរបស់ក្រុមសម្តែងគុនល្បុក្កតោអាជីពក្នុងភាពយន្ត រឿងការពារឧក្រិដ្ឋជនដ៏ល្បីល្បាញរបស់ខ្មែរ ហើយអ្វីដែលធ្វើឱ្យអ្នកចូលរួមកាន់តែចាប់អារម្មណ៍ក្នុងកម្មវិធីទៀតនោះ នោះគឺវត្តមានរបស់លោក Jimmy Kiss, លោក អ៊ាម វន្នី, កញ្ញា សុវត្ថិឌី ធារិកា, លោក មាស មុន្នីរាជ, លោក ជ័យ សុវ៉ាត, កញ្ញា ចែម ស្រីល័ក្ខណ៍, លោក សោម សៅសុវណ្ណា និងតារាចម្រៀងល្បីៗជាច្រើនដួងទៀតជាដើម។
ថ្លែងចំណាប់អារម្មណ៍ក្នុងកម្មវិធីសប្បុរសធម៌នោះ លោក ឈឹម សំអុល គ្រូបង្រៀនភាសាអង់គ្លេសនៅគ្រឹះស្ថានសិក្សាឯកជនមួយ ដោយខំស្កាត់ពីខេត្តដើម្បីមកទិញសំបុត្របានចូលរួមកម្មវិធីសប្បុរសធម៌នេះថ្លែងថា ក្រៅពីការចូលរួមកម្សាន្តអារម្មណ៍ជាមួយនឹងសកម្មភាពសប្បាយៗរបស់ក្រុមសម្តែង នៅថ្ងៃឈប់សម្រាកពីការងារដ៏សែនមមាញឹកនោះ នេះក៏ជាសម្មភាពសប្បុរសធម៌តូចមួយរបស់លោកដែរ ដែលបានចូលរួមបរិច្ចាគថវិកាផ្ទាល់ខ្លួនដើម្បីលើកស្ទួយការអប់រំកុមារក្រីក្រនៅកម្ពុជាផងដែរ។ ដ្បិតថាថវិកានេះតិចតួចក៏ពិតមែន ក៏ប៉ុន្តែវាជាសន្តានចិត្តដ៏មានតម្លៃមួយ ដែលអនុញ្ញាតឱ្យរូបលោកអាចចូលរួមអភិវឌ្ឍសង្គមខ្មែរដ៏ធំធេង។
យ៉ាងណាក៏ដោយ ទោះបីជាអ្នកចូលរួមមិនបានទៅតាមការរំពឹងក្ដី ក៏ប្រធានកម្មវិធីមូលនិធិ ម៉េងលី ជេ. គួច រូបនោះ នៅតែមិនភ្លេចថ្លែងអំណរគុណយ៉ាងជ្រាលជ្រៅចំពោះសមានចិត្តសប្បុរជន ក្រុមហ៊ុនជំនួយឧបត្ថម្ភ ក្រុមយុវជនស្ម័គ្រចិត្ត ក៏ដូចជាក្រុមតារាសម្តែងនានា ដែលបានចំណាយធនធានផ្ទាល់ខ្លួន និងកម្លាំងកាយចិត្ត ព្រមទាំងពេលវេលាដ៏មានតម្លៃមកចូលរួមលើកទឹកចិត្តដល់ក្រុមការងារមូលនិធិ ម៉េងលី ជេ. គួច ដើម្បីរួមចំណែកលើកស្ទួយការអភិវឌ្ឍវិស័យអប់រំកុមារកម្ពុជាឱ្យកាន់តែមានប្រសិទ្ធភាពឡើង៕
(អត្ថបទសាលា)
សូមជម្រាបជូនថា កម្មវិធីទេពកោសល្យដើម្បីជំនួយឧបត្ថម្ភ លើកទី៧ នេះ គឺមានលក្ខណៈខុសប្លែកពីពេលកន្លងទៅដែលតែងតែធ្វើសកម្មភាពឡើងក្នុងគោលដៅរៃអង្គាសថវិកាយកទៅជួយកុមារកំព្រា ចាស់ជរា ជនគ្មានទីពឹង និងពលរដ្ឋក្រីក្រនៅតាមសហគមន៍នានាស្ទើរគ្រប់២៥រាជធានីខេត្តក្រុង។ ក៏ប៉ុន្តែការរៀបចំឱ្យមានកម្មវិធីទេពកោសល្យដើម្បីជំនួយឧបត្ថម្ភលើកនេះ គឺធ្វើឡើងដើម្បីកៀរគរថវិកាពីសប្បុរសជននានា ក្នុងគោលបំណងយកទៅទិញកង់ចែកជូនដល់កុមារក្រីក្រកម្ពុជា នៅតាមតំបន់សហគមន៍មួយចំនួនដែលពួកគេចង់រៀនសូត្រ តែខ្វះមធ្យោបាយធ្វើដំណើរទៅសាលារៀន។ នេះបើតាមការឱ្យដឹងពីលោក ខឹម ប៊ុណ្ណាវឌ្ឍន៍ ប្រធានកម្មវិធីនៃមូលនិធិ ម៉េងលី ជេ. គួច។
ប្រធានកម្មវិធីមូលនិធិរូបនោះ បានអះអាងប្រាប់អ្នកសារព័ត៌មានយើងថា វត្តមានអ្នកចូលរួមក្នុងកម្មវិធីនោះគឺមកពីគ្រប់មជ្ឈដ្ឋានមានចំនួនប្រមាណ១,៣០០នាក់ ហើយថវិកាដែលប្រមូលបានប្រមាណ១០,៤០០ដុល្លារ។ ដោយឡែកចំពោះការចំណាយដើម្បីដំណើរការរៀបចំកម្មវិធីនោះ គឺមូលនិធិចំណាយអស់ប្រមាណ ៤,៥០០ដុល្លារ។ លោកបន្ដថា ចំពោះថវិកាដែលនៅសល់ គឺមូលនិធិ ម៉េងលី ជេ. គួច នឹងយកទៅទិញកង់ដើម្បីបរិច្ចាគដល់សិស្សានុសិស្ស ជាក់ស្ដែងនៅថ្ងៃទី២៧ ខែមីនា ខាងមុខនេះ មូលនិធិសប្បុរសធម៌មួយនេះនឹងបរិច្ចាគកង់ចំនួន៧០ ទៅដល់សិស្សសាលាបឋមសិក្សា គួច ម៉េងលី ទួលបេង ខេត្តកំពង់ចាម និងសម្ពោធអគារសិក្សាមួយខ្នងមាន៤បន្ទប់ ព្រមទាំងហេដ្ឋារចនាសម្ព័ន្ធក្នុងសាលាទាំងមូល ដែលជាជំនួយដោយផ្ទាល់ពីមូលនិធិ ម៉េងលី ជេ. គួច សរុបទឹកប្រាក់ប្រមាណជាង១១ម៉ឺនដុល្លារ។ ជំហានបន្ទាប់ មូលនិធិនេះនឹងបរិច្ចាគកង់ដល់កុមារនៅសហគមន៍វាលស្បូវ រាជធានីភ្នំពេញ, សិស្សសាលាបឋមសិក្សា ថ្មកង្កែប គួចប៉េងសាំង-ងិនហួយ ខេត្តកំពង់ឆ្នាំង និងអង្គការបណ្ដុះបណ្ដាល និងថែរក្សាកុមារកំព្រា ខេត្តកំពង់ស្ពឺ ផងដែរ។ នេះជាការបញ្ជាក់បន្ថែមរបស់លោក ខឹម ប៊ុណ្ណាវឌ្ឍន៍។
គួរបញ្ជាក់ថា កម្មវិធីដ៏វិសេសនោះក៏មានដែរការអញ្ជើញចូលរួមសម្តែងទេពកោសល្យដោយស្ម័គ្រចិត្តពីសិស្សនិស្សិតមកពីក្លឹបនានា។ ពិសេសវត្តមានរបស់ក្រុមសម្តែងគុនល្បុក្កតោអាជីពក្នុងភាពយន្ត រឿងការពារឧក្រិដ្ឋជនដ៏ល្បីល្បាញរបស់ខ្មែរ ហើយអ្វីដែលធ្វើឱ្យអ្នកចូលរួមកាន់តែចាប់អារម្មណ៍ក្នុងកម្មវិធីទៀតនោះ នោះគឺវត្តមានរបស់លោក Jimmy Kiss, លោក អ៊ាម វន្នី, កញ្ញា សុវត្ថិឌី ធារិកា, លោក មាស មុន្នីរាជ, លោក ជ័យ សុវ៉ាត, កញ្ញា ចែម ស្រីល័ក្ខណ៍, លោក សោម សៅសុវណ្ណា និងតារាចម្រៀងល្បីៗជាច្រើនដួងទៀតជាដើម។
ថ្លែងចំណាប់អារម្មណ៍ក្នុងកម្មវិធីសប្បុរសធម៌នោះ លោក ឈឹម សំអុល គ្រូបង្រៀនភាសាអង់គ្លេសនៅគ្រឹះស្ថានសិក្សាឯកជនមួយ ដោយខំស្កាត់ពីខេត្តដើម្បីមកទិញសំបុត្របានចូលរួមកម្មវិធីសប្បុរសធម៌នេះថ្លែងថា ក្រៅពីការចូលរួមកម្សាន្តអារម្មណ៍ជាមួយនឹងសកម្មភាពសប្បាយៗរបស់ក្រុមសម្តែង នៅថ្ងៃឈប់សម្រាកពីការងារដ៏សែនមមាញឹកនោះ នេះក៏ជាសម្មភាពសប្បុរសធម៌តូចមួយរបស់លោកដែរ ដែលបានចូលរួមបរិច្ចាគថវិកាផ្ទាល់ខ្លួនដើម្បីលើកស្ទួយការអប់រំកុមារក្រីក្រនៅកម្ពុជាផងដែរ។ ដ្បិតថាថវិកានេះតិចតួចក៏ពិតមែន ក៏ប៉ុន្តែវាជាសន្តានចិត្តដ៏មានតម្លៃមួយ ដែលអនុញ្ញាតឱ្យរូបលោកអាចចូលរួមអភិវឌ្ឍសង្គមខ្មែរដ៏ធំធេង។
យ៉ាងណាក៏ដោយ ទោះបីជាអ្នកចូលរួមមិនបានទៅតាមការរំពឹងក្ដី ក៏ប្រធានកម្មវិធីមូលនិធិ ម៉េងលី ជេ. គួច រូបនោះ នៅតែមិនភ្លេចថ្លែងអំណរគុណយ៉ាងជ្រាលជ្រៅចំពោះសមានចិត្តសប្បុរជន ក្រុមហ៊ុនជំនួយឧបត្ថម្ភ ក្រុមយុវជនស្ម័គ្រចិត្ត ក៏ដូចជាក្រុមតារាសម្តែងនានា ដែលបានចំណាយធនធានផ្ទាល់ខ្លួន និងកម្លាំងកាយចិត្ត ព្រមទាំងពេលវេលាដ៏មានតម្លៃមកចូលរួមលើកទឹកចិត្តដល់ក្រុមការងារមូលនិធិ ម៉េងលី ជេ. គួច ដើម្បីរួមចំណែកលើកស្ទួយការអភិវឌ្ឍវិស័យអប់រំកុមារកម្ពុជាឱ្យកាន់តែមានប្រសិទ្ធភាពឡើង៕
(អត្ថបទសាលា)
© រក្សាសិទ្ធិដោយ thmeythmey.com
