អន្តរជាតិ
×![]()
ដោយ: តន ចាន់រិទ្ធារ៉ា
គម្រោងធ្វើប្រជាមតិឯករាជ្យរបស់ស្កុតឡែន ទំនងជាត្រូវបញ្ចប់ហើយ ក្រោយនាយករដ្ឋមន្ត្រី ចក្រភព អង់គ្លេស Theresa May ទាត់ចោលការប៉ុនប៉ងផ្ដាច់ខ្លួននេះ ខណៈរដ្ឋាភិបាលអង់គ្លេសកំពុងជាប់ដៃដើម្បីត្រៀមការចរចាលែងលះជាមួយសហភាពអឺរ៉ុប។ លោកស្រី May ប្រាប់ស្កុតឡែនថា ពេលវេលាមិនស័ក្តិសមឡើយ សម្រាប់ការធ្វើប្រជាមតិនោះ។ ការជំទាស់នេះ ធ្វើឲ្យស្កុតឡែនខឹងយ៉ាងខ្លាំង ហើយប្រមុខរដ្ឋាភិបាលស្កុតឡែន ក៏បានប្រកាសថា ខ្លួននឹងបន្តអនុវត្តតាមផែនការប្រជាមតិដដែល។
ទើបតែទទួលអំណាចពេញដៃក្នុងការចរចាចែកផ្លូវជាមួយសហភាពអឺរ៉ុប នាយករដ្ឋមន្ត្រីចក្រភពអង់គ្លេស Theresa May ទំនងជាកំពុងរៀបចំផែនការសំខាន់ដើម្បីត្រៀមចាប់ផ្ដើមចរចា។ ដោយសារតែមិនចង់ឲ្យការរង្គោះរង្គើផ្ទៃក្នុង នាយករដ្ឋមន្ត្រី May ក៏បានទាត់ចោលគម្រោងធ្វើប្រជាមតិឯករាជ្យលើកទី២ របស់ស្កុតឡែន។ លោកស្រី បានប្រាប់ស្កុតឡែនថា កាលៈទេសៈនេះ មិនមែនជាពេលត្រូវគិតពីប្រជាមតិ និងត្រូវរង់ចាំលទ្ធផលចរចាជាមួយអឺរ៉ុបសិន ចាំគិតរឿងនេះបន្តទៀត។
ត្រឡប់ទៅប្រជាមតិខែមិថុនា ឆ្នាំ២០១៦ ប្រជាជនស្កុតឡែន បានបោះឆ្នោតបន្តជាសមាជិកសហភាពអឺរ៉ុប។ ចាប់ពីពេលនោះ គម្រោងប្រជាមតិឯករាជ្យលើកទី២ របស់រដ្ឋាភិបាលស្កុតឡែន ក៏លេចឡើងម្ដងទៀត ព្រោះរដ្ឋាភិបាលចក្រភពអង់គ្លេស មិនបានបញ្ចូលការចង់បានរបស់ស្កុតឡែនក្នុងគម្រោងចរចាជាមួយអឺរ៉ុប។ ស្កុតឡែនទាមទារឲ្យអង់គ្លេសបន្តស្ថិតនៅទីផ្សាររួមរបស់អឺរ៉ុប និងបើកចំហលំហូរអន្តោប្រវេសន៍ ប៉ុន្តែការទាមទារនេះ ត្រូវបានទាត់ចោលទាំងអស់។
ទាក់ទងរឿងជំទាស់គម្រោងប្រជាមតិនេះ នាយករដ្ឋមន្ត្រី May បានប្រាប់ទូរទស្សន៍ក្នុងស្រុកថា ពេលនេះ ទាំងអស់គ្នា គួរធ្វើការជាមួយគ្នា មិនមែនបែកបាក់គ្នាឡើយ។ ពោល គឺធ្វើការដើម្បីកិច្ចព្រមព្រៀងដ៏ល្អសម្រាប់ស្កុតឡែន និងចក្រភពអង់គ្លេសតែម្ដង។ លោកស្រីនិយាយទៀតថា នេះជាការងារក្នុងនាមជានាយករដ្ឋមន្ត្រី ហើយលោកស្រីក៏បានប្រាប់បក្សកាន់អំណាចស្កុតឡែនពីរឿងនេះរួចរាល់ហើយអស់ដែរ។
បើតាមទីភ្នាក់ងារព័ត៌មាន Reuters រដ្ឋមន្ត្រីទទួលបន្ទុកកិច្ចការស្កុតឡែន David Mundell ក៏ចេញមកបញ្ជាក់ដែរថា ការពិភាក្សាណាមួយលើដំណើរការឈានទៅរកការធ្វើប្រជាមតិ នឹងមិនអាចកើតឡើងឡើយ។ លោកបន្តថា៖ «យើងក៏មិនជជែកដេញដោល ឬក៏មានការចរចាណាមួយលើមាត្រា៣០ ដែលជានីតិវីធីបើកផ្លូវឲ្យសភាស្កុតឡែន បង្កើតច្បាប់ឈានទៅរកការធ្វើប្រជាមតិស្ដីពីឯករាជ្យ ហើយការស្នើសុំណាមួយ ក៏មិនត្រូវបានអនុញ្ញាតដែរ»។
១. ស្កុតឡែន ហៅការជំទាស់របស់ចក្រភពអង់គ្លេស ជារឿងមិនអាចទទួលយកបាន
បន្ទាប់ពីនាយករដ្ឋមន្ត្រី Theresa May ទាត់ចោលគម្រោងធ្វើប្រជាមតិ នៅស្កុតឡែនឯណោះ រដ្ឋមន្ត្រីទី១ ស្កុតឡែន លោកស្រី Nicola Sturgeon បានចោទប្រកាន់លោកស្រី May ថាកំពុងព្យាយាមរាំងខ្ទប់អនាគតរបស់ចក្រភពអង់គ្លេស។ លោកស្រី Sturgeon ក៏បានហៅជំហររបស់នាយករដ្ឋមន្ត្រី May ជារឿងមិនអាចទទួលយកបាន និងហួសហេតុ។
រដ្ឋាភិបាលស្កុតឡែន មានគម្រោងធ្វើប្រជាមតិឯករាជ្យនៅឆ្នាំ២០១៩ ដែលជាឆ្នាំចុងក្រោយនៃរយៈពេលចរចាលែងលះរវាងចក្រភពអង់គ្លេស និងសហភាពអឺរ៉ុប។ យ៉ាងណាមិញ លោកស្រី Sturgeon ក៏បានប្ដេជ្ញាចិត្តបន្តគម្រោងប្រជាមតិនេះដាច់ខាតនៅឯសភាស្កុតឡែន និងបន្តស្វែងរកការយល់ព្រមតាមផ្លូវច្បាប់ពីសភាចក្រភភពអង់គ្លេស។
ដូចបានរៀបរាប់ខាងលើ ស្កុតឡែនសម្រេចចិត្តបន្តនៅជាមួយអឺរ៉ុប។ លោកស្រី Sturgeon ក៏បញ្ជាក់ដែរថា ស្កុតឡែន ក៏គួរតែមានឱកាសខ្លួនដើម្បីបន្តប្រើប្រាស់ទីផ្សាររួមគ្នារវាងអឺរ៉ុប និងបន្តអនុវត្តគោលនយោបាយបើកចំហលំហូរជនអន្តោប្រវេសន៍ដូចសមាជិកសហភាពអឺរ៉ុបដទៃទៀត។ លោកស្រី រិះគន់ប្រមុខរដ្ឋាភិបាលអង់គ្លេសថា មិនបានពិភាក្សាជាមួយរដ្ឋាភិបាលស្កុតឡែនលើរឿងចរចាលែងលះជាមួយអឺរ៉ុបទៀតផង។
២. លោកស្រី May ចង់ផ្ដោតអារម្មណ៍លើការចរចាតែមួយគត់
ក្រោយសភាអង់គ្លេស បោះឆ្នោតយល់ព្រមលើច្បាប់ Brexit ម្ចាស់ក្សត្រីយ៍ Elizabeth II ក៏បានយល់ព្រមលើច្បាប់ ដែលបើកផ្លូវឲ្យនាយករដ្ឋមន្ត្រី Theresa May មានសិទ្ធិផ្ដើមការចរចាបាន។ លោកស្រី ប្រកាសហើយថា លោកស្រី នឹងចាប់ផ្ដើមដំណើរការចរចាលែងលះដែលមានរយៈពេល២ឆ្នាំ ជាមួយសហភាពអឺរ៉ុបនៅដំណាច់ខែមីនា តាមរយៈការជូនដំណឹងស្ដីពីការចាកចេញនេះទៅកាន់ក្រុមប្រឹក្សាអឺរ៉ុប។
ច្បាស់ណាស់ថា រដ្ឋាភិបាលអង់គ្លេស នឹងប្រឹងប្រែងដើម្បីសម្រេចឲ្យបានកិច្ចព្រមព្រៀងដែលល្អទាំងខាងជាមួយអឺរ៉ុប។ ប៉ុន្តែរដ្ឋាភិបាលនាយករដ្ឋមន្ត្រី May បែរជាមិនសូវយកចិត្តទុកដាក់លើការទាមទាររបស់ស្កុតឡែន ដែលជារដ្ឋចំណុះរបស់ចក្រភពអង់គ្លេសឡើយ។ ស្កុតឡែនចង់បាននៅជាសមាជិកអឺរ៉ុប ហើយបើទោះជាចាកចេញក្ដី ស្កុតឡែនចង់ឲ្យរដ្ឋាភិបាលរក្សាផលប្រយោជន៍ដែលធ្លាប់ទទួលពីសមាជិកភាពនេះ។
យ៉ាងណាក្ដី លោកស្រី May បានសម្រេចចិត្តជ្រើសរើសការលែងលះដាច់ស្រេច ដោយមិនចង់ជាប់ពាក់ព័ន្ធជាមួយសហភាអឺរ៉ុបឡើយ សូម្បីតែបន្តស្ថិតក្នុងទីផ្សាររួមគ្នាក្ដី។ ម្យ៉ាងទៀត លោកស្រី May ក៏មិនចង់ឲ្យរឿងឯករាជ្យរបស់ស្កុតឡែន ក្លាយជាឆ្អឹងទទឹងករដែរ ខណៈដែលលោកស្រីកំពុងផ្ដោតការយកចិត្តទុកដាក់លើការចរចាជាមួយអឺរ៉ុប។ តាមរយៈការអធិប្បាយខាងលើ លោកស្រី ចង់ឲ្យស្កុតឡែននៅស្ងៀមស្ងាត់ ហើយរង់ចាំរហូតដល់ការចរចាលែងលះចេញលទ្ធផលសិន ចាំនិយាយរឿងឯករាជ្យ ព្រោះវាមិនយុត្តិធម៌ឡើយ ដែលប្រជាជនស្កុតឡែនបោះឆ្នោតប្រជាមតិ ទាំងមិនដឹងលទ្ធផលនោះ៕
ទើបតែទទួលអំណាចពេញដៃក្នុងការចរចាចែកផ្លូវជាមួយសហភាពអឺរ៉ុប នាយករដ្ឋមន្ត្រីចក្រភពអង់គ្លេស Theresa May ទំនងជាកំពុងរៀបចំផែនការសំខាន់ដើម្បីត្រៀមចាប់ផ្ដើមចរចា។ ដោយសារតែមិនចង់ឲ្យការរង្គោះរង្គើផ្ទៃក្នុង នាយករដ្ឋមន្ត្រី May ក៏បានទាត់ចោលគម្រោងធ្វើប្រជាមតិឯករាជ្យលើកទី២ របស់ស្កុតឡែន។ លោកស្រី បានប្រាប់ស្កុតឡែនថា កាលៈទេសៈនេះ មិនមែនជាពេលត្រូវគិតពីប្រជាមតិ និងត្រូវរង់ចាំលទ្ធផលចរចាជាមួយអឺរ៉ុបសិន ចាំគិតរឿងនេះបន្តទៀត។
ត្រឡប់ទៅប្រជាមតិខែមិថុនា ឆ្នាំ២០១៦ ប្រជាជនស្កុតឡែន បានបោះឆ្នោតបន្តជាសមាជិកសហភាពអឺរ៉ុប។ ចាប់ពីពេលនោះ គម្រោងប្រជាមតិឯករាជ្យលើកទី២ របស់រដ្ឋាភិបាលស្កុតឡែន ក៏លេចឡើងម្ដងទៀត ព្រោះរដ្ឋាភិបាលចក្រភពអង់គ្លេស មិនបានបញ្ចូលការចង់បានរបស់ស្កុតឡែនក្នុងគម្រោងចរចាជាមួយអឺរ៉ុប។ ស្កុតឡែនទាមទារឲ្យអង់គ្លេសបន្តស្ថិតនៅទីផ្សាររួមរបស់អឺរ៉ុប និងបើកចំហលំហូរអន្តោប្រវេសន៍ ប៉ុន្តែការទាមទារនេះ ត្រូវបានទាត់ចោលទាំងអស់។
ទាក់ទងរឿងជំទាស់គម្រោងប្រជាមតិនេះ នាយករដ្ឋមន្ត្រី May បានប្រាប់ទូរទស្សន៍ក្នុងស្រុកថា ពេលនេះ ទាំងអស់គ្នា គួរធ្វើការជាមួយគ្នា មិនមែនបែកបាក់គ្នាឡើយ។ ពោល គឺធ្វើការដើម្បីកិច្ចព្រមព្រៀងដ៏ល្អសម្រាប់ស្កុតឡែន និងចក្រភពអង់គ្លេសតែម្ដង។ លោកស្រីនិយាយទៀតថា នេះជាការងារក្នុងនាមជានាយករដ្ឋមន្ត្រី ហើយលោកស្រីក៏បានប្រាប់បក្សកាន់អំណាចស្កុតឡែនពីរឿងនេះរួចរាល់ហើយអស់ដែរ។
បើតាមទីភ្នាក់ងារព័ត៌មាន Reuters រដ្ឋមន្ត្រីទទួលបន្ទុកកិច្ចការស្កុតឡែន David Mundell ក៏ចេញមកបញ្ជាក់ដែរថា ការពិភាក្សាណាមួយលើដំណើរការឈានទៅរកការធ្វើប្រជាមតិ នឹងមិនអាចកើតឡើងឡើយ។ លោកបន្តថា៖ «យើងក៏មិនជជែកដេញដោល ឬក៏មានការចរចាណាមួយលើមាត្រា៣០ ដែលជានីតិវីធីបើកផ្លូវឲ្យសភាស្កុតឡែន បង្កើតច្បាប់ឈានទៅរកការធ្វើប្រជាមតិស្ដីពីឯករាជ្យ ហើយការស្នើសុំណាមួយ ក៏មិនត្រូវបានអនុញ្ញាតដែរ»។
១. ស្កុតឡែន ហៅការជំទាស់របស់ចក្រភពអង់គ្លេស ជារឿងមិនអាចទទួលយកបាន
បន្ទាប់ពីនាយករដ្ឋមន្ត្រី Theresa May ទាត់ចោលគម្រោងធ្វើប្រជាមតិ នៅស្កុតឡែនឯណោះ រដ្ឋមន្ត្រីទី១ ស្កុតឡែន លោកស្រី Nicola Sturgeon បានចោទប្រកាន់លោកស្រី May ថាកំពុងព្យាយាមរាំងខ្ទប់អនាគតរបស់ចក្រភពអង់គ្លេស។ លោកស្រី Sturgeon ក៏បានហៅជំហររបស់នាយករដ្ឋមន្ត្រី May ជារឿងមិនអាចទទួលយកបាន និងហួសហេតុ។
រដ្ឋាភិបាលស្កុតឡែន មានគម្រោងធ្វើប្រជាមតិឯករាជ្យនៅឆ្នាំ២០១៩ ដែលជាឆ្នាំចុងក្រោយនៃរយៈពេលចរចាលែងលះរវាងចក្រភពអង់គ្លេស និងសហភាពអឺរ៉ុប។ យ៉ាងណាមិញ លោកស្រី Sturgeon ក៏បានប្ដេជ្ញាចិត្តបន្តគម្រោងប្រជាមតិនេះដាច់ខាតនៅឯសភាស្កុតឡែន និងបន្តស្វែងរកការយល់ព្រមតាមផ្លូវច្បាប់ពីសភាចក្រភភពអង់គ្លេស។
ដូចបានរៀបរាប់ខាងលើ ស្កុតឡែនសម្រេចចិត្តបន្តនៅជាមួយអឺរ៉ុប។ លោកស្រី Sturgeon ក៏បញ្ជាក់ដែរថា ស្កុតឡែន ក៏គួរតែមានឱកាសខ្លួនដើម្បីបន្តប្រើប្រាស់ទីផ្សាររួមគ្នារវាងអឺរ៉ុប និងបន្តអនុវត្តគោលនយោបាយបើកចំហលំហូរជនអន្តោប្រវេសន៍ដូចសមាជិកសហភាពអឺរ៉ុបដទៃទៀត។ លោកស្រី រិះគន់ប្រមុខរដ្ឋាភិបាលអង់គ្លេសថា មិនបានពិភាក្សាជាមួយរដ្ឋាភិបាលស្កុតឡែនលើរឿងចរចាលែងលះជាមួយអឺរ៉ុបទៀតផង។
២. លោកស្រី May ចង់ផ្ដោតអារម្មណ៍លើការចរចាតែមួយគត់
ក្រោយសភាអង់គ្លេស បោះឆ្នោតយល់ព្រមលើច្បាប់ Brexit ម្ចាស់ក្សត្រីយ៍ Elizabeth II ក៏បានយល់ព្រមលើច្បាប់ ដែលបើកផ្លូវឲ្យនាយករដ្ឋមន្ត្រី Theresa May មានសិទ្ធិផ្ដើមការចរចាបាន។ លោកស្រី ប្រកាសហើយថា លោកស្រី នឹងចាប់ផ្ដើមដំណើរការចរចាលែងលះដែលមានរយៈពេល២ឆ្នាំ ជាមួយសហភាពអឺរ៉ុបនៅដំណាច់ខែមីនា តាមរយៈការជូនដំណឹងស្ដីពីការចាកចេញនេះទៅកាន់ក្រុមប្រឹក្សាអឺរ៉ុប។
ច្បាស់ណាស់ថា រដ្ឋាភិបាលអង់គ្លេស នឹងប្រឹងប្រែងដើម្បីសម្រេចឲ្យបានកិច្ចព្រមព្រៀងដែលល្អទាំងខាងជាមួយអឺរ៉ុប។ ប៉ុន្តែរដ្ឋាភិបាលនាយករដ្ឋមន្ត្រី May បែរជាមិនសូវយកចិត្តទុកដាក់លើការទាមទាររបស់ស្កុតឡែន ដែលជារដ្ឋចំណុះរបស់ចក្រភពអង់គ្លេសឡើយ។ ស្កុតឡែនចង់បាននៅជាសមាជិកអឺរ៉ុប ហើយបើទោះជាចាកចេញក្ដី ស្កុតឡែនចង់ឲ្យរដ្ឋាភិបាលរក្សាផលប្រយោជន៍ដែលធ្លាប់ទទួលពីសមាជិកភាពនេះ។
យ៉ាងណាក្ដី លោកស្រី May បានសម្រេចចិត្តជ្រើសរើសការលែងលះដាច់ស្រេច ដោយមិនចង់ជាប់ពាក់ព័ន្ធជាមួយសហភាអឺរ៉ុបឡើយ សូម្បីតែបន្តស្ថិតក្នុងទីផ្សាររួមគ្នាក្ដី។ ម្យ៉ាងទៀត លោកស្រី May ក៏មិនចង់ឲ្យរឿងឯករាជ្យរបស់ស្កុតឡែន ក្លាយជាឆ្អឹងទទឹងករដែរ ខណៈដែលលោកស្រីកំពុងផ្ដោតការយកចិត្តទុកដាក់លើការចរចាជាមួយអឺរ៉ុប។ តាមរយៈការអធិប្បាយខាងលើ លោកស្រី ចង់ឲ្យស្កុតឡែននៅស្ងៀមស្ងាត់ ហើយរង់ចាំរហូតដល់ការចរចាលែងលះចេញលទ្ធផលសិន ចាំនិយាយរឿងឯករាជ្យ ព្រោះវាមិនយុត្តិធម៌ឡើយ ដែលប្រជាជនស្កុតឡែនបោះឆ្នោតប្រជាមតិ ទាំងមិនដឹងលទ្ធផលនោះ៕
Tag:
អឺរ៉ុប
Brexit
ស្កុតឡែន
Theresa May
Nicola Sturgeon
© រក្សាសិទ្ធិដោយ thmeythmey.com
«នាំអាត» និង«នាំអាទិ៍»មួយណាត្រឹមត្រូវ?
1 សប្តាហ៍
