សេដ្ឋកិច្ចអន្តរជាតិ
អន្តរជាតិ
ក្រុមហ៊ុន១២ដែលផ្តល់បៀវត្សច្រើនជាងគេនៅបារាំង៖ Oracle, Microsoft…
× ចន្លោះពីខែមីនា ឆ្នាំ២០១៥ ដល់ខែមីនា ឆ្នាំ២០១៧ ក្រុមហ៊ុនវាយតម្លៃសហគ្រាស Glassdoor បានសិក្សាលើតារាងប្រាក់បៀវត្សដែលខ្ពស់ជាងគេនៅក្នុងប្រទេសបារាំងទាំងមូល។ Glassdoor បានលើកឡើងពីបញ្ជីឈ្មោះក្រុមហ៊ុនចំនួន១២ ដែលផ្តល់ប្រាក់ខែខ្ពស់ជាងគេនៅបារាំង។
Business Insider ដែលដកស្រង់របាយការណ៍ផ្ទាល់ បង្ហាញឲ្យឃើញថា ក្រុមហ៊ុនជាច្រើន ទាំងក្នុងស្រុក និងក្រៅស្រុក ក្នុងនោះ Google ជាដើម មិនមានឈ្មោះក្នុងចំណាត់ថ្នាក់ក្រុមហ៊ុនដែលផ្តល់បៀវត្សខ្ពស់ជាងគេនៅក្នុងប្រទេសបារាំងនោះឡើយ។
បៀវត្សប្រចាំឆ្នាំសម្រាប់ក្រុមហ៊ុនចំនួន១២សម្រាប់និយោជិតនៅបារាំង ដែល Glassdoor បានចាត់ចំណាត់ថ្នាក់រួមមាន៖
១. ក្រុមហ៊ុនបច្ចេកវិទ្យា Oracle បៀវត្សប្រចាំឆ្នាំ ៨០ ០០០អឺរ៉ូ (ជាង៨៦ ០០០ដុល្លារអាមេរិក)
២. ក្រុមហ៊ុនបច្ចេកវិទ្យា Microsoft បៀវត្សប្រចាំឆ្នាំ ៥៩ ០០០អឺរ៉ូ (ជាង៦៣ ០០០ដុល្លារអាមេរិក)
៣. ក្រុមហ៊ុនគ្រឿងសម្អាង Pierre Fabre បៀវត្សប្រចាំឆ្នាំ ៥៥ ៧៧២អឺរ៉ូ (ជាង៦០ ០០០ដុល្លារអាមេរិក)
៤. ក្រុមហ៊ុនសំណង់ និងផលិតសម្ភារ Saint-Gobain បៀវត្សប្រចាំឆ្នាំ ៥៤ ០០០អឺរ៉ូ (ជាង៥៨០០០ដុល្លារអាមេរិក)
៥. ក្រុមហ៊ុនវិស្វកម្ម និងប្រឹក្សាយោបល់ Egis Group បៀវត្សប្រចាំឆ្នាំ ៥២ ៧៦៣អឺរ៉ូ (ជាង៥៦០០០ដុល្លារអាមេរិក)
៦. ក្រុមហ៊ុនបច្ចេកវិទ្យា IBM បៀវត្សប្រចាំឆ្នាំ ៥២ ១០០អឺរ៉ូ (ជាង៥៦០០០ដុល្លារអាមេរិក)
៧. ក្រុមហ៊ុនសំណង់ Vinci បៀវត្សប្រចាំឆ្នាំ ៥១ ០០០អឺរ៉ូ (ជាង៥៥០០០ដុល្លារអាមេរិក)
៨. ក្រុមហ៊ុនសេវាកម្មប្រឹក្សាយោបល់ Accenture បៀវត្សប្រចាំឆ្នាំ ៥០ ២៥៤អឺរ៉ូ (ជាង៥៤០០០ដុល្លារអាមេរិក)
៩. ក្រុមហ៊ុនសំណង់ Eiffage បៀវត្សប្រចាំឆ្នាំ ៥០ ២៥០អឺរ៉ូ (ជាង៥៤០០០ដុល្លារអាមេរិក)
១០. ក្រុមហ៊ុនផលិតយានយន្ត PSA Peugeot Citroen បៀវត្សប្រចាំឆ្នាំ ៥០ ០០០អឺរ៉ូ (ជាង៥៤០០០ដុល្លារអាមេរិក)
១១. ក្រុមហ៊ុនគ្រឿងសម្អាង L’Oréal បៀវត្សប្រចាំឆ្នាំ ៤៨ ០០០អឺរ៉ូ (ជាង៥១០០០ដុល្លារអាមេរិក)
១២. ក្រុមហ៊ុនទូរគមនាគមន៍ SFR បៀវត្សប្រចាំឆ្នាំ ៤៨ ០០០អឺរ៉ូ (ជាង៥១០០០ដុល្លារអាមេរិក)៕
© រក្សាសិទ្ធិដោយ thmeythmey.com