កីឡាជាតិ
ជាតិ
លោក Leonardo Vitorino៖ ប៉ះហ្សកដានី ជាកិច្ចការដ៏លំបាក ប៉ុន្តែយើងនឹងប្រឹងប្រែងដើម្បីអ្នកទាំងអស់គ្នា
× គ្រូបង្វឹកជម្រើសជាតិកម្ពុជា លោក Leonardo Vitorino កំពុងដឹកនាំកីឡាករឆ្ពោះទៅកាន់ទីក្រុង Amman នាព្រឹកថ្ងៃព្រហស្បតិ៍ ដើម្បីត្រៀមជួបម្ចាស់ផ្ទះហ្សកដានី សម្រាប់ការប្រកួតពូល C នៃវគ្គជម្រុះ AFC Asian Cup ឆ្នាំ២០១៩ ដោយក្រុមទាំងពីរត្រូវប៉ះគ្នានៅថ្ងៃទី២៨ ខែមីនា ខាងមុខ។
នៅមុនចេញដំណើរ គ្រូបង្វឹកប្រេស៊ីល បានថ្លែងអំណរគុណដល់អ្នកគាំទ្រ ជាពិសេសការផ្តល់កម្លាំងចិត្ត នាការប្រកួតមិត្តភាពអន្តរជាតិជាមួយឥណ្ឌា កាលពីល្ងាចថ្ងៃទី២២ ខែមីនា ដោយក្រុមភ្ញៀវបាន យកឈ្នះ ៣-២ ។ ពីអាកាសយានដ្ឋានអន្តរជាតិភ្នំពេញ លោក Leonardo បាននិយាយទៅកាន់អ្នកគាំទ្រថា ជំនួបជាមួយហ្សកដានី គឺជាកិច្ចការដ៏លំបាកមួយ ប៉ុន្តែក្រុមរបស់លោកនឹងព្យាយាមធ្វើឲ្យបានល្អ ដើម្បីឲ្យអ្នកគាំទ្រមានមោទកភាព។
សូមទស្សនាការផ្សាយផ្ទាល់ពីហ្វេសប៊ុកសហព័ន្ធកីឡាបាល់ទាត់កម្ពុជា ទាក់ទងនឹងការចេញដំណើររបស់ក្រុមជម្រើសជាតិ៖
Tag:
ជម្រើសជាតិ
Leonardo Vitorino
AFC Asian Cup
© រក្សាសិទ្ធិដោយ thmeythmey.com