អន្តរជាតិ
អនុរដ្ឋមន្ត្រីកិច្ចការផ្ទៃក្នុង និងទំនាក់ទំនងលោក Jiro Akama ជាមន្ត្រីជប៉ុនដំបូងគេធ្វើទស្សនកិច្ចនៅតៃវ៉ាន់ តាំងពីឆ្នាំ១៩៧២ (រូបភាព Asian Nikkei)
×![]()
ដោយ: តន ចាន់រិទ្ធារ៉ា
ក្រុងប៉េកាំង បានបង្ហាញការមិនពេញចិត្តរបស់ខ្លួនជុំវិញទស្សនកិច្ចរបស់មន្ត្រីជាន់ខ្ពស់រដ្ឋាភិបាលជប៉ុន ទៅកាន់កោះតៃវ៉ាន់ ដែលជាចិនចាត់ទុកជាអាណាខេត្តរបស់ខ្លួន។ ចិន ចាត់ទុកទស្សនកិច្ចរបស់មន្ត្រីជប៉ុន ជាការនិយាយផ្សេង ធ្វើផ្សឹង ដ្បិតជប៉ុនសន្យាមិនធ្វើទំនាក់ទំនងថ្នាក់រដ្ឋាភិបាលជាមួយតៃវ៉ាន់ឡើយ។ ចិន ក៏ព្រមានដែរថា ទស្សនកិច្ចរបស់មន្ត្រីជប៉ុន អាចបង្កផលប៉ះពាល់ដល់ទំនាក់ទំនងរវាងចិន និងជប៉ុនមិនខាន។
អ្នកនាំពាក្យក្រសួងការបរទេសចិន បាននិយាយថា ចិន បានតវ៉ាជុំវិញទស្សនកិច្ច របស់អនុរដ្ឋមន្ត្រីកិច្ចការមហាផ្ទៃ និងទំនាក់ទំនងលោក Jiro Akama ទៅកាន់កោះតៃវ៉ាន់កាលពីចុងសប្ដាហ៍កន្លងទៅ។ ចិន មិនសប្បាយចិត្តនឹងទស្សនកិច្ចរបស់លោក Akama ក្នុងនាមជាមន្ត្រីជាន់ខ្ពស់ជប៉ុនដំបូង ធ្វើដំណើរទៅកាន់កោះនេះ ចាប់តាំងពីជប៉ុនផ្ដាច់ទំនាក់ទំនងការទូតជាមួយតៃវ៉ាន់ក្នុងឆ្នាំ១៩៧២ និងងាកទៅភ្ជាប់ចំណងការទូតជាមួយប៉េកាំងវិញ។
សារព័ត៌មានជប៉ុនផ្សាយថា លោក Akama ធ្វើដំណើរទៅកាន់តៃវ៉ាន់ ដើម្បីចូលរួមព្រឹត្តិការណ៍ជំរុញទេសចរណ៍ ក្នុងនាមលោកជាមន្ត្រីរដ្ឋាភិបាលជប៉ុន។ លោកទៅដល់កោះតៃវ៉ាន់នៅថ្ងៃទី២៤ ខែមីនា និងត្រឡប់ទៅវិញនៅថ្ងៃទី២៥ ខែដដែល។ បើតាមទីភ្នាក់ងារព័ត៌មាន Reuters លោក Akama ក៏ជាមន្ត្រីរដ្ឋាភិបាលជប៉ុនទី១ ដែលទស្សនកិច្ចផ្លូវការនៅតៃវ៉ាន់ផងដែរ។
ក្នុងសន្និសីទកាសែតប្រចាំថ្ងៃទី២៧ ខែមីនា លោកស្រី Hua Chunying និយាយថា ទស្សនកិច្ចនេះ គឺបំពានការសន្យារបស់ជប៉ុនយ៉ាងច្បាស់ក្រឡែត។ ជប៉ុនធ្លាប់សន្យាថា ទំនាក់ទំនងជាមួយតៃវ៉ាន់ គឺមានត្រឹមតែការផ្លាស់ប្ដូរកម្រិតមិនមែនរដ្ឋាភិបាល និងថ្នាក់តំបន់ប៉ុណ្ណោះ។ លោកស្រី Hua Chunying បន្តថា ចិន ប្រឆាំងដាច់ខាតនឹងទស្សនកិច្ចនេះ ហើយចិនក៏បានតវ៉ាដាច់ខាតហើយដែរ។ ម្យ៉ាងទៀត វាក៏អាចប៉ះពាល់ចំណងការទូតទ្វេភាគីទៀតផង។
កោះតៃវ៉ាន់ បានបែកចេញពីចិន ក្រោយកងទ័ពជាតិនិយមភៀសខ្លួមកកាន់កោះនេះក្នុងឆ្នាំ១៩៤៩ ។ ប៉ុន្តែចិន នៅតែចាត់ទុកកោះនេះជាទឹកដីមួយរបស់ខ្លួន ហើយក៏មិនដែលបោះបង់គំនិតបង្រួមបង្រួបជាមួយកោះនេះឡើយ ទោះជាត្រូវប្រើកម្លាំងទ័ពក្ដី។ ប៉េកាំង តែងចាត់ទុកបញ្ហានោយបាយចិនតែមួយ ជារឿងរសើប និងមិនអាចយកមកចរចាបានអ្វីបានឡើយ ហើយប៉េកាំងក៏តែងប្រាប់គេរាល់គ្នាឲ្យគោរពសិទ្ធិរបស់ខ្លួនលើបញ្ហានេះ។
អ្នកនាំពាក្យក្រសួងការបរទេសចិន ក៏បានស្នើឲ្យជប៉ុនទទួលស្គាល់ពីភាពធ្ងន់ធ្ងរនៃបញ្ហាកោះតៃវ៉ាន់ និងត្រូវឈប់និយាយផ្សេង ធ្វើផ្សឹង តទៅទៀត ហើយជប៉ុនក៏មិនត្រូវដើរលើផ្លូវខុសនេះទៀតដែរ។ តាមពិតទៅជប៉ុន ក៏ដូចជាប្រទេសជាច្រើនទៀត មានទំនាក់ទំនងមិនផ្លូវការជាមួយតៃវ៉ាន់ តែជាទំនាក់ទំនងល្អប្រសើរ។ ជប៉ុនមិនមានស្ថានទូតនៅកោះតៃវ៉ាន់ឡើយ និងមានតែស្ថានតំណាងសម្រាប់ទំនាក់ទំនងពាណិជ្ជកម្មប៉ុណ្ណោះ៕
អ្នកនាំពាក្យក្រសួងការបរទេសចិន បាននិយាយថា ចិន បានតវ៉ាជុំវិញទស្សនកិច្ច របស់អនុរដ្ឋមន្ត្រីកិច្ចការមហាផ្ទៃ និងទំនាក់ទំនងលោក Jiro Akama ទៅកាន់កោះតៃវ៉ាន់កាលពីចុងសប្ដាហ៍កន្លងទៅ។ ចិន មិនសប្បាយចិត្តនឹងទស្សនកិច្ចរបស់លោក Akama ក្នុងនាមជាមន្ត្រីជាន់ខ្ពស់ជប៉ុនដំបូង ធ្វើដំណើរទៅកាន់កោះនេះ ចាប់តាំងពីជប៉ុនផ្ដាច់ទំនាក់ទំនងការទូតជាមួយតៃវ៉ាន់ក្នុងឆ្នាំ១៩៧២ និងងាកទៅភ្ជាប់ចំណងការទូតជាមួយប៉េកាំងវិញ។
សារព័ត៌មានជប៉ុនផ្សាយថា លោក Akama ធ្វើដំណើរទៅកាន់តៃវ៉ាន់ ដើម្បីចូលរួមព្រឹត្តិការណ៍ជំរុញទេសចរណ៍ ក្នុងនាមលោកជាមន្ត្រីរដ្ឋាភិបាលជប៉ុន។ លោកទៅដល់កោះតៃវ៉ាន់នៅថ្ងៃទី២៤ ខែមីនា និងត្រឡប់ទៅវិញនៅថ្ងៃទី២៥ ខែដដែល។ បើតាមទីភ្នាក់ងារព័ត៌មាន Reuters លោក Akama ក៏ជាមន្ត្រីរដ្ឋាភិបាលជប៉ុនទី១ ដែលទស្សនកិច្ចផ្លូវការនៅតៃវ៉ាន់ផងដែរ។
ក្នុងសន្និសីទកាសែតប្រចាំថ្ងៃទី២៧ ខែមីនា លោកស្រី Hua Chunying និយាយថា ទស្សនកិច្ចនេះ គឺបំពានការសន្យារបស់ជប៉ុនយ៉ាងច្បាស់ក្រឡែត។ ជប៉ុនធ្លាប់សន្យាថា ទំនាក់ទំនងជាមួយតៃវ៉ាន់ គឺមានត្រឹមតែការផ្លាស់ប្ដូរកម្រិតមិនមែនរដ្ឋាភិបាល និងថ្នាក់តំបន់ប៉ុណ្ណោះ។ លោកស្រី Hua Chunying បន្តថា ចិន ប្រឆាំងដាច់ខាតនឹងទស្សនកិច្ចនេះ ហើយចិនក៏បានតវ៉ាដាច់ខាតហើយដែរ។ ម្យ៉ាងទៀត វាក៏អាចប៉ះពាល់ចំណងការទូតទ្វេភាគីទៀតផង។
កោះតៃវ៉ាន់ បានបែកចេញពីចិន ក្រោយកងទ័ពជាតិនិយមភៀសខ្លួមកកាន់កោះនេះក្នុងឆ្នាំ១៩៤៩ ។ ប៉ុន្តែចិន នៅតែចាត់ទុកកោះនេះជាទឹកដីមួយរបស់ខ្លួន ហើយក៏មិនដែលបោះបង់គំនិតបង្រួមបង្រួបជាមួយកោះនេះឡើយ ទោះជាត្រូវប្រើកម្លាំងទ័ពក្ដី។ ប៉េកាំង តែងចាត់ទុកបញ្ហានោយបាយចិនតែមួយ ជារឿងរសើប និងមិនអាចយកមកចរចាបានអ្វីបានឡើយ ហើយប៉េកាំងក៏តែងប្រាប់គេរាល់គ្នាឲ្យគោរពសិទ្ធិរបស់ខ្លួនលើបញ្ហានេះ។
អ្នកនាំពាក្យក្រសួងការបរទេសចិន ក៏បានស្នើឲ្យជប៉ុនទទួលស្គាល់ពីភាពធ្ងន់ធ្ងរនៃបញ្ហាកោះតៃវ៉ាន់ និងត្រូវឈប់និយាយផ្សេង ធ្វើផ្សឹង តទៅទៀត ហើយជប៉ុនក៏មិនត្រូវដើរលើផ្លូវខុសនេះទៀតដែរ។ តាមពិតទៅជប៉ុន ក៏ដូចជាប្រទេសជាច្រើនទៀត មានទំនាក់ទំនងមិនផ្លូវការជាមួយតៃវ៉ាន់ តែជាទំនាក់ទំនងល្អប្រសើរ។ ជប៉ុនមិនមានស្ថានទូតនៅកោះតៃវ៉ាន់ឡើយ និងមានតែស្ថានតំណាងសម្រាប់ទំនាក់ទំនងពាណិជ្ជកម្មប៉ុណ្ណោះ៕
Tag:
ចិន
ជប៉ុន
តៃវ៉ាន់
Hua Chunying
© រក្សាសិទ្ធិដោយ thmeythmey.com
