ជាតិ
សង្គមស៊ីវិល រកឃើញថា បញ្ជីឈ្មោះបោះឆ្នោតថ្មី មានលក្ខណៈត្រឹមត្រូវ៩៨ភាគរយ
(ពីខាងឆ្វេងទៅ) លោក សំ គន្ធាមី នាយកប្រតិបត្តិរបស់និចហ្វិច លោក គឹម ឈន អ្នកសម្របសម្រួលកម្មវិធី និងលោក កន សាវាង្ស មន្ត្រីជាន់ខ្ពស់ផ្នែកអង្កេតរបស់ខុមហ្វ្រែល។ អ្នកទាំងបី កំពុងស្ថិតនៅក្នុងសន្និសីទសារព័ត៌មាន ដែលរៀបចំឡើងនៅថ្ងៃទី៥ ខែមេសា ឆ្នាំ២០១៧។
×![]()
ដោយ: ម៉ៅ សុផា
ភ្នំពេញ៖ តាមការស្រាវជ្រាវរបស់សង្គមស៊ីវិល បង្ហាញថា បញ្ជីឈ្មោះបោះឆ្នោតថ្មី មានលក្ខណៈត្រឹមត្រូវស្ទើរតែ ១០០ភាគរយ ដែលអាចមានប្រសិទ្ធភាពខ្ពស់ និងផ្តល់ភាពជឿជាក់ទៅដល់ប្រជាពលរដ្ឋ។
បញ្ជីឈ្មោះបោះឆ្នោតថ្មី ដែលរៀបចំឡើងដោយគណៈកម្មាធិការជាតិរៀបចំបោះឆ្នោត (គ.ជ.ប) មានភាពមិនប្រក្រតីតិចតួចបំផុត។ ហើយភាពមិនប្រក្រតីនេះ មិនអាចប៉ះពាល់ដល់ដំណើរការនៃការបោះឆ្នោតទាំងមូលបានទេ។ នេះជាការរកឃើញរបស់គណៈកម្មាធិការ ដើម្បីការបោះឆ្នោតដោយសេរី និងយុត្តិធម៌ នៅកម្ពុជា (ខុមហ្វ្រែល) ដែលបានបង្ហាញឯកសារថា បញ្ជីឈ្មោះបោះឆ្នោតថ្មីនេះ មានលក្ខណៈត្រឹមត្រូវ៩៨ភាគរយ ដោយក្នុងនោះត្រង់ចំណុច «ឈ្មោះ ថ្ងៃខែឆ្នាំកំណើត និងភេទ» របស់អ្នកចុះឈ្មោះបោះឆ្នោត មានភាពត្រឹមត្រូវរហូតដល់ទៅ ៩៣.៧ ភាគរយ។
ថ្វីដ្បិតបញ្ជីឈ្មោះបោះឆ្នោតថ្មី មានលក្ខណៈត្រឹមត្រូវបែបនេះក្តី តែលោក កន សាវាង្ស មន្ត្រីជាន់ខ្ពស់ផ្នែកអង្កេតរបស់ខុមហ្វ្រែល ក៏មិនហ៊ានអះអាងថា ការតវ៉ារបស់គណបក្សនយោបាយ អាចនឹងបញ្ឈប់ ឬនៅតែកើតមានក្រោយការប្រកាសលទ្ធផលបោះឆ្នោតឡើយ។ លោក សង្កត់ធ្ងន់ថា ក្រៅពីបញ្ជីឈ្មោះបោះឆ្នោត គណបក្សនយោបាយ អាចនឹងតវ៉ា ក្នុងរឿងផ្សេងទៀត ដោយមិនអាចសន្និដ្ឋានទុកជាមុននោះទេ។
ថ្លែងសន្និសីទព័ត៌មានមួយ នៅព្រឹកថ្ងៃទី៥ ខែមេសា លោក កន សាវាង្ស មន្ត្រីជាន់ខ្ពស់ផ្នែកអង្កេតរបស់ខុមហ្វ្រែល បាននិយាយថា ប្រជាពលរដ្ឋចំនួន ៩២.១ ភាគរយ មានការយល់ដឹង ច្រើនហើយ ទាក់ទងនឹងការបោះឆ្នោតនេះ។
ទាំងលោក កន សាវាង្ស និងលោក សំ គន្ធាមី នាយកប្រតិបត្តិនៃគណៈកម្មាធិការអព្យាក្រឹត្យ និងយុត្តិធម៌ ដើម្បីការបោះឆ្នោតដោយសេរី និងត្រឹមត្រូវនៅកម្ពុជា (និចហ្វិច) យល់ថា បញ្ជីឈ្មោះបោះឆ្នោតថ្មីនេះ មានគុណភាព និងប្រសិទ្ធភាពខ្ពស់ស្ទើរតែ ១០០ភាគរយ ដែលអាចឲ្យប្រជាពលរដ្ឋ មានភាពជឿជាក់និងទទួលយកបាន នាពេលបោះឆ្នោតខាងមុខនេះ។
សូមបញ្ជាក់ថា ប្រជាពលរដ្ឋកម្ពុជា ជិត៨លាននាក់ បានចុះឈ្មោះបោះឆ្នោត ដើម្បីត្រៀមបោះឆ្នោត ជ្រើសរើសក្រុមប្រឹក្សាឃុំ សង្កាត់ ក្នុងអាណត្តិទី៤នេះ ដែលនឹងប្រព្រឹត្តទៅនៅថ្ងៃទី៤ ខែមិថុនា ឆ្នាំ២០១៧។ គណបក្សនយោបាយចំនួន១២ បានចូលរួមប្រកួតប្រជែងការបោះឆ្នោតថ្នាក់ឃុំ សង្កាត់៕
បញ្ជីឈ្មោះបោះឆ្នោតថ្មី ដែលរៀបចំឡើងដោយគណៈកម្មាធិការជាតិរៀបចំបោះឆ្នោត (គ.ជ.ប) មានភាពមិនប្រក្រតីតិចតួចបំផុត។ ហើយភាពមិនប្រក្រតីនេះ មិនអាចប៉ះពាល់ដល់ដំណើរការនៃការបោះឆ្នោតទាំងមូលបានទេ។ នេះជាការរកឃើញរបស់គណៈកម្មាធិការ ដើម្បីការបោះឆ្នោតដោយសេរី និងយុត្តិធម៌ នៅកម្ពុជា (ខុមហ្វ្រែល) ដែលបានបង្ហាញឯកសារថា បញ្ជីឈ្មោះបោះឆ្នោតថ្មីនេះ មានលក្ខណៈត្រឹមត្រូវ៩៨ភាគរយ ដោយក្នុងនោះត្រង់ចំណុច «ឈ្មោះ ថ្ងៃខែឆ្នាំកំណើត និងភេទ» របស់អ្នកចុះឈ្មោះបោះឆ្នោត មានភាពត្រឹមត្រូវរហូតដល់ទៅ ៩៣.៧ ភាគរយ។
ថ្វីដ្បិតបញ្ជីឈ្មោះបោះឆ្នោតថ្មី មានលក្ខណៈត្រឹមត្រូវបែបនេះក្តី តែលោក កន សាវាង្ស មន្ត្រីជាន់ខ្ពស់ផ្នែកអង្កេតរបស់ខុមហ្វ្រែល ក៏មិនហ៊ានអះអាងថា ការតវ៉ារបស់គណបក្សនយោបាយ អាចនឹងបញ្ឈប់ ឬនៅតែកើតមានក្រោយការប្រកាសលទ្ធផលបោះឆ្នោតឡើយ។ លោក សង្កត់ធ្ងន់ថា ក្រៅពីបញ្ជីឈ្មោះបោះឆ្នោត គណបក្សនយោបាយ អាចនឹងតវ៉ា ក្នុងរឿងផ្សេងទៀត ដោយមិនអាចសន្និដ្ឋានទុកជាមុននោះទេ។
ថ្លែងសន្និសីទព័ត៌មានមួយ នៅព្រឹកថ្ងៃទី៥ ខែមេសា លោក កន សាវាង្ស មន្ត្រីជាន់ខ្ពស់ផ្នែកអង្កេតរបស់ខុមហ្វ្រែល បាននិយាយថា ប្រជាពលរដ្ឋចំនួន ៩២.១ ភាគរយ មានការយល់ដឹង ច្រើនហើយ ទាក់ទងនឹងការបោះឆ្នោតនេះ។
ទាំងលោក កន សាវាង្ស និងលោក សំ គន្ធាមី នាយកប្រតិបត្តិនៃគណៈកម្មាធិការអព្យាក្រឹត្យ និងយុត្តិធម៌ ដើម្បីការបោះឆ្នោតដោយសេរី និងត្រឹមត្រូវនៅកម្ពុជា (និចហ្វិច) យល់ថា បញ្ជីឈ្មោះបោះឆ្នោតថ្មីនេះ មានគុណភាព និងប្រសិទ្ធភាពខ្ពស់ស្ទើរតែ ១០០ភាគរយ ដែលអាចឲ្យប្រជាពលរដ្ឋ មានភាពជឿជាក់និងទទួលយកបាន នាពេលបោះឆ្នោតខាងមុខនេះ។
សូមបញ្ជាក់ថា ប្រជាពលរដ្ឋកម្ពុជា ជិត៨លាននាក់ បានចុះឈ្មោះបោះឆ្នោត ដើម្បីត្រៀមបោះឆ្នោត ជ្រើសរើសក្រុមប្រឹក្សាឃុំ សង្កាត់ ក្នុងអាណត្តិទី៤នេះ ដែលនឹងប្រព្រឹត្តទៅនៅថ្ងៃទី៤ ខែមិថុនា ឆ្នាំ២០១៧។ គណបក្សនយោបាយចំនួន១២ បានចូលរួមប្រកួតប្រជែងការបោះឆ្នោតថ្នាក់ឃុំ សង្កាត់៕
Tag:
សង្គមស៊ីវិល
បោះឆ្នោត
© រក្សាសិទ្ធិដោយ thmeythmey.com
