ទស្សនាភូមិគួយនិម្មិត ចន្លុះយក្ស ត្រកយក្សនៅ «សង្ក្រាន្តថ្មីសំបូរព្រៃគុក» ខេត្តកំពង់ធំ

ជាតិ

ទស្សនាភូមិគួយនិម្មិត ចន្លុះយក្ស ត្រកយក្សនៅ «សង្ក្រាន្តថ្មីសំបូរព្រៃគុក» ខេត្តកំពង់ធំ

06, Apr 2017 , 10:31 am

រូបភាព

ដោយ: ញឹក ស្រីល័ក្ខ (Nhek Sreyleak)

កំពង់ធំ៖ រដ្ឋបាលខេត្តកំពង់ធំ សហការជាសហភាពសហព័ន្ធយុវជនកម្ពុជាខេត្តកំពង់ធំ នឹងរៀបចំព្រឹត្តិការណ៍ «សង្ក្រាន្តថ្មី សំបូរព្រៃគុក» រយៈពេល ៣ថ្ងៃ ពីថ្ងៃទី១៤ ដល់ទី១៦ ខែមេសា ឆ្នាំ២០១៧ ដើម្បីអបអរពិធីបុណ្យចូលឆ្នាំថ្មី ប្រពៃណីជាតិខ្មែរ និងដើម្បីឲ្យប្រជាពលរដ្ឋបានជួបជុំកម្សាន្តសប្បាយជាមួយរបាំ ល្បែងប្រពៃណី និងពិធីផ្សេងៗ។ ព្រឹត្តិការណ៍នេះ នឹងរៀបចំឡើង នៅក្នុងរមណីយដ្ឋានប្រវត្តិសាស្ត្រសំបូរព្រៃគុក។

ព្រឹត្តិការណ៍ «សង្ក្រាន្តថ្មី សំបូរព្រៃគុក» គឺព្រឹត្តិការណ៍ដែលរៀបចំឡើង ដើម្បីអបអរពិធីបុណ្យចូលឆ្នាំថ្មី ប្រពៃណីជាតិខ្មែរ និងដើម្បីឲ្យប្រជាពលរដ្ឋបានជួបជុំកម្សាន្តសប្បាយជាមួយរបាំ ល្បែងប្រពៃណី និងពិធីផ្សេងៗ។ ព្រឹត្តិការណ៍នេះ មានពិធីសាសនា ការលេងល្បែងប្រជាប្រិយ ការប្រណាំងរទេះគោ និងមានការសម្ដែងរបាំប្រពៃណី របស់បងប្អូនជនជាតិគួយ មានចន្លុះយក្ស ត្រកយក្ស និងកម្មវិធីផ្សេងៗទៀត។

គួរបញ្ជាក់ថា ឆ្នាំនេះ ជាឆ្នាំទី៣ហើយ ដែលរដ្ឋបាលខេត្តកំពង់ធំ បានរៀបចំព្រឹត្តិការណ៍នេះឡើង។ ជាមួយគ្នានេះ ព្រឹត្តិការណ៍នេះ មានកម្មវិធីទទួលទេវតា ក្រុងពាលី កម្មវិធីបើក តាំងពិព័រណ៌ផលិតផល និងមានតន្ត្រីយុវជនទាំងបីថ្ងៃផងដែរ។ ដោយឡែក នៅទីរួមខេត្ត ក៏មានសិល្បៈតន្ត្រីសម័យ និងការបាញ់កាំជ្រួញទាំងបីយប់ ចាប់ពីថ្ងៃទី១៤-១៦ ខែមេសា ឆ្នាំ២០១៧។ នេះបើតាមការបញ្ជាក់របស់រដ្ឋបាលខេត្តកំពង់ធំ៕