បទយកការណ៍ / បទសម្ភាសន៍
របាំព្រះរាជទ្រព្យ ល្ខោនខោល ចាប៉ីដងវែង...ទម្រង់សិល្បៈដែលបង្ហាញខ្លួននៅព្រឹត្តិការណ៍អង្គរសង្ក្រាន្ត
×
នេះជាឆ្នាំទី៥ហើយ ដែលសហភាពសហព័ន្ធយុវជនកម្ពុជាបានរៀបចំព្រឹត្តិការណ៍អង្គរសង្ក្រាន្ត។ ដូចរាល់ឆ្នាំដែរ អង្គរសង្ក្រាន្ត ជា ព្រឹត្តិការណ៍ប្រមូលផ្តុំទៅដោយកម្មវិធីជាច្រើន ដែលសុទ្ធសឹងតែឆ្លុះបញ្ចាំងពីវប្បធម៌ ទំនៀមទម្លាប់ ប្រពៃណីរបស់ខ្មែរ។
ទម្រង់សិល្បៈចំនួន២ ដែលត្រូវបាន គឺការសម្តែងរបាំព្រះរាជទ្រព្យ និងចាប៉ីដងវែងយក្ស ដែលត្រូវបានចុះក្នុងបញ្ជីជាបេតិកភណ្ឌអរូបីមនុស្សជាតិរបស់អង្គការថយូណេស្កូ ក៏មានវត្តមាននៅក្នុងព្រឹត្តិការណ៍នេះដែរ។ បន្ថែមពីនេះ ល្ខោនខោល ដែលក្រសួងវប្បធម៌ ទើបស្នើទៅអង្គការយូណេស្កូ ចុះក្នុងបញ្ជីសម្បត្តិបេតិកភណ្ឌអរូបីមនុស្សជាតិ ក៏មានការសម្តែងជាទ្រង់ទ្រាយធំរយៈពេល៣ថ្ងៃនៅក្នុងព្រឹត្តិការណ៍នេះដែរ។
លោក អ៊ឹង វីរៈ អ្នកនាំពាក្យសហភាពសហព័ន្ធយុវជនកម្ពុជា បញ្ជាក់ប្រាប់សារព័ត៌មានថ្មីៗថា ការលើកយកទម្រង់សិល្បៈទាំងនេះ ទៅបង្ហាញដល់ភ្ញៀវទេសចរក្នុងព្រឹត្តិការណ៍អង្គរសង្ក្រាន្ត ពីព្រោះគឺជាឱកាសមួយ ដ៏ល្អក្នុងការផ្សព្វផ្សាយ និងជំរុញឲ្យប្រជាពលរដ្ឋ ក៏ដូចជាពិភពលោក បានស្គាល់ និងយល់ដឹងកាន់តែច្បាស់ ពីអ្វីដែលខ្មែរយើងមាន ពិសេសសម្បត្តិបេតិកភណ្ឌរបស់ខ្មែរ។
សូមអញ្ជើញស្តាប់បទសម្ភាសន៍រវាង កញ្ញា ខន ចំប៉ា អ្នកយកព័ត៌មានរបស់សារព័ត៌មានថ្មីៗ និងលោកអ៊ឹង វីរៈ អ្នកនាំពាក្យសហភាពសហភព័ន្ធយុវជនកម្ពុជា ដូចតទៅ៖
Tag:
របាំព្រះរាជទ្រព្យ
ល្ខោនខោល
ចាប៉ីដងវែង
អង្គរសង្ក្រាន្ត
© រក្សាសិទ្ធិដោយ thmeythmey.com