សេន ប៊ុនថេន និង ម៉ឺន សុភា ទទួលបានខ្សែក្រវាត់ ឯ ឡៅ ចន្ទ្រា បានត្រឹមសោកស្តាយនៅលើទឹកដីបារាំង

កីឡាជាតិ

ជាតិ

សេន ប៊ុនថេន និង ម៉ឺន សុភា ទទួលបានខ្សែក្រវាត់ ឯ ឡៅ ចន្ទ្រា បានត្រឹមសោកស្តាយនៅលើទឹកដីបារាំង

19, Apr 2017 , 9:19 am

រូបភាព

ដោយ:

អ្នកលេងគុនខ្មែរ សេន ប៊ុនថេន និង ម៉ឺន សុភា បានក្លាយជាម្ចាស់ខ្សែក្រវ៉ាត់ប្រចាំព្រឹតិ្តការណ៍ Rahu Fight នៅប្រទេសបារាំង ក្រោយយកឈ្នះគូប្រកួតដោយពិន្ទុរៀងៗខ្លួន។ ចំណែកកីឡាករ ឡៅ ចន្ទ្រា បានត្រឹមសោកស្តាយក្រោយអាជ្ញាកណ្តាលសម្រេចឲ្យចាញ់គូប្រកួតត្រឹមទឹកទី៣ ដោយវាយតម្លៃថា វាយខុសបច្ចេកទេស។

អ្នកលេងគុនខ្មែរ សេន ប៊ុនថេន បានយកឈ្នះកីឡាករបារាំង Vapi Kevin ដោយពិន្ទុ ខណៈកីឡាករ ម៉ឺន សុភា ក៏បានយកឈ្នះកីឡាករ Lawson Penningto ដោយពិន្ទុដូចគ្នា។ ជ័យជម្នះនេះ បានធ្វើឲ្យអ្នកលេងគុនខ្មែរទាំងពីររូប ក្លាយជាម្ចាស់ខ្សែក្រវាត់រៀងៗខ្លួនប្រចាំព្រឹត្តិការណ៍ Rahu Fight ដែលរៀបចំនៅលើទឹកដីនៃប្រទេសបារាំង។

ដោយឡែក អ្នកលេងគុនខ្មែរមកពីក្លិបកងពលតួចឆ័ត្រយោង៩១១ ឡៅ ចន្ទ្រា ក្រោយវាយខុសបច្ចេកទេសត្រូវបានអាជ្ញាកណ្តាលសម្រេចឲ្យចាញ់កីឡាករ Celestion Mendes ត្រឹមទឹកទី៣។ ការសម្រេចនេះ បន្ទាប់ពីកីឡាករ ឡៅ ចន្ទ្រា ប្រើកែងវាយលើគូប្រកួតក្រោយស្នូរជួងបញ្ចប់ទឹកទី៣បានបន្លឺឡើង។ ប៉ុន្តែ ចន្ទ្រា ហាក់មិនពេញចិត្តចំពោះការសម្រេចរបស់អាជ្ញាកណ្តាលនោះឡើយ ព្រោះការប្រើកែង និងស្នូរជួងក្រោយគ្នាបន្តិចតែប៉ុណ្ណោះ។ លទ្ធផលនេះ បានធ្វើឲ្យអ្នកលេងគុនខ្មែររូបនេះទទួលបានត្រឹមពានលើកទឹកចិត្តតែប៉ុណ្ណោះ៕