ជាតិ
លោក ពិត តាំងសាន សមាជិកក្រុមប្រឹក្សាធម្មនុញ្ញ ទទួលមរណភាព លោក ពិត តាំងសាន សមាជិកក្រុមប្រឹក្សាធម្មនុញ្ញ។ រូបភាពពីគេហទំព័រក្រុមប្រឹក្សាធម្មនុញ្ញ។
× ភ្នំពេញ៖ លោក ពិត តាំងសាន សមាជិកក្រុមប្រឹក្សាធម្មនុញ្ញ បានទទួលមរណភាព ក្នុងជន្មាយុ៧៥ឆ្នាំ ដោយរោគាពាធ នៅរសៀលថ្ងៃទី១៩ ខែមេសា ឆ្នាំ២០១៧នេះ។ នេះបើតាមសេចក្តីជូនដំណឹងរបស់ក្រុមប្រឹក្សាធម្មនុញ្ញ។
យោងតាមជីវប្រវត្តិ ដែលបង្ហោះនៅលើគេហទំព័រក្រុមប្រឹក្សាធម្មនុញ្ញ (www.ccc.gov.kh) លោក ពិត តាំងសាន ដែលមានស្រុកកំណើតក្នុងខេត្តកំពង់ធំ បានក្លាយជាសមាជិកក្រុមប្រឹក្សាធម្មនុញ្ញ តាំងពីឆ្នាំ២០១៣ មក។ លោក ជាអតីតនាយកខុទ្ទកាល័យរបស់សម្តេច ហ៊ុន សែន នាយករដ្ឋមន្ត្រីកម្ពុជា។
លោក ពិត តាំងសាន ក៏ធ្លាប់ជាអនុរដ្ឋលេខាធិការនៃទីស្តីការគណៈរដ្ឋមន្ត្រី ផងដែរ។ លោក បានបញ្ចប់ថ្នាក់បរិញ្ញាប័ត្រជាន់ខ្ពស់ផ្នែកនីតិសាស្ត្រ ក្នុងឆ្នាំ២០០៦៕
© រក្សាសិទ្ធិដោយ thmeythmey.com