ជាតិ
ក្រសួងប្តូរកាលបរិច្ឆេទប្រឡងសិស្សពូកែទូទាំងប្រទេសទៅថ្ងៃទី២៥ មេសា
× ភ្នំពេញ៖ ក្រសួងអប់រំ យុវជន និងកីឡា បានរំកិលកាលបរិច្ឆេទប្រឡងសិស្សពូកែទូទាំងប្រទេស ពីថ្ងៃទី២៤ មេសា ទៅថ្ងៃទី២៥ មេសាវិញ។ ការរំកិលកាលបរិច្ឆេទនេះ ដោយសារតែការចាំបាច់របស់ក្រសួង។ នេះបើតាមទំព័រហ្វេសប៊ុកផ្លូវការរបស់ក្រសួងអប់រំ យុវជន និងកីឡា។
ក្រសួងអប់រំ យុវជន និងកីឡា សម្រេចរំកិលសម័យប្រឡងជ្រើសរើសសិស្សពូកែទូទាំងប្រទេស ពីថ្ងៃទី២៤ ទៅថ្ងៃទី២៥ ខែមេសា ឆ្នាំ២០១៧វិញ។ ការផ្លាស់ប្តូរកាលបរិច្ឆេទនេះ ដោយសារតែក្រសួងមានការចាំបាច់។ ដោយឡែក សម្រាប់ពិធីបើក នឹងប្រព្រឹត្តិទៅនៅថ្ងៃទី២៤ ខែមេសា វេលាម៉ោង ១៤:៣០នាទី នៅវិទ្យាល័យព្រះមុនីវង្ស ខេត្តបាត់ដំបង។
ចំណែកឯពិធីបិទ និងចែករង្វាន់ដល់ជ័យលាភីសិស្សពូកែ ផ្នែកអក្សរសិល្ប៍ខ្មែរ គណិតវិទ្យា និងរូបវិទ្យា នឹងប្រព្រឹត្តិទៅនៅថ្ងៃទី០១ ឧសភា វេលាម៉ោង ១៤:៣០នាទី នៅវិទ្យាល័យព្រះមុនីវង្ស ខេត្តបាត់ដំបង។ ពិធីបិទ និងចែករង្វាន់ដល់ជ័យលាភីសិស្សពូកែ នឹងមានការចូលរួមពីសំណាក់ រដ្ឋមន្ត្រីក្រសួងអប់រំ យុវជន និងកីឡា លោក ហង់ជួន ណារ៉ុន៕
© រក្សាសិទ្ធិដោយ thmeythmey.com