ជាតិ
ក្រុមប្រឹក្សាជាតិអភិវឌ្ឍន៍ដោយចីរភាព នឹងដាក់ឲ្យប្រើប្រាស់សទ្ទានុក្រមការប្រែប្រួលអាកាសធាតុ លោក ច័ន្ទ សំណព្វ ប្រធានក្រុមប្រឹក្សាជាតិភាសាខ្មែរ។
× ភ្នំពេញ៖ អគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព នឹងរៀបចំពីធីប្រកាសដាក់ឲ្យប្រើប្រាស់ជាផ្លូវការនូវសទ្ទានុក្រមការប្រែប្រួលអាកាសធាតុ នៅថ្ងៃទី២៥ មេសា នាទីស្ដីការក្រសួងបរិស្ថាន។ កម្មវិធីនេះ រៀបចំឡើងដើម្បីផ្សព្វផ្សាយ និងដាក់ឲ្យប្រើប្រាស់ជាផ្លូវការនូវសទ្ទានុក្រមការប្រែប្រួលអាកាសធាតុជាសៀវភៅ និងជាទម្រង់អេឡិចត្រូនិច។
ការដាក់ឲ្យប្រើប្រាស់សទ្ទានុក្រមប្រែប្រួលអាកាសធាតុនេះ សម្រាប់ផ្ដល់ការងាយស្រួលដល់សាធារណជន និងអ្នកពាក់ព័ន្ធដែលកំពុងធ្វើការក្នុងវិស័យប្រែប្រួលអាកាសធាតុ។ ជាពិសេស សម្រាប់ជាជំនួយដល់ការប្រើប្រាស់បច្ចេកសព្ទប្រកបដោយភាពត្រឹមត្រូវ។ សទ្ទានុក្រមការប្រែប្រួលអាកាសធាតុនេះ មានជាសៀវភៅ និងជាទម្រង់អេឡិចត្រូនិច។
យោងតាមសេចក្ដីជូនដំណឹងរបស់ក្រុមប្រឹក្សាជាតិអភិវឌ្ឍន៍ដោយចីរភាព ពិធីប្រកាសដាក់ប្រើប្រាស់ជាផ្លូវការនូវសទ្ទានុក្រមការប្រែប្រួលអាកាសធាតុនេះ នឹងមានវត្តមាន លោក សាយ សំអាល់ រដ្ឋមន្ត្រីក្រសួងបរិស្ថាន និងលោក ច័ន្ទ សំណព្វ ប្រធានក្រុមប្រឹក្សាជាតិភាសាខ្មែរ។ កម្មវិធីនេះ នឹងរៀបចំនៅថ្ងៃទី២៥ មេសា នាទីស្ដីការក្រសួងបរិស្ថាន វេលាម៉ោង ២:៣០រសៀល៕
© រក្សាសិទ្ធិដោយ thmeythmey.com