ជាតិ
សម្ដេច ហ៊ុន សែន ប្ដេជ្ញាថែរក្សាមន្ទីពេទ្យគន្ធបុប្ផាមិនឲ្យដួលរំលំ ដោយសារអវត្តមានលោក Beat Richner ឡើយ
×![]()
ដោយ: ធឿន បញ្ញាឬទិ្ធ
ភ្នំពេញ៖ សម្ដេចនាយករដ្ឋមន្ត្រី ហ៊ុន សែន ប្ដេជ្ញាថែរក្សាមន្ទីពេទ្យគន្ធបុប្ផា មិនឲ្យដួលរំលំឡើយ បើទោះជាអវត្តមានលោកវេជ្ជបណ្ឌិត Beat Richner ក្តី។ ការលើកឡើងរបស់សម្ដេច ហ៊ុន សែន នេះស្របពេលដែលស្ថាបនិកមន្ទីពេទ្យគន្ធបុប្ផាលោក Richner កំពុងសម្រាកព្យាបាលជំងឺខ្លួន នៅក្រៅប្រទេស។
ថ្លែងក្នុងទិវាកាកបាទក្រហម អឌ្ឍចន្ទក្រហម ខួបលើកទី១៥៤ នៅថ្ងៃទី៨ ឧសភា ប្រមុខរដ្ឋាភិបាល បានបញ្ជាក់ដូច្នេះថា៖«យើងមិនត្រូវទុកឲ្យមន្ទីពេទ្យគន្ធបុប្ផាដួលរំលំ ដោយសារអវត្តមានលោក Beat Richner នោះទេ»។
សូមស្ដាប់សំឡេង៖
ស្ថាបនិកមន្ទីរពេទ្យគន្ធបុប្ផា លោកវេជ្ជបណ្ឌិត បេអាត រិចឆ្នឺរ ដែលកំពុងមានជំងឺជាទម្ងន់នេះ បានប្រកាសលាលែងពីតំណែងជាអ្នកគ្រប់គ្រងមន្ទីពេទ្យ កាលពីថ្ងៃទី២៨ មីនា កន្លងមក។ លោក ភីតធឺរ ស្ទូដឺរ ដែលជាអនុប្រធានមន្ទីរពេទ្យគន្ធបុប្ផា ជាអ្នកជំនួសតំណែង លោក បេអាត រិចឆ្នឺរ។ នេះបើយោងតាមសេចក្តីប្រកាសព័ត៌មានដែលផ្សាយនៅក្នុងទំព័រហ្វេសប៊ុកផ្លូវការរបស់លោក បេអាត រិចឆ្នឺរ។
មូលនិធិគន្ធបុប្ផា និងរដ្ឋាភិបាលស្វីសតាមរយៈភ្នាក់ងារសម្រាប់កិច្ចសហប្រតិបត្តិការ និងការអភិវឌ្ឍរបស់ស្វីស និងសហការជាមួយព្រះមហាក្សត្រកម្ពុជា ព្រះករុណា ព្រះបាទ សម្តេច នរោត្តម សីហមុនី ក៏ដូចជារដ្ឋាភិបាលកម្ពុជា ដើម្បីធ្វើការលើចីរភាពហិរញ្ញវត្ថុរយៈពេលវែងរបស់មន្ទីរពេទ្យនេះ។ នេះការបញ្ជាក់ក្នុងសេចក្តីប្រកាសព័ត៌មាន ដែលបន្តថា ដរាបណាការគាំទ្រហិរញ្ញវត្ថុរយៈពេលវែងត្រូវបានធានានោះ មន្ទីរពេទ្យគន្ធបុប្ផា គឺពឹងផ្អែកលើជំនួយសប្បុរសជនយ៉ាងខ្លាំង។ ថវិកាទាំងអស់ គឺមានសារៈសំខាន់សម្រាប់ការជួយជីវិតមនុស្ស។
សូមបញ្ជាក់ថា ក្នុងរយៈពេល២៤ឆ្នាំ គិតចាប់ពីឆ្នាំ១៩៩២ ដល់ឆ្នាំ២០១៦ មន្ទីរពេទ្យគន្ធបុប្ផា បានចំណាយថវិកាអស់ចំនួន៥៦៣លានដុល្លារហើយ ក្នុងបេសកកម្មសង្គ្រោះជីវិតកុមារក្រីក្ររបស់កម្ពុជា។ ក្នុងចំណោមថវិកាទាំងអស់ មាន៨៦,៤ភាគរយ ជាវិភាគទានសប្បុរសជនដែលភាគច្រើនមកពីប្រជាជនរស់នៅក្នុងប្រទេសស្វីស ចំនួន៤,៧ភាគរយ បានមកពីវិភាគទានរបស់រាជរដ្ឋាភិបាលកម្ពុជា និង៨,៩ភាគរយ បានមកពីការចូលរួមវិភាគទានរបស់រាជរដ្ឋាភិបាលស្វីស។
បើផ្អែកលើរបាយការណ៍របស់មន្ទីរពេទ្យ ក្នុងរយៈពេល២៤ឆ្នាំមកនេះ មានកុមារឈឺចំនួន១៤,៨៣៧,១៥៥ នាក់ ដែលបានទទួលការពិនិត្យ ព្យាបាលនៅក្នុងផ្នែកពិគ្រោះជំងឺក្រៅ និងកុមារដែលមានជំងឺ និងរបួសធ្ងន់ៗ មានចំនួន១,៥១៦,៤៧១នាក់ ត្រូវបានជួយសង្គ្រោះ និងបានជាសះស្បើយនៅ មន្ទីរពេទ្យគន្ធបុប្ផា។ របាយការណ៍ដដែលនោះ បន្តថា៨០ភាគរយនៃកុមារដែលមានជំងឺធ្ងន់ធ្ងរទាំងនោះ នឹងគ្មានសំណាងល្អឡើយប្រសិនបើមិនបានដាក់ឲ្យសម្រាកនៅមន្ទីរពេទ្យទេនោះ។ សម្រាប់ផ្នែកសម្ភពវិញ មានស្ត្រីចំនួន១៩២,៨៩៧នាក់មកសម្រាលកូន និងមានការពិនិត្យ តាមដានផ្ទៃពោះចំនួន ១,៣៩០,៣២៣ដង នៅក្នុងផ្នែកពិគ្រោះជំងឺក្រៅនៃសម្ភព បច្ចុប្បន្ន មន្ទីរពេទ្យគន្ធបុប្ផា បានចំណាយថវិកាបានចំណាយថវិកា ចំនួន១២ម៉ឺនដុល្លារក្នុងមួយថ្ងៃៗដើម្បីព្យាបាលជំងឺដោយឥតគិតថ្លៃដល់ កុមារកម្ពុជា៕
ថ្លែងក្នុងទិវាកាកបាទក្រហម អឌ្ឍចន្ទក្រហម ខួបលើកទី១៥៤ នៅថ្ងៃទី៨ ឧសភា ប្រមុខរដ្ឋាភិបាល បានបញ្ជាក់ដូច្នេះថា៖«យើងមិនត្រូវទុកឲ្យមន្ទីពេទ្យគន្ធបុប្ផាដួលរំលំ ដោយសារអវត្តមានលោក Beat Richner នោះទេ»។
សូមស្ដាប់សំឡេង៖
ស្ថាបនិកមន្ទីរពេទ្យគន្ធបុប្ផា លោកវេជ្ជបណ្ឌិត បេអាត រិចឆ្នឺរ ដែលកំពុងមានជំងឺជាទម្ងន់នេះ បានប្រកាសលាលែងពីតំណែងជាអ្នកគ្រប់គ្រងមន្ទីពេទ្យ កាលពីថ្ងៃទី២៨ មីនា កន្លងមក។ លោក ភីតធឺរ ស្ទូដឺរ ដែលជាអនុប្រធានមន្ទីរពេទ្យគន្ធបុប្ផា ជាអ្នកជំនួសតំណែង លោក បេអាត រិចឆ្នឺរ។ នេះបើយោងតាមសេចក្តីប្រកាសព័ត៌មានដែលផ្សាយនៅក្នុងទំព័រហ្វេសប៊ុកផ្លូវការរបស់លោក បេអាត រិចឆ្នឺរ។
មូលនិធិគន្ធបុប្ផា និងរដ្ឋាភិបាលស្វីសតាមរយៈភ្នាក់ងារសម្រាប់កិច្ចសហប្រតិបត្តិការ និងការអភិវឌ្ឍរបស់ស្វីស និងសហការជាមួយព្រះមហាក្សត្រកម្ពុជា ព្រះករុណា ព្រះបាទ សម្តេច នរោត្តម សីហមុនី ក៏ដូចជារដ្ឋាភិបាលកម្ពុជា ដើម្បីធ្វើការលើចីរភាពហិរញ្ញវត្ថុរយៈពេលវែងរបស់មន្ទីរពេទ្យនេះ។ នេះការបញ្ជាក់ក្នុងសេចក្តីប្រកាសព័ត៌មាន ដែលបន្តថា ដរាបណាការគាំទ្រហិរញ្ញវត្ថុរយៈពេលវែងត្រូវបានធានានោះ មន្ទីរពេទ្យគន្ធបុប្ផា គឺពឹងផ្អែកលើជំនួយសប្បុរសជនយ៉ាងខ្លាំង។ ថវិកាទាំងអស់ គឺមានសារៈសំខាន់សម្រាប់ការជួយជីវិតមនុស្ស។
សូមបញ្ជាក់ថា ក្នុងរយៈពេល២៤ឆ្នាំ គិតចាប់ពីឆ្នាំ១៩៩២ ដល់ឆ្នាំ២០១៦ មន្ទីរពេទ្យគន្ធបុប្ផា បានចំណាយថវិកាអស់ចំនួន៥៦៣លានដុល្លារហើយ ក្នុងបេសកកម្មសង្គ្រោះជីវិតកុមារក្រីក្ររបស់កម្ពុជា។ ក្នុងចំណោមថវិកាទាំងអស់ មាន៨៦,៤ភាគរយ ជាវិភាគទានសប្បុរសជនដែលភាគច្រើនមកពីប្រជាជនរស់នៅក្នុងប្រទេសស្វីស ចំនួន៤,៧ភាគរយ បានមកពីវិភាគទានរបស់រាជរដ្ឋាភិបាលកម្ពុជា និង៨,៩ភាគរយ បានមកពីការចូលរួមវិភាគទានរបស់រាជរដ្ឋាភិបាលស្វីស។
បើផ្អែកលើរបាយការណ៍របស់មន្ទីរពេទ្យ ក្នុងរយៈពេល២៤ឆ្នាំមកនេះ មានកុមារឈឺចំនួន១៤,៨៣៧,១៥៥ នាក់ ដែលបានទទួលការពិនិត្យ ព្យាបាលនៅក្នុងផ្នែកពិគ្រោះជំងឺក្រៅ និងកុមារដែលមានជំងឺ និងរបួសធ្ងន់ៗ មានចំនួន១,៥១៦,៤៧១នាក់ ត្រូវបានជួយសង្គ្រោះ និងបានជាសះស្បើយនៅ មន្ទីរពេទ្យគន្ធបុប្ផា។ របាយការណ៍ដដែលនោះ បន្តថា៨០ភាគរយនៃកុមារដែលមានជំងឺធ្ងន់ធ្ងរទាំងនោះ នឹងគ្មានសំណាងល្អឡើយប្រសិនបើមិនបានដាក់ឲ្យសម្រាកនៅមន្ទីរពេទ្យទេនោះ។ សម្រាប់ផ្នែកសម្ភពវិញ មានស្ត្រីចំនួន១៩២,៨៩៧នាក់មកសម្រាលកូន និងមានការពិនិត្យ តាមដានផ្ទៃពោះចំនួន ១,៣៩០,៣២៣ដង នៅក្នុងផ្នែកពិគ្រោះជំងឺក្រៅនៃសម្ភព បច្ចុប្បន្ន មន្ទីរពេទ្យគន្ធបុប្ផា បានចំណាយថវិកាបានចំណាយថវិកា ចំនួន១២ម៉ឺនដុល្លារក្នុងមួយថ្ងៃៗដើម្បីព្យាបាលជំងឺដោយឥតគិតថ្លៃដល់ កុមារកម្ពុជា៕
Tag:
ហ៊ុន សែន
Beat Richner
គន្ធបុប្ផា
© រក្សាសិទ្ធិដោយ thmeythmey.com
