ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
មណ្ឌលរដ្ឋបាលខេត្តសៀមរាបថ្មីតម្លៃជាង ៧៦ប៊ីលានរៀលសម្ពោធជាផ្លូវការ
14, May 2017 ,
9:19 pm
រូបភាព
×
ដោយ:
អុីសា រ៉ហានី (Isa Rohany)
សៀមរាប៖ មណ្ឌលរដ្ឋបាលខេត្តសៀមរាបថ្មី ដែលប្រមូលផ្តុំដោយមន្ទីររដ្ឋបាលជំនាញចំនួន ២៦របស់ខេត្តសៀមរាប បានដាក់សម្ពោធជាផ្លូវការហើយនៅព្រឹកថ្ងៃទី១៤ ឧសភា ឆ្នាំ២០១៧។ មណ្ឌលរដ្ឋបាលប្រមូលផ្តុំថ្មីនេះ ចំណាយថវិកាសរុបជាង ៧៦ប៊ីលានរៀល។
អភិបាលខេត្តសៀមរាប បានឡើងអានរបាយការណ៍សាងសង់នៃមណ្ឌលរដ្ឋបាលខេត្តសៀមរាប។ យោងតាមរបាយការណ៍ អាគាររដ្ឋបាលថ្មីនេះ ចាប់សាងសង់ចាប់ពីថ្ងៃទី២០ ខែតុលា ឆ្នាំ២០១៤ ដោយក្រុមហ៊ុន កាំត្រង់ស៊ីប លើផ្ទៃដីចំនួន ៦ហិកតា។ អាគារមន្ទីរជំនាញទាំង២៦នេះ គឺជាប្រភេទអគារភ្លោះចំនួន១២ និងអគារទោលចំនួន២ ហើយអគារនីមួយៗមានទំហំ ២០.៥០X ២៣.៨០ម៉ែត្រ មានចំនួន២ជាន់ ១៥បន្ទប់ សាលប្រជុំមួយ ឃ្លាំងទុកសម្ភារៈ និងបន្ទប់សម្រាប់ដាក់ឯកសារចំនួន ៣បន្ទប់។
លោក ឃឹម ប៊ុងសុង បានបន្ថែមថា ថវិកាដែលចំណាយលើការសាងសង់ សរុបទាំងអស់មានចំនួន ៧៦ ០៣០ ០០០ ០០០រៀល (ចិតសិបប្រាំមួយប៊ីលាន សាមសិបលានរៀល)។
ក្នុងពិធីសម្ពោធដែលមានវត្តមានលោក ទៀ បាញ់ រដ្ឋមន្ត្រីក្រសួងការពារជាតិ និងជាប្រធានក្រុមការងារថ្នាក់ជាតិចុះជួយខេត្តសៀមរាប លោកបានថ្លែងពីសមិទ្ធិផលនានា ដែលខេត្តសៀមរាបសម្រេចបាន។ លោក ទៀ បាញ់ សុំឲ្យមន្ត្រីរាជការទាំងអស់ ត្រូវរួមគ្នាថែរក្សា សមិទ្ធិផលថ្មីនេះឲ្យបានល្អផងដែរ។ លោកបន្ថែមថា អគាររដ្ឋបាលថ្មីនេះ គឺកើតឡើងពីការមើលឃើញពីទុក្ខលំបាក់របស់មន្ត្រីរាជការ ព្រោះកន្លងមកមន្ទីរជំនាញទាំងនោះ ធ្វើការក្រោមដំបូលតែមួយជាមួយសាលាខេត្ត ដែលដោះដូរជាមួយអគាររបស់ស្ថាប័នអាជ្ញាធរជាតិអប្សរា។
បណ្តុំអគាររដ្ឋបាលមន្ទីរខេត្តសៀមរាបចាស់ ត្រូវគេស្គាល់ថា ជាស្នាក់ការអាជ្ញាធរជាតិអប្សរាបច្ចុប្បន្ន ដែលស្ថិតនៅស្រុកប្រាសាទបាគង ដែលមានចម្ងាយប្រមាណ១០គីឡូម៉ែត្រពីទីរួមខេត្តសៀមរាប៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
រដ្ឋបាល
សៀមរាប
© រក្សាសិទ្ធិដោយ thmeythmey.com
អត្ថបទពេញនិយម
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
7 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
5 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
7 ថ្ងៃ
«ប្រេសិត»មានន័យដូចម្តេច?
6 ថ្ងៃ
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
2 ថ្ងៃ
អត្ថបទពេញនិយមបន្ថែម