អន្តរជាតិ
ប្រធានាធិបតីកូរ៉េខាងត្បូងរកមុខអ្នកបើកដៃឲ្យអាមេរិកនាំចូលឧបករណ៍បាញ់រ៉ុក្កែតស្ងាត់ៗ
×![]()
ដោយ: តន ចាន់រិទ្ធារ៉ា
ប្រធានាធិបតីកូរ៉េខាងត្បូង មូន ចេអ៊ីន (Moon Jae-in) ភ្ញាក់ផ្អើលយ៉ាងខ្លាំង ក្រោយមានការពង្រាយឧបករណ៍បាញ់គ្រាប់រ៉ុក្កែតដោយលួចលាក់។ អ្នកនាំពាក្យរបស់ប្រធានាធិបតីកូរ៉េខាងត្បូងនិយាយថា លោក មូន ចេអ៊ីន មិនបានដឹងសោះថាមានការពង្រាយឧបករណ៍បាញ់រ៉ុក្កែតដល់ទៅបួនគ្រឿងដែលជាផ្នែកមួយនៃប្រព័ន្ធការពារ THAAD បន្ថែមទៀត។ ប្រធានាធិបតី មូន ចេអ៊ីន បានបញ្ជាឲ្យមានការស៊ើបអង្កេតលើករណីនេះ។
ឧបករណ៍បាញ់រ៉ុក្កែតចំនួនបួនគ្រឿង ត្រូវបាននាំចូលទៅកាន់កូរ៉េខាងត្បូងដោយសម្ងាត់ ដែលសូម្បីតែប្រធានាធិបតី មូន ចេអ៊ីន ក៏មិនបានដឹងរឿងនេះដែរ។ លោក មូន ចេអ៊ីន ទើបតែដឹងរឿងនាំចូលឧបករណ៍បាញ់រ៉ុក្កែតនេះ បន្ទាប់ពីទទួលបានព័ត៌មានពីប្រធានការិយាល័យសន្តិសុខជាតិ លោក Chung Eui-yong។ លោក មូន ចេអ៊ីន ពិតជាភ្ញាក់ផ្អើលខ្លាំងនឹងព័ត៌មាននេះ ព្រោះឧបករណ៍បាញ់រ៉ុក្កែតនេះ ត្រូវបាននាំចូលដោយមិនបានប្រាប់រដ្ឋាភិបាលឡើយ។
អ្នកនាំពាក្យប្រធានាធិបតីលោក Yoon Young-chan បានប្រាប់អ្នកសារព័ត៌មានថា លោក មូន ចេអ៊ីន ក៏បានទូរសព្ទទៅកាន់រដ្ឋមន្ត្រីការពារជាតិ ហាន មីនគូ (Han Min-koo) ដើម្បីសួរនាំឲ្យបានច្បាស់ ហើយលោក ហាន មីនគូ ក៏បានរៀបរាប់ព័ត៌មាននេះទៅឲ្យប្រធានាធិបតី ដ្បិតលោកក៏បានដឹងពីរឿងនេះជាមុនដែរ។ ចំណែកមន្ត្រីវិមានប្រធានាធិបតី Choeng Wa Dae និយាយដែរថាឧបករណ៍បាញ់ រ៉ុក្កែតនេះត្រូវបាននាំចូលបន្ថែមពីលើឧបករណ៍បាញ់ចំនួនពីរដែលបានពង្រាយរួចស្រេចហើយនោះ។
ទីភ្នាក់ងារព័ត៌មាន Yonhap ផ្សាយថា ប្រធានាធិបតីកូរ៉េខាងត្បូង ដែលទំនងជាកំពុងអន់ចិត្តខ្លាំង ក៏បានបញ្ជាឲ្យបើកការស៊ើបអង្កេតមួយលើករណីនេះ។ នៅថ្ងៃទី៣០ ខែឧសភា លោក បានបញ្ជាឲ្យលេខាទទួលបន្ទុកកិច្ចការស៊ីវិល និងប្រធានការិយាល័យសន្តិសុខជាតិ ស្វែងរកការពិតនៅពីក្រោយការនាំចូលស្ងាត់ៗនេះ និងរកមុខអ្នកដែលបើកសិទ្ធិឲ្យនាំចូលអាវុធរបស់អាមេរិកតែម្ដង។ លោកក៏ចង់ដឹងពីមូលហេតុដែលអាវុធអាមេរិកត្រូវនាំចូលកូរ៉េខាងត្បូងដោយមិនបានប្រកាសបែបនេះ។
តាមពិតទៅ ប្រធានាធិបតីកូរ៉េខាងត្បូងរូបនេះ មិនពេញចិត្តវត្តមានប្រព័ន្ធការពារមីស៊ីល THAAD របស់អាមេរិកលើទឹកដីរបស់លោកឡើយ។ អំឡុងពេលឃោសនារកសំឡេងឆ្នោត លោកក៏បានប្រកាសពិនិត្យឡើងវិញកិច្ចព្រមព្រៀងរវាងកូរ៉េខាងត្បូង និងអាមេរិក ដែលអនុញ្ញាតឲ្យមានការពង្រាយប្រព័ន្ធការពារ THAAD នេះទៀតផង។ លោក មូន ចេអ៊ីន ថែមទាំងលើកឡើងថា រដ្ឋាភិបាលមុន គួរសុំការយល់ព្រមពីសភាសិនមុននឹងឯកភាពជាមួយអាមេរិកនោះ។
ប្រព័ន្ធការពារមីស៊ីល THAAD របស់អាមេរិក ត្រូវបានពង្រាយនៅកូរ៉េខាងត្បូង ចំពេលដែលស្ថានការណ៍នៅឧបទ្វីបកូរ៉េតានតឹងខ្លាំង។ ប្រព័ន្ធការពារមីស៊ីល THAAD ត្រូវបានបញ្ជូនទៅកាន់ទីតាំងពង្រាយក្នុងតំបន់ Seongju ខេត្ត Gyeongsang ខាងជើងយ៉ាងប្រញាប់ប្រញាល់នៅយប់ថ្ងៃទី២៥ ខែមេសា ទោះជាមានការតវ៉ាពីសំណាក់ប្រជាជនកូរ៉េខាងត្បូងក្ដី។ ប៉ុន្តែគេមិនដឹងដែរថា ហេតុអ្វីបាននៅលើកនេះ មានការលាក់បាំងការនាំចូលឧបកបរណ៍បាញ់រ៉ុក្កែតដល់ទៅបួនគ្រឿងបែបនេះ៕
ឧបករណ៍បាញ់រ៉ុក្កែតចំនួនបួនគ្រឿង ត្រូវបាននាំចូលទៅកាន់កូរ៉េខាងត្បូងដោយសម្ងាត់ ដែលសូម្បីតែប្រធានាធិបតី មូន ចេអ៊ីន ក៏មិនបានដឹងរឿងនេះដែរ។ លោក មូន ចេអ៊ីន ទើបតែដឹងរឿងនាំចូលឧបករណ៍បាញ់រ៉ុក្កែតនេះ បន្ទាប់ពីទទួលបានព័ត៌មានពីប្រធានការិយាល័យសន្តិសុខជាតិ លោក Chung Eui-yong។ លោក មូន ចេអ៊ីន ពិតជាភ្ញាក់ផ្អើលខ្លាំងនឹងព័ត៌មាននេះ ព្រោះឧបករណ៍បាញ់រ៉ុក្កែតនេះ ត្រូវបាននាំចូលដោយមិនបានប្រាប់រដ្ឋាភិបាលឡើយ។
អ្នកនាំពាក្យប្រធានាធិបតីលោក Yoon Young-chan បានប្រាប់អ្នកសារព័ត៌មានថា លោក មូន ចេអ៊ីន ក៏បានទូរសព្ទទៅកាន់រដ្ឋមន្ត្រីការពារជាតិ ហាន មីនគូ (Han Min-koo) ដើម្បីសួរនាំឲ្យបានច្បាស់ ហើយលោក ហាន មីនគូ ក៏បានរៀបរាប់ព័ត៌មាននេះទៅឲ្យប្រធានាធិបតី ដ្បិតលោកក៏បានដឹងពីរឿងនេះជាមុនដែរ។ ចំណែកមន្ត្រីវិមានប្រធានាធិបតី Choeng Wa Dae និយាយដែរថាឧបករណ៍បាញ់ រ៉ុក្កែតនេះត្រូវបាននាំចូលបន្ថែមពីលើឧបករណ៍បាញ់ចំនួនពីរដែលបានពង្រាយរួចស្រេចហើយនោះ។
ទីភ្នាក់ងារព័ត៌មាន Yonhap ផ្សាយថា ប្រធានាធិបតីកូរ៉េខាងត្បូង ដែលទំនងជាកំពុងអន់ចិត្តខ្លាំង ក៏បានបញ្ជាឲ្យបើកការស៊ើបអង្កេតមួយលើករណីនេះ។ នៅថ្ងៃទី៣០ ខែឧសភា លោក បានបញ្ជាឲ្យលេខាទទួលបន្ទុកកិច្ចការស៊ីវិល និងប្រធានការិយាល័យសន្តិសុខជាតិ ស្វែងរកការពិតនៅពីក្រោយការនាំចូលស្ងាត់ៗនេះ និងរកមុខអ្នកដែលបើកសិទ្ធិឲ្យនាំចូលអាវុធរបស់អាមេរិកតែម្ដង។ លោកក៏ចង់ដឹងពីមូលហេតុដែលអាវុធអាមេរិកត្រូវនាំចូលកូរ៉េខាងត្បូងដោយមិនបានប្រកាសបែបនេះ។
តាមពិតទៅ ប្រធានាធិបតីកូរ៉េខាងត្បូងរូបនេះ មិនពេញចិត្តវត្តមានប្រព័ន្ធការពារមីស៊ីល THAAD របស់អាមេរិកលើទឹកដីរបស់លោកឡើយ។ អំឡុងពេលឃោសនារកសំឡេងឆ្នោត លោកក៏បានប្រកាសពិនិត្យឡើងវិញកិច្ចព្រមព្រៀងរវាងកូរ៉េខាងត្បូង និងអាមេរិក ដែលអនុញ្ញាតឲ្យមានការពង្រាយប្រព័ន្ធការពារ THAAD នេះទៀតផង។ លោក មូន ចេអ៊ីន ថែមទាំងលើកឡើងថា រដ្ឋាភិបាលមុន គួរសុំការយល់ព្រមពីសភាសិនមុននឹងឯកភាពជាមួយអាមេរិកនោះ។
ប្រព័ន្ធការពារមីស៊ីល THAAD របស់អាមេរិក ត្រូវបានពង្រាយនៅកូរ៉េខាងត្បូង ចំពេលដែលស្ថានការណ៍នៅឧបទ្វីបកូរ៉េតានតឹងខ្លាំង។ ប្រព័ន្ធការពារមីស៊ីល THAAD ត្រូវបានបញ្ជូនទៅកាន់ទីតាំងពង្រាយក្នុងតំបន់ Seongju ខេត្ត Gyeongsang ខាងជើងយ៉ាងប្រញាប់ប្រញាល់នៅយប់ថ្ងៃទី២៥ ខែមេសា ទោះជាមានការតវ៉ាពីសំណាក់ប្រជាជនកូរ៉េខាងត្បូងក្ដី។ ប៉ុន្តែគេមិនដឹងដែរថា ហេតុអ្វីបាននៅលើកនេះ មានការលាក់បាំងការនាំចូលឧបកបរណ៍បាញ់រ៉ុក្កែតដល់ទៅបួនគ្រឿងបែបនេះ៕
Tag:
កូរ៉េខាងត្បូង
មូន ចេអ៊ីន
អាមេរិក
THAAD
© រក្សាសិទ្ធិដោយ thmeythmey.com
«នាំអាត» និង«នាំអាទិ៍»មួយណាត្រឹមត្រូវ?
1 សប្តាហ៍
