អន្តរជាតិ
ប្រមុខ UN ព្រមានអាមេរិកថា បើឈប់ធ្វើបងធំពិភពលោក ចិននិងរុស្ស៊ីធ្វើជំនួសមិនខាន
អគ្គលេខាធិការអង្គការសហប្រជាជាតិ អាន់តូនីញ៉ូ ហ្គូតេរ៉េស ថ្លែងក្នុងកម្មវិធីមួយនៅសាកលវិទ្យាល័យ New York (រូបភាព UN)
×![]()
ដោយ: តន ចាន់រិទ្ធារ៉ា
អគ្គលេខាធិការអង្គការសហប្រជាជាតិ អាន់តូនីញ៉ូ ហ្គូតេរ៉េស (Antonio Guterres) និយាយថា លោកកំពុងបញ្ចុះបញ្ចូលរដ្ឋបាលប្រធានាធិបតី ដូណាល់ ត្រាំ ឲ្យបន្តផ្ដល់ហិរញ្ញវត្ថុសម្រាប់ជំនួយអន្តរជាតិ និងវិស័យការទូត។ ប្រមុខអង្គការសហប្រជាជាតិថ្លែងបែបនេះ ចំពេលដែលលោក ត្រាំ បានប្រកាសកាត់បន្ថយការផ្ដល់ហិរញ្ញវត្ថុទៅក្រៅប្រទេសលើវិស័យជាច្រើន។ ប្រមុខអង្គការពិភពលោកនេះក៏ព្រមានទុកមុនដែរថា តំណែងបងធំរបស់អាមេរិក នឹងត្រូវជំនួសដោយអ្នកផ្សេងមិនខាន។
ប្រឈមមុខនឹងគម្រោងកាត់បន្ថយថវិការបស់អាមេរិកសម្រាប់ជំនួយ និងអង្គការអន្តរជាតិនានា អគ្គលេខាធិការអង្គការសហប្រជាជាតិ អាន់តូនីញ៉ូ ហ្គូតេរ៉េស កំពុងចរចាជាមួយរដ្ឋបាលប្រធានាធិបតី ដូណាល់ ត្រាំ ដើម្បីកុំមានការកាត់បន្ថយថវិកាឲ្យសោះ។ លោក ហ្គូតេរ៉េស បានពន្យល់អាមេរិកពីសារសំខាន់នៃការររួមចំណែករបស់អាមេរិកក្នុងការជួយទ្រទ្រង់ដំណើរការរបស់ពិភពលោកក្នុងតួនាទីជាអ្នកដឹកមុខគេឯងជាយូរមកហើយ។
ដោយអនុវត្តតាមការសន្យាពេលឃោសនា ប្រធានាធិបតី ត្រាំ បានស្នើកាត់បន្ថយថវិកាសម្រាប់វិស័យការទូត និងជំនួយអន្តរជាតិចំនួនប្រហែលមួយភាគបី ឬស្មើនឹងជិត១៩ពាន់លានដុល្លារ។ ការកាត់បន្ថយនេះ រួមបញ្ចូលទាំងការកាត់បន្ថយចំនួនជាងមួយពាន់លានដុល្លារសម្រាប់ការទ្រទ្រង់បេសកកម្មរក្សាសន្តិភាពអន្តរជាតិ និងបានប៉ះពាល់ខ្លាំងដល់អង្គការអន្តរជាតិជាច្រើនទៀតដែលធ្លាប់ទទួលជំនួយហិរញ្ញវត្ថុពីក្រុងវ៉ាស៊ីនតោន។
ថ្លែងក្នុងកម្មវិធីមួយនៅសាកលវិទ្យាល័យ New York នៅថ្ងៃទី៣០ ខែឧសភា ប្រមុខ UN បញ្ជាក់ថា UN កំពុងធ្វើគ្រប់យ៉ាងក្នុងកិច្ចសន្ទនាជាមួយរដ្ឋបាល និងសភាអាមេរិក និងពន្យល់ពួកគេថា ការផ្ដល់ជំនួយអភិវឌ្ឍក្ដី ការផ្ដល់ថវិកាសម្រាប់អង្គការអន្តរជាតិដូច UN ក្ដី គឺតែសម្រាប់ប្រយោជន៍អាមេរិកប៉ុណ្ណោះ។ នេះបើតាមការផ្សាយរបស់ទីភ្នាក់ងារព័ត៌មាន Reuters ។
គួរបញ្ជាក់បន្តិចដែរថា អាមេរិក គឺជាម្ចាស់ឧបត្ថម្ភធំជាងគេសម្រាប់អង្គការសហប្រជាជាតិ ដោយបានផ្ដល់លុយចំនួន ២០ភាគរយ ស្មើនឹង ៥,៤ពាន់លានដុល្លារនៃថវិការបស់អង្គការអន្តរជាតិនេះ។ មិនតែប៉ុណ្ណោះ អាមេរិក ក៏ជាប្រទេសផ្ដល់លុយច្រើនជាងគេសម្រាប់ប្រតិបត្តិការរក្សាសន្តិភាពពិភពលោក ពោលគឺចំនួន៧,៩ពាន់លានដុល្លារឯណោះ។ ដូច្នេះមានន័យថា ការបន្ថយថវិការបស់អាមេរិក ពិតជាបង្កបញ្ហាខ្លាំងដល់អង្គការអន្តរជាតិមិនខាន។
ជាមួយគ្នានោះ លោក ហ្គូតេរ៉េស ក៏ព្រមានក្រុងវ៉ាស៊ីនតោនដែរថា ការដកខ្លួនរបស់អាមេរិក នឹងក្លាយជាឱកាសសម្រាប់ប្រទេសផ្សេងក្នុងការអង្គុយកៅអីមេដឹកនាំពិភពលោកមិនខានឡើយ។ លោកនិយាយថា មិនត្រឹមតែរុស្ស៊ី ឬចិនទេដែលនឹងពង្រីកឥទ្ធិពលរបស់ខ្លួននោះ សូម្បីតែអ៊ីរ៉ង់ អារ៉ាប៊ីសាអូឌីត និងតួកគីជាដើម ក៏នឹងឆ្លៀតឱកាសនេះដែរ។ លោកសង្កត់ធ្ងន់ទៀតថា បញ្ហានេះ ក៏អាចបង្កជាគ្រោះថ្នាក់សម្រាប់សន្តិសុខអាមេរិកផងក៏ថាបាន៕
ប្រឈមមុខនឹងគម្រោងកាត់បន្ថយថវិការបស់អាមេរិកសម្រាប់ជំនួយ និងអង្គការអន្តរជាតិនានា អគ្គលេខាធិការអង្គការសហប្រជាជាតិ អាន់តូនីញ៉ូ ហ្គូតេរ៉េស កំពុងចរចាជាមួយរដ្ឋបាលប្រធានាធិបតី ដូណាល់ ត្រាំ ដើម្បីកុំមានការកាត់បន្ថយថវិកាឲ្យសោះ។ លោក ហ្គូតេរ៉េស បានពន្យល់អាមេរិកពីសារសំខាន់នៃការររួមចំណែករបស់អាមេរិកក្នុងការជួយទ្រទ្រង់ដំណើរការរបស់ពិភពលោកក្នុងតួនាទីជាអ្នកដឹកមុខគេឯងជាយូរមកហើយ។
ដោយអនុវត្តតាមការសន្យាពេលឃោសនា ប្រធានាធិបតី ត្រាំ បានស្នើកាត់បន្ថយថវិកាសម្រាប់វិស័យការទូត និងជំនួយអន្តរជាតិចំនួនប្រហែលមួយភាគបី ឬស្មើនឹងជិត១៩ពាន់លានដុល្លារ។ ការកាត់បន្ថយនេះ រួមបញ្ចូលទាំងការកាត់បន្ថយចំនួនជាងមួយពាន់លានដុល្លារសម្រាប់ការទ្រទ្រង់បេសកកម្មរក្សាសន្តិភាពអន្តរជាតិ និងបានប៉ះពាល់ខ្លាំងដល់អង្គការអន្តរជាតិជាច្រើនទៀតដែលធ្លាប់ទទួលជំនួយហិរញ្ញវត្ថុពីក្រុងវ៉ាស៊ីនតោន។
ថ្លែងក្នុងកម្មវិធីមួយនៅសាកលវិទ្យាល័យ New York នៅថ្ងៃទី៣០ ខែឧសភា ប្រមុខ UN បញ្ជាក់ថា UN កំពុងធ្វើគ្រប់យ៉ាងក្នុងកិច្ចសន្ទនាជាមួយរដ្ឋបាល និងសភាអាមេរិក និងពន្យល់ពួកគេថា ការផ្ដល់ជំនួយអភិវឌ្ឍក្ដី ការផ្ដល់ថវិកាសម្រាប់អង្គការអន្តរជាតិដូច UN ក្ដី គឺតែសម្រាប់ប្រយោជន៍អាមេរិកប៉ុណ្ណោះ។ នេះបើតាមការផ្សាយរបស់ទីភ្នាក់ងារព័ត៌មាន Reuters ។
គួរបញ្ជាក់បន្តិចដែរថា អាមេរិក គឺជាម្ចាស់ឧបត្ថម្ភធំជាងគេសម្រាប់អង្គការសហប្រជាជាតិ ដោយបានផ្ដល់លុយចំនួន ២០ភាគរយ ស្មើនឹង ៥,៤ពាន់លានដុល្លារនៃថវិការបស់អង្គការអន្តរជាតិនេះ។ មិនតែប៉ុណ្ណោះ អាមេរិក ក៏ជាប្រទេសផ្ដល់លុយច្រើនជាងគេសម្រាប់ប្រតិបត្តិការរក្សាសន្តិភាពពិភពលោក ពោលគឺចំនួន៧,៩ពាន់លានដុល្លារឯណោះ។ ដូច្នេះមានន័យថា ការបន្ថយថវិការបស់អាមេរិក ពិតជាបង្កបញ្ហាខ្លាំងដល់អង្គការអន្តរជាតិមិនខាន។
ជាមួយគ្នានោះ លោក ហ្គូតេរ៉េស ក៏ព្រមានក្រុងវ៉ាស៊ីនតោនដែរថា ការដកខ្លួនរបស់អាមេរិក នឹងក្លាយជាឱកាសសម្រាប់ប្រទេសផ្សេងក្នុងការអង្គុយកៅអីមេដឹកនាំពិភពលោកមិនខានឡើយ។ លោកនិយាយថា មិនត្រឹមតែរុស្ស៊ី ឬចិនទេដែលនឹងពង្រីកឥទ្ធិពលរបស់ខ្លួននោះ សូម្បីតែអ៊ីរ៉ង់ អារ៉ាប៊ីសាអូឌីត និងតួកគីជាដើម ក៏នឹងឆ្លៀតឱកាសនេះដែរ។ លោកសង្កត់ធ្ងន់ទៀតថា បញ្ហានេះ ក៏អាចបង្កជាគ្រោះថ្នាក់សម្រាប់សន្តិសុខអាមេរិកផងក៏ថាបាន៕
Tag:
UN
Antonio Guterres
អាមេរិក
ដូណាល់ ត្រាំ
© រក្សាសិទ្ធិដោយ thmeythmey.com
