អន្តរជាតិ
ចិនបារម្ភខ្លាំង ព្រោះប្រធានាធិបតីកូរ៉េខាងត្បូងក៏មិនដឹងអាមេរិកលួចនាំចូលឧបករណ៍បាញ់រ៉ុក្កែតដែរ
×![]()
ដោយ: តន ចាន់រិទ្ធារ៉ា
ក្រុងប៉េកាំង បានបង្ហាញការព្រួយបារម្ភខ្លាំងជុំវិញព័ត៌មានយោធាអាមេរិកនាំចូលឧបករណ៍បាញ់រ៉ុក្កែតចំនួន ៤គ្រឿង ដោយមិនបានប្រាប់រដ្ឋាភិបាលកូរ៉េខាងត្បូង ឬប្រជាជនឲ្យដឹងឡើយ។ ចិន ដែលមិនពេញចិត្តវត្តមានប្រព័ន្ធការពារមីស៊ីល THAAD ស្រាប់ផង ពិតជាមិនចង់ឃើញការពង្រាយប្រព័ន្ធការពារនេះបន្ថែមទៀតឡើយ។ ដោយឡែកនៅកូរ៉េខាងត្បូងឯណោះវិញ ក្រសួងការពារជាតិប្រទេសនេះក៏បានពន្យល់មូលហេតុទាក់ទងរឿងនេះរួចហើយដែរតាមការទាមទាររបស់លោក មូន ចេអ៊ីន ។
យោធាអាមេរិក បានលួចនាំចូលឧបករណ៍បាញ់រ៉ុក្កែតចំនួន ៤គ្រឿងទៅកាន់កូរ៉េខាងត្បូង ដោយមិនបានប្រាប់រដ្ឋាភិបាល ឬប្រជាជនកូរ៉េខាងត្បូងឲ្យដឹងមួយម៉ាត់ឡើយ។ លោក មូន ចេអ៊ីន ដែលទើបចូលកាន់តំណែងបានជាងកន្លះខែ ក៏មិនបានដឹងរឿងនេះ ហើយលោកពិតជាភ្ញាក់ផ្អើលខ្លាំង ដ្បិតអីមន្ត្រីថ្នាក់ក្រោមមិនផ្ដល់ព័ត៌មាននេះឲ្យលោក។ មិនត្រឹមតែមេដឹកនាំកូរ៉េខាងត្បូងឡើយ សូម្បីតែចិនក៏មិនសប្បាយចិត្តនឹងព័ត៌មាននេះដែរ។
បើតាមទីភ្នាក់ងារព័ត៌មាន Reuters ក្នុងសន្និសីទកាសែតប្រចាំថ្ងៃទី៣១ ខែឧសភា អ្នកនាំពាក្យក្រសួងការបរទេសចិន Hua Chunying និយាយថា ក្រុងប៉េកាំង ពិតជាបារម្ភខ្លាំងណាស់ពាក់ព័ន្ធព័ត៌មាននាំចូលឧបករណ៍បាញ់រ៉ុក្កែតចំនួន៤ គ្រឿងដែលជាផ្នែកនៃប្រព័ន្ធការពារមីស៊ីល THAAD ដល់ថ្នាក់លោក មូន ចេអ៊ីន ផ្ទាល់ មិនដឹងរឿងផង។
តាំងពីដើមមកនោះ ចិន តែងប្រឆាំងដាច់ខាតវត្តមានប្រព័ន្ធការពារមីស៊ីល THAAD នៅលើទឹកដីកូរ៉េខាងត្បូងឡើយ ដោយបានលើកឡើងថា វត្តមានប្រព័ន្ធការពារនេះប៉ះពាល់សន្តិសុខជាតិរបស់ខ្លួន។ ចិន ក៏រិះគន់កូរ៉េខាងត្បូងដែលសុខចិត្តធ្វើតាមអាមេរិកក្នុងការពារការដំឡើងប្រព័ន្ធការពារនេះ បើទោះជាចិននិយាយម្ដងហើយម្ដងទៀតថា រ៉ាដារបស់ THAAD អាចជ្រៀតចូលយកព័ត៌មានដល់ទឹកដីចិន និងបង្កអស្ថិរភាពក្នុងតំបន់ក្ដី។ យ៉ាងណាក្ដី ប្រព័ន្ធការពារនេះ ត្រូវបានដំឡើងរួចទៅហើយ។
ទាក់ទងរឿងលួចនាំចូលឧបករណ៍បាញ់រ៉ុក្កែតស្ងាត់ៗនេះវិញ ការិយាល័ប្រធានាធិបតី មូន ចេអ៊ីន បានទទួលការបកស្រាយពីក្រសួងការពារជាតិជុំវិញរឿងនេះ ក្រោយលោក មូន ចេអ៊ីន បញ្ជាឲ្យមានការស៊ើបអង្កេត។ ក្រសួងការពារជាតិកូរ៉េខាងត្បូងបញ្ជាក់ថា ខ្លួនមិនមានបំណងលាក់បាំងការនាំចូលឧបករណ៍បាញ់រ៉ុក្កែតនេះទេ ហើយព័ត៌មាននេះត្រូវបានលុបចោលអចេតនាពីក្នុងរបាយការណ៍ចុងក្រោយដែលត្រូវបញ្ជូនទៅឲ្យលោកប្រធានាធិបតី។
ឧបករណ៍បាញ់រ៉ុក្កែតទាំងបួនគ្រឿងខាងលើ ត្រូវបានបញ្ជូនទៅដល់កូរ៉េខាងត្បូង បន្ថែមពីឧបករណ៍បាញ់រ៉ុក្កែតចំនួនពីរគ្រឿងទៀត ត្រូវបានដំឡើងរួចរាល់ហើយជាមួយគ្នាឧបករណ៍ផ្សេងទៀតនៃប្រព័ន្ធការពារ THAAD កាលពីខែមីនា ឆ្នាំនេះ។ ដោយឡែក មន្ទីរបញ្ចកោណរបស់អាមេរិកក៏ចេញមកធានាដែរថា ការពង្រាយប្រព័ន្ធការពារ THAAD នៅកូរ៉េខាងត្បូងត្រូវធ្វើឡើងដោយតម្លាភាពទាំងអស់ មិនលាក់បាំងឡើយ៕
យោធាអាមេរិក បានលួចនាំចូលឧបករណ៍បាញ់រ៉ុក្កែតចំនួន ៤គ្រឿងទៅកាន់កូរ៉េខាងត្បូង ដោយមិនបានប្រាប់រដ្ឋាភិបាល ឬប្រជាជនកូរ៉េខាងត្បូងឲ្យដឹងមួយម៉ាត់ឡើយ។ លោក មូន ចេអ៊ីន ដែលទើបចូលកាន់តំណែងបានជាងកន្លះខែ ក៏មិនបានដឹងរឿងនេះ ហើយលោកពិតជាភ្ញាក់ផ្អើលខ្លាំង ដ្បិតអីមន្ត្រីថ្នាក់ក្រោមមិនផ្ដល់ព័ត៌មាននេះឲ្យលោក។ មិនត្រឹមតែមេដឹកនាំកូរ៉េខាងត្បូងឡើយ សូម្បីតែចិនក៏មិនសប្បាយចិត្តនឹងព័ត៌មាននេះដែរ។
បើតាមទីភ្នាក់ងារព័ត៌មាន Reuters ក្នុងសន្និសីទកាសែតប្រចាំថ្ងៃទី៣១ ខែឧសភា អ្នកនាំពាក្យក្រសួងការបរទេសចិន Hua Chunying និយាយថា ក្រុងប៉េកាំង ពិតជាបារម្ភខ្លាំងណាស់ពាក់ព័ន្ធព័ត៌មាននាំចូលឧបករណ៍បាញ់រ៉ុក្កែតចំនួន៤ គ្រឿងដែលជាផ្នែកនៃប្រព័ន្ធការពារមីស៊ីល THAAD ដល់ថ្នាក់លោក មូន ចេអ៊ីន ផ្ទាល់ មិនដឹងរឿងផង។
តាំងពីដើមមកនោះ ចិន តែងប្រឆាំងដាច់ខាតវត្តមានប្រព័ន្ធការពារមីស៊ីល THAAD នៅលើទឹកដីកូរ៉េខាងត្បូងឡើយ ដោយបានលើកឡើងថា វត្តមានប្រព័ន្ធការពារនេះប៉ះពាល់សន្តិសុខជាតិរបស់ខ្លួន។ ចិន ក៏រិះគន់កូរ៉េខាងត្បូងដែលសុខចិត្តធ្វើតាមអាមេរិកក្នុងការពារការដំឡើងប្រព័ន្ធការពារនេះ បើទោះជាចិននិយាយម្ដងហើយម្ដងទៀតថា រ៉ាដារបស់ THAAD អាចជ្រៀតចូលយកព័ត៌មានដល់ទឹកដីចិន និងបង្កអស្ថិរភាពក្នុងតំបន់ក្ដី។ យ៉ាងណាក្ដី ប្រព័ន្ធការពារនេះ ត្រូវបានដំឡើងរួចទៅហើយ។
ទាក់ទងរឿងលួចនាំចូលឧបករណ៍បាញ់រ៉ុក្កែតស្ងាត់ៗនេះវិញ ការិយាល័ប្រធានាធិបតី មូន ចេអ៊ីន បានទទួលការបកស្រាយពីក្រសួងការពារជាតិជុំវិញរឿងនេះ ក្រោយលោក មូន ចេអ៊ីន បញ្ជាឲ្យមានការស៊ើបអង្កេត។ ក្រសួងការពារជាតិកូរ៉េខាងត្បូងបញ្ជាក់ថា ខ្លួនមិនមានបំណងលាក់បាំងការនាំចូលឧបករណ៍បាញ់រ៉ុក្កែតនេះទេ ហើយព័ត៌មាននេះត្រូវបានលុបចោលអចេតនាពីក្នុងរបាយការណ៍ចុងក្រោយដែលត្រូវបញ្ជូនទៅឲ្យលោកប្រធានាធិបតី។
ឧបករណ៍បាញ់រ៉ុក្កែតទាំងបួនគ្រឿងខាងលើ ត្រូវបានបញ្ជូនទៅដល់កូរ៉េខាងត្បូង បន្ថែមពីឧបករណ៍បាញ់រ៉ុក្កែតចំនួនពីរគ្រឿងទៀត ត្រូវបានដំឡើងរួចរាល់ហើយជាមួយគ្នាឧបករណ៍ផ្សេងទៀតនៃប្រព័ន្ធការពារ THAAD កាលពីខែមីនា ឆ្នាំនេះ។ ដោយឡែក មន្ទីរបញ្ចកោណរបស់អាមេរិកក៏ចេញមកធានាដែរថា ការពង្រាយប្រព័ន្ធការពារ THAAD នៅកូរ៉េខាងត្បូងត្រូវធ្វើឡើងដោយតម្លាភាពទាំងអស់ មិនលាក់បាំងឡើយ៕
Tag:
ចិន
កូរ៉េខាងត្បូង
© រក្សាសិទ្ធិដោយ thmeythmey.com
«នាំអាត» និង«នាំអាទិ៍»មួយណាត្រឹមត្រូវ?
1 សប្តាហ៍
