អន្តរជាតិ
សម្ព័ន្ធមិត្តអាមេរិកទិតៀន ត្រាំ ដែលគិតប្រយោជន៍ខ្លួនធំជាងប្រយោជន៍ពិភពលោកដោយដកខ្លួនពីកិច្ចព្រមព្រៀងអាកាសធាតុ
ប្រធានាធិបតី ដូណាល់ ត្រាំ ប្រកាសដកខ្លួនចេញពីកិច្ចព្រមព្រៀងប៉ារីសស្ដីពីបម្រែបម្រួលអាកាសធាតុ (រូបភាព Reuters)
×![]()
ដោយ: តន ចាន់រិទ្ធារ៉ា
នៅទីបំផុតប្រធានាធិបតី ដូណាល់ ត្រាំ បានសម្រេចចិត្តដកខ្លួនចេញពីកិច្ចព្រមព្រៀងប៉ារីសស្ដីពីបម្រែបម្រួលអាកាសធាតុ ឆ្នាំ២០១៥ ដោយប្រកាសថា ការសម្រេចចិត្តនេះធ្វើឡើងដើម្បីផលប្រយោជន៍អាមេរិក។ ការដកខ្លួនចេញពីកិច្ចព្រមព្រៀងបម្រែបម្រួលអាកាសធាតុ គឺជាការសន្យារបស់លោក ត្រាំ ពេលលោកចេញឃោសនារកសំឡេងឆ្នោតកាលពីឆ្នាំ២០១៦ ។ ដូចបានដឹងមុនហើយនោះ សម្ព័ន្ធមិត្តអាមេរិក និងប្រទេសផ្សេងទៀត បានបង្ហាញការអាក់អន់ចិត្តយ៉ាងខ្លាំងនឹងការដកខ្លួននេះ។
«ដើម្បីបំពេញតាមកាត្វកិច្ចរបស់ក្នុងខ្ញុំក្នុងការការពារប្រទេស និងប្រជាជន អាមេរិកនឹងដកខ្លួនចេញពីកិច្ចព្រមព្រៀងប៉ារីសស្ដីពីបម្រែបម្រួលអាកាសធាតុ»។ នេះជាការប្រកាសរបស់ប្រធានាធិបតី ដូណាល់ ត្រាំ នៅសួនច្បារសេតវិមាននៅថ្ងៃទី១ ខែមិថុនា។ លោក ត្រាំ ក៏ប្រកាសដែរថា រដ្ឋបាលអាមេរិកនឹងចាប់ផ្ដើមការចរចាឡើងវិញដើម្បីសម្រេចចូលរួមជាមួយកិច្ចព្រមព្រៀងប៉ារីសឆ្នាំ២០១៥ ឬក៏ចូលរួមក្នុងកិច្ចព្រមព្រៀងថ្មី ដែលមិនប៉ះពាល់ប្រយោជន៍អាមេរិក។
ការសម្រេចចិត្តដើរចេញពីកិច្ចព្រមព្រៀងបម្រែបម្រួលអាកាសធាតុ គឺជារឿងដែលគេរំពឹងទុកតាំងពីលោក ត្រាំ ឈ្នះការបោះឆ្នោតប្រធានាធិបតីមកម្ល៉េះ។ អំឡុងពេលយុទ្ធនាការស្វែងរកការគាំទ្រ លោក ត្រាំ បានប្រកាសក្ដែងៗថា កិច្ចព្រមព្រៀងប៉ារីសនេះ ពិតជាអាក្រក់ណាស់សម្រាប់សេដ្ឋកិច្ចអាមេរិក ជាពិសេសឧស្សាហកម្មប្រេង និងធ្យូងថ្ម ដែលជាប្រភពថាមពលដ៏សំខាន់។ កិច្ចព្រមព្រៀងនេះ ក៏ប៉ះពាល់ដល់អធិបតេយ្យអាមេរិក លួចការងារប្រជាជនអាមេរិកឲ្យប្រទេសផ្សេងទៅទៀត។
ប្រធានាធិបតីអាមេរិក ដែលគ្មានប្រវត្តិធ្វើនយោបាយរូបនេះ ក៏អះអាងដែរថា កិច្ចព្រមព្រៀងប្រែប្រួលអាកាសធាតុនេះ ធ្វើឲ្យផលិតផលក្នុងស្រុក (GDP) របស់អាមេរិកថយចុះចំនួន៣ទ្រីលានដុល្លារ និងធ្វើឲ្យខាតបង់ការងារចំនួន៦,៥លានកន្លែង។ ប៉ុន្តែទន្ទឹមគ្នានេះ គូប្រជែងរបស់អាមេរិក បែរជាទទួលបានផលប្រយោជន៍ច្រើនជាងអាមេរិក តាមរយៈការទាញយកការងាររបស់ប្រជាជនអាមេរិក ឬទទួលបានប្រយោជន៍ច្រើនជាងអាមេរិក។
ជាមួយការសម្រេចចិត្តបែបនេះ លោក ត្រាំ ក៏ឆ្លៀតរិះគន់ប្រទេសដែលស្នើឲ្យអាមេរិកបន្តស្ថិតនៅក្នុងកិច្ចព្រមព្រៀងប៉ារីសទៀត។ លោកបញ្ជាក់ថា ប្រទេសទាំងនោះហើយ គឺជាអ្នកដែលបានឆក់ការងារពីប្រជាជនអាមេរិក និងធ្វើឲ្យអាមេរិកខាតបង់រាប់ពាន់លានដុល្លារថែមទៀតតាមរយៈកិច្ចព្រមព្រៀងដែលមិនយុត្តិធម៌ ហើយប្រទេសទាំងនោះក៏មិនបានបង់ប្រាក់ជាចំណែករបស់ពួកគេសម្រាប់សម្ព័ន្ធភាពយោធាដែរ។
យ៉ាងណាក្ដី គេត្រូវរង់ចាំដល់ទៅបួនឆ្នាំទៀតឯណោះ ការចាកចេញនេះមានប្រសិទ្ធភាព។ មុននៅការប្រកាសសម្រេចចិត្តដើរចេញ លោក ត្រាំ ក៏បានជូនដំណឹងនេះទៅកាន់សភាអាមេរិកផងដែរ ដើម្បីរៀបចំច្បាប់សម្រាប់ការចាកចេញ។ បើតាមទីភ្នាក់ងារព័ត៌មាន Reuters សេតវិមាននិយាយថា អាមេរិកនឹងអនុវត្តតាមគោលការណ៍របស់អង្គការសហប្រជាជាតិ។ ពោល គឺអាមេរិកត្រូវរង់ចាំយ៉ាងតិចណាស់បួនឆ្នាំទៅមុខដែរ។
១. សម្ព័ន្ធមិត្តអាមេរិក នាំគ្នារិះគន់ការសម្រេចចិត្តរបស់លោក ត្រាំ
ក្រោយការប្រកាសរបស់ប្រធានាធិបតី ត្រាំ ដែលគេរំពឹងថានឹងកើតឡើងដោយចៀសមិនផុត សហគមន៍អន្តរជាតិ ជាពិសេសសម្ព័ន្ធមិត្តអាមេរិកនៅអឺរ៉ុប នាំគ្នាចេញសេចក្ដីថ្លែងការណ៍បង្ហាញការមិនពេញចិត្តគ្រប់ៗគ្នា។ តាំងពីយូរមកហើយនោះ ប្រទេសជាច្រើន បានស្នើឲ្យអាមេរិកបន្តជាសមាជិកកិច្ចព្រមព្រៀងប៉ារីសនេះ ព្រោះនេះជាការខិតខំប្រឹងប្រែងរបស់ប្រទេសទាំងអស់ដើម្បីទប់ស្កាត់ការប្រែប្រួលអាកាសធាតុ។
មេដឹកនាំអាល្លឺម៉ង់ បារាំង និងអ៊ីតាលី ដែលជាសមាជិកមហាអំណាចសេដ្ឋកិច្ចទាំង៧ (G7) និងបានរង់ចាំចម្លើយតាំងពីកិច្ចប្រជុំនៅអ៊ីតាលីមកនោះ បានចេញសេចក្ដីថ្លែងការណ៍រួមគ្នាដ៏កម្រមួយ និងបានរិះគន់ការដើរចេញនេះ។ នាយករដ្ឋមន្ត្រីអ៊ីតាលី ប៉ាវឡូ ជេនទីឡូនី (Paolo Gentiloni), អធិការបតីអាល្លឺម៉ង់ អែនជេឡា មឺហ្គែល (Angela Merkel) និងប្រធានាធិបតីបារាំង អេម៉ានុយអែល ម៉ាក្រុង (Emmanuel Macron) ប្រកាសរួមគ្នាថា វានឹងគ្មានការចរចាឡើងវិញអ្វីឡើយ និងបានអំពាវនាវឲ្យប្រទេសផ្សេងប្រឹងប្រែងបន្ថែមទៀតដើម្បីទប់ស្កាត់បញ្ហាសកលនេះ។
ដោយឡែកនាយករដ្ឋមន្ត្រីកាណាដា ចាស្ទីន ទ្រូដូ (Justin Trudeau) ដែលគាំទ្រកិច្ចព្រមព្រៀងប៉ារីសយ៉ាងខ្ជាប់ខ្ជួននោះ ក៏បានបង្ហាញការមិនពេញចិត្តរបស់ខ្លួន។ នាយករដ្ឋមន្ត្រីវ័យក្មេងរូបនេះបានប្រកាសពីការប្ដេជ្ញាចិត្តដោយឥតងាករេរបស់កាណាដាក្នុងការប្រយុទ្ធប្រឆាំងបម្រែបម្រួលអាកាសធាតុ និងសេដ្ឋកិច្ចមិនប៉ះពាល់ដល់បរិស្ថាន។ ឯនាយករដ្ឋមន្ត្រីអង់គ្លេស ថេរ៉េសា ម៉េយ៍ ក៏ប្រកាសដែរថាអង់គ្លេសនឹងដើរតាមអាមេរិកក្នុងការចាកចេញពីកិច្ចព្រមព្រៀងអន្តរជាតិនេះឡើយ។
២. ហត្ថលេខី១៩៥ប្រទេស ព្រមព្រៀងអ្វីខ្លះក្នុងកិច្ចព្រមព្រៀងប៉ារីស?
ច្បាស់ណាស់ថា ការដកខ្លួនរបស់អាមេរិកពីកិច្ចព្រមព្រៀងប៉ារីសស្ដីពីការប្រែប្រួលអាកាសធាតុ គឺជារឿងគួរឲ្យខកចិត្តបំផុត។ កិច្ចព្រមព្រៀងនេះ ជាកិច្ចខិតប្រឹងប្រែងរបស់អន្តរជាតិក្នុងការដោះស្រាយបញ្ហាបម្រែបម្រួលអាកាសធាតុ ដែលកំពុងបង្កផលប៉ះពាល់ពេញពិភពលោកដូចជាការកើនកម្ដៅពិភពលោក ការឡើងកម្ពស់ទឹកសមុទ្រ គ្រោះរាំងស្ងួត និងទឹកជំនន់ជាដើម។ ក្រៅពីអាមេរិក មានប្រទេសពីរដែលមិនចុះហត្ថលេខាកិច្ចព្រមព្រៀងនេះមាននីការ៉ាហ្កា និងស៊ីរី។
ក្នុងកិច្ចប្រជុំនៅប៉ារីស ឆ្នាំ២០១៥ ប្រទេសទាំងអស់បានយល់ព្រមចាប់ដៃគ្នាក្នុងការកាត់បន្ថយកំណើនកម្ដៅពិភពលោក ដែលបង្កដោយការបញ្ចេញឧស្ម័នកាបូនិក។ សមាជិកកិច្ចប្រជុំទាំងអស់ក៏ព្រមព្រៀងរក្សាសីតុណ្ហភាពបច្ចុប្បន្នឲ្យមានម្រិតលើសសីតុណ្ហភាពមុនបដិវត្តន៍ឧស្សាហកម្មត្រឹមពីរអង្សាប៉ុណ្ណោះ និងកំណត់បរិមាណឧស្ម័នកាបូនិកបញ្ចេញដោយមនុស្ស ឲ្យស្របតាមបរិមាណដែលដី ដើមឈើ និងសមុទ្រ អាចស្រូបយកបាន។
ប្រទេសហត្ថលេខីទាំង១៩៥ ប្រទេស ក៏ឯកភាពគ្នាពិនិត្យសកម្មភាពរបស់ប្រទេសនីមួយៗក្នុងការចូលរួមកាត់បន្ថយការបញ្ចេញឧស្ម័នកាបូនិកនៅរៀងរាល់ប្រាំឆ្នាំម្ដង។ ការធ្វើដូចនេះ គឺដើម្បីទុកឱកាសឲ្យរដ្ឋសមាជិកទាំងអស់អាចដោះស្រាយបញ្ហាប្រឈមនានាបាន។ ចុងក្រោយដែលជាចំណុចសំខាន់ គឺប្រទេសទាំងអ្នកមានទាំងអស់ ត្រូវជួយប្រទេសក្រីក្រតាមរយៈការផ្ដល់ហិរញ្ញវត្ថុឲ្យពួកគេដើម្បីសម្របខ្លួននឹងការប្រែប្រួលអាកាសធាតុ និងងាកទៅប្រើថាមពលស្អាតអាចប្រើប្រាស់ឡើងវិញ៕
«ដើម្បីបំពេញតាមកាត្វកិច្ចរបស់ក្នុងខ្ញុំក្នុងការការពារប្រទេស និងប្រជាជន អាមេរិកនឹងដកខ្លួនចេញពីកិច្ចព្រមព្រៀងប៉ារីសស្ដីពីបម្រែបម្រួលអាកាសធាតុ»។ នេះជាការប្រកាសរបស់ប្រធានាធិបតី ដូណាល់ ត្រាំ នៅសួនច្បារសេតវិមាននៅថ្ងៃទី១ ខែមិថុនា។ លោក ត្រាំ ក៏ប្រកាសដែរថា រដ្ឋបាលអាមេរិកនឹងចាប់ផ្ដើមការចរចាឡើងវិញដើម្បីសម្រេចចូលរួមជាមួយកិច្ចព្រមព្រៀងប៉ារីសឆ្នាំ២០១៥ ឬក៏ចូលរួមក្នុងកិច្ចព្រមព្រៀងថ្មី ដែលមិនប៉ះពាល់ប្រយោជន៍អាមេរិក។
ការសម្រេចចិត្តដើរចេញពីកិច្ចព្រមព្រៀងបម្រែបម្រួលអាកាសធាតុ គឺជារឿងដែលគេរំពឹងទុកតាំងពីលោក ត្រាំ ឈ្នះការបោះឆ្នោតប្រធានាធិបតីមកម្ល៉េះ។ អំឡុងពេលយុទ្ធនាការស្វែងរកការគាំទ្រ លោក ត្រាំ បានប្រកាសក្ដែងៗថា កិច្ចព្រមព្រៀងប៉ារីសនេះ ពិតជាអាក្រក់ណាស់សម្រាប់សេដ្ឋកិច្ចអាមេរិក ជាពិសេសឧស្សាហកម្មប្រេង និងធ្យូងថ្ម ដែលជាប្រភពថាមពលដ៏សំខាន់។ កិច្ចព្រមព្រៀងនេះ ក៏ប៉ះពាល់ដល់អធិបតេយ្យអាមេរិក លួចការងារប្រជាជនអាមេរិកឲ្យប្រទេសផ្សេងទៅទៀត។
ប្រធានាធិបតីអាមេរិក ដែលគ្មានប្រវត្តិធ្វើនយោបាយរូបនេះ ក៏អះអាងដែរថា កិច្ចព្រមព្រៀងប្រែប្រួលអាកាសធាតុនេះ ធ្វើឲ្យផលិតផលក្នុងស្រុក (GDP) របស់អាមេរិកថយចុះចំនួន៣ទ្រីលានដុល្លារ និងធ្វើឲ្យខាតបង់ការងារចំនួន៦,៥លានកន្លែង។ ប៉ុន្តែទន្ទឹមគ្នានេះ គូប្រជែងរបស់អាមេរិក បែរជាទទួលបានផលប្រយោជន៍ច្រើនជាងអាមេរិក តាមរយៈការទាញយកការងាររបស់ប្រជាជនអាមេរិក ឬទទួលបានប្រយោជន៍ច្រើនជាងអាមេរិក។
ជាមួយការសម្រេចចិត្តបែបនេះ លោក ត្រាំ ក៏ឆ្លៀតរិះគន់ប្រទេសដែលស្នើឲ្យអាមេរិកបន្តស្ថិតនៅក្នុងកិច្ចព្រមព្រៀងប៉ារីសទៀត។ លោកបញ្ជាក់ថា ប្រទេសទាំងនោះហើយ គឺជាអ្នកដែលបានឆក់ការងារពីប្រជាជនអាមេរិក និងធ្វើឲ្យអាមេរិកខាតបង់រាប់ពាន់លានដុល្លារថែមទៀតតាមរយៈកិច្ចព្រមព្រៀងដែលមិនយុត្តិធម៌ ហើយប្រទេសទាំងនោះក៏មិនបានបង់ប្រាក់ជាចំណែករបស់ពួកគេសម្រាប់សម្ព័ន្ធភាពយោធាដែរ។
យ៉ាងណាក្ដី គេត្រូវរង់ចាំដល់ទៅបួនឆ្នាំទៀតឯណោះ ការចាកចេញនេះមានប្រសិទ្ធភាព។ មុននៅការប្រកាសសម្រេចចិត្តដើរចេញ លោក ត្រាំ ក៏បានជូនដំណឹងនេះទៅកាន់សភាអាមេរិកផងដែរ ដើម្បីរៀបចំច្បាប់សម្រាប់ការចាកចេញ។ បើតាមទីភ្នាក់ងារព័ត៌មាន Reuters សេតវិមាននិយាយថា អាមេរិកនឹងអនុវត្តតាមគោលការណ៍របស់អង្គការសហប្រជាជាតិ។ ពោល គឺអាមេរិកត្រូវរង់ចាំយ៉ាងតិចណាស់បួនឆ្នាំទៅមុខដែរ។
១. សម្ព័ន្ធមិត្តអាមេរិក នាំគ្នារិះគន់ការសម្រេចចិត្តរបស់លោក ត្រាំ
ក្រោយការប្រកាសរបស់ប្រធានាធិបតី ត្រាំ ដែលគេរំពឹងថានឹងកើតឡើងដោយចៀសមិនផុត សហគមន៍អន្តរជាតិ ជាពិសេសសម្ព័ន្ធមិត្តអាមេរិកនៅអឺរ៉ុប នាំគ្នាចេញសេចក្ដីថ្លែងការណ៍បង្ហាញការមិនពេញចិត្តគ្រប់ៗគ្នា។ តាំងពីយូរមកហើយនោះ ប្រទេសជាច្រើន បានស្នើឲ្យអាមេរិកបន្តជាសមាជិកកិច្ចព្រមព្រៀងប៉ារីសនេះ ព្រោះនេះជាការខិតខំប្រឹងប្រែងរបស់ប្រទេសទាំងអស់ដើម្បីទប់ស្កាត់ការប្រែប្រួលអាកាសធាតុ។
មេដឹកនាំអាល្លឺម៉ង់ បារាំង និងអ៊ីតាលី ដែលជាសមាជិកមហាអំណាចសេដ្ឋកិច្ចទាំង៧ (G7) និងបានរង់ចាំចម្លើយតាំងពីកិច្ចប្រជុំនៅអ៊ីតាលីមកនោះ បានចេញសេចក្ដីថ្លែងការណ៍រួមគ្នាដ៏កម្រមួយ និងបានរិះគន់ការដើរចេញនេះ។ នាយករដ្ឋមន្ត្រីអ៊ីតាលី ប៉ាវឡូ ជេនទីឡូនី (Paolo Gentiloni), អធិការបតីអាល្លឺម៉ង់ អែនជេឡា មឺហ្គែល (Angela Merkel) និងប្រធានាធិបតីបារាំង អេម៉ានុយអែល ម៉ាក្រុង (Emmanuel Macron) ប្រកាសរួមគ្នាថា វានឹងគ្មានការចរចាឡើងវិញអ្វីឡើយ និងបានអំពាវនាវឲ្យប្រទេសផ្សេងប្រឹងប្រែងបន្ថែមទៀតដើម្បីទប់ស្កាត់បញ្ហាសកលនេះ។
ដោយឡែកនាយករដ្ឋមន្ត្រីកាណាដា ចាស្ទីន ទ្រូដូ (Justin Trudeau) ដែលគាំទ្រកិច្ចព្រមព្រៀងប៉ារីសយ៉ាងខ្ជាប់ខ្ជួននោះ ក៏បានបង្ហាញការមិនពេញចិត្តរបស់ខ្លួន។ នាយករដ្ឋមន្ត្រីវ័យក្មេងរូបនេះបានប្រកាសពីការប្ដេជ្ញាចិត្តដោយឥតងាករេរបស់កាណាដាក្នុងការប្រយុទ្ធប្រឆាំងបម្រែបម្រួលអាកាសធាតុ និងសេដ្ឋកិច្ចមិនប៉ះពាល់ដល់បរិស្ថាន។ ឯនាយករដ្ឋមន្ត្រីអង់គ្លេស ថេរ៉េសា ម៉េយ៍ ក៏ប្រកាសដែរថាអង់គ្លេសនឹងដើរតាមអាមេរិកក្នុងការចាកចេញពីកិច្ចព្រមព្រៀងអន្តរជាតិនេះឡើយ។
២. ហត្ថលេខី១៩៥ប្រទេស ព្រមព្រៀងអ្វីខ្លះក្នុងកិច្ចព្រមព្រៀងប៉ារីស?
ច្បាស់ណាស់ថា ការដកខ្លួនរបស់អាមេរិកពីកិច្ចព្រមព្រៀងប៉ារីសស្ដីពីការប្រែប្រួលអាកាសធាតុ គឺជារឿងគួរឲ្យខកចិត្តបំផុត។ កិច្ចព្រមព្រៀងនេះ ជាកិច្ចខិតប្រឹងប្រែងរបស់អន្តរជាតិក្នុងការដោះស្រាយបញ្ហាបម្រែបម្រួលអាកាសធាតុ ដែលកំពុងបង្កផលប៉ះពាល់ពេញពិភពលោកដូចជាការកើនកម្ដៅពិភពលោក ការឡើងកម្ពស់ទឹកសមុទ្រ គ្រោះរាំងស្ងួត និងទឹកជំនន់ជាដើម។ ក្រៅពីអាមេរិក មានប្រទេសពីរដែលមិនចុះហត្ថលេខាកិច្ចព្រមព្រៀងនេះមាននីការ៉ាហ្កា និងស៊ីរី។
ក្នុងកិច្ចប្រជុំនៅប៉ារីស ឆ្នាំ២០១៥ ប្រទេសទាំងអស់បានយល់ព្រមចាប់ដៃគ្នាក្នុងការកាត់បន្ថយកំណើនកម្ដៅពិភពលោក ដែលបង្កដោយការបញ្ចេញឧស្ម័នកាបូនិក។ សមាជិកកិច្ចប្រជុំទាំងអស់ក៏ព្រមព្រៀងរក្សាសីតុណ្ហភាពបច្ចុប្បន្នឲ្យមានម្រិតលើសសីតុណ្ហភាពមុនបដិវត្តន៍ឧស្សាហកម្មត្រឹមពីរអង្សាប៉ុណ្ណោះ និងកំណត់បរិមាណឧស្ម័នកាបូនិកបញ្ចេញដោយមនុស្ស ឲ្យស្របតាមបរិមាណដែលដី ដើមឈើ និងសមុទ្រ អាចស្រូបយកបាន។
ប្រទេសហត្ថលេខីទាំង១៩៥ ប្រទេស ក៏ឯកភាពគ្នាពិនិត្យសកម្មភាពរបស់ប្រទេសនីមួយៗក្នុងការចូលរួមកាត់បន្ថយការបញ្ចេញឧស្ម័នកាបូនិកនៅរៀងរាល់ប្រាំឆ្នាំម្ដង។ ការធ្វើដូចនេះ គឺដើម្បីទុកឱកាសឲ្យរដ្ឋសមាជិកទាំងអស់អាចដោះស្រាយបញ្ហាប្រឈមនានាបាន។ ចុងក្រោយដែលជាចំណុចសំខាន់ គឺប្រទេសទាំងអ្នកមានទាំងអស់ ត្រូវជួយប្រទេសក្រីក្រតាមរយៈការផ្ដល់ហិរញ្ញវត្ថុឲ្យពួកគេដើម្បីសម្របខ្លួននឹងការប្រែប្រួលអាកាសធាតុ និងងាកទៅប្រើថាមពលស្អាតអាចប្រើប្រាស់ឡើងវិញ៕
Tag:
អាមេរិក
ដូណាល់ ត្រាំ
បម្រែបម្រួលអាកាសធាតុ
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
