អន្តរជាតិ
ក្រោយអាមេរិកដើរចេញពីកិច្ចព្រមព្រៀងប៉ារីស ពូទីន ថា «កុំភ័យអី សប្បាយចិត្តទៅ»
×![]()
ដោយ: តន ចាន់រិទ្ធារ៉ា
ការសម្រេចដើរចេញពីកិច្ចព្រមព្រៀងប៉ារីសស្ដីពីបម្រែបម្រួលអាកាសធាតុរបស់អាមេរិក ធ្វើឲ្យគេឯងខកចិត្តយ៉ាងខ្លាំង ព្រោះអាមេរិកបែរជាបោះបង់ការងាររួមគ្នារបស់ប្រទេសជុំវិញពិភពលោកក្នុងការដោះស្រាយបញ្ហាឡើងកម្ដៅពិភពលោកទៅវិញ។ យ៉ាងណាក្ដី ខណៈដែលពិភពលោកជ្រួលច្របល់ដោយសារអាមេរិកដកខ្លួននោះ ប្រធានាធិបតីរុស្ស៊ី វ្ល៉ាឌីមៀ ពូទីន ឯណោះវិញ បានបង្ហាញការភ្ញាក់ផ្អើលអ្វីឡើយ ហើយស្នើឲ្យពិភពលោកទាំងមូលរក្សាភាពស្ងៀមស្ងាត់ ព្រោះពេលវេលានៅវែងឆ្ងាយទៀត។
មេដឹកនាំពិភពលោករិះគន់ប្រធានាធិបតីអាមេរិក ដូណាល់ ត្រាំ ដែលសម្រេចចិត្តដើរចេញពីកិច្ចព្រមព្រៀងប៉ារីស។ ប៉ុន្តែប្រធានាធិបតីរុស្ស៊ី វ្ល៉ាឌីមៀ ពូទីន មិនបកស្រាយអ្វីលើការសម្រេចចិត្តនេះឡើយ ហើយលោកក៏បានអំពាវនាវឲ្យពិភពលោកទាំងមូល មិនចាំបាច់ភ័យអ្វីឡើយ។ លោក ពូទីន ក៏និយាយបែបកំប្លែងថា បើមានបញ្ហាអីកើតឡើងក្នុងការទប់ស្កាត់បម្រែបម្រួលអាកាសធាតុ ចាំទម្លាក់កំហុសទាំងអស់លើចក្រពត្តិនិយមអាមេរិកទៅ។
ថ្លែងទៅកាន់វេទិកាសេដ្ឋកិច្ចអន្តរជាតិនៅទីក្រុង St. Petersburg ប្រធានាធិបតីរុស្ស៊ី បាននិយាយដែរថា ការជ្រួលច្របល់ដោយសារការចាកចេញរបស់អាមេរិក ហាក់ដូចជាទៅហួសឆ្ងាយ ដ្បិតពេលវេលានៅមានច្រើនទៀត ទម្រាំកិច្ចព្រមព្រៀងប៉ារីសដែលចុះហត្ថលេខានៅឆ្នាំ២០១៥ ចូលជាធរមាន។ លោកបញ្ជាក់ថា កុំភ័យអី ហើយសប្បាយចិត្តទៅ ដ្បិតអីកិច្ចព្រមព្រៀងនេះមានប្រសិទ្ធភាពនៅឆ្នាំ២០២១ ឯណោះ ដូច្នេះហើយប្រទេសនានាមានពេលវេលាចរចាបានទៀត។
បើតាមសារព័ត៌មាន RT លោក ពូទីន មេដឹកនាំរុស្ស៊ីដែលជាប្រទេសបញ្ចេញឧស្ម័នកាបូនឌីអុកស៊ីតច្រើនជាងគេលំដាប់ទី៥ និងជាប្រទេសផលិតប្រេងឆៅធំជាងគេ យល់ថា ប្រទេសជាច្រើនអាចប្រើប្រាស់ពេលវេលាដែលនៅសល់នេះ ពិភាក្សាគ្នាឲ្យបានលម្អិតដើម្បីដោះស្រាយបញ្ហាកើនកម្ដៅសកលនេះ។ លោកបន្តថា លោកមិនបន្ទោសលោក ត្រាំ ដែលដកអាមេរិកចេញពីកិច្ចព្រមព្រៀងនេះឡើយ តែអាមេរិកគួរព្យាយាមកែប្រែកិច្ចព្រមព្រៀងនេះ ជាជាងចាកចេញ។
សូមបញ្ជាក់ថា លោក ដូណាល់ ត្រាំ បានប្រកាសដើរចេញពីកិច្ចព្រមព្រៀងប៉ារីសនៅថ្ងៃទី១ ខែមិថុនា។ ប្រធានាធិបតីអាមេរិកអះអាងដែរថា កិច្ចព្រមព្រៀងប្រែប្រួលអាកាសធាតុនេះ ធ្វើឲ្យផលិតផលក្នុងស្រុករបស់អាមេរិកថយចុះចំនួន៣ទ្រីលានដុល្លារ និងធ្វើឲ្យខាតបង់ការងារចំនួន៦,៥លានកន្លែង។ ប៉ុន្តែទន្ទឹមគ្នានេះ គូប្រជែងរបស់អាមេរិក បែរជាទទួលបានផលប្រយោជន៍ច្រើនជាងអាមេរិក តាមរយៈការទាញយកការងាររបស់ប្រជាជនអាមេរិក ឬទទួលបានប្រយោជន៍ច្រើនជាងអាមេរិក។
ក្រោយការប្រកាសរបស់ប្រធានាធិបតី ត្រាំ ដែលគេរំពឹងថានឹងកើតឡើងដោយចៀសមិនផុត សហគមន៍អន្តរជាតិ ជាពិសេសសម្ព័ន្ធមិត្តអាមេរិកនៅអឺរ៉ុបដូចជាអាល្លឺម៉ង់ បារាំង និងអ៊ីតាលី នាំគ្នាចេញសេចក្ដីថ្លែងការណ៍បង្ហាញការមិនពេញចិត្តគ្រប់ៗគ្នា។ តាំងពីយូរមកហើយនោះ ប្រទេសជាច្រើន បានស្នើឲ្យអាមេរិកបន្តជាសមាជិកកិច្ចព្រមព្រៀងប៉ារីសនេះ ព្រោះនេះជាការខិតខំប្រឹងប្រែងរបស់ប្រទេសទាំងអស់ដើម្បីទប់ស្កាត់ការប្រែប្រួលអាកាសធាតុ៕
មេដឹកនាំពិភពលោករិះគន់ប្រធានាធិបតីអាមេរិក ដូណាល់ ត្រាំ ដែលសម្រេចចិត្តដើរចេញពីកិច្ចព្រមព្រៀងប៉ារីស។ ប៉ុន្តែប្រធានាធិបតីរុស្ស៊ី វ្ល៉ាឌីមៀ ពូទីន មិនបកស្រាយអ្វីលើការសម្រេចចិត្តនេះឡើយ ហើយលោកក៏បានអំពាវនាវឲ្យពិភពលោកទាំងមូល មិនចាំបាច់ភ័យអ្វីឡើយ។ លោក ពូទីន ក៏និយាយបែបកំប្លែងថា បើមានបញ្ហាអីកើតឡើងក្នុងការទប់ស្កាត់បម្រែបម្រួលអាកាសធាតុ ចាំទម្លាក់កំហុសទាំងអស់លើចក្រពត្តិនិយមអាមេរិកទៅ។
ថ្លែងទៅកាន់វេទិកាសេដ្ឋកិច្ចអន្តរជាតិនៅទីក្រុង St. Petersburg ប្រធានាធិបតីរុស្ស៊ី បាននិយាយដែរថា ការជ្រួលច្របល់ដោយសារការចាកចេញរបស់អាមេរិក ហាក់ដូចជាទៅហួសឆ្ងាយ ដ្បិតពេលវេលានៅមានច្រើនទៀត ទម្រាំកិច្ចព្រមព្រៀងប៉ារីសដែលចុះហត្ថលេខានៅឆ្នាំ២០១៥ ចូលជាធរមាន។ លោកបញ្ជាក់ថា កុំភ័យអី ហើយសប្បាយចិត្តទៅ ដ្បិតអីកិច្ចព្រមព្រៀងនេះមានប្រសិទ្ធភាពនៅឆ្នាំ២០២១ ឯណោះ ដូច្នេះហើយប្រទេសនានាមានពេលវេលាចរចាបានទៀត។
បើតាមសារព័ត៌មាន RT លោក ពូទីន មេដឹកនាំរុស្ស៊ីដែលជាប្រទេសបញ្ចេញឧស្ម័នកាបូនឌីអុកស៊ីតច្រើនជាងគេលំដាប់ទី៥ និងជាប្រទេសផលិតប្រេងឆៅធំជាងគេ យល់ថា ប្រទេសជាច្រើនអាចប្រើប្រាស់ពេលវេលាដែលនៅសល់នេះ ពិភាក្សាគ្នាឲ្យបានលម្អិតដើម្បីដោះស្រាយបញ្ហាកើនកម្ដៅសកលនេះ។ លោកបន្តថា លោកមិនបន្ទោសលោក ត្រាំ ដែលដកអាមេរិកចេញពីកិច្ចព្រមព្រៀងនេះឡើយ តែអាមេរិកគួរព្យាយាមកែប្រែកិច្ចព្រមព្រៀងនេះ ជាជាងចាកចេញ។
សូមបញ្ជាក់ថា លោក ដូណាល់ ត្រាំ បានប្រកាសដើរចេញពីកិច្ចព្រមព្រៀងប៉ារីសនៅថ្ងៃទី១ ខែមិថុនា។ ប្រធានាធិបតីអាមេរិកអះអាងដែរថា កិច្ចព្រមព្រៀងប្រែប្រួលអាកាសធាតុនេះ ធ្វើឲ្យផលិតផលក្នុងស្រុករបស់អាមេរិកថយចុះចំនួន៣ទ្រីលានដុល្លារ និងធ្វើឲ្យខាតបង់ការងារចំនួន៦,៥លានកន្លែង។ ប៉ុន្តែទន្ទឹមគ្នានេះ គូប្រជែងរបស់អាមេរិក បែរជាទទួលបានផលប្រយោជន៍ច្រើនជាងអាមេរិក តាមរយៈការទាញយកការងាររបស់ប្រជាជនអាមេរិក ឬទទួលបានប្រយោជន៍ច្រើនជាងអាមេរិក។
ក្រោយការប្រកាសរបស់ប្រធានាធិបតី ត្រាំ ដែលគេរំពឹងថានឹងកើតឡើងដោយចៀសមិនផុត សហគមន៍អន្តរជាតិ ជាពិសេសសម្ព័ន្ធមិត្តអាមេរិកនៅអឺរ៉ុបដូចជាអាល្លឺម៉ង់ បារាំង និងអ៊ីតាលី នាំគ្នាចេញសេចក្ដីថ្លែងការណ៍បង្ហាញការមិនពេញចិត្តគ្រប់ៗគ្នា។ តាំងពីយូរមកហើយនោះ ប្រទេសជាច្រើន បានស្នើឲ្យអាមេរិកបន្តជាសមាជិកកិច្ចព្រមព្រៀងប៉ារីសនេះ ព្រោះនេះជាការខិតខំប្រឹងប្រែងរបស់ប្រទេសទាំងអស់ដើម្បីទប់ស្កាត់ការប្រែប្រួលអាកាសធាតុ៕
Tag:
អាមេរិក
រុស្ស៊ី
វ្ល៉ាឌីមៀ ពូទីន
ដូណាល់ ត្រាំ
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
