ជាតិ
លោក ទៀ បាញ់ ស្នើឲ្យសារព័ត៌មានថៃសុំទោស ចំពោះការចុះផ្សាយថាលោក ជាប់ពាក់ព័ន្ធការរត់ពន្ធអាវុធខុសច្បាប់
×![]()
ភ្នំពេញ៖ រដ្ឋមន្ត្រីក្រសួងការពារជាតិ លោក ទៀ បាញ់ ស្នើឲ្យបណ្ដាញផ្សព្វផ្សាយរបស់ថៃសុំទោសរដ្ឋាភិបាលកម្ពុជា ចំពោះការចុះផ្សាយព័ត៌មានថា លោកជាប់ពាក់ព័ន្ធនឹងការរត់ពន្ធអាវុធខុសច្បាប់ យកទៅលក់នៅប្រទេសមីយ៉ានម៉ា។ អាជ្ញាធរថៃ បានរឹបអូសអាវុធខុសច្បាប់ជាច្រើនដើម ដែលនាំពីប្រទេសកម្ពុជា ចូលទៅប្រទេសថៃ កាលពីថ្ងៃទី៣ មិថុនា ។
ក្រោយពីបានពិនិត្យឃើញសារព័ត៌មានថៃបានចុះផ្សាយព្រោងព្រាតថា លោកឧបនាយករដ្ឋមន្ត្រី ទៀ បាញ់ ជាប់សង្ស័យពាក់ព័ន្ធនឹងការរត់ពន្ធអាវុធខុសច្បាប់នេះ អគ្គនាយកដ្ឋានការបរទេសនៃក្រសួងការពារជាតិ ក៏បានចេញលិខិតបកស្រាយជាភាសាអង់គ្លេសទៅក្រសួងការពារជាតិថៃ ដោយស្នើឲ្យភាគីថៃពិនិត្យមើលលើការចុះផ្សាយព័ត៌មាននោះឡើងវិញ។ នេះបើតាមលោក ឈុំ សុជាតិ អ្នកនាំពាក្យក្រសួងការពារជាតិ ដែលថ្លែងប្រាប់សារព័ត៌មានថ្មីៗ។
តែយ៉ាងណាលោក ឈុំ សុជាតិ សុំមិនបកស្រាយអត្ថន័យលើលិខិតដែលកម្ពុជាផ្ញើទៅភាគីថៃនោះទេ ដោយលោកគ្រាន់តែបញ្ជាក់ថា នៅពេលនេះកម្ពុជារង់ចាំមើលការឆ្លើយតបរបស់ភាគីថៃមកវិញ។
បើទោះជាមិនទាន់មានការបកស្រាយក្តី តែរដ្ឋមន្ត្រីក្រសួងការពារជាតិ លោក ទៀ បាញ់ បានស្នើឲ្យសារព័ត៌មានថៃទាំងអស់ ដែលបានចុះផ្សាយថា លោកជាប់ពាក់ព័ន្ធនឹងការរត់ពន្ធអាវុធខុសច្បាប់នេះ សុំទោសរូបលោកវិញផងដែរ។
តាមរយៈសារព័ត៌មានថៃ The Nation បានស្រង់សម្ដីរដ្ឋមន្ត្រីក្រសួងការពារជាតិថៃ លោក Prawit Wongsuwan ដែលបានទាក់ទងតាមខ្សែទូរស័ព្ទមករដ្ឋមន្ត្រីក្រសួងការពារជាតិលោក ទៀ បាញ់ បានលើកឡើងដូច្នេះថា៖«លោក ទៀ បាញ់ បានស្នើឲ្យសារព័ត៌មានថៃ ដែលបានភ្ជាប់រូបគាត់ ទៅនឹងករណីជួញដូរអាវុធខុសច្បាប់នេះ សុំទោសរដ្ឋាភិបាលកម្ពុជា ជាផ្លូវការណាមួយចំពោះការចុះផ្សាយរបស់ពួកគេនេះ»។
កាលពីថ្ងៃទី០៣ មិថុនា អាជ្ញាធរថៃ បានបើកការស៊ើបអង្កេត និងរឹបអូសបានអាវុធជាច្រើនដើម នៅក្នុងឡានមួយបាំងកន្លះ ដែលសង្ស័យជាប់ពាក់ព័ន្ធនឹងករណីគ្រោះថ្នាក់ចរាចរណ៍ នៅលើផ្លូវមួយក្នុងខេត្តត្រាច នៃប្រទេសថៃ។ អាវុធទាំងនោះរួមមាន កាំភ្លើង២៩ដើម,កាំភ្លើងយន្ត៤ដើម,គ្រាប់បែក៥៣ គ្រាប់ និងគ្រាប់កាំភ្លើងជាង៤០០០គ្រាប់។
យោធាថៃ បានឲ្យដឹងថា អ្នកបើកបររថយន្តដែលមានផ្ទុកអាវុធនេះ បានសារភាពថាពួកគេបាននាំយកអាវុធខុសច្បាប់ទាំងនេះ ពីប្រទេសកម្ពុជា នាំយកទៅលក់ឲ្យក្រុមឧទ្ទាម Karen នៅក្នុងប្រទេសមីយ៉ានម៉ា។ អាជ្ញាធរថៃ បានចាប់ខ្លួនជនសង្ស័យជនជាតិខ្មែរម្នាក់ និងថៃម្នាក់ ដែលជាប់ពាក់ព័ន្ធនឹងករណីជួញដូរអាវុធខុសច្បាប់ខាងលើនេះ។ នេះបើតាម The Nation៕
ក្រោយពីបានពិនិត្យឃើញសារព័ត៌មានថៃបានចុះផ្សាយព្រោងព្រាតថា លោកឧបនាយករដ្ឋមន្ត្រី ទៀ បាញ់ ជាប់សង្ស័យពាក់ព័ន្ធនឹងការរត់ពន្ធអាវុធខុសច្បាប់នេះ អគ្គនាយកដ្ឋានការបរទេសនៃក្រសួងការពារជាតិ ក៏បានចេញលិខិតបកស្រាយជាភាសាអង់គ្លេសទៅក្រសួងការពារជាតិថៃ ដោយស្នើឲ្យភាគីថៃពិនិត្យមើលលើការចុះផ្សាយព័ត៌មាននោះឡើងវិញ។ នេះបើតាមលោក ឈុំ សុជាតិ អ្នកនាំពាក្យក្រសួងការពារជាតិ ដែលថ្លែងប្រាប់សារព័ត៌មានថ្មីៗ។
តែយ៉ាងណាលោក ឈុំ សុជាតិ សុំមិនបកស្រាយអត្ថន័យលើលិខិតដែលកម្ពុជាផ្ញើទៅភាគីថៃនោះទេ ដោយលោកគ្រាន់តែបញ្ជាក់ថា នៅពេលនេះកម្ពុជារង់ចាំមើលការឆ្លើយតបរបស់ភាគីថៃមកវិញ។
បើទោះជាមិនទាន់មានការបកស្រាយក្តី តែរដ្ឋមន្ត្រីក្រសួងការពារជាតិ លោក ទៀ បាញ់ បានស្នើឲ្យសារព័ត៌មានថៃទាំងអស់ ដែលបានចុះផ្សាយថា លោកជាប់ពាក់ព័ន្ធនឹងការរត់ពន្ធអាវុធខុសច្បាប់នេះ សុំទោសរូបលោកវិញផងដែរ។
តាមរយៈសារព័ត៌មានថៃ The Nation បានស្រង់សម្ដីរដ្ឋមន្ត្រីក្រសួងការពារជាតិថៃ លោក Prawit Wongsuwan ដែលបានទាក់ទងតាមខ្សែទូរស័ព្ទមករដ្ឋមន្ត្រីក្រសួងការពារជាតិលោក ទៀ បាញ់ បានលើកឡើងដូច្នេះថា៖«លោក ទៀ បាញ់ បានស្នើឲ្យសារព័ត៌មានថៃ ដែលបានភ្ជាប់រូបគាត់ ទៅនឹងករណីជួញដូរអាវុធខុសច្បាប់នេះ សុំទោសរដ្ឋាភិបាលកម្ពុជា ជាផ្លូវការណាមួយចំពោះការចុះផ្សាយរបស់ពួកគេនេះ»។
កាលពីថ្ងៃទី០៣ មិថុនា អាជ្ញាធរថៃ បានបើកការស៊ើបអង្កេត និងរឹបអូសបានអាវុធជាច្រើនដើម នៅក្នុងឡានមួយបាំងកន្លះ ដែលសង្ស័យជាប់ពាក់ព័ន្ធនឹងករណីគ្រោះថ្នាក់ចរាចរណ៍ នៅលើផ្លូវមួយក្នុងខេត្តត្រាច នៃប្រទេសថៃ។ អាវុធទាំងនោះរួមមាន កាំភ្លើង២៩ដើម,កាំភ្លើងយន្ត៤ដើម,គ្រាប់បែក៥៣ គ្រាប់ និងគ្រាប់កាំភ្លើងជាង៤០០០គ្រាប់។
យោធាថៃ បានឲ្យដឹងថា អ្នកបើកបររថយន្តដែលមានផ្ទុកអាវុធនេះ បានសារភាពថាពួកគេបាននាំយកអាវុធខុសច្បាប់ទាំងនេះ ពីប្រទេសកម្ពុជា នាំយកទៅលក់ឲ្យក្រុមឧទ្ទាម Karen នៅក្នុងប្រទេសមីយ៉ានម៉ា។ អាជ្ញាធរថៃ បានចាប់ខ្លួនជនសង្ស័យជនជាតិខ្មែរម្នាក់ និងថៃម្នាក់ ដែលជាប់ពាក់ព័ន្ធនឹងករណីជួញដូរអាវុធខុសច្បាប់ខាងលើនេះ។ នេះបើតាម The Nation៕
Tag:
ទៀ បាញ់
អាវុធខុសច្បាប់
ថៃ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
1 សប្តាហ៍
