រថយន្ត
អន្តរជាតិ
ដើម្បីសុវត្ថិភាពពេលបើកបរ Apple ដាក់ដំណើរការ «Don’t Disturb While Driving Mode»
×![]()
ដោយ: ធីតា
ដូចជានៅលើយន្តហោះ ដែលអ្នកដំណើរត្រូវដាក់ «Airplane Mode» ដើម្បីសុវត្ថិភាពនៅលើអាកាស ក្រុមហ៊ុន Apple បង្ហាញពីឆន្ទះរបស់ខ្លួនក្នុងការចូលរួមកាត់បន្ថយគ្រោះថ្នាក់ចរាចរណ៍ផ្លូវគោកតាមរយៈការដាក់ដំណើរការ Mode «Do Not Disturb While Driving» ។
លោក Craig Federighi អនុប្រធានជាន់ខ្ពស់ទទួលបន្ទុកផ្នែកវិស្វកម្ម Sofware របស់ Apple បានប្រកាសពីផែនការរបស់ក្រុមហ៊ុនក្នុងការដាក់ដំណើរការ Mode «Do Not Disturb While Driving» ដែលមានន័យថា «កុំរំខាននៅពេលបើកបរ» នាអំឡុងនៃសន្និសីទ Worldwide Developers នៅក្នុងទីក្រុង San Jose រដ្ឋកាលីហ្វនីញ៉ា។
អ្នកជំនាញរបស់ Apple រូបនេះ បានអះអាងថា ក្រុមហ៊ុននឹងដាក់ដំណើរការនៅលើ iPhones និង iPads នៅពេលដែលក្រុមហ៊ុនពង្រីកប្រព័ន្ធប្រតិបត្តិការដល់ iOS11 នារយៈពេលដ៏ខ្លីខាងមុខនេះ។ លោក Federighi បានលើកឡើងថា៖ «លោកនឹងត្រូវការប្រើភ្នែកដោយផ្តោតតែលើផ្លូវ។ នៅពេលដែលលោកអ្នកបើកបរ លោកអ្នកមិនត្រូវការឆ្លើយតបសារណាមួយនោះឡើយ»។
លោកបានពន្យល់ថា នៅពេលដែលអ្នកប្រើប្រាស់ដាក់ Mode «Do Not Disturb While Driving» មានន័យថា ពួកគេកំពុងបើកបរ ដូច្នេះរាល់សារ ឬ Notifications ដូចជា Update Games ឬសារផ្សេងៗ មិនបង្ហាញលើអេក្រង់នោះឡើយ។ បន្ថែមពីលើនេះ អ្នកអាចរៀបចំសារស្វ័យប្រវត្តិមួយដើម្បីបញ្ជាក់ប្រាប់អ្នកដែលភ្ជាប់ទំនាក់ទំនងថា អ្នកនឹងទាក់ទងទៅពួកគេវិញនៅពេលដែលអ្នកឈប់បើកបរ ប៉ុន្តែអ្នកក៏អាចជ្រើសរើសទំនាក់ទំនងសំខាន់ណាមួយដោយអនុញ្ញាតឲ្យពួកគេផ្ញើសារទៅដល់អ្នកនៅពេលបើកបរបានផងដែរ។
មន្ត្រី Apple បានអះអាងថា នេះជាដំណាក់កាលដ៏សំខាន់ក្នុងការពង្រឹងសុវត្ថិភាពនៅក្នុងរថយន្ត។ នៅសហរដ្ឋអាមេរិក យ៉ាងហោចណាស់មាន៤៦រដ្ឋ បានហាមឃាត់ការផ្ញើសារផ្សេងៗនៅពេលបើកបរ ប៉ុន្តែនៅតែមានមនុស្សបំពាន។
របាយការណ៍នៅសហរដ្ឋអាមេរិក បានឲ្យដឹងថា មនុស្ស៣៤៧៧នាក់បានស្លាប់ និង៣៩១ ០០០នាក់រងរបួស ដោយសារតែការបើកបរមិនប្រុងប្រយ័ត្ន កាលពីឆ្នាំ២០១៥។ គ្រោះថ្នាក់ដ៏គួរឲ្យកត់សម្គាល់នោះ ករណីប្រើប្រាស់ស្មាតហ្វូននៅពេលបើកបរ ជាពិសេសនៅពេលឱនឈ្ញោកមើលសារជាដើម៕
លោក Craig Federighi អនុប្រធានជាន់ខ្ពស់ទទួលបន្ទុកផ្នែកវិស្វកម្ម Sofware របស់ Apple បានប្រកាសពីផែនការរបស់ក្រុមហ៊ុនក្នុងការដាក់ដំណើរការ Mode «Do Not Disturb While Driving» ដែលមានន័យថា «កុំរំខាននៅពេលបើកបរ» នាអំឡុងនៃសន្និសីទ Worldwide Developers នៅក្នុងទីក្រុង San Jose រដ្ឋកាលីហ្វនីញ៉ា។
អ្នកជំនាញរបស់ Apple រូបនេះ បានអះអាងថា ក្រុមហ៊ុននឹងដាក់ដំណើរការនៅលើ iPhones និង iPads នៅពេលដែលក្រុមហ៊ុនពង្រីកប្រព័ន្ធប្រតិបត្តិការដល់ iOS11 នារយៈពេលដ៏ខ្លីខាងមុខនេះ។ លោក Federighi បានលើកឡើងថា៖ «លោកនឹងត្រូវការប្រើភ្នែកដោយផ្តោតតែលើផ្លូវ។ នៅពេលដែលលោកអ្នកបើកបរ លោកអ្នកមិនត្រូវការឆ្លើយតបសារណាមួយនោះឡើយ»។
លោកបានពន្យល់ថា នៅពេលដែលអ្នកប្រើប្រាស់ដាក់ Mode «Do Not Disturb While Driving» មានន័យថា ពួកគេកំពុងបើកបរ ដូច្នេះរាល់សារ ឬ Notifications ដូចជា Update Games ឬសារផ្សេងៗ មិនបង្ហាញលើអេក្រង់នោះឡើយ។ បន្ថែមពីលើនេះ អ្នកអាចរៀបចំសារស្វ័យប្រវត្តិមួយដើម្បីបញ្ជាក់ប្រាប់អ្នកដែលភ្ជាប់ទំនាក់ទំនងថា អ្នកនឹងទាក់ទងទៅពួកគេវិញនៅពេលដែលអ្នកឈប់បើកបរ ប៉ុន្តែអ្នកក៏អាចជ្រើសរើសទំនាក់ទំនងសំខាន់ណាមួយដោយអនុញ្ញាតឲ្យពួកគេផ្ញើសារទៅដល់អ្នកនៅពេលបើកបរបានផងដែរ។
មន្ត្រី Apple បានអះអាងថា នេះជាដំណាក់កាលដ៏សំខាន់ក្នុងការពង្រឹងសុវត្ថិភាពនៅក្នុងរថយន្ត។ នៅសហរដ្ឋអាមេរិក យ៉ាងហោចណាស់មាន៤៦រដ្ឋ បានហាមឃាត់ការផ្ញើសារផ្សេងៗនៅពេលបើកបរ ប៉ុន្តែនៅតែមានមនុស្សបំពាន។
របាយការណ៍នៅសហរដ្ឋអាមេរិក បានឲ្យដឹងថា មនុស្ស៣៤៧៧នាក់បានស្លាប់ និង៣៩១ ០០០នាក់រងរបួស ដោយសារតែការបើកបរមិនប្រុងប្រយ័ត្ន កាលពីឆ្នាំ២០១៥។ គ្រោះថ្នាក់ដ៏គួរឲ្យកត់សម្គាល់នោះ ករណីប្រើប្រាស់ស្មាតហ្វូននៅពេលបើកបរ ជាពិសេសនៅពេលឱនឈ្ញោកមើលសារជាដើម៕
Tag:
Apple
© រក្សាសិទ្ធិដោយ thmeythmey.com
