ជាតិ
គ.ជ.ប ចារបដិសេធបណ្តឹងនានារបស់ CNRP ដែលផុតកាលកំណត់ច្បាប់ លោក ស៊ិក ប៊ុនហុក ប្រធាន គ.ជ.ប
× ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) បានបដិសេធបណ្តឹងគណបក្សសង្គ្រោះជាតិចំនួន១៤ ចុះអង្កេតលើ១បណ្តឹង និងធ្វើលិខិតជូនដំណឹង១បណ្តឹង។ នេះបើតាមសេចក្តីជូនដំណឹងរបស់ គ.ជ.ប កាលពីថ្ងៃទី១៥ ខែមិថុនា។
ក្នុងចំណោមបណ្តឹងសរុបទាំង១៦ គណបក្សសង្គ្រោះជាតិ បានប្តឹង១២ករណីដើម្បីឲ្យមានការរាប់សន្លឹកឆ្នោតឡើងវិញនៅការិយាល័យមួយចំនួនក្នុងខេត្តកោះកុង ព្រៃវែង ស្ទឹងត្រែង បាត់ដំបង ប៉ៃលិន និងព្រះវិហារ។ បណ្តឹង២ផ្សេងទៀត គឺបណ្តឹងព្រហ្មទណ្ឌនៅខេត្តកណ្តាល។ ក្រៅពីចារបដិសេធ១៤ បណ្តឹង គ.ជ.ប សម្រេចចុះអង្កេត១បណ្តឹង និងធ្វើលិខិតជូនដំណឹងចំនួន១បណ្តឹង។
គ.ជ.ប បានលើកហេតុផលក្នុងសេចក្តីប្រកាសព័ត៌មាន យ៉ាងដូច្នេះថា៖«បណ្តឹងទាំងអស់ខាងលើ ដែលគ.ជ.ប សម្រេចចារបដិសេធ ដោយសារតែបណ្តឹងទាំងនោះ ផ្លោះសិទ្ធិនៃការប្តឹង [ ផុតកាលកំណត់របស់ច្បាប់] »។
សូមបញ្ជាក់ថា គ.ជ.ប បានរាប់សន្លឹកឆ្នោតឡើងវិញ នៅតាមការិយាល័យមួយចំនួន ក្នុងខេត្តចំនួន៣រួចមកហើយ ដែលប្តឹងដោយគណបក្សប្រជាជនកម្ពុជានិងគណបក្សសង្គ្រោះជាតិ។ ខេត្តទាំង៣ ដែលគ.ជ.ប បានរាប់សន្លឹកឆ្នោតឡើងវិញ រួមមាន ខេត្តស្វាយរៀង [ក្នុងឃុំដួង] ខេត្តកំពង់ធំ [ក្នុងឃុំក្លែង] និង ខេត្តបាត់ដំបង [ក្នុងឃុំបឹងប្រាំ]៕
Tag:
បោះឆ្នោតឃុំ-សង្កាត់
បណ្តឹង
CNRP
រាប់សន្លឹកឆ្នោតឡើងវិញ
© រក្សាសិទ្ធិដោយ thmeythmey.com